教育王國

標題: 好心痛！ [打印本頁]

作者: kkhon 時間: 11-10-22 23:34 標題: 好心痛！

呀仔上了小學完全冇時間玩，好慘！已經住得近每曰步行返學，每日放學回家食少少茶點5點開始做功課，差不多7點沖涼及晚飯已9點，佢做任何事都好慢，最後只可以溫習一陣間，準備明天默書或測驗，最遲10：30要上牀瞓。已經cut咗d冇胃課外活動，現只學violin一星期2堂上門及E.nopi數同Kumon英文一星期一堂會有功課要做。這星期我同佢都覺得好辛苦，星期一默中文、星期三默英文、星期四測英文、星期五預默下星期的中文，簡直冇停過。就連琴都冇練，數學同英文的課外活動功課只有求其做便算。我仲要返工，唔知呢d日子仲要捱幾耐，睇見一個只有6歲的人仔我覺得我好殘忍，我好心痛。係咪要放鬆d呢？

作者: BBTWIN 時間: 11-10-22 23:55

我咪同你一樣, 你都好, 得一個. 我要跟兩個, 因我有一對孖女一同讀小一, 你話我點算?

佢上緊既ENOPI巳有3星期做唔到功課, 要上堂清左佢. 中文班仲衰, 因為路程遠, 為了應付測驗默書巳有兩星期冇上. 明天都可能上唔倒啦, 因為星期一要測驗. 中文功課都係放o係度, 惦都冇惦過. 仲要間學校收學費好貴, 我覺得似倒水落海. 而家打算cut左先, 等兩個女上軌道先再報. 我都覺得超辛苦, 你地一個都甘, o甘我點算好呢?

作者: 已刪除用戶 時間: 11-10-23 00:01

我係囡囡升小一時 cut 剩英文一科課外活動, 其他畫畫同游水全部停晒.

因為我要係小一次進評後先知學校既課程編排同進評點考, 假若仍然繼續返幼稚園時學緊既野, 囡囡必定會好辛苦.

小一頭幾個月小朋友要去適應新學校同課程, 好既唔使一個月會習慣, 唔得既可能要進評或總評後先得, 所以我決定係進評後先再安排其他活動.

就算我同朋友傾, 都係叫佢地暫停一段時間, 家長眼見小朋友好多野忙, 但又覺得停左會好浪費, 變左小朋友顧得學校課程就會無咁多精神去應付額外既練習, 點解要搞到咁呢???

囡囡今年小三, 小一小二時恆常課外活動係跆拳道同英文 (星期一上 ORT, 星期六上 Phonics 同 Grammar), 到小三決定將英文 ORT 同 Grammar 合併做 Private Lesson, Phonics 最後一個 level 只要囡囡願意上我先報, 等囡囡唔使咁辛苦.

我個人覺得先應付好學校課程先再報課外活動, 否則兩頭唔到岸, 最終辛苦左小朋友.

作者: kkhon 時間: 11-10-23 00:10

我最勞氣係同佢講極都唔明時間的重要，如果可以快d會有時間玩及做自己鍾意做的事。但佢算乖，叫佢寫幾多做幾多都肯唔會反抗(暫時）。英文同數學成績都OK,但中文就勁差依家Sunday惡補，但如果cut咗英文或數學又驚佢退步，真係唔夠時間，攪到成日好緊張。

作者: BBTWIN 時間: 11-10-23 00:27

原帖由 miriam 於 11-10-23 00:01 發表
我係囡囡升小一時 cut 剩英文一科課外活動, 其他畫畫同游水全部停晒.

因為我要係小一次進評後先知學校既課程編排同進評點考, 假若仍然繼續返幼稚園時學緊既野, 囡囡必定會好辛苦.

小一頭幾個月小朋友要去適應新學 ...

其實中文課程都幾好架, 我兩個女又鐘意上. 功課又願意做同每日一讀. 好可惜係真係冇時間, 有時間我都同兩個女溫習學校課程. 幼稚園時ENOPI同中文班都上得好輕鬆, 每週一定完成功課.點解而家攪成O甘?

