教育王國

標題: 救恩家長分享 [打印本頁]

作者: tattc 時間: 11-10-24 18:31 標題: 救恩家長分享

我個人感覺，救恩既教學方法都真的好重視兩文三語，同培養閱讀習慣，而且仲會加強朗讀練習，所以不知不覺上咗一個半月我個仔仔進步咗好多，另外老師好細心，好快睇到小朋友既缺點，幫助佢改善！我真係感受到一間真正為咗教學既學校。

[ 本帖最後由 tattc 於 11-10-25 12:33 編輯 ]

作者: carlo.km 時間: 11-11-4 20:41

我有去簡介會，園長有講小朋友會每日都接觸到兩文三語，但我有少許擔心; 佢哋唔係全部都响課堂上直接教授小朋友英語及國語，咁點知小朋友真正識幾多？
另外在自由時段；我怕囝囝只掛住玩

請分享吓, 謝謝！

作者: tattc 時間: 11-11-6 15:09

原帖由 carlo.km 於 11-11-4 20:41 發表
我有去簡介會，園長有講小朋友會每日都接觸到兩文三語，但我有少許擔心; 佢哋唔係全部都响課堂上直接教授小朋友英語及國語，咁點知小朋友真正識幾多？
另外在自由時段；我怕囝囝只掛住玩

請分享吓, 謝謝！ ...

每個星期都有3至4堂英文／普通話，另外native teacher在返學時會主動同小朋友談話,搭校車就唔知有無！而中／英／普都係用主題教學，另外英文堂有教 Jolly Phonics。仲要睇大量故事書，平時雙週睇中／英各一本，另參加咗閱讀計劃一年要睇30﹣130本。聽老師講大部份救恩學生都係英文好過普通話。

你擔心既問題，我都有擔心過，其實我都想push佢學多啲英文，所以我個仔之前由PN到K1都係返I.S.,而普通話就只係唱歌，無學過中文。英文係好啲，但有得必有失，學唔到中文，而家想學番中文仲難，而且仲有好多嘢都學唔到，而老師都無睇到小朋友既缺點，所以咁細個小朋友，除咗學習語言仲需要學習其他既嘢，我覺得native teacher既水準好難評估，佢哋英文係好，但係真真正正識教小朋友又有幾多個，所以我覺得native teacher 都係教語言好啦，其他自理或者心理上都係由本地老師教會比較好，佢哋會細心睇到小朋友既問題，立刻同家長溝通，呢啲都係我呢幾年深切體會到，做家長除咗學術上要幫助之外，身理同心理同時都一樣需要幫助子女！
其實講真有幾多個家長就真係靠幼稚園學英／普，個個都會再補習！

作者: tattc 時間: 11-11-6 15:58

再補充一下，自選活動可以揀玩或者做功課，唔一定係玩，不過玩遊戲都可以學識分享，創意，仲有學生可以帶自己玩具返學分享同介紹，救恩都好鍾意小朋友presentation!

作者: carlo.km 時間: 11-11-7 20:36

好感激你, 你嘅分享好詳盡, 這幾天思考咗好多, 我覺得小朋友能從開心中學習和成長係好重要, 希望囝囝能考到教恩這個大家庭

Thank you very much

作者: tattc 時間: 11-11-8 00:53

原帖由 carlo.km 於 11-11-7 20:36 發表
好感激你, 你嘅分享好詳盡, 這幾天思考咗好多, 我覺得小朋友能從開心中學習和成長係好重要, 希望囝囝能考到教恩這個大家庭

Thank you very much

唔好客氣！希望幫到你，救恩真係一間好學校，請放心！咁見咗未？等消息...

作者: carlo.km 時間: 11-11-9 22:33

26/11 in, 5/12 知result

作者: tattc 時間: 11-11-13 18:21

救恩都考得好全面，努力呀！不過我覺得最重要表現得開朗活潑！

作者: tb2009 時間: 11-11-25 13:35

想問救恩是否沒有校車往九龍區 ? 是否好少人住九龍 ?

作者: llhlee 時間: 11-11-25 15:07

請問 interview 大概要求做什麽？謝謝！

作者: 200709 時間: 11-11-28 15:45

我也有去interview,感覺不錯,呀仔也很喜歡這間學校. 想請教 tattc,救恩是否學術程度比較淺的幼稚園(及小學)? 因我有聽過這樣的評價, 但我不知道他們是否救恩家長,謝謝請教!

原帖由 tattc 於 11-10-24 18:31 發表
我個人感覺，救恩既教學方法都真的好重視兩文三語，同培養閱讀習慣，而且仲會加強朗讀練習，所以不知不覺上咗一個半月我個仔仔進步咗好多，另外老師好細心，好快睇到小朋友既缺點，幫助佢改善！我真係感受到一間真正為咗教學既學校。 ...

作者: tattc 時間: 12-1-13 11:31

200709 發表於 11-11-28 15:45
我也有去interview,感覺不錯,呀仔也很喜歡這間學校. 想請教 tattc,救恩是否學術程度比較淺的幼稚園(及小學) ...

如果你計劃想小朋友入讀名小學，咁救恩就唔會係你杯茶。因為救恩既教學理念係愉快學習，小朋友係救恩返學都好開心，無壓力，功課少，無考試，無默書，程度算中等，學到全面既知識。如果同果啲K1開始考試，K2要默書既學校比較，咁救恩咪淺。但係救恩小學課程係深，所以想原校直升，就要補補習。

作者: ltang7 時間: 12-1-31 18:33

tattc 發表於 12-1-13 11:31
如果你計劃想小朋友入讀名小學，咁救恩就唔會係你杯茶。因為救恩既教學理念係愉快學習，小朋友係救恩返學都 ...

咁想請問救恩小學係咪都延續愉快學習這理念呢？

作者: tattc 時間: 12-1-31 18:41

ltang7 發表於 12-1-31 18:33
咁想請問救恩小學係咪都延續愉快學習這理念呢？

我小兒仲未升上小學部，所以我都答唔到係唔係愉快學習，但係我聽講現在功課多咗，課程都深咗！

作者: ahkit0425 時間: 12-2-11 00:37

我都想知救恩係咪都是愉快學習? 有沒有音樂培訓?

作者: tattc 時間: 12-2-14 15:19

ahkit0425 發表於 12-2-11 00:37
我都想知救恩係咪都是愉快學習? 有沒有音樂培訓?

救恩幼稚園是愉快學習，有音樂堂，教簡單既樂理，另有音樂興趣班可報（需另外收費）！

作者: C7fans 時間: 12-3-6 19:03

仔仔由小一讀到現在六年級, 當中轉了校長, 使教學方向略有不同, 但改革成效已見, 仔仔在校內成績只屬一般, 但出去見中學原來語文能力一點也不失禮! 視野也夠廣闊, 多得校長非一般的教學方法, 當你以為學校無功課, 而不知進度, 其實他們在校內學到的知識是做家長意想不到的, 入讀救恩, 你要對學校有信心, 這是一間用愛來教學的學校!

歡迎光臨教育王國 (/)