教育王國

標題: 唔一定要入名校 [打印本頁]

作者: 3pigmama 時間: 11-11-5 13:22 標題: 唔一定要入名校

我係村校讀書, 冇什麼課外活動, 只係彈琴5級, 會考26分, AL 3 科credit, 入了3大的其中一間的BBA.依家打份工, 都算中上.由讀書到現在.都好勤力.  我的故事可能係好多30歲的父母的故事.

我吾係好叻, 但只係想話:

我們要思考一下, 是否入名校是為了好成績, 好成績是為了找份好工? 找到好工就是人生的意義??

其實吾入名校都可以好成績

但係好成績又未必找到好工

找到"好工"都要捱得好辛苦

捱得好辛苦亦都未必一定人工好

所以可能未必去到最盡.  我反而覺得星期六日一家人去下郊遊, 休息下, 吾好成日去趕上5-6個興趣班仲開心.

我想我最多俾小朋友長期學2樣野.

您想一想, 您為子女努力又努力, 如果仔女變得太現實和太"有目標" (有冇cert ,有冇獎), 人生變了質. 長大後, 會吾會養父母呢?  同埋會吾會去幫人和愛人呢?

[ 本帖最後由 3pigmama 於 11-11-7 23:16 編輯 ]

作者: Tigerprawn 時間: 11-11-5 13:28

just my 2 cents.

A lot of times it really depends on luck, so graduate from famous school does not guarantee anything BUT it may give a slightly higher chance. Also when everything is the same, graduate from famous school may have a bit advantage.

Another thing is we cannot exactly comparing our own case as situation has changed. The same may not apply nowadays any more.

作者: babybear 時間: 11-11-5 13:45

同意唔一定要入名校。
只要入到間學術水平得到大眾認同，校風好，而升中有保障既學校已足夠。

但依家既社會的確比以前變咗好多。以前算高學歷既,可能依家可能只屬搵工既基本入職要求！

[ 本帖最後由 babybear 於 11-11-5 13:57 編輯 ]

作者: redkoni 時間: 11-11-5 13:58

你的苦心可嘉, 可惜是對牛彈琴, 沒有多少人會聽得入耳.

作者: talknwrite 時間: 11-11-5 14:08 標題: 回覆 1# redkoni 的文章

佢題目係 "吾" 一定要入名校.

是好多家長心聲呢!

作者: redkoni 時間: 11-11-5 14:15

原帖由 talknwrite 於 11-11-5 14:08 發表
佢題目係 "吾" 一定要入名校. 是好多家長心聲呢!

咁都俾你兜到, 好嘢!

作者: 長生不老 時間: 11-11-5 14:29

提示: 作者被禁止或刪除內容自動屏蔽

作者: 安兒媽 時間: 11-11-5 14:51

同意唔一定入名校，入好學校便足夠了。
但現今的小學派位制度，純運氣或關係決定一切。幼稚園都會有面試小朋，反而小一無，亂派一通。
作為父母，為小朋友著想，去報考好學校（名校）便變得合理。

作者: Derek_Mum 時間: 11-11-5 14:52

原帖由 redkoni 於 11-11-5 14:15 發表

咁都俾你兜到, 好嘢!

以樓主嘅會考分數嚟睇，佢一定知文言文中，「吾」即我也，佢一早表明心跡，目標清晰，祝佢成功。

作者: Derek_Mum 時間: 11-11-5 14:53

相同內容

[ 本帖最後由 Derek_Mum 於 11-11-5 14:56 編輯 ]

作者: Derek_Mum 時間: 11-11-5 14:54

重複內容

[ 本帖最後由 Derek_Mum 於 11-11-5 14:58 編輯 ]

作者: AQ47 時間: 11-11-5 15:09

知易行難，由你幫仔女報名校一刻開始，你心中已有把尺，有比較，這點好多家長都放唔開。

作者: Bcat 時間: 11-11-5 15:24

提示: 作者被禁止或刪除內容自動屏蔽

作者: Bcat 時間: 11-11-5 15:43

提示: 作者被禁止或刪除內容自動屏蔽

作者: Bcat 時間: 11-11-5 15:44

提示: 作者被禁止或刪除內容自動屏蔽

作者: 莎莎莉莉 時間: 11-11-5 15:52

原帖由 Bcat 於 11-11-5 15:24 發表
樓主, 我的背景也跟你差不多.也是很多30+父母的寫照.