作者: 已刪除用戶 時間: 11-10-23 00:31

原帖由 kkhon 於 11-10-23 00:10 發表
我最勞氣係同佢講極都唔明時間的重要，如果可以快d會有時間玩及做自己鍾意做的事。但佢算乖，叫佢寫幾多做幾多都肯唔會反抗(暫時）。英文同數學成績都OK,但中文就勁差依家Sunday惡補，但如果cut咗英文或數學又驚佢退步，真係唔夠時間，攪到成日好緊張。

有幾多個小朋友會明時間重要???? 就連我家小姐都仲係唔明架!

想要中文好真係老生常談！

中文真係要多閱讀, 閱讀之餘家長可以係小朋友閱讀時提出問題, 等小朋友思考內容, 亦都可以將自己感受同小朋友講, 咁先可以加強小朋友理解能力, 有時死做練習唔係無用, 但無多閱讀咁好.

可能我好彩係 FTM, 可以由幼稚園一路陪囡囡睇書, 所以佢中文我唔使擔心, 就算依家佢得閒無野做都會拎書睇, 睇既書由漫畫到長篇故事都有, 睇完佢可以講返故事內容畀我知, 亦都因為咁, 係中文作文時會運用返書入面睇過既字詞, 變左我中文唔使點跟.

英文我自問識睇唔識教, 所以外判等 NET 跟.

數學就有困難, 因為評估後係對空間數量感有問題, 所以我唔會點迫.

記住小一小二課程未係好難, 去到小三開始見真章, 現階段連父母都唔知點做時, 小朋友更加唔知點做.

可以既衡量下邊 d 課外活動可以暫時停一停, 等小朋友過左小一上學期再從新安排啦.

作者: 已刪除用戶 時間: 11-10-23 00:35

原帖由 BBTWIN 於 11-10-23 00:27 發表
其實中文課程都幾好架, 我兩個女又鐘意上. 功課又願意做同每日一讀. 好可惜係真係冇時間, 有時間我都同兩個女溫習學校課程. 幼稚園時ENOPI同中文班都上得好輕鬆, 每週一定完成功課.點解而家攪成O甘?

好多課程都好好, 但小朋友體力能力有限, 何況小一係一個完全唔同既階段, 幼稚園有幾多功課?? 小一又有幾多功課??

幼稚園只係半日, 小學係全日, 返半日時緊係有多餘時間去多好多野, 但小學...........每日少左四個鐘去休息同學野, 要係有限時間學埋幼稚園學緊既野, 老虎都死啦......

作者: Bear2004 時間: 11-10-23 01:36

唔好意思, 我想問問其實私校/直資/津校, 普遍上幾咪津校最多功課/測驗?

作者: itbaby 時間: 11-10-24 15:48

以我所知,大多數的學校的係多功課!

作者: Rainy 時間: 11-10-24 15:54

好驚添, 乜好似打仗咁..... 小三真係如臨大敵

點算

作者: ysnmama 時間: 11-10-24 16:02

雖然說已取消了一些活動. 但一星期還有兩堂小提琴, enopi及公文英. 除了上堂還要有功課. 可能真的要在這方面再取捨. 其實好像還有有空間去選擇. 只在乎家長願不願意再去選擇. 目前應該主要應付學業先. 總好比最後兩頭不到岸.

原帖由 kkhon 於 11-10-22 23:34 發表
呀仔上了小學完全冇時間玩，好慘！已經住得近每曰步行返學，每日放學回家食少少茶點5點開始做功課，差不多7點沖涼及晚飯已9點，佢做任何事都好慢，最後只可以溫習一陣間，準備明天默書或測驗，最遲10：30要上牀瞓。已經cut咗d冇胃課外 ...

