教育王國

標題: 誠心請教：如小朋友受谷，是否應該揀傳統學校？ [打印本頁]

作者: ahnew 時間: 11-10-27 19:22 標題: 誠心請教：如小朋友受谷，是否應該揀傳統學校？

受谷就要谷？諗極都唔明....
我小朋友有記性，好奇心重，算受教，老師覺得佢受谷，但慢熱，固執。
現時k2，想諗清楚應該一條心入傳統學校（老公想，仲要女校）定係直資+活動教學（如港同），因為目標唔同，呢年要做的事/舖的路都唔同....
有家長可以分享下點揀邊類型學校比小朋友嗎？我唔想考十間八間等有offer再根據名氣/所謂banding再揀。
謝謝！

作者: talknwrite 時間: 11-10-27 20:06

與其說"谷", 不如說每天用多少時間去進行學習活動 (每天部她閱讀中英常識圖書, 與native speaker學聽說純正英語普通話, 學樂器, 學跳舞, 學繪畫, 學游水...) 做這些事算不算是"谷"

好多時唔係你想將來怎樣, 就怎樣去舖條路出來, 其實有成千上萬家長和你舖的路是差不多模樣, 目標也差不多, 你看傳統名女校是多少家長的目標, 你就會知道和你一起舖路的家長有多少, 加上環境變數太大, 除非你有必勝方程式, 最終你都係要報四五間學校等消息.

香港數以萬計的同齡兒童, 聰明受教的小朋友
數以千計, 怎樣在這數以千計能力差不多的小朋中擠進十多廿間名校中.

自然發展? 虎媽戰略? 中間偏左? 中間偏右?
你小朋友實際能力有多少, 外人無法知曉, 只有父母最清楚, 怕就怕在父母自己錯誤評估自己子女, 高估了或是低估了也不好.,

教育子女, 總不能有一個"一定", 谷不谷, 怎樣谷, 谷到那裡, 慢慢試探吧.

作者: hialice 時間: 11-10-27 20:08

我覺得要睇下小朋友的性格, 太靜的小朋友去到活潑的學校可能是錯配, 活潑的小朋友去到傳統學校有機會被壓迫得不開心~ 不過個人覺得, (比較有名氣的)傳統學校在學業上/品行上真係有一定的保障。

作者: pandabonita 時間: 11-10-27 20:19

谷傳統學校,應該5會咁易學壞,都係一個好處.

作者: HaYi 時間: 11-10-27 20:42

我覺得其實是如此分

1. 偏向以學習量多, 相對傳統單向性為主,  學術要求高的學校  eg SFA, 油天..

2. 偏向以自我學習, 學術要求高的學校  eg  DBS, YW

3. 偏向以自我學習, 學術要求中高的學校  eg GT, Logos

4. 不首重成績, 以較多課外活動的.. hkuga, ec, 啟思,

如果受谷=聽教聽話,成績可以在重覆學習模式中提升的, , 考慮1 可能較合 .. 但有些小朋友做得多更心散, 比之前更不好, 要考慮另類方式.

作者: 莎莎莉莉 時間: 11-10-27 21:46

香港人, 成日只會往果十幾間的名校貼金, 覺得佢地一定係有乜乜物物做保障, 搞到D家長神經衰弱咁滯.

等下面試結果又話失眠.
揀學校明明遠, 都話因為某間多人爭D, 而寧願遠都要揀果間, 又製造另一個煩擾的機會, 仲要連累埋個小朋友一齊

在這裡, 見盡一眾panic的父母....
真係, 大家有無諗過, 你的壓力, 係自己攞來?

作者: albb 時間: 11-10-27 22:26 標題: 回復 6# 莎莎莉莉的帖子

非常同意

一D收到REJECT信又唔開心, 收到OFFER信既家長又話唔知點揀.... 小朋友根本唔知呢個遊戲係咩黎... 只係家長們令小朋友都有呢份無形壓力. 家長幫小朋友揀既心儀學校(大部份只係家長心儀)真係啱讀嗎? 呢個真係無人知囉. 小朋友條路咁長, 我覺得教好本質都幾重要, 雖然呢個我都係學習中.

