教育王國

標題: 如校車公司服務非常差，怎辦？ [打印本頁]

作者: IICHENG 時間: 11-10-21 10:20 標題: 如校車公司服務非常差，怎辦？

校車公司是學校選的，我們是沒有選擇權，但校車竟然超載、超速、不載安全帶、保姆沒照顧小朋友、路線不合理、常遲到等等。但我們向學校反映，她們竟然叫我們不要搭校車？？？？？？？
是我們家長有問題嗎？

作者: chumamma 時間: 11-10-21 10:36

肉隨粘板上。

原帖由 IICHENG 於 11-10-21 10:20 發表
校車公司是學校選的，我們是沒有選擇權，但校車竟然超載、超速、不載安全帶、保姆沒照顧小朋友、路線不合理、常遲到等等。但我們向學校反映，她們竟然叫我們不要搭校車？？？？？？？
是我們家長有問題嗎？ ...

作者: pandabonita 時間: 11-10-21 11:47

如有pta,試下同主席講.或有冇其他保母車可選?

[ 本帖最後由 pandabonita 於 11-10-21 11:49 編輯 ]

作者: alice44 時間: 11-10-21 12:45

如有危險性的問題, 我覺得學校唔理, 可以打去教育局投訴, 等佢地出面同臬校攪.
時時都係因為校車問題找佢地去解決, 學校好似唔關佢地事咁, 乜都話無得傾, 真係火都嚟o架! 有兩年都係因為校車到了學校, 但學校話未夠鐘開門, 所以要佢地灰校外等開校, 我地d家長緊係擔心安全問題啦! 佢話無得傾, 唔可以比校車學生先入, 足足兩年, 到第三年有一位家長(唔係我呀)打去教育局投訴, 結果所有校車生可以先入學校. 你話d學校係唔係麻煩呢! 係要咁先做嘢.

作者: IICHENG 時間: 11-10-21 13:25

原帖由 pandabonita 於 11-10-21 11:47 發表
如有pta,試下同主席講.或有冇其他保母車可選?

已開學了，根本很難找列其他保姆車了。

作者: IICHENG 時間: 11-10-21 13:28

原帖由 alice44 於 11-10-21 12:45 發表
如有危險性的問題, 我覺得學校唔理, 可以打去教育局投訴, 等佢地出面同臬校攪.
時時都係因為校車問題找佢地去解決, 學校好似唔關佢地事咁, 乜都話無得傾, 真係火都嚟o架! 有兩年都係因為校車到了學校, 但學校話未夠 ...

學校點可以得罪架？想個女死咩，而且年年大把人申請入讀，我就吾敢了。而且現在出問題的主要是校車公司，不知我是否可向教育局、交通部或消委會告間校車公司呢？但個個同是學校同校車公司簽的。

作者: Charlotte_mom 時間: 11-10-21 13:29

我O係PTA睇校巴的, 試下答你:
超載-法例規定, 1.3米以下小朋友, O係家長認可情況下, 3個人COUNT2個, 所以, 好多校巴都"彩你都傻", 警察都唔拉, 即係唔犯法; 我地學校出標書時已嚴正要求校巴一定要一人一座位, 如果你地學校無特別要求, 咁就.......
超速-只可以靠警察拉, 同學校警告LOR, 可能係個別司機做法, 你可以試下嘈校巴公司
不戴安全帶-而家出既新車, 規定要每座位都有安全帶至發牌, 但舊車就係咁規定, 至於司機同保母係咪一定要幫小朋友戴(法律上), 我又答你唔出
保姆沒照顧小朋友、路線不合理、常遲到-真係肉隨針板上, 都係果句, 你可以同校巴公司反映, 但佢唔肯做, 你都無辦法......

