教育王國
標題: 民生INTERVIEW [打印本頁]
作者: wing_tsangky 時間: 11-11-13 15:36 標題: 民生INTERVIEW
尋日終於面試左....
[ 本帖最後由 wing_tsangky 於 11-11-13 23:38 編輯 ]
作者: Aamf 時間: 11-11-14 06:55
可唔可以分享下呢？ thanks
作者: wing_tsangky 時間: 11-11-14 13:43
問紅黃藍綠
砌PUZZLE
問A-Z
問家長
對怪物家長有咩睇法?
平時邊個湊??/
去邊到玩多?
圖書時間
一齊睇圖書
媽媽做個小手工!!整個盒..
放2個波入去
排隊放學...
走人...
作者: catthien 時間: 11-11-17 14:14 標題: 回復 1# wing_tsangky 的帖子
提示: 作者被禁止或刪除 內容自動屏蔽
作者: wing_tsangky 時間: 11-11-17 15:10
怪獸家長至真。真係幾難答~~~~又唔知老師想要d咩!原帖由 catthien 於 11-11-17 14:14 發表 
嘩...問怪物家長題目應該要點答?? 仔仔星期六in, 唔知佢到時表現點, 好緊張
作者: WBB 時間: 11-11-20 00:57
今天IN完,對此校印象分真係一般,D老師冇笑容,冇咩耐性,問問題技巧都唔似Professional嘅老師,好hea....
講故事技巧又差....我相信我地呢d mama都講得好過老師......
作者: licpd 時間: 11-11-20 07:37
totally 同意，估不到差成这样，我女闷到想走
作者: janetpluto 時間: 11-11-29 11:33
民生的老師仲好冇愛心. 我個仔星期六去面試, 去到學校門口話要去wee wee, 我於是問門口個老師可唔可以俾我同阿仔入去wee wee. 佢話唔得, 叫我去公厕. 我於是再同佢講我係嚟面試, 去完厕所會出番嚟. 佢依然話唔得, 話入面正在面試. 有冇攪錯, 咁大間學校的老師咁冇同情心. 真係收咗都唔讀!!!!!
作者: wing_tsangky 時間: 11-11-29 19:33
I am the first round interview，is very good n nice。have baby want to go toilet when she interview。someone want to go before，the teacher also said not yet start，u can go，and ask me go toilet too！
作者: eebabyma 時間: 11-11-29 23:36 標題: 回復 8# janetpluto 的帖子
面試當日見民生的廁所在課室內，咁如果入面真是interview緊，又真是會騷擾到架喎！老師reject你，我個人覺得唔過份。
作者: renielo 時間: 11-11-30 11:57
d老師真係慘, 要見成千個人, 將個故事講成千次, 仲邊有中氣同心情講, 點笑得出呀, 包容吓啦, interview所見同真正返學係兩回事!
作者: janetpluto 時間: 11-11-30 16:25
老實講, 我就見唔到有厕所係我阿仔面試的課室law. 我相信不會所有厕所都係課室入面. 嗰日我見到有些“童軍學生”係度on duty，其實可以搵“童軍學生”帶我們去厕所未得law，不需要煩倒老師．
除咗我有咁的經歷, 我見到另一家長同老師講,話想入去學校裹面喂奶, 個老師都叫佢去公園喂. 個家長話我的老婆同大女會入去面試, 現在剛剛是細女食奶的時間, 所以先想係入面喂奶. 個老師都係嗰句,叫佢去公園喂. 個老師有冇諗過個家長要行十幾級樓梯先到公園, 而個家長要攞住部bb車. 究竟個老師有冇愛心, 間學校咁大, 其實只需要俾個家長係學校入面門口附近喂奶未得law.
一句講哂， 嗰個老師好冇愛心同埋不懂應變．．．．
作者: eebabyma 時間: 11-11-30 16:40
原帖由 janetpluto 於 11-11-30 16:25 發表
老實講, 我就見唔到有厕所係我阿仔面試的課室law. 我相信不會所有厕所都係課室入面. 嗰日我見到有些“童軍學生”係度on duty，其實可以搵“童軍學生”帶我們去厕所未得law，不需要煩倒老師．
除咗我有咁的經歷, 我見到另一 ...