當自己成為父母,一定想比好D自己的仔女,也明白這個所謂好D的學校,可能只是家長一箱情願覺得好,..但"可能好D",總存有"可能"這個希望,這也是所有家長現在的心結.
...

對, 經歷了幫仔仔搵學校呢一役, 我對做人媽咪, 對教育子女, 對教育一個人, 體會了更多!

好的成績, 不是一切
好的性格,. 才是決定性的

我不會說我不找好學校
但我不會跟大隊去報一些人人話好的名校.
我有自己的想法--一間好學校, 係有空間俾我小朋友去思考, 去活出佢豐盛的童年, 學會做一個有自信心的人.

沒有甚麼比較更重要.

不是甚麼漂亮的話, 這其實也是一種人生態度.
有人會終生營營役役於搵錢, 覺得一定要住在某個地方, 得到某些物質, 人生才是豐盛, 才是成功.

但對我來講, 恆有餘力, 我求的只係簡單的生活, 居室不用豪華, 不用有甚麼甚麼, peace of mind才是我追求的. 工作於我而言, 是興趣加糊口, 人工比上不足, 比下有餘就是了. 沒有大志嗎? 對, 我在某些人眼中真的沒有大志. 但我活得快樂. 這也是我對兒子的祝福, 要活得快樂.

作者: per 時間: 11-11-5 15:57

原帖由 Tigerprawn 於 11-11-5 05:28 發表
just my 2 cents.

A lot of times it really depends on luck, so graduate from famous school does not guarantee anything BUT it may give a slightly higher chance. Also when everything is the same, grad ...

Agree x2

LUCK is very important!!

作者: 戀仔狂 時間: 11-11-5 16:00

請問樓主介唔介意講下你間中學係咪地區名校, 係咩banding?
同埋樓主讀書時有冇補習架?

樓主我好羡慕你, 我由細到大都冇學過樂器同補習, 我阿媽就係乜都冇所謂, 唔會幫仔女搵好學校, 求求其其咁讀完書就算, 我讀書時仲要放學做pt賺自己零用, 自己又衰, 上堂淨係識玩啤牌, 又同同學鬥書包輕, 日日唔帶書.....我讀o個間中學冇一個人會考超過20分......能原校直升f.6既人10個都唔夠......
目前為止, 我都仲係咁兜踎......

到我個仔啦...
區內好既小學(村校), 我呢d冇宗教冇世襲既又唔夠分同人爭, 我又怕佢行返我條舊路, 好彩直資名校唔駛跟地區, 仲要係一條龍唔洗煩, 有機會就梗係考架啦, 又好好彩入到, 阿仔大個係點我唔知, 小朋友既將來冇人會預計到, 如果我知既我就去出運程書啦, 小朋友係點, 係睇家長點教, 應該同學校冇咩關係, 我教我仔都係咁, 做人要有責任, 自己衰就唔好賴人~~~

坦白講我唔覺得名校好現實, 阿仔間學校既老師都好有愛心, 校工ee都好nice, 仲有係大部份名校都係基督教, 有宗教堂, 基督係導人向善...........

阿仔長大後, 會唔會養我我真係唔知, 但我可以好肯定家下既我冇能力養我既父母....

我唔會叫人追求名校, 但至小我會建議做父母既應該幫仔女搵一間好既學校, 而好既學校都可以係村校!!!

而係我住呢一區, band 1英中就係村校!

作者: 無氣同你講 時間: 11-11-5 16:05

原帖由 戀仔狂 於 11-11-5 08:00 發表
請問樓主介唔介意講下你間中學係咪地區名校, 係咩banding?
同埋樓主讀書時有冇補習架?

樓主我好羡慕你, 我由細到大都冇學過樂器同補習, 我阿媽就係乜都冇所謂, 唔會幫仔女搵好學校, 求求其其咁讀完書就算, 我讀書時 ...