作者: Carelesswhisper 時間: 11-10-27 22:33

樓主, 恭喜你, 你小朋友"有記性，好奇心重，算受教", 即係學習能力強, 上天已經比左一個好好既禮物你!
好多熱門學校都競爭激烈, 你都係考多幾間, 收左再慢慢簡...
我既小朋友係讀"谷"既學校,過程係要付出, 但係慢慢我係見到成果, 小朋友亦會有自信同proud of 自己學校!
多做資料搜集, 找一間你認同既學校吧!
Good luck!

作者: Christi 時間: 11-10-27 23:27 標題: 回復 1# ahnew 的帖子

我又覺得,受谷唔一定要去谷的學校.慢熱的人如果在傳統學校的教學裡,會不會變得越來越被動? 因為傳統學校本來就注重單向傳送.

作者: 已刪除用戶 時間: 11-10-28 10:24

成日都話, 揀學校, 睇2樣野: 1.小朋友本質 2.父母期望

揀傳統, 如果佢係岩傳統, 當然係好事, 有D小朋友係鐘意人地幫佢安排學習流程, 樣樣有規有矩咁去FOLLOW, 有晒確實本標咁衝呀!!!!!!!!!但同時, 父母都要預左一齊衝呀!!!!!!!!!! 而今社會, 學校要"負責"就會越教越深 (唔好講傳統, 活動都係啦, 停滯不前攪唔掂架), 結果一家深, 第2家只會更深, 學樓上話齋, 你決定條路係咁行, 唔係"小朋友受谷"就攪得掂, 如果家長未準備好配合, 真係"自己攞來", 要預左十幾年長期作戰(入唔入到精英班, 升中BANDING等等, 呈分試, TSA.......), 一分耕耘一分收獲, HOPEFULLY最後既果實係甜美的
當然世上有自動自覺既學生, 但唔多LOR, 所以家長唔懶得的

揀活動, 小朋友又鐘唔鐘意? 有小朋友真係唔鐘意活動的, 覺得好嘈, 唔可以專心學習, 亦有家長覺得好無安全感: 先唔講TRACK RECORD, 就講返學學左咩, 點解唔係份份都有分數, 點解唔會樣樣訂晒測驗考試日期, 點解功課無肯定答案, 點解明知佢唔識答都要佢唸一大餐黎答, 上網時間仲多過睇書, 個答案又無寧兩可咁, 點解做人地隔離學校D練習好似唔識咁.........其實活動教學, 好多時係先著重培養學生學習興趣, 例如英文, 老師講明, 由佢錯, 最緊要佢肯寫, 唔識既字, 拼出黎啦, 唔好避左佢, 要天馬行空咩都試, 所以你俾份傳統學校既試卷佢做, 佢可能真係唔識做(都無操過GRAMMAR! 慢慢教LOR), 但另一方面睇, 亦有傳統學校學生黎考插班, 打開份卷見到OPEN QUESTION任寫, 呆左! 呢個就係分別, 讀得活動你要識放手, 你要"忍受"小朋友上完堂突然QUIZ, 如果無留心, 返黎可能好低分, 你要"忍受"小朋友唔識做人地學校D試卷, 你要"忍受"學校可能會採用校本課程所以你無得用人地個仔/女比較; 另一方面由於學既範圍比較OPEN, 小朋友主動性亦好影響到佢可以學幾遠

所以, 真係要唸唸架!

