教育王國

標題: 女仔六年級想拍拖 [打印本頁]

作者: VV媽 時間: 11-11-7 11:14 標題: 女仔六年級想拍拖

見佢facebook有男仔追佢,有sms個男仔

你地會點做??

請教各位

作者: hohei9898 時間: 11-11-7 11:25

提示: 作者被禁止或刪除內容自動屏蔽

作者: Wendy212 時間: 11-11-7 12:35

扮唔知, 多D同佢講唔好咁細個拍拖, 一拍拖就會讀唔到書架喇! 希望佢識分輕重. 仲有, 可以同佢講, 呢D只係PUPPY LOVE, 會有結果, 既然無結果就唔好浪費時間.
haha... 我時時都係咁同我仔講.
我仔六年級嗰時, 有一對同學真係拍拖, 比老師發現, 見埋家長, 都拆散唔到呢對小情侶. 最後兩個升中派位都唔好.

作者: TwoBabies 時間: 11-11-7 14:45

扮唔知,慢慢同佢傾心事,希望佢會自己講出來,同埋要教佢保護自己.

作者: VV媽 時間: 11-11-7 14:48

佢地暫時只係sms吓,沒有出街,最多係試過一班人去過一次街

我都知唔可以直接阻止佢,依家唸緊點同佢講

好唔好打比佢亞媽呢? (因佢地是幼稚園同學,都算識佢亞媽)

作者: housedaddy 時間: 11-11-7 17:18

快刀斬亂麻，及早扼殺在搖籃中，否則後果不堪設想，打比佢亞媽，商討下D對策，知己知彼百戰百勝。

作者: lauerica 時間: 11-11-7 20:06

唔建議扮唔知，唔好以為扮唔知可以解決到問題，一定要比個女知道唔可以咁早同男仔拍拖，而家就話一班人去街，唔制止佢遲早2個出街，到出事果時睇下重有冇得扮唔知，其實一早應該限制佢，係飛屎卜可以做既事，還好而家未出事，快的開心見誠同個女講，免得日後後悔。

作者: cherryeung2002 時間: 11-11-8 04:03 標題: 回覆 1# VV媽的文章

感受到你擔心，知道你怕女女被人騙，年少無知做錯了事。不知該如何問她。

希望下面的意見可作參考：

可以先分清是男方單戀，還是女女出有意思。

態度方面，宜亦師亦友。

我其中一個學生在facebook上說有男友，她家人用嚴厲的方式處理，於是，女女表現服從，但原來她開了另一賬戶，也刪除了歷程紀錄。結果少了一個關心她近況的途徑。

現在的孩子很聰明，他們想要做的事一定可做到，如不睡也要偷偷打機。

多從孩子的角度入手，因勢利導。如先談及自己少女時的心事，如：媽媽年少時也有一些男孩喜歡，但婆婆一定不批准拍拖，媽媽只好等待合適時間,有人愛的感覺是很好的，但如何知道一個人是不是相處得來，是否適合自己，需要時間証明。媽媽小時喜歡的男孩，在我長大時發覺他們真是不太適合。哈哈，原來之前覺得靚仔的，還有一些更好的，就像你爸爸一樣。

好壞的男孩也很多，如果媽媽年少時拍了拖，就局限了自己的選擇，現在，媽媽有很多男女性朋友，在適當的時候，我選了你爸爸，生下了你。

女兒，你認不認識你自己？你知道自己是哪一種人？這對認識什麼人最適合你有好處。

在你還在媽媽身邊時，我很想珍惜跟你相處的時間，認識你更多，成為你的好朋友。

媽媽少時也欣賞了很多男女孩，如xx姨姨，xx叔叔。你有沒有欣賞你的同學？

如怕尷尬，可寫一封情信給女女。

這年紀個小朋友很想有人認同。尤其一些父母不太跟小朋友溝通，一味打罵，在家中搵不到認同，只好在外找認同。

如果女女也對男孩有意思，便可能她想從外得認同了。

另外，多與她分享不同新聞，也跟她分享同居男女，未婚懷孕，墮胎等新聞，與她討論。直接告訴她媽媽愛她，不想她受傷害。

以上的意見是綜合本人的教學經驗,希望能略盡綿力幫肋人,歡迎轉載,請註明出處,本文是本人親手打字的,不要抄襲.希望多與大家交流,對小朋友有學習或心理方面有疑問,歡迎公開詢問或pm(發短訊)

