教育王國

標題: 如果兒子中一拍緊拖? [打印本頁]

作者: liujason71 時間: 11-11-16 23:04 標題: 如果兒子中一拍緊拖?

有無家長的兒女初中拍緊拖?

如果本人兒子現讀中一拍緊拖, 應否阻止?

始終覺得太早

作者: lauerica 時間: 11-11-16 23:10

比我實阻止，影響學業。

作者: 五歲仔 時間: 11-11-17 10:28

原帖由 lauerica 於 11-11-16 23:10 發表
比我實阻止，影響學業。

最擔心係攪出人命(i.e.有左), 又或者係衰"11", 但又怕處理得唔好會令佢地受到傷害, 我讀書的年代, 另一間學校有一對小情侶, 因為被雙方家長阻止拍拖, 結果佢地攬住一齊跳樓, 唉!

作者: senpei 時間: 11-11-17 11:55

唉! 初中問題一係學業, 一係拍拖, 一係打機, 做父母, 當然想d仔女, 心無雜念, 專心讀書.

作者: ANChan59 時間: 11-11-17 15:38

If we put ourself on his shoes, what do we do? How about us at his age?

It's a good opportunity to talk about realtionship, sex education, legal issues, proiority........ If I were you, I will think positive, maintain the relationship and we still have the chance ot influence instead of forcing him out of our influence......

作者: ALAL 時間: 11-11-18 08:50

帕拖不可以話STOP就STOP,不然好影響親子關係.
但我相信中一媽媽應該重有影響力.

如果仔真是好堅持,為有用ANCHAN 方法.

講到自己好似專家禁,其實只是紙上談兵,大家交流下拉.

原帖由 ANChan59 於 11-11-17 15:38 發表
If we put ourself on his shoes, what do we do? How about us at his age?

It's a good opportunity to talk about realtionship, sex education, legal issues, proiority........ If I were you, I will think ...

[ 本帖最後由 ALAL 於 11-11-18 09:16 編輯 ]

作者: creativy45c 時間: 11-11-19 09:22

我覺得細路仔如果已經開始咗拍拖做父母嘅只可以用接受嘅態度（接受唔等如鼓勵），因為你反對嘅話只會令佢有咩都唔同你講，大家嘅關係只會越走越遠。
你要叫佢帶個朋友仔返黎屋企食吓飯，大家認識吓，一來你可以知道個女仔係咩性格，二來亞仔覺得你係企喺佢果邊，第時有咩事都會同你分享，萬一情海返波時你都可以用過來人的心態去幫佢，而唔駛佢一個心智未成熟嘅少年孤獨咁去面對吖！
努力面對吧！

作者: kenfu 時間: 11-11-19 11:09

提示: 作者被禁止或刪除內容自動屏蔽

作者: talknwrite 時間: 11-11-19 22:48

中一開始結交異性,
自然定律是剛剛好,
社會定律就太過早.

棒打鴛鴦係行唔通. 愛情一定比親情大.

不如找機會通知對方家長, 叫佢地向你個仔定下要求, 要佢將會成為富翁才好找佢地個女. 等佢發奮做人.

作者: ALAL 時間: 11-11-20 19:50

原帖由 talknwrite 於 11-11-19 22:48 發表
中一開始結交異性,
自然定律是剛剛好,
社會定律就太過早.

棒打鴛鴦係行唔通. 愛情一定比親情大.

不如找機會通知對方家長, 叫佢地向你個仔定下要求, 要佢將會成為富翁才好找佢地個女. 等佢發奮做人. ...

作者: liujason71 時間: 11-11-27 04:36

差唔多每個星期六日都會出街的，問佢去邊度，佢多數都話同朋友行街。

平日聽佢講電話都知他是跟女仔談話的。

是否應做點什麼？

作者: awah112 時間: 11-11-27 13:12

提示: 作者被禁止或刪除內容自動屏蔽

作者: phoebepanpan 時間: 11-11-27 18:51

以前讀書拍拖d 細路個look 都是曳仔曳女，
但近年薯仔薯女也拍拖，是否我地已跟不上潮流？
我仔小六，佢有女同學一日到黑update fb 全是情情愛愛，女仔真係早熟好多

作者: Ahling2004 時間: 11-11-29 09:28

我個仔F3已膽粗粗學人拍拖, 不過被學校發現後經勸告已散左. 但係我都係覺的佢地會偷偷來往, 成日找借口出街. 依家的細路受人影響好大, 人有佢亦有. 扮哂大人話咩有感覺,知道自已做緊咩, 明白後果...... 我地真係比佢吹脹, 我地唔係擔心佢拖下人的手仔, 而係搞出人命, 到底佢知唔知事態嚴重性????