作者: 已刪除用戶 時間: 11-10-28 10:41

唔記得講活動教學父母support
活動教學, 一樣要父母support, 例如: 小2生做project:幫助我們的人, 父母要幫佢搵對象(總無理由叫佢o係街隨便捉個警察吧!), 安排interivew/電話interview, 安排錄音, 教佢唔識寫既字(肯定大把)
其他科目, 伴讀既唔少, 中又有英又有, 亦有好多自評/父母評, 父母要花時間的
我仔舊年小一, 有一個module睇dr seuss既書, 有project係要填張工作紙關於dr seuss, 亦肯定係預左父母陪上網同向小朋友解釋資料了

所以, 父母一樣要十八般武藝隨時侍候, 不過花既時間所做既預備功夫唔同姐

作者: kls12 時間: 11-10-28 10:49

原帖由 Charlotte_mom 於 11-10-28 10:24 發表
成日都話, 揀學校, 睇2樣野: 1.小朋友本質 2.父母期望

揀傳統, 如果佢係岩傳統, 當然係好事, 有D小朋友係鐘意人地幫佢安排學習流程, 樣樣有規有矩咁去FOLLOW, 有晒確實本標咁衝呀!!!!!!!!!但同時, 父母都要預左一齊 ...

這段話很有意思，非一般家長能寫得岀。
除了小朋友外，家長的看法及支援也要考慮。

作者: 七點半 時間: 11-10-28 11:20

Hello ahnew,

你有沒有請教老師, 到你幫小朋友選校或第二次見家長時你可再問一問老師, 看看老師觀察到什麼....

我讚成charlotte_mom講, 不論傳統及活動, 家長配合都是好重要, 活動學校, 有project, 傳統學校, 有功課...

正如有家長講, 不是你想向哪個方向行就可以, 港同似乎都唔易入....hehe...我覺得佢地要求不是一般要求, 不是你正正常常答就會有機會, 我覺得佢地好睇小朋友有沒有創意...charlotte_mom是不是呢?? hehe.....

如你有心儀學校, 你繼續向它前進吧...

我現在都在煩惱囝囝的選校問題, 因為他肯做功課, 但不能摧促...每天都不願起床, 所以我打算只選屋企附近的學校...有一些因素, 只有做家長才能觀察到...所以你現在搜集多些學校資料, 因應自己的能力及小朋友能力再選擇吧!!

原帖由 ahnew 於 11-10-27 19:22 發表
受谷就要谷？諗極都唔明....
我小朋友有記性，好奇心重，算受教，老師覺得佢受谷，但慢熱，固執。
現時k2，想諗清楚應該一條心入傳統學校（老公想，仲要女校）定係直資+活動教學（如港同），因為目標唔同，呢年要做的事/舖的路都唔同....
有家長 ...

作者: 已刪除用戶 時間: 11-10-28 11:32

多謝~!
話晒都係用家, 會知多少少

原帖由 kls12 於 11-10-28 10:49 AM 發表

這段話很有意思，非一般家長能寫得岀。
除了小朋友外，家長的看法及支援也要考慮。

作者: 已刪除用戶 時間: 11-10-28 11:33

呢樣我有d讚成, 港同收生, 有時真係估佢唔到....

原帖由 七點半 於 11-10-28 11:20 AM 發表
Hello ahnew,

你有沒有請教老師, 到你幫小朋友選校或第二次見家長時你可再問一問老師, 看看老師觀察到什麼....

我讚成charlotte_mom講, 不論傳統及活動, 家長配合都是好重要, 活動學校, 有project, 傳統學校, 有功 ...

作者: 已刪除用戶 時間: 11-10-28 11:36

另外提一提家長, 傳統學校又好, 活動教學又好, 每一間學校都係獨特的, 有自己既教學理念, 文化, 升中安排等
所謂"道不同不相為謀", 了解多d, 去晒簡介會inteview open day自己感受下, 自己唸過度過ok至好揀, 唔好為左"因為佢難入", "因為佢d學生咩咩叻"至揀, 岩人地唔等於岩自己, 呢樣一定要記住

作者: 七點半 時間: 11-10-28 11:37

所以我身邊的朋友fail的多過入到...hehe....我記得有朋友講interview時會叫小朋友畫畫, 然後問小朋友一些問題...我相信學校不是睇小朋友的畫畫工力, 而是看看小朋友想像到什麼...畫畫個個小朋友都會畫....到底學校要求是去到哪裡, 真的不知...hehe.....

