教育王國

標題: 犠牲的定義 [打印本頁]

作者: conconma 時間: 11-10-27 08:33 標題: 犠牲的定義

犠牲的定義, 不同的人有不同的看法, "犠牲"是比"付出"再高一個層次, 故此, 不要貿然用上這個詞語...在信徒眼中, 上帝犠牲耶穌的生命來拯救世人; 在凡人中, 有消防員奮不顧身, 甚至犠牲生命去救一個素未謀面的傷者...但共通點係, 他們都冇想過有回報...因最近有一個媽媽, 她患上了抑鬱病, 她經常哭訴, 自己犠牲了很多時間, 精神, 甚至辭去工作去教自閉症的小朋友, 可是他的進步仍然很少...

所以, 她對比自己犠牲的, 跟回報不成正比, 她就開始埋怨不公平(為什麼那個媽咪沒有辭工, 沒有陪小朋友做訓練, 他小朋友進步這麼大)...當然我也認識許多媽媽, 辭去高薪厚職, 去照顧小朋友(亦包括我在內)...但她們是快樂的, 因為她們真的無私的"付出", 而冇計較結果會如何...當然我亦明白這媽媽的心情, 但沒有人說過, 你付出越多, 收穫就會越多...難道上帝會認為犠牲耶穌后, ⋯⋯全人類就必然會歸信?

經濟學, opportunity cost(機會成本)的定義係指你因為選擇某一樣事物／行動，而
放棄其次合意的事物／行動所可能獲利的機會。但是, 付出精神與時間比自己小朋友, 又何來計算?

況且, 凡事多角度去睇; 每人一天有24小時, 為什麼你覺得自己的24小時比你自閉症兒子的24小時重要呢? 因為我們套用了$=時間, 但你有否考慮你的母愛, 親子的愉快時光, 教導, 個人的經驗=小朋友每天一少少進步...

所以, 嘗試在付出及犠牲時, 不去想回報, 因為這不是投資項目(即使係, 我們的項目必然不是增長速度快的(或許是隻不錯的藍籌); 小朋友有進步是bonus, 冇進步或進步慢也不是某何人的錯, 或許有一天時機會成熟, 我們就去收成...就耐心去期待

作者: kelvin_hmlau 時間: 11-10-27 10:08 標題: 回覆 1# conconma 的文章

雖然你講的很合道理, 但只管付出, 不問收穫又有佢做到!?

根據我參加過多次A仔家長聚會得知, d c9 確係教A仔教得好沮喪, 樣子好殘, 白頭髮多了很多, 夜晚瞓唔着, 坐係度哭, 投訴c6 幫唔到手, 好耐無去short trip...

再加上d 專家冠上甚麼黃金期(3,5,6,7,9,13歲我都聽過), 主流融合小學課程又深, 壓力真係幾大...

作者: Capricorn2521 時間: 11-10-27 11:15

conconma，你講得好好呀。我就係一個膽小的例子。我做不到這樣偉大。當年我衡量過，我接受不到失去工作及收入後，(時間多了，可帶小朋友上不同訓練)，又有這樣巨大額外的開支。萬一小朋友在主流k1有投訴，跟不上，我知道我會時常不開心。(因為當時自費治療師及導師建議既然有主流幼稚園接受我繼續讀k1，叫我排e位，辭工自己湊)，但是我不甘心多年的事業就此完結，我是自私，但我認為這是對我同小朋友身心都有保障。小朋友在s位可以受到全面的訓練，1-2年後可以回歸主流。當然，除上班外，認酬近乎0，其他時間一定是比小朋友的。有時老公都會呷醋呢！

好多事情，要trade off，針無兩頭利。雖然對小朋友的期望不要有投資的心態，但做決定時就要有投資的想法，要評估一下自己能接受的風險及後果。有了心理準備，減低失敗時所承受的挫折。

[ 本帖最後由 Capricorn2521 於 11-10-27 11:29 編輯 ]

作者: conconma 時間: 11-10-27 11:22 標題: 回覆 2# kelvin_hmlau 的文章

我0地都係普通人, 唔係聖人...你以上講的, 我和許多媽咪都正面對, 壓力的確令我0地透不過氣...(不要唸, 你講就緊係容易, 做就好難...的確真係好難0架...)

http://blog.yahoo.com/_QHS5BHPEDXIFAEAJTUKVETEJVQ/articles/93125/uncategorized

我的意思係, "盡量"唔好唸咁多, 因為唸係冇補於事, 有一位媽咪就因為越唸越唔開心, 最終自殺死了...