作者: yipcharie 時間: 11-10-24 17:36

我女女今年都係小三,真係同小一,二無得比,小三成日要做tsa 練習,中文要作文150字以上,對於一個小三學生黎講真係好難!

作者: pandabonita 時間: 11-10-24 17:45

今年開始考小一的遊戲,囡囡仲係細b,都想找間少d功課的小學,好煩

作者: smallfoothk 時間: 11-10-24 19:37

目標性小學就昰多功課,多默書及考試,希望小朋友提早適應,如不能適應和被免家庭問題,有家長選轉校到活動性小學,如國際學校等

作者: pandabonita 時間: 11-10-24 21:35

我都有睇過一d官津,話乜乜活動教學,乜乜多元智能,但再問朋友又話其實出名d都好谷好多功課,dss又未必收同有d又教快,前路茫茫.

作者: 已刪除用戶 時間: 11-10-24 21:55

原帖由 ysnmama 於 11-10-24 16:02 發表
雖然說已取消了一些活動. 但一星期還有兩堂小提琴, enopi及公文英. 除了上堂還要有功課. 可能真的要在這方面再取捨. 其實好像還有有空間去選擇. 只在乎家長願不願意再去選擇. 目前應該主要應付學業先. 總好比最後兩 ...

小提琴兩堂 (上門) 當共用 3 個鐘, enopi 同公文.....要出去上計埋來回時間當 4 個鐘, 每科既功課當要用 4 個鐘 (可能唔止) 黎完成, 假若暫時重整呢 1x 個鐘時間點用, 小朋友可能會開心好多, 唔使咁辛苦.

我就好衰地將 ORT (1.5hrs) 同 Grammar (1.5hrs) 合併做 Private Lesson (1hr), 就係想慳返 2hrs 畀囡囡去做佢想做既野.

PL $380/hr, ORT & GR Ttl $399, 我仲要畀人話我差唔多價錢點解上小 2hrs 好蝕水喎.

作者: ms.aeroplane 時間: 11-10-24 22:31

有好多mami會响小一前比小朋友讀數學之類嘅課程,但一到小學冇時間時,又唔敢停,驚唔知會唔會倒退!其實有冇諗過,可能小朋友唔洗讀ed課程,可能自己都pick up到呢?我見過一d K3去公文數操...連乘數表都背埋,但小一嘅數學只係一般,什至令佢MAMI好擔心...!有D讀緊中文小學,但係又去學英數,咁點解唔去學英文呢?講真英文好,第時高年級再HANDLE英數,根本係唔係難事!!!但大家就是喜歡同"興"!不喜勿插

[ 本帖最後由 ms.aeroplane 於 11-10-24 22:32 編輯 ]

作者: emma-ma 時間: 11-10-24 23:16

提示: 作者被禁止或刪除內容自動屏蔽

作者: kkhon 時間: 11-10-24 23:36

我都覺得首要係校內成績，再睇多一排如攪唔掂真係要再取捨d課餘活動。

作者: karen55407 時間: 11-10-25 08:15

呀女踏入小學時，我己cut晒所有有功課要做嘅學術班，因為小學功課己夠晒皮，不如留返啲時間做其他啦！

作者: TwoBabies 時間: 11-10-25 09:27

現時香港的教育制度真的令家長們叫苦!

作者: ng.case 時間: 11-10-25 10:24

我都唔係好明小一數學要補d乜? 都係d加加減減既數. 其實多d玩關於錢既遊戲(如大富翁)可能會更易理解.
英文, 我覺得識在phonics 會好大幫助, 好彩我小朋友幼稚園有教.

至於中文, 睇多d課外書會有幫助, 同埋我覺得喜歡畫畫會幫助到默書寫字. 因為比較容易掌握到空間感同形象記憶, 有時見我小朋友寫字好似畫緊幅畫咁.

至於課外活動, 我覺得最緊要小朋友學得開心, 公文數、grammar 呢d我只會覺得係延續緊學校既課堂, 只怕會嚇怕小朋友返學.

歡迎光臨教育王國 (/)