作者: ling0928 時間: 11-11-29 17:23

我個仔今年中一, 在學校有2個女仔同時都喜歡他 (一個小學同學, 一個同班), 我是偷看他的訊息才知道, 當初知道后很嬲的, 但我不能給他知道我看過他的電話訊息, 唯有留意他的日常動靜; 基本上平時他放學后直接反補習社會 (會在補習衽給我報到的及我通常留意他給我電話時間); 不知是否他開始覺得很煩, 因其中一個時常發訊息給他, 令他覺得很煩了; 另一個性格比較剛烈; 最后, 我的仔仔跟我說, 女仔真係好煩哦 !! 我直情心裡開心哂 !

作者: moyan 時間: 11-11-30 01:01 標題: 回復 13# phoebepanpan 的帖子

我仔的女舊同學一樣, 睇見就眼怨!!!

我見到有女仔11-12歲一入中學就拍拖, 成日喺fb寫d情情愛愛野, 驚死冇人知佢有bf.:;pppp:

作者: TwoBabies 時間: 11-11-30 10:53

現時D細路太早熟了!

作者: Sherryko9 時間: 11-12-1 15:14 標題: 回復 5# ANChan59 的帖子

老實答,如果真係要站在仔女角度來看,又以自己當年來諗,我真係唔明白!想當年,真係無諗過求(中)學時拍拖,我地都做過人地仔女,由細自大,阿媽教落,唔好求學拍拖,一定有影响學業,起碼都考入大學,人成熟了,時間多了!才會想男女仔事情,唉!所以話啦!如果要企在他她們位置,點企呀?自己當年都知利弊,邊有可能同一時間做甘多野!

作者: Sherryko9 時間: 11-12-1 15:28

我而家用緊D好衰方法教導囡囡,話:你諗,出街吓吓AA制,飲支汽水都要兩份分

,如果果日口渴D都唔得,嗱!同阿媽出街就唔同,又去据扒,包你消費

幾好!
另一方面我又話:做女仔唔好太貪心,小心被人賣落火炕,你諗吓,得果十0廿歲,邊得來搵甘多錢比你駛呢?點都唔夠阿媽搵得多,都係阿媽好!

唉!真係好予盾,自己講緊果時都覺得"自相予盾"!

跟住又會讚吓爸爸好:媽咪和爸爸都係好大先識拍拖,打好經濟先有今日日子比你,阿囡!

作者: sukkiu 時間: 11-12-1 17:40

我都好驚個囡拍拖,重要攪大個肚,唯有不停同佢講,佢唔鐘意做家務,如果細個拍拖大肚結婚就讀唔到書,學歷低人工少.無錢請工人,我係靠嚇.
其實試過一次佢照顧D堂細佬食飯,佢話好麻煩,又借機講,我都好衰.

作者: Sherryko9 時間: 11-12-2 09:38 標題: 回復 20# sukkiu 的帖子

無法啦!為人父母,特別係囡,唔驚就假.我地果套好似好貪務虛榮,但直接得來夠現實,當然都要提佢地世上無不勞而獲事情,邊有甘大隻甲甲隨街跳,除非果個係阿媽(即是我地),報章上有物新聞,我都會攞比佢睇.
雖然學識高唔代表搵工好或$多,但現在她他們還少,講太深奧佢地都唔明,體會唔到,惟有深入淺出,我和囡囡講,讀得書多唔代表甚麼,但起碼選擇多和工作可以輕鬆些,看看爸爸和媽咪,咪係証明.
呢個時代,小朋友好似好早熟,但實則仍幼稚,父母可以做到的,就是提點再提點!!!

作者: miss_leung 時間: 11-12-2 12:13 標題: 回復 3# Sherryko9 的帖子

最緊要同丫囡關係搞得好,等佢當你好似FRIEND咁咩都傾,就算佢真係拍拖,佢到時都會同你講丫MA,最怕就係收埋收埋,出左事就最驚...