所以先去想, 為仔仔做的, 不是"犠牲", 而這種"付出"是值得, 因為會見到仔仔慢慢, 一少少進步...那麼自己都會開心一點...

都係0個句:[笑亦要做人, 喊亦要做人]

[ 本帖最後由 conconma 於 11-10-27 11:43 編輯 ]

作者: conconma 時間: 11-10-27 11:28 標題: 回復 3# Capricorn2521 的帖子

我不是叫所有媽咪放棄份工, 當然我0地要量力而為...自閉兒開支是很大, 如果貿然quit 0左, 家庭負擔多了, 未必一定係好事...

只不過, 我想講, 如果巳決定及衡量過唔做0野, 全職去教小朋友, 就必須先調整自己心情及轄出去的心態...不然就好似我所講的媽咪, 每天都覺得自己在"犠牲", 但"犠牲"過后, 回報卻很少, 於是抑鬱鬱不歡, 每天以淚洗面...

都係0個句冇人話, 付出越多, 收穫越多...自閉兒兒每個能力都不同, 他們的進步是需要時間...我只知道, 不付出=冇收穫

[ 本帖最後由 conconma 於 11-10-27 11:44 編輯 ]

作者: Capricorn2521 時間: 11-10-27 11:36

自殺 ????

原帖由 conconma 於 11-10-27 11:22 發表
我0地都係普通人, 唔係聖人...你以上講的, 我和許多媽咪都正面對, 壓力的確令我0地透不過氣...

我的意思係, "盡量"唔好唸咁多, 因為唸係冇補於事, 有一位媽咪就因為越唸越唔開心, 最終自殺死了...

所以先去想, 為 ...

作者: kelvin_hmlau 時間: 11-10-27 11:44 標題: 回復 1# Capricorn2521 的帖子

你可能唔知, 有d 仔真係好難教, 根本係唔知周圍發生乜事.

你和我兒子有機會去挑戰主流, 已經要感恩了...

作者: conconma 時間: 11-10-27 11:48 標題: 回復 6# Capricorn2521 的帖子

係呀...唉...我聽完之後都忍唔住喊0左出來, 太突然...我又替這爸爸難過, 但唔知點安慰佢...

如果此媽媽早一點呢度, 大家呻下, 傾下, 或許事情未必發展到自殺的地步...現在爸爸要獨力照顧兩個兒子, 他的壓力很大哩...

所以走出來講下, 唔係要話比大家聽我偉大, 我只是一粒塵土, 很渺小...只是想勉勵一下所有父母, 千祈不要唸得太灰...老土講: 窮途未必係末路...死亦解決不了問題...

[ 本帖最後由 conconma 於 11-10-27 12:20 編輯 ]

作者: conconma 時間: 11-10-27 11:54 標題: [阿信的故事]

生活係難捱,但不要唸得太灰, 鑽了牛角尖就不好...我一灰心, 就記住阿信...

細個時睇過,[阿信的故事], 其實我很喜歡那主題曲...[誰會珍惜當你還擁有, 將要逝去總想挽留, 想挽留想挽留看似荒謬
求今天所得永遠守...命運是對手, 永不低頭, 從來沒抱怨半句, 不去問理由, 仍踏著前路走青春走到白頭, 成功只有靠堅守信心奮鬥」

作者: conconma 時間: 11-10-27 12:01 標題: 回復 7# kelvin_hmlau 的帖子

我個仔中度自閉, 有智力問題, 還有ADHD傾向, 唉...我又點會唔知有幾難搞呢...