你得唔到既，你個仔已經幫你贏返。所以人生係公平既，人人都有一套理論，ＷＯＲＫ唔ＷＯＲＫ就要睇造化，但係只有ＷＯＲＫ既先會被認同。

作者: 無氣同你講 時間: 11-11-5 16:14

邊個唔識講做人最緊要快樂？
理論就好ＷＯＲＫ，但係真相係，你之所以有快樂，係因為有運，又或者係前世修來的福。

比如講，口口聲聲話好快樂既人，如果突然間，你最愛既人離開左你，你既錢冇曬，頭頭碰著黑，唔係一日，係長期。。。，咁。。。你仲夠唔夠胆話你好快樂。

所以，到今日都冇人夠胆話有方程式去得到快樂，只可以以知足去容易Ｄ感受到快樂。

所以世人都係盡力試緊唔同既方法去得到快樂。冇人可以大大聲話邊個一定岩或唔岩，因為大家既際遇都唔同，就算表面同，細節都唔一定一樣，咁又點可以比較？

[ 本帖最後由無氣同你講於 11-11-5 08:15 編輯 ]

作者: kc_01k 時間: 11-11-5 18:46

但而家同以前唔同喇, 以前讀到中五畢業, 可能都可以好易搵份白領, 而家隨街都係大學生.......

作者: 3pigmama 時間: 11-11-5 18:54

其實香港30+的父母真係好辛苦. 我去interview學校, 見父母真係盡力.

大家都好辛苦幫仔女找學校, 有時可以鬆一鬆, 思考一下, 係咪一定要入到名校呢?如果真係考唔到, 亦唔係意味小朋友日後不能有好成績. 我見好多村校其實都有人入到大學

我有個朋友係Cambridge 的Master, 其實小學都係村校, 中學係Band 1村校, 唔係名校, 真人真事. 當然 ,他都好努力,同埋會考成績好我好多.唔係我果間中學.
至於出來工作他們又係另一個世界.
我唔係要求我個小朋友要入名校, 或者Cambridge, 只係覺得小朋友的個人努力好重要. 不只是指讀書方面.品格,價值觀, 人生追求什麼都要自己努力.

我中學係Band 2, 70%人冇14分, 我有1科上現x 教育summer course . 但當時(20年前)幫助唔大, 因為同學校教的差唔多; 冇其他啦. 因為學校有2/3老師都教得好好. 同埋我天天都花4小時溫習. 我覺得讀書方法同勤力好仲要.

.

[ 本帖最後由 3pigmama 於 11-11-5 19:14 編輯 ]

作者: 無氣同你講 時間: 11-11-5 19:12

原帖由 3pigmama 於 11-11-5 10:54 發表
其實香港30+的父母真係好辛苦. 我去interview學校, 見父母真係盡力.

大家都好辛苦幫仔女找學校, 有時可以鬆一鬆, 思考一下, 係咪一定要入到名校呢?如果真係考唔到, 亦唔係意味小朋友日後不能有好成績. 我見好多村 ...

你知唔知？而家同２０幾年前好唔同架啦。。。

以前Ｄ父母有幾多識去裁培個細路？有實力咪容易跑出囉。

香港而家已經唔同曬架啦，今日既香港已經唔係以前既香港；今日既世界已經唔係以前既世界，大家都唔好再懷緬過去。

最簡單既例子係，街邊小店已經冇生存空間，昨日香港小店成巷成市，每個人只要肯做，一定有出頭天，今日連報張ＴＥＮＤＥＲ都要識人同有背景。

唔好再用歷史久遠既例子黎比諭今日。

一句講曬：今時唔同往日。

作者: yy0601 時間: 11-11-5 20:02

以前沒有那麽多直資私小，大家都有多些機會讀名校。現在少點資源也覺得對不住自己的小朋友，世界是不同了。
我覺得用從前的方法教育小孩，是不合時而，但入名校也不是唯一的出路，我想因材施教，找一間合適的學校較重要。希望家長們不要因為進不到名校就好像世界末日，還有很多的選擇！

作者: 長生不老 時間: 11-11-5 20:34

提示: 作者被禁止或刪除內容自動屏蔽

作者: 無氣同你講 時間: 11-11-5 21:23

原帖由 長生不老 於 11-11-5 12:34 發表
想講, 當一個人畢咗業去一間公司見工, 都要填一份履歷的, 這個人填小學及中學都是名校(可能係喇X ,皇X ,瑪利X ,聖X男女 ,拔X男 ,拔X女 ) 大學個欄無得填 ,因為考唔到 .你估個間公司老板會點睇你呢? 又或者自己都覺得 ...

我本來真係唔想講，費時大家愈講愈傷心。

而家講緊咪係個制度有問題囉，咪就係唔知點解果ｄ考唔到大學竟然由喇ｘ，皇ｘ，瑪利ｘ。。。。度畢業？

點解唔繼續學能測驗／升中／會考？

咁咪比返ｄ讀到書又想讀書既一齊去返讀書既地方。

個世界其實真係好取巧架乍，大家睇野都睇得好表面，就算係果ｄ學校出黎考唔到大學，又冇家庭送去外國讀書，見工時可以有大把解釋。

再唔係，睇下自己人緣好唔好，睇下有冇同學仔幫下求返個一官職囉。

係現今社會，好殘酷地証明：人事係好緊要架!