原帖由 Charlotte_mom 於 11-10-28 11:33 發表
呢樣我有d讚成, 港同收生, 有時真係估佢唔到....

作者: 七點半 時間: 11-10-28 11:38

原帖由 Charlotte_mom 於 11-10-28 11:36 發表
另外提一提家長, 傳統學校又好, 活動教學又好, 每一間學校都係獨特的, 有自己既教學理念, 文化, 升中安排等
所謂"道不同不相為謀", 了解多d, 去晒簡介會inteview open day自己感受下, 自己唸過度過ok至好揀, 唔好為 ...

作者: ahnew 時間: 11-10-28 14:58

衷心多謝各位的回應！一看再看，真的要好好消化再諗諗。

作者: 莎莎莉莉 時間: 11-10-28 15:07

原帖由 Charlotte_mom 於 11-10-28 11:36 發表
另外提一提家長, 傳統學校又好, 活動教學又好, 每一間學校都係獨特的, 有自己既教學理念, 文化, 升中安排等
所謂"道不同不相為謀", 了解多d, 去晒簡介會inteview open day自己感受下, 自己唸過度過ok至好揀, 唔好為 ...

對!

見到呢度, 太多只係一窩蜂式的報某些學校
人地話好, 自己又話好
但, 似乎對間學校根本唔多理解咁
到收到offer信都仲要問, 邊間好...
乜唔係一開始自己就心中有數既咩?
同埋, 人人都報果d, 係咪真係啱你的小朋友呢?

作者: 莎莎莉莉 時間: 11-10-28 15:11

原帖由 七點半 於 11-10-28 11:37 發表
所以我身邊的朋友fail的多過入到...hehe....我記得有朋友講interview時會叫小朋友畫畫, 然後問小朋友一些問題...我相信學校不是睇小朋友的畫畫工力, 而是看看小朋友想像到什麼...畫畫個個小朋友都會畫....到底學校要 ...

小朋友, 不是只看學術成績來衡量的
所以, 不要問, 點解自己個仔有乜cert, 考到乜乜, 但人地都唔收

一個人的發展, 智力只係一部分
還有德育, 還有社交, 還有個人性格, 態度的
學術高分, 不代表其他方面也會出色
一個好叻, 但好串的細路, 你話學校鍾唔鍾意收?
一個識好多字, 但唔識問問題的小朋友, 可能亦唔係某些學校杯茶.

作者: 已刪除用戶 時間: 11-10-28 15:24

AGREE
作為一個媽媽, 我覺得揀學校, 係為小朋友揀一個教佢成長做人既地方, 唔係只教佢識字既地方, 你俾咩種子, 就種出咩果實, 對我黎講, 學校傳唔傳統活唔活動都好, 出黎辦學既一定要有"教養孩童"既心, 包容, 補底, 愛心, 誠信, 缺一不可

原帖由 莎莎莉莉 於 11-10-28 03:11 PM 發表

小朋友, 不是只看學術成績來衡量的
所以, 不要問, 點解自己個仔有乜cert, 考到乜乜, 但人地都唔收

一個人的發展, 智力只係一部分
還有德育, 還有社交, 還有個人性格, 態度的
學術高分, 不代表其他方面也會出色
一 ...

作者: lidoenwai 時間: 11-10-28 15:33

Soooo agree with Charlotte_mom, very "professional" anaylsis. My daughter studies in a local traditional school. Academic wise, I feel more secured. However, I also feel lost and puzzled when I see kids from international school are knowledgable in many area, have confidence in doing presentation, not afraid to ask. I also wonder if my daughter knows anything out of the text book or exam area.

作者: 已刪除用戶 時間: 11-10-28 16:04

我睇你好, 你睇我好, which is always true!

原帖由 lidoenwai 於 11-10-28 03:33 PM 發表
Soooo agree with Charlotte_mom, very "professional" anaylsis. My daughter studies in a local traditional school. Academic wise, I feel more secured. However, I also feel lost and puzzled when I see ...