都話, 你0地面對的, 我每天都面對緊...唔開心係有, 我不是笑匠, 不會經常笑口常開...不過, 經常懷住負能量去生活, 好辛苦哩...自己灰, 亦冇動力去幫小朋友...所以, 喊口號, [振作, 加油!!你可以做到的! 正能量又番來]

作者: kelvin_hmlau 時間: 11-10-27 12:17 標題: 回覆 1# conconma 的文章

你係未肯定兒子係中度, 我有理由相信有d 仔只是睡著了似的...用傳統的測試工具上好明顯係會攞低分

作者: conconma 時間: 11-10-27 12:23 標題: 回復 11# kelvin_hmlau 的帖子

瞓0左又好, 醒0左又好, 佢要讀特殊學校係改變不了的事實...但我不會因此而灰心, 或許有天他會"醒覺", 現在或許留前鬥後...

作者: conconma 時間: 11-10-27 12:34 標題: 回覆 2# kelvin_hmlau 的文章

KEVIN真係好鬼鍾意你講0野, 夠坦白...好喇, 各位我要陪太子讀書, 加油!

作者: Capricorn2521 時間: 11-10-27 15:04

唉... 我係亞仔學校見咁多case，點會吾知d仔難教呀，不過見d家長都好積極，好有耐心，沒想到有人因此而自殺呢！

原帖由 kelvin_hmlau 於 11-10-27 11:44 發表
你可能唔知, 有d 仔真係好難教, 根本係唔知周圍發生乜事.

你和我兒子有機會去挑戰主流, 已經要感恩了...

作者: conconma 時間: 11-10-27 18:41 標題: 回復 14# Capricorn2521 的帖子

同這個爸爸傾開, 才知道太太患了抑鬱症...

作者: anan3388 時間: 11-10-27 21:00

抑鬱症的成因是一種無價值感，若本身的價值建築於工作，轉而建築在個仔，加上身邊無咩支援，好易患上抑鬱症，表面亦未必看得出。總之覺得唔妥，要快些求助，藥物加心理治療，找出成因(其實未必直接因為個仔既，不過呢個都係好大既壓力，容易成為爆發點)，加上家人支持，都有好多例子係好快康復。有機會就放鬆下，找返自己，唔好只係對仔，兩公婆都要抽離下，有返自己，有返兩個人既空間，最終對仔都係好。每個小孩都希望daddy mami 開心，我地既孩子就算唔識講，心底裡都係咁諗。有感而發，希望大家都健健康康，開開心心！

作者: anan3388 時間: 11-10-27 21:02

kelvin,好同意！本來我都唔信，依家越來越信！：)

作者: cksy_bb 時間: 11-10-27 22:22

原帖由 conconma 於 11-10-27 12:23 發表
瞓0左又好, 醒0左又好, 佢要讀特殊學校係改變不了的事實...但我不會因此而灰心, 或許有天他會"醒覺", 現在或許留前鬥後...

我都預仔仔有機會入特殊,但又有機會轉番出來,未追倒咩,咪讀多幾年,路是難,還是有得行,或許我是天真,但無人可肯定我孩子沒有"屬於他的空間"最緊要教倒細路要開心,健康,(幾個月前我還是灰暗暗的,但因另一COLUM看見一個有CP孩子爸爸道出自己經歷後(對不起,我感覺有多少冒犯了當時人),原來活著有希望),WHO KNOWS,我對孩子說,就算出到來社會,遇到衰人,笑你,侮辱你,你都要健康開心,因為他們在你世界可能是透明的,(我仔聽到摸哂頭)因為他們不能代你選擇你行什麼的路,你自己卻有能力,換言之,笑你什麼根本不重要,對媽媽來說,你活得勇敢,健康,快樂,已是成功人仕
(((亞Q的我)))

作者: autunmbb 時間: 11-10-27 22:53

原帖由 Capricorn2521 於 11-10-27 15:04 發表
唉... 我係亞仔學校見咁多case，點會吾知d仔難教呀，不過見d家長都好積極，好有耐心，沒想到有人因此而自殺呢！

