教育王國

標題: 無錯，填鴨式背書同練習係無用的 [打印本頁]

作者: IntotheSea 時間: 11-11-9 17:36 標題: 無錯，填鴨式背書同練習係無用的

唔好以為做得多練習多就一定識，我既經驗話俾我聽係錯既。
小女小四，一直補緊英文，但不嬲都發覺佢只會做一d寫既練習，我問過阿女話次次都係不斷比文法同句式佢做，仲有係咁俾字佢記。因為都補左幾年，以前見佢做練習做得多，日積月累，都有慢慢進步，校內成績唔錯。但係自從上年就俾其他同學追上，阿女而家又停滯不前。而家次次叫佢做都發我脾氣，係度話「又做呢d，好悶呀」「又記咁多生字」。
我而家先發覺，填鴨式背書同練習真係無用的，同自己買書係屋企做無分別，點解我仲要比咁多錢間野賺？重覆學習同靠記憶考試，對腦筋思考同真實運用無幫助，靠死做。
為左唔好被功課嚇怕阿女，我決定及早收手。

作者: motherotk 時間: 11-11-9 17:48

"填鴨式背書同練習真係無用的，同自己買書係屋企做無分別，點解我仲要比咁多錢間野賺？"

I choose the exercise myself, better than the tutors.

sometimes the tutoring distorted the learning..., but sometimes parents are busy and lack of resources, then tutoring is a way to support kid, it is an alternative way to choose.

原帖由 IntotheSea 於 11-11-9 17:36 發表
唔好以為做得多練習多就一定識，我既經驗話俾我聽係錯既。
小女小四，一直補緊英文，但不嬲都發覺佢只會做一d寫既練習，我問過阿女話次次都係不斷比文法同句式佢做，仲有係咁俾字佢記。因為都補左幾年，以前見佢做練習做得多，日積 ...

[ 本帖最後由 motherotk 於 11-11-9 17:50 編輯 ]

作者: moonychan 時間: 11-11-9 18:52

YES, 我除左數學響出面學之外, 其他都自己教.

因為我深信, 教識佢捉魚, 遠比就咁喂佢食魚有益.

大家加油.

作者: 最愛 時間: 11-11-11 10:46

唔知呢…我係我教唔到佢先出去學
但係同意上邊講「教識佢捉魚, 遠比就咁喂佢食魚有益.」

作者: PhiloSophie 時間: 11-11-14 21:14

我諗我知你係邊間。簡補習其實都要好小心，細個補習唔同中學補習，中學公開試就話做past paper姐，細細個真係唔好俾佢因為係咁做練習咁對一個學教無左興趣

作者: singmumm 時間: 11-11-16 05:49

提示: 作者被禁止或刪除內容自動屏蔽

作者: opriority 時間: 11-11-18 12:24

無錯…學咩都係唔應該死做，死做只會令到你對果個教既興趣減低同唔能夠進一步學習。特別是學英文，好多人都唔明一個道理就係：語言最緊要係溝通，我指係用口講
講講我以前既經歷：我中小學時有普通話學，但一直都係教拼音多，死記拼音就可以高分。最後有親test個個都9X分但我得3X分，我都諗過係咪我衰過其他人差人好多。不過可能我多返大陸同親戚講普通話，我既普通話oral水平比同年級既人好好多。而家我見唔少大陸客同佢地都對答有餘，但係我既進步完全唔關學校既「字面考核」事。
而家我個仔P2學緊ABC既cambridge english我都叫佢講同聽先係最重要，所以一直教到佢oral卷都攞最高分，唔好俾平日既字面考核限死左自己

歡迎光臨教育王國 (/)