又幾好笑喎, 間學校大就都可以有自己的規距呀, 阿A要入去借地方餵奶, 阿B要入去借廁所, 阿C要入去借地方換片, 阿D要入去買支水, 咁學校咪好多閒集人? 門口個老師唔俾, 又係人地唔識變通, 無愛心, 我想講, 愛心唔係咁用囉, 唔怪得學校要問吓我地咩叫怪獸家長.:;pppp:
作者: janetpluto 時間: 11-11-30 16:59
我諗任何一個人見到小朋友想去厕所，都會俾佢去． 見到個家長要喂奶，都會主動讓個位俾佢坐，喂奶． 我們不是路人甲，我們是將會入去面試小孩的家長， 同埋呢間學校係俾２個家長一齊人去面試， 咁為什麼不作出一些彈性，俾我阿仔入去ｗｅｅ ｗｅｅ 先呢， 同埋俾嗰個家長入去喂奶． 正如你係mtr讓位一樣， 係出於愛心．
我有些疑問， 你是否做咗做咗人父母， 咁冇愛心． 你好似好鍾意呢間學校，咁希望你入到同埋唔好遇到我的情況ｌａ
作者: eebabyma 時間: 11-11-30 17:13 標題: 回復 14# janetpluto 的帖子
係呀, 我係好想仔仔入到呀, 我侄仔讀緊, 佢一家對MS評價好好, 我去IN 果日仲比你好彩見到好NICE的老師.
我坐MTR都會讓位, 見到要幫的人我都會主動幫, 但我會明白同體諒人地都有難處, 唔係唔答應自己要求就話人唔HELPFUL, 我教我小朋友都係咁.
作者: cwymama 時間: 11-11-30 21:43
原帖由 janetpluto 於 11-11-29 11:33 發表
民生的老師仲好冇愛心. 我個仔星期六去面試, 去到學校門口話要去wee wee, 我於是問門口個老師可唔可以俾我同阿仔入去wee wee. 佢話唔得, 叫我去公厕. 我於是再同佢講我係嚟面試, 去完厕所會出番嚟. 佢依然話唔得, 話 ...
作者: wing_tsangky 時間: 11-11-30 22:59
個人感覺：明知面試應該做好準備！包括食野，訓覺同去廁所，因為佢分左面試區域，其他地方有學生用緊，都會影響人地，咁唔係咁好，至於餵奶，係咪早少少餵都唔得，係老師角度會係家長不能分配時間，作出好的安排。
作者: 恩林 時間: 11-11-30 23:50 標題: 回復 12# janetpluto 的帖子
如果乜都冇準備就去in, 咁不如一路in 一路開餐la~~
唔好話民生la, 我諗冇一間學校會buy你la...
其實d位新手樓主係咪好喜歡民生, 特登入黎唱反??
等自己嘅機會大d~??!
你去人家屋企, 主人家唔俾你去主人房廁所, 咁又話人冇品?? 自私??
你懂得什麼是規矩, 規則麻??
學校問"對怪獸家長的睇法"真係100% right~!! 
[ 本帖最後由 恩林 於 11-11-30 23:52 編輯 ]
作者: letea 時間: 11-12-1 11:33
公園距離學校好近，既然可以由屋企黎到學校，又有bb車，行多兩分鐘去公園又有咩問題?
況且，帶着小bb亦唔會同唔應該入班房陪interview，咁你唔係interview，又係學校等咩?
學校有學校管理的一套規則，即使我地家長拖住着校服既小朋友返學校，無帶學生證就要登記先可以入學校，無得話你有眼睇到我拖住着你校服既小朋友都要登記，好唔會變通啫!