作者: 莎莎莉莉 時間: 11-10-28 16:04

原帖由 lidoenwai 於 11-10-28 15:33 發表
Soooo agree with Charlotte_mom, very "professional" anaylsis. My daughter studies in a local traditional school. Academic wise, I feel more secured. However, I also feel lost and puzzled when I see ...

這就是香港教育的問題, 也是不少家長的問題--沒有空間俾小朋友去思考

點解國際學校似乎d小朋友可以識好多野咁?
在我來講, 決定因素就係空間!
我地做大人, 有時都要反思一下, 自己係點學野既呢?
我地吸收知識, 一定要經過一個思考過程.
過程中, 我們或會經過有概念錯誤的時候, 也要經過應用概念的時候, 還有引伸概念的時候
過程, 係需要時間的.
沒經過這個過程, 知識不會內化為自己的學識, 你根本不會記住.

我們討厭填鴨教育, 就係這個原因.
無思考, 無想像, 無空間.

揀小學, 好多又問埋中學.
為左入band 1英中, 小一就話要開始操
先不提小朋友辛不辛苦的問題
而係, 小學教育真係只得為入英中這個目的?

作者: Christi 時間: 11-10-28 16:07

原帖由 莎莎莉莉 於 11-10-28 16:04 發表

這就是香港教育的問題, 也是不少家長的問題--沒有空間俾小朋友去思考

點解國際學校似乎d小朋友可以識好多野咁?
在我來講, 決定因素就係空間!
我地做大人, 有時都要反思一下, 自己係點學野既呢?
我地吸收知識, 一 ...

作者: 已刪除用戶 時間: 11-10-28 16:17

當年女女讀一間活動教學既幼稚園, 讀得好愉快亦學到野, 於是開始反思: 係咪上小學, 只有打打殺殺一條路?
然後開始識上bk, 當年有d資深家長, 介紹左呢d"新思維學校", 講既theory同你差唔多, 當時個腦"當"一聲, 係啊, 上到大學至知, 原來學習唔係靠spoon feed, 知識係無限, 只有靠吸收運用到至會變成自己野.......咁點解一直以黎會認命地覺得小學中學應該要填鴨?

無可否認, 家長會對無track record既事物欠缺信心, 想揀間穩陣既老字號學校亦可以理解, 只係呢個"空間"問題, 的確值得唸唸

原帖由 莎莎莉莉 於 11-10-28 04:04 PM 發表
這就是香港教育的問題, 也是不少家長的問題--沒有空間俾小朋友去思考

點解國際學校似乎d小朋友可以識好多野咁?
在我來講, 決定因素就係空間!
我地做大人, 有時都要反思一下, 自己係點學野既呢?
我地吸收知識, 一 ...

作者: idy926 時間: 11-10-28 17:48

幾年前我都好迷惘，因為我有一個同樓主一樣質地的女女。

我女K2時上左某幼稚園的暑期班，一個月吾夠，上堂時做左兩本厚厚的暑假作業 (我完全吾知，個課程介紹好多野玩，無預佢要做咁多作業) 課程最後果日派番來，亞女望住本作業嘅一席話，令我有叮一聲嘅當頭捧喝，佢話----->
媽咪，我知點解返學咁辛苦啦，原來返學好多功課做㗎！

啊！c火，佢覺得：返學=辛苦！佢咁細個都咁諗，大個會吾會吾再受谷？　結果我上年揀左間活動敎學嘅小學比佢，Li間亦係佢自己想入嘅，周圍好多人話:人地話好淺喎! ----->但讀落其實吾淺，應該係話淺又得，深又得，佢好多open question，如果家長肯花時間一齊搵資料同解釋，係可以學得好深多遠，但吾理佢嘅，咪只學basic野咯！所以好多人話淺囉...

原帖由 Charlotte_mom 於 11-10-28 16:17 發表
當年女女讀一間活動教學既幼稚園, 讀得好愉快亦學到野, 於是開始反思: 係咪上小學, 只有打打殺殺一條路?
然後開始識上bk, 當年有d資深家長, 介紹左呢d"新思維學校", 講既theory同你差唔多, 當時個腦"當"一聲, 係啊, ...