作者: ah-ho 時間: 11-11-8 09:37 標題: 回覆 8# cherryeung2002 的文章

講得好好，我最近睇緊本教育既書，入面都提過外國既少男少女過早有拍拖、性、懷孕等問題，其實根源在於小朋友係屋企找不到真正的關心，結果要出去搵。

所謂真正的關心，唔係純粹我地家長好緊張學業、小朋友各類生活既關心，而係真真正正無條件的關愛。

而所謂真真正正無條件的關愛，又是指無論你個仔女做乜都好，你都會真心的讚賞他們。引用書中既例子，是比如打一場球賽，他們輸掉了，但是並沒有因輸波而責罵，相反仲獎所有隊員食雪榚。
同樣地，學業上如果測驗考試失手，都應該同樣的真心欣賞他們所作的努力，而不是黑起塊面責備。

我讚成以關愛既心去跟小朋友溝通，仲有就係等佢係家中都完全的感到安全感及有親愛，甘佢地就會較易接受我地既意見。親子關系係溝通中最重要既：

規矩 - 親子關系 = 反抗
規矩 + 親子關系 = 嚮應

以高壓手法應該都係行唔通，回想自己做學生年代，有好多人同學都受父母的壓力，但其實最後佢地都會堅持係埋一齊，而小朋友最後分開都唔會因為父母的高壓。

作者: TwoBabies 時間: 11-11-8 14:57

Thank you for your sharing!

作者: IntotheSea 時間: 11-11-9 15:22

首先，唔好覺得細個拍拖係一件錯事黎既先，如果唔係你唔會諗到一個真正對佢好既方法，因為佢只會覺得你罰佢，唔俾佢做，佢會憎你。
如果係我，我會：
先同阿女做好朋友，傾多d心事，等佢親自同你講，你又了解下個男仔咩家伙。而你要抱住開放的態度，唔好一黎就stop佢，你要同佢講拍拖唔係問題，但而家讀書係最重要，最緊要分得清楚。同埋教佢千萬唔好有性行為／更進一步既行動，必要時要識say NO。如果佢自認係好鐘意佢，不妨俾佢試下戀愛既感覺，但之後你要不時作朋友式跟進。

如上說，我知道你怕女女被人騙，年少無知做錯了事。但唔好總係覺得拍拖係錯事，拍拖都可以有互相鼓勵既作用，灌輸正確愛情觀先係家長既工作。不論以後被感情所傷，都係一種經驗，以後佢有咩都會同你講。

作者: VV媽 時間: 11-11-9 20:55

謝謝各位..

我昨日已寫了信給囡囡,同佢講有人追,當然開心,
但人分好壞 ,交住不緊要 ,但進一步就要想清楚...

佢都好似明錦...

希望如此

作者: Bert 時間: 11-11-10 00:28

你個女在男女校或是女校讀書??????????

原帖由 VV媽 於 11-11-9 20:55 發表
謝謝各位..

我昨日已寫了信給囡囡,同佢講有人追,當然開心,
但人分好壞 ,交住不緊要 ,但進一步就要想清楚...

佢都好似明錦...

希望如此

作者: VV媽 時間: 11-11-10 10:35

男女校

原帖由 Bert 於 11-11-10 00:28 發表
你個女在男女校或是女校讀書??????????

作者: TwoBabies 時間: 11-11-10 11:36

VV媽:

好開始,最緊要同囡囡坦誠溝通!

歡迎光臨教育王國 (/)