作者: Era 時間: 11-11-5 21:27

我就同意要因才施教囉,真係要好客觀咁去睇下自己既小朋友,究竟係乜野既材料.
勉強去名校,未必有幸福,始終名校係會有較高既程度,教得亦會快d.但係如果有好既料既,入左名校,又的確係可以遇強越強既.
我自己既經驗就係響名校未必係top既人都好,但係出到來,又真係爛船都有幾分釘,響工作上會好有用.當然亦見到有人係冇心向學既,不過真係比較少.
至於出來會做到份乜野工,有冇高人工,有時又真係好講際遇既,唔係一定關讀唔讀名校既事.

作者: 莎莎莉莉 時間: 11-11-6 00:34

原帖由 無氣同你講 於 11-11-5 16:14 發表
邊個唔識講做人最緊要快樂？
理論就好ＷＯＲＫ，但係真相係，你之所以有快樂，係因為有運，又或者係前世修來的福。

比如講，口口聲聲話好快樂既人，如果突然間，你最愛既人離開左你，你既錢冇曬，頭頭碰著黑，唔係一日，係長期。。。，咁。。。你仲夠 ...

是否快樂, 很多時就係一個人的EQ如何.
而EQ, 並不是甚麼, 心理學上, 只係你如何認知一個世界.
同一件事, 有人看成黑, 有人看成白,
於是, 經常看成黑的人, 永遠不會快樂.

這麼年來, 我最慶幸自己可以有一顆把事件往好處看的心.
我自己依家的狀況, 一樣有人覺得我唔得志, 唔夠多錢
但, 我自己看來, 已很感恩於自己的"有"
我最希望, 小朋友可以承繼到呢種思想.

讀書做野邊個無經歷過難關.
我中二英文作文都唔合格, 咪一樣係咁從容去面對
去搵方法解決.

性格, 待人處事態度, 真的最重要.

快樂, 就是由此而來.

某天看一個片集,
有一個人大學畢業, 在某地搵左幅地去耕田,
自給自足. 佢可以講出, 呢個係佢既理想.
記者問佢父母, 有乜反應.
我果刻都會想, 如果果位係我仔, 咁我會點?
我會想, 如果阿仔都清楚自己的諗法係乜野, 係想過簡樸的綠色生活, 我會支持喎 .

仔女出身後, 就係另一個個體, 我地唔可以再下下要把他們好似泥膠咁整到自己啱心水的模樣. 佢地要有空間自己去行自己的路.

無錯, 好似好理論.
但係, 經過呢段日子, 我明白, 只要自己清楚自己的宗旨和原則, 好多野只係事助人為. 好在, 我也不是一個耳仔軟的人, 容易因別人之言而受影響.

作者: 戀仔狂 時間: 11-11-6 00:51

原帖由 無氣同你講 於 11-11-5 16:05 發表

你得唔到既，你個仔已經幫你贏返。所以人生係公平既，人人都有一套理論，ＷＯＲＫ唔ＷＯＲＫ就要睇造化，但係只有ＷＯＲＫ既先會被認同。

呢個唔係輸嬴既問題, 讀名校唔一定叫嬴, 讀唔到唔一定係輸, 我只係想佢讀書讀得開心, 因為名校好有凝聚力, 係會令學生愛學校, 鐘意返學, 暫時黎講我仔讀得好開心, 我唔係要阿仔第時搵好多錢, 我只係想佢擁有條件去選擇佢喜歡既工作, 讀書當然重要, 但快樂既童年+良好既品格更重要

作者: 無氣同你講 時間: 11-11-6 01:17

原帖由 莎莎莉莉 於 11-11-5 16:34 發表

是否快樂, 很多時就係一個人的EQ如何.
而EQ, 並不是甚麼, 心理學上, 只係你如何認知一個世界.
同一件事, 有人看成黑, 有人看成白,
於是, 經常看成黑的人, 永遠不會快樂.

這麼年來, 我最慶幸自己可以有一顆把事 ...

