教育王國

標題: 有無小朋友投訴午餐好難食? [打印本頁]

作者: catcat0814 時間: 11-11-1 15:43 標題: 有無小朋友投訴午餐好難食?

今年呀仔已經小四,之前三年都係係學校叫飯,但今年轉左新5餐呢間訂餐之後,便主動要求我送飯俾佢食..佢話今年呢間D飯好難食(所以11月開始改左家長送飯)...其他家長有無咁既情況?D小朋友有無覺得唔好食?

作者: BLouie 時間: 11-11-2 13:18

我聽過幾個高年級家長講小朋友投訴今年飯商好難食, 現改自行帶飯, 而我問過囡囡(小一)和幾位同級同學無投訴喎反而讚好食.

作者: 嘉理子 時間: 11-11-2 17:00

提示: 作者被禁止或刪除內容自動屏蔽

作者: 星人mama 時間: 11-11-3 09:15

我個女日日食C餐, 佢話淨係C餐好味喎!
有紙同膠... 等我叫個女留意下先!

作者: 貝拉 時間: 11-11-3 11:10

高年級的同學試過有頭髮, 另試過係一堆菜下面有一把鹽.
上星期有一日, 我做義工順便帶飯比阿囡, 但又唔記得取消個飯, 結果我攞咗返屋企食. 個雞柳炒麵得一條2cm的雞柳同埋2粒細過一毫子的雞粒, 同食淨麵分別唔大, 都幾過份. 我個friend話遲d會同校長反映.

作者: BLouie 時間: 11-11-4 00:28

原帖由貝拉於 11-11-3 11:10 發表
高年級的同學試過有頭髮, 另試過係一堆菜下面有一把鹽.
上星期有一日, 我做義工順便帶飯比阿囡, 但又唔記得取消個飯, 結果我攞咗返屋企食. 個雞柳炒麵得一條2cm的雞柳同埋2粒細過一毫子的雞粒, 同食淨麵分別唔大, ...

嘉理子: 我都有聽聞過, 但唔知真定假.
貝拉 : 聽你講如果係事實飯商真係好有問題喎.

作者: chelleb 時間: 11-11-5 10:58

我個女係一年級學生, 佢話d飯好好食喎! 不過, 佢同我講話想我煮飯斜佢帶喎

作者: SandyCPS 時間: 11-11-9 10:02

我聽過高班家長話呢間唔好，
但阿仔小一，無食過以前既，
佢覺得好食。

但如果有紙有膠就真係離譜，
如果好似食淨面，又係離譜。

作者: HOMAHOMA 時間: 11-11-11 01:27

阿仔小一, 佢話都可以啦, 但又不下一次要求"家人送飯"............我都唔知即係好食定唔好食

作者: catcat0814 時間: 11-11-17 16:01

我見將餐單係三至六年級,所以一至二年級的餐單係同三至六年級唔同既..咁一至二年級應該好食D掛...
雖然家人送飯,呀仔食得好開心,同食晒..(以前學校飯係食少少,回來要吃包,現在回來不需要吃東西了)不過日日咁送,真係好辛苦,間學校太偏,坐車又貴,行去又辛苦,我地無工人,咩都要自己做,不過見送飯時,全部都係D工人姐姐,感覺自己好異類...HAHAHA

作者: 貝拉 時間: 11-11-23 14:32

今天, 我送飯比阿囡, 但又唔記得9點半前取消, 所以帶咗盒飯返屋企食(A餐-茄汁豆甘筍肉粒紅米飯). 我啱啱食完, 今次盒飯都幾好食, 大概有10粒肉粒(合理份量), 同埋個餐盒由兩格改為三格, 即汁連肉, 菜同飯分開, 好食好多, 有改善.

另外, 聽聞高年級昨天試食, 有高年級的學生話今次d飯好食.
我相信飯商接獲好多投訴後, 漸漸有改善.

作者: HOMAHOMA 時間: 11-11-27 02:39

仔仔讀小一, 都係食 order 的午餐, 想請問原來九點半前打電話可取消午餐? 那我是否打去供應商? 謝.

作者: 貝拉 時間: 11-11-28 10:54

係呀! 9點半前打去飯商度話退餐就得架啦! 要講邊間學校, 班別, 號數, 名字同留底電話就得. 飯錢兩個月後先扣數.

作者: HOMAHOMA 時間: 11-11-30 23:55

明白了, 謝謝!

取消了那天, 我照平時"家人送飯"那樣就可以了?

作者: 貝拉 時間: 11-12-2 15:51

取消了那天, 我照平時"家人送飯"那樣就可以了? 是的.

作者: shatinbetty 時間: 12-6-26 06:20

有....但因為冇時間送飯俾佢...唯有照食

作者: qkhui 時間: 12-11-20 12:34

我家姐妹妹是讀小一的. 我只知有幾次小朋友帶回來的生果是發"毛" 及爛的. 巳跟老師投訴, 希望有改善,

歡迎光臨教育王國 (/)