教育王國

標題: 將要入2011-2012幼稚園是否要報讀面試訓練班 [打印本頁]

作者: jaime2009 時間: 11-10-26 17:47 標題: 將要入2011-2012幼稚園是否要報讀面試訓練班

我是新手媽咪 , 我個女將要投考幼稚園 , 我十分緊張 , 我唔清楚是否要讀面試訓練班, 因我看過都很貴, 我收入唔多, 想搵D平平地, 但我見有些討論區話這些課程無用, 自己敎好過, 我自己返到屋企都有敎下個女, 分辨顏色 , 交通工具, 佢自己個名, 爸媽個名, 幾多歲...

不過分辨顏色及交通工具對我個女來講佢好似弱D
小巴話係的士, 私家車由係的士, 巴士又係的士, 但有時佢又會答O岩晒....
綠色係紅色, 紅色佢大多數都答到, 黃色都答到, 問多幾隻顏色佢開始會亂咁答, 好似以激媽咪為娛樂 , 佢一見我登大對眼, 佢會對住我笑, 跟住失控, 自己係咁亂指亂答,,,,

咁樣既狀況我真係好擔心, 當面試的時候佢會點答 , 同埋我發覺我個小朋友對住DAD / MUM 係唔聽講 , 好失控, 對住其他人例如姑姐, 阿姨, 佢會好聽佢地話WOR...
到底係唔係我唔識敎問題還是什麼原因呢

作者: tsangnamnam 時間: 11-10-27 09:44

原帖由 jaime2009 於 11-10-26 17:47 發表
我是新手媽咪 , 我個女將要投考幼稚園 , 我十分緊張 , 我唔清楚是否要讀面試訓練班, 因我看過都很貴, 我收入唔多, 想搵D平平地, 但我見有些討論區話這些課程無用, 自己敎好過, 我自己返到屋企都有敎下個女, 分辨顏色 ...

媽媽唔好太緊張, 你當然係佢最好最好嘅老師.
我冇上過面試班, 因為我覺得浪費. 當然其中一個原因係我冇咩錢. 盡量自己試.
你要信自己呀, 一定得架!!

我通常周未早上教, 因為訓醒佢心情好啲.
唔知算唔算係好提議, 你都試下啦!

歡迎光臨教育王國 (/)