作者: 莎莎莉莉 時間: 11-10-28 22:57

原帖由 Charlotte_mom 於 11-10-28 16:17 發表
當年女女讀一間活動教學既幼稚園, 讀得好愉快亦學到野, 於是開始反思: 係咪上小學, 只有打打殺殺一條路?
然後開始識上bk, 當年有d資深家長, 介紹左呢d"新思維學校", 講既theory同你差唔多, 當時個腦"當"一聲, 係啊, ...

近十年, 其實香港教育當局已提倡要學會學習,
原因就係因為呢個係一個資訊爆炸的年代.
你要知識, 一按電腦, 幾千萬條search results可以俾到你,
咁, 究竟教育應該係教小朋友甚麼呢?
就係如何去運用資訊啊.
點解要做專題研習?
就係因為呢個係一個機會, 俾小朋友自己去搵, 去選, 去整理, 去重新演繹知識, 有左一個學習過程, 佢地先係真正學到野. 但香港家長太習慣只係問結果和成績, 忘了, 小朋友的學習經歷同樣重要.

其實, 香港的教改不盡是唔好野, 好多理念都係好的.
但唔知點解, 上有政策, 下有對策, 再加埋家長的壓力,
搞到依家的教育, 好似比以前更填鴨....

作者: Christi 時間: 11-10-28 23:13 標題: 回復 29# 莎莎莉莉的帖子

就係因為一按電腦,一個google search,幾千幾萬條資料隨時搵到,所以,將來要的技能,係批判思考,係識得搵重點,係要能夠分別喺呢一堆大海般的資料中,邊啲有用,邊啲係流料,邊啲係重點.

亦因為這樣,填鴨式訓練出來的被動態度/拒絕思考態度,會被淘汰.

除非,填鴨式單向式的教學模式會慢慢轉營...

作者: 莎莎莉莉 時間: 11-10-28 23:19

原帖由 Christi 於 11-10-28 23:13 發表
就係因為一按電腦,一個google search,幾千幾萬條資料隨時搵到,所以,將來要的技能,係批判思考,係識得搵重點,係要能夠分別喺呢一堆大海般的資料中,邊啲有用,邊啲係流料,邊啲係重點.

亦因為這樣,填鴨式訓練出來的被動 ...

無錯, 而呢D, 真係需要時間去訓練.

但, 香港家長願意俾小朋友呢D時間嗎?
我好怕果D乜野操練的補習班,
有人教我俾小朋友讀乜野公X數,
話之後做數會快, 一睇到題目唔駛諗就識計.
但係, 呢D係咪學數學的本義呢?
快而準, 但根本唔明白, 我好相信, 有唔少呢D人.

作者: gigiyikyik 時間: 11-10-29 00:15

我舊年都面對樓主呢個問題,我囡囡KG屬於谷嗰類,品學兼優,問老師意見都話囡囡適合讀區內有名傳統小學,上一屆我地KG升上去全級既頭十名有五名都係我地KG既學生,要名列前茅,應該絕對冇問題,而且我仲有個細仔跟尾,上津校真係"穩打穩扎"~但我都放棄咗,因為我一諗到要日日C做爛做十樣八樣功課,個個星期c溫爛溫(一星期有幾個默書,測驗)!我真係覺得冇乜意思.仲要係講梗整個小學時期...6年喎....仲有以前我地嗰代冇乜邊個老豆老母會跟功課,依家呢代冇乜邊個老豆老母唔跟功課....之後最後決定讀一條龍直資,全英教學,囡囡番學又番得好開心,又學到野,番咗兩個月真係可以做到free writing,佢好敢寫英文,上完一堂寫到近百字文章,雖然GRAMMAR係有錯(因為未學grammar,但我已經自己開始教),但get到佢意思既,呢啲正係我想要既~ 所以真係想睇你想要啲乜,同你想你仔女行邊條路!