個媽咪自殺係因為有抑鬱症，佢唔係因為個仔難教而自殺，係因為佢有病，我有朋友都係有抑鬱症，自殺左幾次，唉～～佢地都係身不由己，而且你睇表面係好難知佢有問題，所以呢，如果大家有乜唔開心就過來吹下水，同身邊的人傾訴下，唔好屈住屈住～～

作者: fatpam 時間: 11-10-27 23:14

在選擇不同訓練上成日同老公有分歧，但唔試又唔知有無效用，有時我都覺得自己大脾氣左，我地以前好少argue，有時人地介紹好的治療師比我佢都唔想試，我會覺得唔開心。

我想教a仔有時真係會搞到兩公婆有精神同感情問題。

作者: BeBe媽媽 時間: 11-10-27 23:41

我就無你地咁偉人,無乜野高薪厚職....我一大肚就做左全職C6.
我仔幾個月大,我己懷疑佢有問題...大約2歲評估先CONFIRM自傾....到而家3歲了,我從未因佢係自傾而哭過....但教佢時勞氣就有唔開心,又因為打過佢而哭...等等.
我地無用$去比佢做任何TRAINING,只係剛剛入左S位....平時都係帶佢去遊樂場玩,響屋企又係玩...我好懶....我只想仔仔日日開心,當然都想佢可以有進步.....
我身邊都有朋友既仔仔女女好難搞,有乜唔開心我地都會傾計.....有同路人間唔中傾下,真係乜屈都會散咁D!
ANYWAY,大家一齊加油呀!

作者: pocoyo123 時間: 11-10-27 23:52

犠牲的定義---------------->>>都曾幾何時閃過一個念頭, ~~~早知唔生細佬哥, 兩公婆自由自在, 搵幾多洗幾多, 一年去幾多次旅行都得............................~~.不過, 呢個念頭只係一次閃過就無啦, 自從亞仔每次同我講: 媽咪我好鐘意你呀, 我已經覺得就算明天是世界沒日都無所謂, 因為愛一個人係不問回報

作者: Olympian 時間: 11-10-28 15:02

原帖由 autunmbb 於 11-10-27 22:53 發表

個媽咪自殺係因為有抑鬱症，佢唔係因為個仔難教而自殺，係因為佢有病

好同意。

跟有depression的人傾計，不能用太理性/理論的approach. 佢地只會講得你唔明白佢，更加唔同你講。

多D聽佢地講，建立信任後，有需要真係要叫佢睇醫生。

作者: conconma 時間: 11-10-28 19:44 標題: 回覆 1# Olympian 的文章

yes totally agree...dont worry gals, since i studied the Counseling psychology, i wont preaching to her n i'm glad that i persuaded her to consult the doctor tmr, i ll accompany with her to see the doctor...(this doctor is my fd)...

i'll try my best to stop her to do any silly things or attempt suicide

[ 本帖最後由 conconma 於 11-10-28 19:56 編輯 ]

作者: ling619 時間: 11-10-28 23:35

我由2歲半開幫佢已知道佢自閉症
成曰想仲細BBD慢D訓練下就可以返k1
冇事啲之後一路訓練自己帶住佢辛苦好痛苦佢好衝動心急活躍喊好多次自己頂唔順
好彩有同路人分享下
而家佢4歲半我仍然靠私人密集式訓練因家庭唔接受仔去s位我仍然自己帶出帶入上午I位下午私人訓練我亦開始心力好累
我看唔清前面路但我亦盡我能力也會想將來小學最差輕度如佢得主流容合我好感恩
亦唔想迫得仔太緊我唔想佢辛苦去追不停咁做到盡量玩下開心下放鬆D將要求再放低
我唔知我做得對不對但算盡到責任和比好多愛對仔仔

作者: BeBe媽媽 時間: 11-10-29 02:07

每個人總有佢既長處....有時我會借用視線轉移一下...HEHE

作者: conconma 時間: 11-10-29 10:08 標題: 回覆 2# ling619 的文章

量力而為, 不要迫得太緊...小朋友也有自己的時間表, 有時候急都急唔來...

歡迎光臨教育王國 (/)