或者，呢d係各人價值觀既問題，都係果句，各取所要，唔啱就唔好讀。
作者: sherry_wong 時間: 11-12-1 13:59
個公園係馬路對面, 唔駛行樓梯, 唔係講緊九龍仔公園, 個度亦有洗手間, 我覺得個老師個要求好正常, 到妳個小朋友係到讀, 妳又可能覺得點解間學校俾咁多閒人入黎咁唔安全
有時做人真係唔好咁自我, 可能你覺得學校冇人情味, 但係係社會到好多時人地都冇義務遷就你, 自己亦要諗下點去解決問題, 好多香港人宜家慣左埋怨人, 今年我係BK亦都見到好多呢類人, 上年d家長好多都互相鼓勵, 今年就....唉
作者: 上等人 時間: 11-12-5 01:43 標題: 回復 17# catthien 的帖子
點解無問我怪獸家長問題?
作者: 藤媽 時間: 11-12-5 09:46
原帖由 上等人 於 2011-12-5 01:43 發表
點解無問我怪獸家長問題?
老師都冇問我喔~
反而問我平時同藤仔講中文定係英文... 平時邊個湊呢D問題問左好耐...
等我仲岩岩係學校門口見識完怪獸家長諗住大把野講添！
作者: viandes 時間: 11-12-5 23:42
原帖由 sherry_wong 於 11-12-1 13:59 發表
個公園係馬路對面, 唔駛行樓梯, 唔係講緊九龍仔公園, 個度亦有洗手間, 我覺得個老師個要求好正常, 到妳個小朋友係到讀, 妳又可能覺得點解間學校俾咁多閒人入黎咁唔安全
有時做人真係唔好咁自我, 可能你覺得學校冇人 ...
無錯！每間學校都會有佢自己所行嘅一套，如果家長覺得唔舒服，咁就唔好比自己仔女去讀啦，短則3年幼稚園生活，長則15年幼、小、中學生活，所有嘢都要學校及家長配合！民生幼稚園已唔係一所傳統教學模式嘅幼稚園，家長要用好多時間去同學生做功課、project等等！
祝大家好運！！
作者: JoSon0709 時間: 11-12-7 17:08
Agree, 民生幼稚園是一間好講求家校合作的學校，家長是真的需要比很多時間，心機去同小朋友做功課、project等等，仲有配合學校活動。如怪獸家長真的需要好好考慮適合or not?
作者: tsobaba 時間: 11-12-8 23:33
完全同意你的比喻，如果下年真係收咗佢小朋友，又如果d老師下年真係放咗d人入學校weewee同食奶，佢都應該會投訴學校放咗d人入嚟，影響學習環境同保安，it is really the example of a monster.
原帖由 恩林 於 11-11-30 23:50 發表
如果乜都冇準備就去in, 咁不如一路in 一路開餐la~~
唔好話民生la, 我諗冇一間學校會buy你la...
其實d位新手樓主係咪好喜歡民生, 特登入黎唱反??
等自己嘅機會大d~??!
你去人家屋企, 主人家唔俾你去主人房廁所, 咁 ...
作者: 路人甲2012 時間: 11-12-19 00:39
Totally agree eebabyma 及wing_tsangky, 間學校 D 老師其實超有愛心, 環境又好, 又唔商業化, 我小朋友讀左3年喇, 一句講晒, 成幾千人面試, 間學校太多人面試, 每一個團體機構都有自己規模, 何況係正進行緊嚴肅活動, 如果個個當時都有求必應, 我唸間學校要請多幾十個工作人員先得, 大家真係要體諒, 換轉你係校長, 你會點處理 ? 個個都話有原因, 比得一個, 第2個又要比, 唔比又比人插, 嘩 ... 唔係 ma !!!! 老實講, 個個入到去都唔出黎多, 間學校咁靚, 個個都想參觀吓啦, 你試吓去吓其他幾千人面試 D 學校, 情況都係咁上下, 比你就好彩, 唔比係道理 ..... 你地明白 ma ! 如果去 D 得果百幾人報名 D 幼稚園, 我相信一定冇呢個問題, 仲檔你貴賓, 仲驚你唔讀 wor !
| 歡迎光臨 教育王國 (/) |
Powered by Discuz! X1.5 |