教育王國

標題: 終於過了依個痛苦既一星期, 然後又係慢慢等待受死 [打印本頁]

作者: 萬樂豬 時間: 11-11-5 21:58 標題: 終於過了依個痛苦既一星期, 然後又係慢慢等待受死

好不容易捱過了這個星期, TT, KV, KM, YORK, ST.CAT........

每一次面試前都緊張都瞓唔著, 又怕唔知醒, 因多數八點幾九點就 IN .... 真係個幾日好難捱, 唔識普通話, 係屋企傻婆咁練咁背........

諗番起真係好傻.....香港....點解咁樣迫家長同小朋友呢...........有時諗下...係咪自己過於緊張呢......

好嘞過完依痛苦既一星期, 又面臨等待既一個月........RESULT 都要一個月........個心不停回顧番面試既情況, 唉~~日日睇信箱, 好想有下亞囝既信, 好同唔好都想有野收下.........

原來真係擔心過自己見工囉....囉囉攣既心情真係令人討厭.........

希望時間快過 D 啦...........唔想等..

作者: gskw 時間: 11-11-5 22:02 標題: 回覆 1# 萬樂豬的文章

Like! 絕對同意！

作者: CacaBebe_C6 時間: 11-11-5 22:22

Absolutely agree!!!!

作者: MicFred 時間: 11-11-5 22:33

所以,我很欣賞幾間只係須等2至3日就通知結果,其中, 又一村, 粉嶺呂明才,寶血, 都值得讚賞. 呂明才還每位小朋友送一份大大盒玩具, 真意外! 佢地好重本!我個仔收到好開心.

作者: fatty64 時間: 11-11-5 22:37

SN都好快, IN完好似都冇一星期就收到結果了~

好有同感呀...你寫得好O岩, 我都唔明點解自己報成10幾20間... 唉...不過冇計, 呢個社會就係咩都講牌子, 小學會睇你讀咩幼稚園!!!

作者: 萬樂豬 時間: 11-11-5 22:41

係囉, 讀九龍塘, 好似點都會入間好少少既小學咁, 無計啦, 個個咁做, 自己唔做, 好似對唔住個囝咁, 都係想佢好, 有好將來啫......

老公成日話唔好咁緊張, 其實真係好難......我覺得個底打得好, 讀上去都容易 D .....自己唔識教, 唯有出面老師教.....

作者: leungcnine 時間: 11-11-5 22:53

乜原來K1 家長一樣咁緊張... 我係pn 家長, 我自己暫時報左7-8間, in 左四間, 已有一間reject, 但果間係阿囝表現最好的, 咁即係其他都無望... 所以我會繼續報名, 大多都係kln tong 果d, 超多人interview, 競爭超大, 唔知到最後會唔會無間收阿囝

我日日上網搵資料, 超攰.

作者: jonahlee 時間: 11-11-5 22:58

Take it easy. Kinder is just a starting point... a long way to go

作者: LPN 時間: 11-11-5 23:12

好有同感，呢個星期阿B 唔合作，明明識又話唔知，又擰轉面，實唔得。

所以今日番黎再睇下仲有邊間未close，仲想再報。。

同一時間，一向都係c6取信，我連信箱鎖匙都冇，今日去配左兩條，一條自己，一條婆婆，諗住未放工都可以叫婆婆去取信。。

作者: 萬樂豬 時間: 11-11-5 23:19

我都知有三間收, 2 間屋村, 1 間 YORK, 所以都放心 D , 我比左 YORK 留位費了, 如果真係KV, KM個 D 唔得, 便入去讀, 反正佢英文都好好.....

你試下 YORK 吖, 好似無 DEADLINE.......

原帖由 LPN 於 11-11-5 23:12 發表
好有同感，呢個星期阿B 唔合作，明明識又話唔知，又擰轉面，實唔得。

所以今日番黎再睇下仲有邊間未close，仲想再報。。

同一時間，一向都係c6取信，我連信箱鎖匙都冇，今日去配左兩條，一條自己，一條婆婆，諗住未放工都可以叫婆婆去取 ...