作者: minijelly 時間: 11-12-5 11:02 標題: 回復 21# Sherryko9 的帖子

HAHA~~我都係同你用同一方法向亞囡打毒針,遲d打算帶佢去cool牙,等佢個樣再衰d

作者: ALAL 時間: 11-12-5 15:20

原帖由 minijelly 於 11-12-5 11:02 發表
HAHA~~我都係同你用同一方法向亞囡打毒針,遲d打算帶佢去cool牙,等佢個樣再衰d

作者: babaNmama 時間: 11-12-5 17:34 標題: 回復 1# ALAL 的帖子

I don't think that is a good way to prevent their dating.
This way will make them lost self- confident!

作者: Sherryko9 時間: 11-12-6 09:53

唔駛甘認真,睇得出係自娛講笑傘!邊有父母想自己仔女"樣衰"呢!只有希望佢地樣正身材好!智慧高品格好....

原帖由 babaNmama 於 11-12-5 17:34 發表
I don't think that is a good way to prevent their dating.
This way will make them lost self- confident!

作者: miss_leung 時間: 11-12-6 15:52 標題: 回復 1# Sherryko9 的帖子

依位家長就講得冇錯喇...

作者: Ahling2004 時間: 11-12-7 09:18

太快早熟了, 攬攬鍚鍚唔通真係咁小事, 但大人真係接受唔到羅. 拍拖真係會影響到好多野, 試問有幾多個細路咁把持的定. 但我們又阻唔到佢, 利與幣己講了, 後果又講左. 試問又咩方法?

作者: WCM 時間: 11-12-13 19:15

囡囡中三, 但最近發現她和一個BAND 3的男仔拍拖, 據知之前這個男仔是和人打過架, 現在已沒有, 他不是囡囡的同學, 不知她在那兒識到這個男仔.
之前她也有一個男仔, 這個男仔我也知道的, 他是一個讀書不差, 人也不錯, 當時對她說, 他們還小, 不要太早, 讀書為重, 當時她說知道, 及說和他協議, 保持這份感情, 到大學才正式拍拖, 現在要在讀書爭取好成績入大學, 聽到她這樣說很放心.
知道她和那個BAND 3 男仔一起後, 沒有和她嘈, 只是在她面前說識到不好的男孩的壞處, 有什麼不好後果, 她說知啦! 不會和這些人來往及拍拖.
現在發現她還是和那個BAND 3仔一起, 及說話很粗俗及很大聲話, 她開始知道媽發現了, 便開始將所有手機電話資料及SMS 刪除, 及告知其他人媽已發現, 問怎樣好, 其實是否應是媽媽問怎樣好????
如和她嘈, 一定反面, 她一定否認及說會和他分手, 然後她一定將所有的嘢收得更密, 便媽更無再知到她的事.
好煩及擔心, 現在她正在考試, 不想影響她成績, 每天都在忍.
請問有沒有辦法可以勸她, 請幫忙.

作者: Sherryko9 時間: 11-12-15 15:04 標題: 回復 29# WCM 的帖子

好明白作為媽咪你的感受,就因為係囡,起碼担心多1倍,就算今日可以硬來,但又制止得幾耐呢?唉!我都想知有無過來人可以講吓經歷,唔係殺到買身都唔知點處理!我真係唔明時下小朋友點解可以視"粗口"如無物,係FB係甘講講講....我極度憎人講"粗口",除非工作環境影响,例如地盤...,又唔係無讀過書,講粗口好勁咩?又唔見D時下青年講吓流利英文,淨識講廣東話粗口,同地盤佬又物分別(對唔住!因為呢個名稱係容易令人理解D,無心踩地盤工人).
我都覺得硬來只會令她反感,又要扮唔知,但又担心,呢種心情絕對理解得到.囡囡有無怕邊個?例如爸爸,如果有的話最好,由那個人平心靜氣和她分析利害,不過比著我,真係平心唔到靜氣呵!給你打氣!

作者: presents 時間: 11-12-15 17:16

提示: 作者被禁止或刪除內容自動屏蔽

作者: ken17085 時間: 11-12-15 20:04

如果成績好既,禁就冇咩問題既

歡迎光臨教育王國 (/)