作者: ahnew 時間: 11-10-29 11:38

原帖由 kls12 於 11-10-28 10:49 發表

這段話很有意思，非一般家長能寫得岀。
除了小朋友外，家長的看法及支援也要考慮。

看了再看，很認同這段話很有意思！

作者: vickylyy 時間: 11-10-29 23:19

家長如安排子女入讀"谷"的學校,你就預左你要谷得起佢整整六年,如入到這些學校埋怨學校多功課就太遲,學校也不會因此而改變,谷得起的孩子當然有成功感,但在名校中谷唔起的孩子大有人在,只是父母們報喜不報憂.
回到最根本,家長要深思教育的目的何在?孩子的學習是為了什麼?教導孩子要懂得釣魚,而不是餵佢地食魚!!
我個人認為孩子有成功感,有信心,建立自我正確的價值觀對佢未來發展最重要,將來十幾廿年咩光景,我地都無從準確知道,讀傳統學校既學生唔代表一定飛黃騰達,讀活動教學學校的學生更唔一定比下去.(只是個人感受)

作者: Peter2880 時間: 11-10-29 23:27

原帖由 gigiyikyik 於 11-10-29 00:15 發表
我舊年都面對樓主呢個問題,我囡囡KG屬於谷嗰類,品學兼優,問老師意見都話囡囡適合讀區內有名傳統小學,上一屆我地KG升上去全級既頭十名有五名都係我地KG既學生,要名列前茅,應該絕對冇問題,而且我仲有個細仔跟尾,上津校 ...

Can I ask which 直資一條龍全英教學 primary school that your girl studying? It seems that school is quite good from your say. Thank you!

作者: 七點半 時間: 11-10-31 10:55 標題: 回復 33# ahnew 的帖子

Hello ahnew,

我以前觀察到我女兒, 肯做功課, 回家亦記得在學校的事, 為人活潑亦多言, 我以為佢返學都好ok, 唔錯...點知, 經過觀課, 我留意到佢係學校原來好似好被動, 亦不主動舉手答老師問題, 好似有少少發夢咁, 我就知道我個女其實並不是我所想的比較醒目...佢只係屬於乖...後來我同老師傾計, 老師都話佢返到學校比較靜(跟在家好似兩個樣), 亦不主動......所以你記得要跟老師傾一傾...

作者: idy926 時間: 11-10-31 11:20

你女女同我女一樣，係學校見倒老師吾敢出聲，好乖又被動，同係家係兩個完全吾同嘅人，我驚放佢係傳統催谷度，會更強化左佢嘅被動。所以了解小朋友性格真係好重要！

原帖由 七點半 於 11-10-31 10:55 發表
Hello ahnew,

我以前觀察到我女兒, 肯做功課, 回家亦記得在學校的事, 為人活潑亦多言, 我以為佢返學都好ok, 唔錯...點知, 經過觀課, 我留意到佢係學校原來好似好被動, 亦不主動舉手答老師問題, 好似有少少發夢咁, ...

作者: 七點半 時間: 11-10-31 11:39 標題: 回復 37# idy926 的帖子

你都講得咁, 返傳統學校可能會助長佢唔出聲的習慣...不過, 我又想佢到底是不喜歡返學講野, 定係其實佢都可以將係屋企活潑一面帶回校呢?? 如果佢返學是不喜歡答問題, 我放佢係活動教學學校, 佢又會唔會輸了一點點呢??