作者: fatty64 時間: 11-11-6 00:01

大家加油!!! 真係有排捱~!!

作者: taimun 時間: 11-11-6 00:05 標題: 回覆 8# jonahlee 的文章

好同意, 有時壓力係自己比自己既. 而且好容易傳染比小朋友架, 平常心面對吧!

作者: crm1chm 時間: 11-11-6 00:50

您的世界太小吧？不要只看見這數間幼園，可以有很多選擇！而且您這樣的心情，小朋友一定會感染到

作者: sbux 時間: 11-11-6 01:01

In 我覺得無咩嘢，反而成日上網做電車婆好辛苦，但唔收吓/八吓料又唔得。

作者: josechan 時間: 11-11-6 01:17

媽媽你太緊張喇，你唔調整吓個心態你同你小朋友都會好辛苦，日後重有好長路要行呢！

作者: coeychung0406 時間: 11-11-6 01:41 標題: 回覆 1# 萬樂豬的文章

我同你一樣都有種等死既感覺

作者: Oscar66 時間: 11-11-6 01:43

放鬆啲！完全明白各家長心情，我亦是上年考k1家長，回想比了自己及小朋友無形壓力，一日上午跑3場，結果未如理想，當時只怪自己做唔好，小朋友又唔合作，但其實小朋友已好努力做自己，佢哋咁細，係唔會明白父母心情及為何要做那麼多interview, 但我已覺得所有小朋友都好叻，因為係自己去表現自己人前，試問大人都要well prepare 去見工，那壓力是不能語言，我好感恩有個唔叻但已好努力表現嘅小朋友，上年真的不是有如期結果，但天自有安排，我又再次感恩我小朋友現在好開心返學，祝各位好運！

作者: gskw 時間: 11-11-6 09:11 標題: 回覆 10# 萬樂豬的文章

我同你一樣case!

作者: racleong 時間: 11-11-6 09:42

雖然幫小朋友搵到間好既幼稚園係媽媽既責任, 但小朋友亦要配合到間幼稚園係靠佢自己, 放鬆d... 過多年又再要睇下D小學呢.. ...

作者: cyhh 時間: 11-11-6 10:33

其實無人迫家長，係家長自己迫自己多啲~

作者: rookie_mama 時間: 11-11-6 11:06

媽媽一定要保持正面情緒，小朋友才可以有一個充滿能正量既人生！等待也是一種鍛鍊，大家加油！

原帖由 coeychung0406 於 11-11-6 01:41 發表
我同你一樣都有種等死既感覺

作者: CBabeY 時間: 11-11-6 12:25

其實之前好大壓力，十月見左三間，有1AM1PM offer其實已經感恩，十一月見最出名嘅sc KV and km，sc面試阿仔表現同好多細b一樣，係超唔合作，亦都覺得同預左呢間零希望。當日返屋企唔舒服夜晚仲發燒，打算第二日未退燒就放棄見kv，好彩朝早已無發燒，雖然過程自己同阿仔都唔係做得好好，但自問盡左力，見完有攬下鍚下阿仔讚下佢盡左力，阿仔完來感受到，見完同佢食早餐時，佢無啦啦走到我背面攬住我話攬媽媽，我個心果刻好甜，C6都見到，我地兩個商量左之後，決定既然有一間AM offer，呢幾日見兩間咁出名嘅就算唔收都唔緊要，星期六唔去見劍鳴，因為都預左陪跑，無謂要阿仔再受壓，所以咋日帶左佢去海洋公園玩，俾大人同細路都可以relax下。

作者: 萬樂豬 時間: 11-11-6 13:14

其實囝囝都只係 st.cat 比較差, 其他佢都只係感覺玩.......所以我諗佢無乜壓力吧, km 佢最開心最開心的一間.....玩 d 泡泡波玩到顛左.....

作者: 史科菲 時間: 11-11-6 15:46

原帖由 萬樂豬 於 11-11-5 21:58 發表
好不容易捱過了這個星期, TT, KV, KM, YORK, ST.CAT........