我真係明你講咩架。

我亦知道知足者常樂。

我諗我ＥＱ都算唔錯。

但你冇留意我全部內容，我想表達既係，快樂係要有Ｄ基本原素。每個人需要既野都唔同。

自給自足，好快樂；但如果長期自給唔到，係咪仲快樂？

有丈夫，有仔女，生活簡簡單單到已經好快樂；咁如果全部愛既人都離開曬，係咪仲可以好快樂？

世界上面有種人叫苦命人，果種苦命法係你想像唔到，ＥＱ係呢個時候只係要黎續命。

我相信你係快樂既，因為你其實什麼也不缺，所以你係應該要感恩，因為你之所以能夠快樂，係你有福氣。

[ 本帖最後由無氣同你講於 11-11-5 17:21 編輯 ]

作者: 無氣同你講 時間: 11-11-6 02:52

原帖由 戀仔狂 於 11-11-5 16:51 發表

呢個唔係輸嬴既問題, 讀名校唔一定叫嬴, 讀唔到唔一定係輸, 我只係想佢讀書讀得開心, 因為名校好有凝聚力, 係會令學生愛學校, 鐘意返學, 暫時黎講我仔讀得好開心, 我唔係要阿仔第時搵好多錢, 我只係想佢擁有條件 ...

我講既贏，唔係講名校。係講你既人生裡面終於有漂亮既勝仗。

我有睇你本書架。

作者: 已刪除用戶 時間: 11-11-6 10:35

(唔好意思.. 真係唔認同...)
好多人成日話以前我都點點點... 而家點會同以前一樣?!... 又唔係個個都會好似"你" "以前" 咁好彩, 一條直路... 唔好搵以前, 仲要係廿幾三十年前尼比較..

而家D老師同以前都唔一樣, 而家D老師..... 名校老師的quality"可能"會好D, 教得認真d..

開唔開心就.. 讀村校都唔一定開心.. 而家d村校.. 可能比較多新xx孩子... 小朋友"可能"比較... 奔放d (sorry...)

人人睇法唔同, 算啦..

作者: eugenebb 時間: 11-11-6 14:04

呢輪搵學校日日都有上 BK, 一句講晒就係 d 細路仔既擔子千斤重喇. 係承擔晒父母積落幾十年, 自己未能達到, 未能完成既一些遺憾. 幫佢入到名校唔等如康莊大道的人生, 改寫佢既命運. 在一個優勝劣敗, 差兩分就差幾十名既競爭環境, 唔係適合好多小朋友姐. 起碼唔適合我呢類家長....

作者: 戀仔狂 時間: 11-11-6 16:31

原帖由 無氣同你講 於 11-11-6 02:52 發表

我講既贏，唔係講名校。係講你既人生裡面終於有漂亮既勝仗。

我有睇你本書架。

作者: 3pigmama 時間: 11-11-6 16:36

[ 本帖最後由 3pigmama 於 11-11-6 17:02 編輯 ]

作者: jennycyho 時間: 11-11-6 17:08

I believe the school will chose the right student and train them to excel, but a prestige school only give them a easier path and better "network". Again it all depend on luck whether they could enter to the "right" school and know the right fellow.

作者: 青青河邊草 時間: 11-11-6 17:51

原帖由 戀仔狂 於 11-11-6 00:51 發表

呢個唔係輸嬴既問題, 讀名校唔一定叫嬴, 讀唔到唔一定係輸, 我只係想佢讀書讀得開心, 因為名校好有凝聚力, 係會令學生愛學校, 鐘意返學, 暫時黎講我仔讀得好開心, 我唔係要阿仔第時搵好多錢, 我只係想佢擁有條件 ...

yes!
人生係持久戰
在職場上更發現, 名校根本不是甚麼
工作表現好才代表一切

作者: Parisienne 時間: 11-11-6 19:53

原帖由 戀仔狂 於 11-11-6 00:51 發表

呢個唔係輸嬴既問題, 讀名校唔一定叫嬴, 讀唔到唔一定係輸, 我只係想佢讀書讀得開心, 因為名校好有凝聚力, 係會令學生愛學校, 鐘意返學, 暫時黎講我仔讀得好開心, 我唔係要阿仔第時搵好多錢, 我只係想佢擁有條件 ...