學期中要轉校巴, 難過登天, 先唔好講斷約問題(無真憑實據好難中間斷約又唔賠錢), 就算搵到新公司, 都無可能MAKE SURE全校幾百人都唔受影響(路線, 質數, 價錢服務), 你試下同家教會/校巴公司反映, 睇下係你條線個司機保母問題, 定係根本校巴公司懶理學校又管唔掂, 如果係, 唯有自保了, 可以試下搵保母車

原帖由 IICHENG 於 11-10-21 10:20 AM 發表
校車公司是學校選的，我們是沒有選擇權，但校車竟然超載、超速、不載安全帶、保姆沒照顧小朋友、路線不合理、常遲到等等。但我們向學校反映，她們竟然叫我們不要搭校車？？？？？？？
是我們家長有問題嗎？ ...

作者: Charlotte_mom 時間: 11-10-21 13:34

我地都試過校巴超早到, 但我地係投訴校巴公司, 唔係投訴學校, 雖然學校有老師肯早D返去開門俾小朋友入, 但老師都要做野, 無人可以睇住學生, 萬一期間真有有人跌親撞親, 邊個負責?
另一方面, 校巴亦無理由為左接下一轉生意, 夾硬要D細路咁早出門口, 就算學校肯開門我地都覺得唔合理, 點解要求學校老師硬食, 日日早返湊細路就係方便俾校巴做生意?

原帖由 alice44 於 11-10-21 12:45 PM 發表
如有危險性的問題, 我覺得學校唔理, 可以打去教育局投訴, 等佢地出面同臬校攪.
時時都係因為校車問題找佢地去解決, 學校好似唔關佢地事咁, 乜都話無得傾, 真係火都嚟o架! 有兩年都係因為校車到了學校, 但學校話未夠 ...

作者: alice44 時間: 11-10-21 14:16

原帖由 Charlotte_mom 於 11-10-21 13:34 發表
我地都試過校巴超早到, 但我地係投訴校巴公司, 唔係投訴學校, 雖然學校有老師肯早D返去開門俾小朋友入, 但老師都要做野, 無人可以睇住學生, 萬一期間真有有人跌親撞親, 邊個負責? -- 學校就係好似你咁諗, 在校外跌親咁佢就唔使負責.
另一方面, 校巴亦無理由為左接下一 ...

當然有同校車公司反映先啦! 佢地采我地都傻呀! 話要跟住做廠車接工人.
校車公司只派了一個校車ee睇住d細路, 成6/70人得一個ee睇住, 去咗玩都唔知啦! 夏天晒冬天冬, 如果唔係有需要都唔會要個細路搭校車啦! 校車係學校揾, 佢都有責任配合, 既然傾唔掂就唔應該用呢間校車公司, 點解唔係學校責任呀! 佢點樣硬食呀? 要d細路每天在學校外面等成15-20分鐘先可入學校, 又係咩道理呀!
佢地又係話d老師返早要做其他嘢, 又話驚無人睇住d學生怕有危險, 結果教育局出面, 學校咪開了一個音樂室比d校車學生先入學校, 之前好多家長都係咁要求, 家教會都出埋, 但學校都唔肯, 教育局出聲, 又攪得掂喎, 咁點解要教育局出聲先肯做!

[ 本帖最後由 alice44 於 11-10-21 14:23 編輯 ]

作者: alice44 時間: 11-10-21 14:18

原帖由 IICHENG 於 11-10-21 13:28 發表

學校點可以得罪架？想個女死咩，而且年年大把人申請入讀，我就吾敢了。而且現在出問題的主要是校車公司，不知我是否可向教育局、交通部或消委會告間校車公司呢？但個個同是學校同校車公司簽的。 ...

可以唔出名, 之前嗰個家長都沒有出名, 因為怕影響佢個小朋友.

作者: Wendy212 時間: 11-10-21 14:32

原帖由 Charlotte_mom 於 11-10-21 13:34 發表
我地都試過校巴超早到, 但我地係投訴校巴公司, 唔係投訴學校, 雖然學校有老師肯早D返去開門俾小朋友入, 但老師都要做野, 無人可以睇住學生, 萬一期間真有有人跌親撞親, 邊個負責?
另一方面, 校巴亦無理由為左接下一 ...