每一次面試前都緊張都瞓唔著, 又怕唔知醒, 因多數八點幾九點就 IN .... 真係個幾日好難捱, 唔識普通話, 係屋企傻婆咁練咁背........

諗番起真係好傻... ...

AGREE ...

我仲要有一間要排OVERNIGHT取表，　因為家中老人家想個小朋友係近屋企的ＰＬＫ讀, 五點細幫手排隊, 真係內疚. 而我的INTERVIEW係12(LH/KM) 同19(HKPS)號仲有, 因為係細B, 如果K1戰敗, 仲要再IN PN ..... 人都巔

好在quit my job, now is short term FTM, no need to apply leave, and more important is I have built stronger relationship with my kid, otherwise, will preform bad if interview without helper

作者: hobby 時間: 11-11-7 09:54

其實大家都唔使太緊張, 或者我一家比較奇怪, 囡囡係0911細b, 有金巴倫, stafford offers 都唔要, haha, 依家決定讀屋企附近間村校, 因為我哋唔想囡囡返半日都要搭校車, 唔想屋企人咁辛苦, 更唔想囡囡成日俾人用來比較 (其實係見到好多讀九龍塘有名kg的朋友, 就唔自己唔同人比, 都俾啲家長用來比較, 又話讀成點, 出面又點點點...咁如果真係介意嗰啲家長,仲更辛苦), 至於將來讀小學, 眼見讀名k的小朋友都不停收reject letters, 係連waiting 都冇, 咁就覺得自己唔駛睇得咁緊張, (阿q 精神), 不如等囡囡咁開開心心返住學先; 我哋仲更阿q咁應為, 如果小朋友係叻, 讀邊間k都一樣, 如果唔叻, 讀間深的只會更辛苦, 始終小朋友仲好細, 我哋會prefer開心學習 (希望唔好覺得我長氣la)

作者: iloveal 時間: 11-11-7 10:02

原帖由 hobby 於 11-11-7 09:54 發表
其實大家都唔使太緊張, 或者我一家比較奇怪, 囡囡係0911細b, 有金巴倫, stafford offers 都唔要, haha, 依家決定讀屋企附近間村校, 因為我哋唔想囡囡返半日都要搭校車, 唔想屋企人咁辛苦, 更唔想囡囡成日俾人用來比 ...

寫得好好! :)

作者: kartimmi 時間: 11-11-7 11:16 標題: 回覆 25# hobby 的文章

Like~~

作者: xiazaimami 時間: 11-11-7 11:23

原帖由 hobby 於 11-11-7 09:54 發表
其實大家都唔使太緊張, 或者我一家比較奇怪, 囡囡係0911細b, 有金巴倫, stafford offers 都唔要, haha, 依家決定讀屋企附近間村校, 因為我哋唔想囡囡返半日都要搭校車, 唔想屋企人咁辛苦, 更唔想囡囡成日俾人用來比 ...

佩服和欣賞你的不隨波逐流

作者: Bear@ding 時間: 11-11-7 11:30

等....
其實我個女都有學校收..
但又去左IN SC同KV...遲D仲會去IN培正。
有時候都覺得自己好似傻左咁...

作者: 小克 時間: 11-11-7 14:05

提示: 作者被禁止或刪除內容自動屏蔽

作者: myn88 時間: 11-11-7 14:31

完全身同感受!!