好同意：想孩子有條件去選擇喜歡的工作。
但可惜 : 當孩子擁有條件後，往往卻不知道自已喜歡乜？

好多讀完碩士又博士，然後，感覺好迷失。

如果孩子到咗三十幾歲，嘴邊只會掛住名校個名，那麼，真係勁極有限。就好似一個孭住名牌手袋嘅中女，自我感覺良好。

作者: 無氣同你講 時間: 11-11-6 20:22

原帖由 Parisienne 於 11-11-6 11:53 發表

好同意：想孩子有條件去選擇喜歡的工作。
但可惜 : 當孩子擁有條件後，往往卻不知道自已喜歡乜？

好多讀完碩士又博士，然後，感覺好迷失。

如果孩子到咗三十幾歲，嘴邊只會掛住名校個名，那麼，真係勁極有限。就好似一個孭住名 ...

我都想自我感覺良好。

作者: 戀仔狂 時間: 11-11-6 20:49

原帖由 Parisienne 於 11-11-6 19:53 發表

好同意：想孩子有條件去選擇喜歡的工作。
但可惜 : 當孩子擁有條件後，往往卻不知道自已喜歡乜？

好多讀完碩士又博士，然後，感覺好迷失。

如果孩子到咗三十幾歲，嘴邊只會掛住名校個名，那麼，真係勁極有限。就好似一個孭住名 ...

haha, 同意呀, 如果讀到碩士博士都唔知自己做緊乜既話真係

btw, 我就係o個個好迷失既中女, 不同既係我冇孭住名牌袋啫...........

作者: per 時間: 11-11-6 21:59

原帖由 無氣同你講 於 11-11-5 11:12 發表

你知唔知？而家同２０幾年前好唔同架啦。。。

以前Ｄ父母有幾多識去裁培個細路？有實力咪容易跑出囉。

香港而家已經唔同曬架啦，今日既香港已經唔係以前既香港；今日既世界已經唔係以前既世界，大家都唔好再懷緬過去。

最簡單既 ...

作者: awah112 時間: 11-11-6 22:23

提示: 作者被禁止或刪除內容自動屏蔽

作者: awah112 時間: 11-11-6 22:52

提示: 作者被禁止或刪除內容自動屏蔽

作者: 戀仔狂 時間: 11-11-6 23:17

原帖由 awah112 於 11-11-6 22:23 發表
名校,讀書讀得叻就去讀.
讀名校冇話保證讀完就一定事業有成,人生美好.

完全同意!!

作者: fionacat 時間: 11-11-7 00:13

其實讀名校只係一個迷思啫！

讀名校有乜好處？出名啦、SOCIAL CLASS一般而言好D啦、學校歷史悠久，有傳統屬於自己嘅文化啦......至於學術係咪好好，唔一定，因為以公開考試成績而言，全港考得最好果間並非「傳統名校」，只係「地區名校」。

係咪出身自名校搵工一定著數D？如果以一個中學畢業生比較，可能會；但如果以大學畢業嘅比較，咁就未必有分別。即係話，其實一個老闆最緊要睇個應徵者係邊間大學畢業，佢好少會睇佢邊間中學畢業。

所以，入唔到「名校」其實唔緊要，最緊要係小朋友讀得開心，對學習有興趣、有動機，咁佢就有機會出人頭地。始終，所有香港學生都有一張共同成績表----公開考試。

入到名校固然錦上添花，但入唔到都可能只係塞翁失馬，就算此想法阿Q一D都係咁話。

「沒有最好的學校，只有最適合的學校」！

作者: FiFi618 時間: 11-11-7 01:14

入到名校固然錦上添花，但入唔到都可能只係塞翁失馬，就算此想法阿Q一D都係咁話。
「沒有最好的學校，只有最適合的學校」！

好同意!!

每個父母都愛護子女,但最終名校學位有限.入唔到亦不一定等於能力有問題,我認為教育是長途賽.只要不氣餒用心教導孩子,終會有很多選擇.
重要是過多的壓力是很難有開心親密的關系,盡量取之平衡.
香港的教育環境對小朋友實在很大壓力,感覺要不受影響實在不容易,讀深一級,考試高一級,樂器幾級,週末功課8樣以上,課外活動6~7樣,還要參加比賽...
本人為亞囝報考4間小學好像給人覺得我這個媽媽不夠盡責,人家考幼稚園都十幾間啦...但我就是有我的執著.
對於一個要上班的父母真不容易,只能盡力而為了.
我仍有小小堅持星期日只返主日及與家人到處玩玩.人生實在有很多東西都同樣重要!加油各位Dad & Ma

作者: 長生不老 時間: 11-11-7 01:29

提示: 作者被禁止或刪除內容自動屏蔽

作者: HaYi 時間: 11-11-7 09:24

我同意實際上小朋友不一定要入"一級名校", 因為不是人人都可以因此些的校譽或教育方法而得益.