咁校車係學校揾返嚟, 條件亦是學校傾, 點講都係學校嘅責任喎!

作者: IICHENG 時間: 11-10-21 15:21

原帖由 Charlotte_mom 於 11-10-21 13:29 發表
我O係PTA睇校巴的, 試下答你:
超載-法例規定, 1.3米以下小朋友, O係家長認可情況下, 3個人COUNT2個, 所以, 好多校巴都"彩你都傻", 警察都唔拉, 即係唔犯法; 我地學校出標書時已嚴正要求校巴一定要一人一座位, 如果你 ...

我們是小學，基本上都超過1.3米，超速原因是校車公司不夠車，要一個早上一架車行兩轉，所以成日遲到。安全帶是有的，但保姆沒有要求她們載，有時是由於超載3人坐兩人位，所以根本沒可能載上。

作者: IICHENG 時間: 11-10-21 15:26

原帖由 alice44 於 11-10-21 14:18 發表

可以唔出名, 之前嗰個家長都沒有出名, 因為怕影響佢個小朋友.

吾出名學校都知啦，因我們有向學校投訴過。但最不憤是學校主任只說校車公司咁差不要搭佢，那麼她跟校車公司回答我們，如想準時回到學校，叫D家長自己接送啦。

作者: IICHENG 時間: 11-10-21 15:27

原帖由 Wendy212 於 11-10-21 14:32 發表

咁校車係學校揾返嚟, 條件亦是學校傾, 點講都係學校嘅責任喎!

學校能面對現實就好了。

作者: alice44 時間: 11-10-21 15:37

原帖由 IICHENG 於 11-10-21 15:26 發表

吾出名學校都知啦，因我們有向學校投訴過。但最不憤是學校主任只說校車公司咁差不要搭佢，那麼她跟校車公司回答我們，如想準時回到學校，叫D家長自己接送啦。 ...

你個主任同我仔當時的主任一樣 "不負責任".

作者: TiTiTiTi 時間: 11-10-21 23:05

有一點要注意：
學校系對學童在校內的安全有絕對的責任，而照顧學童返校確是家長的責任。

有時候，學校照顧得多了，變成“奉旨”，行政做了，反而撈得個罵名！

要知道旅遊車都轉接上面的“老細”，對校車這類食水不深而又常接投訴、諸多要求的生意，真係唔志在，所以服務態度每況愈下！

要學校怎麼做？最好就是捐幾架校車比學校，再夾錢請司機！

作者: kyliema2006 時間: 11-10-21 23:19

好像呢一句唔實際得黎，其實係最實際。I like it!

不過講緊唔係幾架車，而係幾十架車。

講開又係，其實學校無義務要安排校巴，好多中學都無。又或者行車路綫，也未必能覆蓋全港，所以家長祇能選擇坐，或是不坐。

又好似，近日講飯盒唔好味的問題，解決方法祇有兩個，一是繼續訂飯，一是自行帶飯。

原帖由 TiTiTiTi 於 11-10-21 23:05 發表
要學校怎麼做？最好就是捐幾架校車比學校，再夾錢請司機！

[ 本帖最後由 kyliema2006 於 11-10-21 23:24 編輯 ]

作者: TiTiTiTi 時間: 11-10-22 11:15

睇番上面D post,
感覺上咩都系學校做，老師做，
其實學校、老師最原本應該系做D咩既呢？

尊貴的alice44，唔該易地而處，你話：
佢地又係話d老師返早要做其他嘢, 又話驚無人睇住d學生怕有危險, 結果教育局出面, 學校咪開了一個音樂室比d校車學生先入學校, 之前好多家長都係咁要求, 家教會都出埋, 但學校都唔肯, 教育局出聲, 又攪得掂喎, 咁點解要教育局出聲先肯做!