作者: 已刪除用戶 時間: 11-10-31 11:53

活動教學, 可以TRAIN到內向既小朋友變得放膽, 如果老師HANDLE得好, 反而會讓每一個小朋友都有公平發表既機會, 唔會淨係多咀果D講晒
而活動教學學校通常有一個理念, 就係會俾小朋友自由度, 等佢地有唔同機會發揮, 就算唔係品學秉優模範生, 都可以搵到自己興趣同專長, 例如(唔怕羞講句)我女數學係最"屎"果組, 屎到要補底, 但老師同時俾機會佢寫校報, 英文亦入到話劇組, 舞蹈亦入校隊, 識拔尖亦識補底, 至係我心目中理想既辦學
不過之前都有家長講過, O係活動教學學校讀書, 學校一樣教BASIC野, 不過要靠學生主動性至決定到可以學到幾遠, 知識係無限的.........所以小朋友要肯睇書, 肯主動求學問, 去到呢D學校至如魚得水

原帖由 七點半 於 11-10-31 11:39 AM 發表
你都講得咁, 返傳統學校可能會助長佢唔出聲的習慣...不過, 我又想佢到底是不喜歡返學講野, 定係其實佢都可以將係屋企活潑一面帶回校呢?? 如果佢返學是不喜歡答問題, 我放佢係活動教學學校, 佢又會唔會輸了一點點呢?? ...

作者: idy926 時間: 11-10-31 13:22

agree!小女學校就係同你校一樣理念！有拔尖亦有補底！

原帖由 Charlotte_mom 於 11-10-31 11:53 發表
活動教學, 可以TRAIN到內向既小朋友變得放膽, 如果老師HANDLE得好, 反而會讓每一個小朋友都有公平發表既機會, 唔會淨係多咀果D講晒
而活動教學學校通常有一個理念, 就係會俾小朋友自由度, 等佢地有唔同機會發揮, 就 ...

作者: idy926 時間: 11-10-31 13:48

係屋企先至係真身喎，我覺得如果學校比到安全感佢，遇上好老師鼓勵，應該可以現返個真身吧！

我個女而家p2，其實由p1起，一路見到有改變，最近係週記上，英文老師寫嘅回應:好開心見到你而家己經無以前咁怕醜啦！----->雖然好少事，但我覺得無選錯校，因為而家女女小息仲會成日主動去搵果個英文老師，有時傾計，有時幫手做野(雖然都要同學陪)，相對以前見到老師吾聲吾聲什至走人，真係好大進步，我估呢間學校巳經開始比到安全感佢啦，我都期待佢快d現真身。
我諗傳統老師太多野做，都無咁得閒理你啦！

不過講真，吾出聲嘅習慣，放係邊都sit底㗎啦，所以我地真係要諗辦法改善佢

原帖由 七點半 於 11-10-31 11:39 發表
你都講得咁, 返傳統學校可能會助長佢唔出聲的習慣...不過, 我又想佢到底是不喜歡返學講野, 定係其實佢都可以將係屋企活潑一面帶回校呢?? 如果佢返學是不喜歡答問題, 我放佢係活動教學學校, 佢又會唔會輸了一點點呢?? ...

作者: Christi 時間: 11-10-31 15:13 標題: 回復 39# Charlotte_mom 的帖子

well...我諗唔知我係唔係太極端,其實我覺得所有小朋友都應該活動教學的.只有雙向,富啓發性,容納大多數的參與及容忍錯誤的,才堪稱為教育...小朋友的質地如何,視乎老師如何handle,但總的來說,活動教學是適合所有小朋友.

作者: babybear 時間: 11-10-31 15:33

其實依家傳統教學既私校/ 直資都唔會好似我地以前讀書年代果陣咁傳統。佢地傳統得黎都好互動架！

原帖由 Christi 於 11-10-31 15:13 發表
well...我諗唔知我係唔係太極端,其實我覺得所有小朋友都應該活動教學的.只有雙向,富啓發性,容納大多數的參與及容忍錯誤的,才堪稱為教育...小朋友的質地如何,視乎老師如何handle,但總的來說,活動教學是適合所有小朋友 ...

作者: kennyklt 時間: 11-10-31 15:52

你所講係所有教育嘅崇高理想，但係社會競爭激烈，就算你唔爭，唔介意從錯誤中慢慢學習，但係其他家長都會介意。如果傳統教育做唔到，活動教育就可以嗎？活動教育絕對唔係教育中嘅烏托邦，只不過係另一種教育模式俾有不同需要嘅學生同家長吧。

歡迎光臨教育王國 (/)