但相信現實D, 在此的每一位家長都希望小朋友入"一定程度"的名校, 因為起碼家長理念相近, 同學質素相似. 名校所以成為名校亦是因為有績可循, 家長少了估估下的煩惱. 起碼很多名校有舊生實際分/印象分已是名校最有用的資產.

以自己以前的學習環境同工作際遇同現在小朋友要面對的相比亦不太現實. 以前我們只要考到家附近的地區名校, 不需要多付車費, 父母可能已滿意. 現在交通便利了, 路程的考慮不太重要, 學校的選擇亦多了, 有直資有私立, 影響 (不只是小學, 更可能是連中學) 亦大了. 父母小朋友面對的是全港性的學校, 選擇亦更難了.

我自己想法是, 今次自己的小朋友考不到自己心目中的名校, 除了接受面試各方面不可自控的外來因素外, 亦要坦然接受自己的小朋友在某一方面可能真的不及人, 例如表達能力同自控能力, 此是今次面試階段之後最需要加快改善的.

作者: KK07 時間: 11-11-7 14:32

樓主,其實我都幾同意你的觀點,不過,可能我比你老,所以睇到你把'唔',寫成'吾',覺得真係唔順眼,這個字把你的標題原意倒轉過來,變成'我一定要入名校!' 你可否改正一下?

對唔住, 我呢D固執,可能係好多60後既寫照!

作者: 橫風王道 時間: 11-11-7 14:36

唔好咁固執啦，有 d 輸入法係冇個唔字既，大家明樓主想講乜就得啦，不過咁岩有文言文食字食到應姐，幾攪笑，冇乜野。

P.S. 我都係 60 後。

原帖由 KK07 於 11-11-7 14:32 發表
樓主,其實我都幾同意你的觀點,不過,可能我比你老,所以睇到你把'唔',寫成'吾',覺得真係唔順眼,這個字把你的標題原意倒轉過來,變成'我一定要入名校!' 你可否改正一下?

對唔住, 我呢D固執,可能係好多60後既寫照!:nothi ...

作者: cherubic 時間: 11-11-7 15:03

「沒有最好的學校，只有最適合的學校」！

Entirely agree.

Few days ago, my son asked me which primary school in Hong Kong is the best. I carefully asked him why he wanted to know. He said some other children discussed this issue in the playground. I then told him there is no definite answer. A school is good or not depends on (1) whether you are happy in the school; (2) whether you enjoy the school life; (3) whether you can learn something at the school. If the answer to all questions is positive, then you are studying in a good school. He is satisfied that he is now in the best school, in his point of view.

作者: 莎莎莉莉 時間: 11-11-7 22:08

原帖由 fionacat 於 11-11-7 00:13 發表
係咪出身自名校搵工一定著數D？如果以一個中學畢業生比較，可能會；但如果以大學畢業嘅比較，咁就未必有分別。即係話，其實一個老闆最緊要睇個應徵者係邊間大學畢業，佢好少會睇佢邊間中學畢業。

對! 以前請人, 我只會看佢係邊間大學畢業, 讀乜, 大學同公開試成績, 反而真係唔會睇佢邊間中學.

最近同事講起, 以前傾向請三大, 依家發覺, 唔少城大, 浸大, 嶺南的同事反而仲醒目一點. 當然, 唔可以以偏概全, 但係, 說明做野, 工作能力, 社交能力和EQ比甚麼都重要.

以前試過有個女拔加中大的女仔入來, 因為覺得自己機會無另一個同期嶺大女仔咁好, 辭職走, 走時仲話佢上司偏心....事實係, 佢既表現根本唔及嶺大果位咁好, 仲要抹黑自己位上司, 呢D, 你咪話係名校畢業囉....

作者: 3pigmama 時間: 11-11-7 23:25

同意.

讀書最重要係要學習思考方法, 溝通能力, 品格培養和學習如何去"學習".

工作根本係睇表現, 從來都冇人留意大家以前讀邊間中小學.

要入一間公司亦只係睇大學同碩士成績, 以及專業牌照.

原帖由 莎莎莉莉 於 11-11-7 22:08 發表

對! 以前請人, 我只會看佢係邊間大學畢業, 讀乜, 大學同公開試成績, 反而真係唔會睇佢邊間中學.