下下投訴到教育局，教育局當然唔想搞咁多野，自然比說話校長聽，叫學校息事寧人，學校自然唔想搞咁大，同當局撐到衡，唯有硬啃。

還丟下一句：系咪衰呢，系都要投訴先做野，真係......！

原來為了學生，犧牲老師的工作時間，甚至非工作時間是為了個別學生的需要，變成理所當然的，真的是【理】所當然嗎？

不過可能有人會說：老師為了學生，犧牲一下，不是應該的嗎？

有人告訴你這叫【自私】嗎？

作者: pandabonita 時間: 11-10-22 12:00

有關生命安全既野,我0願做怪獸好過後悔一生,不久前剛有單意外,當然如果盡左力但都改變5到就維有take some risks and hope for the best la:

保母車失控撼石壆打白鴿轉嚇煞七童
2011-10-12
天雨路滑，一輛載覑小學生的保母車，昨晨在何文田猛撞路中石壆，在路中打「白鴿轉」，以致車頭和車尾同告損毀，司機撞傷胸部，七名學童受傷後大聲尖叫，事後分乘多輛救護車送院。

http://news.hkheadline.com/daily ... 11/10/12/164496.asp

作者: IICHENG 時間: 11-10-22 12:44

大家平心靜氣去探討校車的問題, 本人認為學校是有絕對的責任的, 原因如下:
1) 校車是學校選定的,我們家長是沒選擇權, 一切條款也是學校與校車公司來定的;
2) 只有校車公司的車才可進入學校, 其他車輛只可在外面;
3) 中學其實學校真的可以不安排校車, 但現在我們談的是小學, 小學生真的需要保姆的照顧, 不然教育署為何規定小學校車要有保姆; 此點學2亦需要注意;
3) 而且現在校車超載, 超速及不帶安全帶都是安全問題, 校車(說明是校車 -- 車前也有學校名稱), 每天放學所有校車都是從學校開出, 如校車真的超載及小孩沒有帶上安全帶, 如校車出事了學校真的一點責任都沒有嗎?
4) 校車公司向學校投標的時候, 她們會說得怎麼怎麼的好, 現在校車沒兌現承諾, 就算學校真的處理不了, 也不可把身份已站在校車那邊. 因我們學校校長常強調家校合作的, 不可一句不要撘校車便以為很盡責.

當然不是什麼都是學校, 但學校和家長必須團結, 根本沒可能與校車公司一般見識.

作者: alice44 時間: 11-10-22 12:51

原帖由 TiTiTiTi 於 11-10-22 11:15 發表
睇番上面D post,
感覺上咩都系學校做，老師做，
其實學校、老師最原本應該系做D咩既呢？

尊貴的alice44，唔該易地而處，你話：
佢地又係話d老師返早要做其他嘢, 又話驚無人睇住d學生怕有危險, 結果教育局出面, 學校咪開了一個音 ...

我唔係想同係嘈, 請你都要易地而處, 如果你個仔女每天要背上一個咁重的書包, 在街上排隧15-20分鐘, 你就唔會咁口響, 學校可以要求校車要幾點先可以到學校, 咁點解佢地唔做呢? 要d小朋友在街上等回學校呢? 我仔之前已經受了兩年, 我都沒有投訴過, 只係問校長原因, 他說了我都沒有辦法, 只好要個仔硬受, 係之後有人傳出有家長出面攪掂, 但教育局出面, 學校立即配合, 咁係咪即是官字兩個口, 教育局大d, 所以學校先處理呢!
還有, 去教育局投訴的不是我, 請你睇清楚, 唔好揾嘢嚟嘈, 我同你有仇牙!

作者: alice44 時間: 11-10-22 12:55

原帖由 IICHENG 於 11-10-22 12:44 發表
大家平心靜氣去探討校車的問題, 本人認為學校是有絕對的責任的, 原因如下:
1) 校車是學校選定的,我們家長是沒選擇權, 一切條款也是學校與校車公司來定的;
2) 只有校車公司的車才可進入學校, 其他車輛只可在外面;
3) ...

你真係講得好好呀!

作者: pandabonita 時間: 11-10-22 13:06 標題: 回覆 20# IICHENG 的文章

如從好方面去想,可能學校有同校車公司講過但冇呼lei,中途轉校車公司未必可行,或者樓主你問下校長或負責人士出年招標會點處理.

