教育王國

標題: 請指教,關於鋼琴老師 [打印本頁]

作者: BonnieSuen 時間: 11-11-11 17:17 標題: 請指教,關於鋼琴老師

阿女係樓下琴行學琴都有一年多,今年四歲幾,因為本身學琴個老師只有星期六下年才可上堂,但阿哥要學英文,難以帶阿女繼續到樓下學,唯有找朋友介紹到栢X琴行找某老師學,但今日上完第一堂,就話阿女好多嘢唔掂,唔似學咗年多,依家學的琴普太難,要我重新買個基礎書比佢重頭學起.....
吓!好down,因為佢本身學個老師話佢OK,又係週年表演比佢表演,竟然依家話要佢重新學過音符...
我應該找其他方法繼續比佢摟下學,還是比新老師重新打底呢?

作者: miss321 時間: 11-11-11 23:47

先了解咩原因從頭學起。係咪唔識睇譜? 通常4-5歲學琴睇譜係慢D，同埋佢地好依賴睇手指或者成首歌背左就唔使睇譜。
可能過去一年，可能你小朋友都係用背的方式去彈琴，所以睇譜真係要由頭學起。我都教過不少轉過來的年幼學生都有這種情況。

作者: BonnieSuen 時間: 11-11-12 22:38

我諗係用背的方式去彈琴,重頭開頭會浪費時間?

作者: miss321 時間: 11-11-12 23:57

絕對唔會! 應該係話之前舊老師一直沒有糾正小朋友背彈琴問題才是浪費時間。如果唔識睇譜係學唔上的，初級歌仔易背，但一難D就唔得，所以好多睇譜好差的學生學左幾年都係1,2級。難得新老師睇得出小朋友問題，你應放手俾老師教好，方法正確的話，打好底子，學上去就得心應手。

作者: ilovethiscow 時間: 11-11-13 00:54

提示: 作者被禁止或刪除內容自動屏蔽

作者: Joyce.Wong 時間: 11-11-14 00:20

考琴有Sight Reading的部份，即是小朋友即埸彈一首陌生的歌，目的是測試他們睇譜的能力。如果不懂得睇譜，那一部份會不合格的。

小朋友年紀小，又要睇譜又要控制小手指，是難免感到力不從心。你可以每天叫她在五線譜上畫圓圈，首先知道有五條線，跟住有Space同Line，跟住再同佢講ABCDEFG音，應該一至兩個月就練熟。至於睇拍子，一二級來來去去都係一拍、兩拍、三拍、四拍、半拍、四分一拍、休息，應該講幾次會明。當她掌握這些基本，覺得睇譜原來吾難，就會開始睇。如果要提升她的睇譜能力，就必須練習，可以請琴老師每堂給她一首 Sight Reading Exercise，慢慢就會好的了。

原帖由 ilovethiscow 於 11-11-13 00:54 發表
學睇譜係重要的~~~~

除左音符

仲有作曲家想表達的心意及思想都寫在譜上~

作者: ilovethiscow 時間: 11-11-14 00:51 標題: 回覆 6# Joyce.Wong 的文章

提示: 作者被禁止或刪除內容自動屏蔽

作者: Joyce.Wong 時間: 11-11-14 09:57

我覺得佢個 case 有啲吾同，佢小朋友年紀小，也不清楚她點解吾睇譜，係懶惰、吾鐿意，定吾明白。要攪清楚最好都係在吾彈琴慨時間在大大的五線譜畫多一點。家怡的老師給她雪條棍砌不同的拍子，買了一塊十二蚊膠板，放一張超大的五線譜在裏面，家怡得閒就攞出來畫同砌，冇壓力的，效果幾好。

我細個時，老師會買一本 Sight Reading Exercise 比我，每個 Exercise 只有兩行，一本有幾十個，我每天都會練完 Scale，跟住彈歌仔，跟住做一個 Sight Reading Exercise。不過吾知點解新一代吾做呢？可能係睇譜勁過上一代？定話冇時間？http://forum.edu-kingdom.com/images/smilies/default/bb38.gif

原帖由 ilovethiscow 於 11-11-14 00:51 發表
sight reading 不用好刻意去練...

多玩不同的樂譜就可以了~

作者: lillymarie 時間: 11-11-14 10:14

原帖由 BonnieSuen 於 11-11-12 22:38 發表
我諗係用背的方式去彈琴,重頭開頭會浪費時間?

我大囝考完三級得distinction, 但新老師仍要佢繼續學三級，因為佢手形問題令到音色唔夠好。細囝本已考了二級，年頭轉新老師時因為姿勢問題竟要重頭由初級學起！但不用担心浪費時間的，我細囝大半年已追回進度，準備明年頭考三級啦！學琴基本功很重要的呀！

作者: lillymarie 時間: 11-11-14 10:17

原帖由 Joyce.Wong 於 11-11-14 09:57 發表
我覺得佢個 case 有啲吾同，佢小朋友年紀小，也不清楚她點解吾睇譜，係懶惰、吾鐿意，定吾明白。要攪清楚最好都係在吾彈琴慨時間在大大的五線譜畫多一點。家怡的老師給她雪條棍砌不同的拍子，買了一塊十二蚊膠板，放一張超大的五 ...

家怡老師的方法很好呀！

作者: hyatt 時間: 11-11-14 10:49

我都覺得打好根基好重要，我自己又唔趕時間，亞囝考完三級老師都唔會特別俾d難的歌佢彈，都係彈番d咁上下的歌，我覺得幾好丫，等佢個base做好d。其實只要小朋友有興趣，自己彈下d未教的歌，sight reading都唔會差的。

作者: bebebe12345 時間: 11-11-14 11:07

學和玩樂器的人或多時sight reading都是最大弱點,接觸樂曲範圍太窄使然。

歡迎光臨教育王國 (/)