最近同事講起, 以前傾向請三大, 依家發覺, 唔少城大, 浸大, 嶺南的同事反而仲醒目一點. 當然, 唔可以以偏概全, 但 ...

作者: Pertra 時間: 11-11-8 19:04

提示: 作者被禁止或刪除內容自動屏蔽

作者: Babu0710 時間: 11-11-8 19:21

其實大家可放鬆一點，亦不要覺得名校是非入不可，自己只要用心培養子女，發揮佢地長處，諗諗考多幾間學校，學校自然會找適合自己的學生，到時才思考邊間合適自己！勉強冇幸福！

作者: talknwrite 時間: 11-11-9 00:02

都無謂多說, 唔一定入名校, 就係人都知, 跟本無得'一定', 事關唔到自己話事, 唔通入唔倒就唔讀書咩!只是.....入倒就最好啦咁解!

作者: 無氣同你講 時間: 11-11-9 10:04

原帖由 talknwrite 於 11-11-8 16:02 發表
都無謂多說, 唔一定入名校, 就係人都知, 跟本無得'一定', 事關唔到自己話事, 唔通入唔倒就唔讀書咩!只是.....入倒就最好啦咁解!

哈哈.....AGREE。

講黎講去老實講，唔一定入名校其實唔係一個決家而係一個自我安慰。

入到，唔通唔讀咩？

作者: TOKIN 時間: 11-11-9 11:59

原帖由 FiFi618 於 11-11-7 01:14 發表
入到名校固然錦上添花，但入唔到都可能只係塞翁失馬，就算此想法阿Q一D都係咁話。
「沒有最好的學校，只有最適合的學校」！

好同意!! 每個父母都愛護子女,但最終名校學位有限.入唔到亦不一定等於能力有問題 ...

agree x 2 !

我上年都係幫亞女報左四間小學咁大把, 估唔到有人同我一樣咁勇 !
四間都唔覺易, 當中有得有失.

而家真係今時唔同往日, 因有直資出現, 又一條龍, 而且遊戲規則亦唔同; 有好多學校, 報小一都要住址証明, 又要 portfolio, 領洗紙,  .....那又怎可叫我地家長們不要緊張呢 ?
那個 x 拔校長只講風涼話 !

好多時都比 d 無仔女的朋友話洗唔洗呀 ?!  我只能暗自話, 睇下第日到你時, 或會瘋過我 !

我地做的只能盡力去參與 !

作者: TOKIN 時間: 11-11-9 12:01

原帖由 talknwrite 於 11-11-9 00:02 發表
都無謂多說, 唔一定入名校, 就係人都知, 跟本無得'一定', 事關唔到自己話事, 唔通入唔倒就唔讀書咩!只是.....入倒就最好啦咁解!

agree x 2

作者: evasoeeyy 時間: 11-11-9 12:02

不一定要入名校, 最好要一間有學習氣紛, 校風良好, 但普遍出名的小學, 中學都有這種環境氣紛,

如果是普通津校, 她們收生會來自不同背景, 學生的程度等等, 有時會影響課堂學習氣紛和秩序, 朋輩的影響都好重要,

作者: twobirds 時間: 11-11-9 12:36

我覺得政府的"直資學校"政策係一個失敗之作. 多數人失去了平等起步的機會, 不過標簽效應已經產生, 爭入名校或較出名的學校似是無法避免.

作者: palmchristy 時間: 11-11-9 13:07

好同意唔一定需要入名校.

但由於30年前的我們要面對今天的挑戰, 而今天的孩子卻要預備30年後的挑戰, 所以最好幫孩入讀一間有以下特點的學校:

- 適合孩子程度
- 令孩子讀得開心
- 功課唔太多
- 校風良好
- 可以幫助孩子打好學術根基
- 學校有一定要求, 有一些特色
- 升中派位有一定保證

只不過符合以上條件的大多都是名校...

作者: ysnmama 時間: 11-11-9 13:16

不一定要入名校. 因為不一定可以入.

但有機會入. 又入不入呢?

作者: Homade 時間: 11-11-9 13:24

其實入乜學校都要較自己努力，名校當然有佢嘅優勢，但唔等於入左去就發大達，所謂一分耕耘，一分收穫。

作者: awah112 時間: 11-11-9 13:31

提示: 作者被禁止或刪除內容自動屏蔽

歡迎光臨教育王國 (/)