作者: Enoshma 時間: 11-11-8 09:55

我明你感受，但係呢個世界唔係你想像咁一條龍順利，輕鬆面對啦

作者: jvcfamily 時間: 11-11-8 15:13

hobby寫得好.很認同.
pn 我選擇近屋企的報, 報了5間在區內都比較好的, 結果3間收, 一間waiting, 一間rejected. 我覺得阿仔己經表現得好好. 近近地放學多些時間去完玩, 得閒工人姐姐同佢去圖書館"搬下書",畢竟只是一個2歲多的小孩. 所以除了k1留了位而家讀緊個間外, 只報了5間, ..3間一條龍, 2間自己心儀, 當然都是這forum 內所提及的KG.勁多人申請那些, 所以我以平常心去. 每次去IN 之前同阿仔講會去參觀學校, 和老師傾下計, 之後我地可以同埋Daddy一齊去食cake, 飲果汁同行街街..好好彩, 阿仔過往Interview無試過喊, 發脾氣, 眼訓等,,佢都比較合作..
不過合作唔代表佢表現好好, 有些平時的問題佢平時識答,你以為佢會答, 結果佢無答.. 早幾日去IN 國語老師, 佢一句野都無講, 佢甘搓2隻手, 可能緊張, 哈哈...我笑笑口問佢係咪好緊張, 連老師都問佢, 好彩個老師全程好好笑容同好有耐性.所以我覺得雖然係陪跑多.但阿仔都好努力了, 所以每次IN 完我會讚佢做得好..等佢有些信心.
至於陪跑, 當攞經驗, 我地去見工都唔係次次表現好, 次次成功, 攞完經驗檢討下後下次再做好些. 所以各位Mama 唔好俾自己及BB 甘多壓力.. 他們只是2歲多....的人仔咋..

作者: hobby 時間: 11-11-8 15:36 標題: 回覆 33# jvcfamily 的文章

係呀, 我哋都好平常心, 上個星期六又去咗另外3間interview, 其實都應該係比較易入, 不過結果係, 頭2間阿囡都入去搗亂, 有一間仲0回答, haha, 我哋都冇話佢, 仲同佢係間學校個大playground玩咗好耐, 之後又同佢食tea等佢開心吓; 咁我當然我會吓諗點解一句都唔答呢? 或者係囡囡in到悶, 或者唔鐘意間學校/老師, 又或者我哋諗住已經有offers, 就同囡囡講玩吓, 冇再提佢要點點點la, 不過真係唔緊要, 2歲都未夠, 佢入到去唔喊我已經俾個叻佢, 而且唔會冇書讀, 最緊要係佢開心

作者: heidys 時間: 11-11-8 15:51

大體上我都唔覺痛苦o既, 不過等結果又有d心急. 明知陪跑, 都心存一線希望. 呢個世界係有奇跡架嘛!
次次我都係同阿仔講去搵老師傾計.當玩, 無壓力.
可能因為阿仔未講野, 對佢無期望.

不過都有擔心,佢學講野慢人半年, 勉強入到, 會唔會好挫敗呢?
就將一切交比個天

作者: jvcfamily 時間: 11-11-8 16:48

Yeah, 最緊要佢讀得開心,,佢而家好proud of going to school everyday. 有時樓下遇到一些公公婆婆管理員叔叔等問佢去邊, 佢話"去返學呀".. 返屋企遇到人地問佢去邊黎, 佢又會答,"返學呀"..佢成日話:"mama我聽日要返學呀..." 因為佢話返學好多野玩, 可以畫畫, 唱歌, 揸車車, "sir 滑梯" 食餅餅, 洗手手....等..

希望佢大左都喜歡啦......

作者: chloe1010 時間: 11-11-8 17:28

我自己反而係in果排就好緊張，但in完反而鬆曬，可能我幾阿Q，我覺得收唔收都定左la，唔收既只係代表小朋友同學校無緣！

作者: Fatta 時間: 11-11-8 20:04

恭喜有offer既媽咪，但我真係好失望。幾間都唔收。我覺得佢interview表現真係超好，又一村連最後個條問番老師叫咩名，佢都講得出係陳老師。艾到底會唔會一間offer都無呢，啟思又係問得好深，女都答晒。但都唔收。佢地係咪選地址。我地住新界到底係咩問題?但係我地預左出年搬架。請問得的家長你地係咪住學校附近架？我女幾次interview都答晒所有問題，又好禮貌主動講早晨，走又會拉凳。但係無乜笑容囉，佢好小對住陌生人笑架！艾都唔知點算！！黎緊個d仲多人考。

歡迎光臨教育王國 (/)