作者: IICHENG 時間: 11-10-22 13:13

原帖由 pandabonita 於 11-10-22 13:06 發表
如從好方面去想,可能學校有同校車公司講過但冇呼lei,中途轉校車公司未必可行,或者樓主你問下校長或負責人士出年招標會點處理.

當然學校有同校車說過, 但其實我們提出的問題, 很多都是可解決的, 只要學校強硬一點便可, 但學校竟然站在校車方面, 我們作為家長又有什麼可言呢?

遲到/超速: 由於我們架車走兩轉, 上轉載中學, 下轉載小學, 那上轉早10-15分鐘不是已解決問題了嗎?

保姆/安全帶: 只要校車對她們再培訓便可

路線: 再研究調至合理便可.

作者: kyliema2006 時間: 11-10-22 15:00

中學返八點，要求再早十五分鐘出車，那麼有些學生需要六點幾搭校車，到時又到中學家長投訴。

原帖由 IICHENG 於 11-10-22 13:13 發表

當然學校有同校車說過, 但其實我們提出的問題, 很多都是可解決的, 只要學校強硬一點便可, 但學校竟然站在校車方面, 我們作為家長又有什麼可言呢?

遲到/超速: 由於我們架車走兩轉, 上轉載中學, 下轉載小學, 那上轉 ...

作者: IICHENG 時間: 11-10-23 10:08

原帖由 kyliema2006 於 11-10-22 15:00 發表
中學返八點，要求再早十五分鐘出車，那麼有些學生需要六點幾搭校車，到時又到中學家長投訴。

我們那裡中學上車才7時15分, 再早也只是7時. 而且有家長是同時有中學及小學的仔女在cky, 但她們也希望中學可早10-15分鐘, 因校車因要走兩轉而令小學那轉超速但依然遲到.甚至有家長要求就算沒保姆也寧願小學生轉乘中學校車, 只是學校以安全為由拒絕了, 你們說學校是否處事非常矛盾?

作者: lingchuling 時間: 11-10-24 00:13

這個問題是沒有辦法解決，根本是現實問題，因為做學校綫一定不好賺，又煩，又多手尾跟，所以現在的校巴及保母車的服務都比以前差了很多，即使投訴也沒多大用處

你們想想，現在出生率少了，每間學校收生人數又比以往少了，相對上搭校車人數也少了，而且還要有不同的線路，而且又來自五湖四海，又散，又要去不同的地方，成本很大，所以我想有很多校車都開始不想做學校綫

我自己兒子一年級時也搭過校車及保母車，現在雖然沒有搭，但是仍不時聽到很多家長的不同問題，但是想深一層，根本是解決不了，因為各方面都有各自的問題

作者: Charlotte_mom 時間: 11-10-24 11:00

好多大校巴公司, 唔會肯遷就學校太多要求, 反正唔愁無生意都廢事接, 細公司嘛.....質數參差, 而且行頭窄, 有咩GOSSIP就會成行都知, 所以學校揀校既, 校巴都揀客.....

原帖由 IICHENG 於 11-10-23 10:08 AM 發表
我們那裡中學上車才7時15分, 再早也只是7時. 而且有家長是同時有中學及小學的仔女在cky, 但她們也希望中學可早10-15分鐘, 因校車因要走兩轉而令小學那轉超速但依然遲到.甚至有家長要求就算沒保姆也寧願小學生轉乘 ...

[ 本帖最後由 Charlotte_mom 於 11-10-24 11:04 編輯 ]

作者: yspa 時間: 11-10-24 13:01

看到樓主的文章，令我想起上年有一則新聞，是有關一名乘校車的小朋友因遲到上不到校車自已上學被撞死。我想學校及校車公司要以此事警惕安排。不要只以經濟利益為主要考慮因素，不要用「打份工」心態做事。如果做到你超速我就報警，要去找教育局或傳媒才改善問題，那麼家、校丶校車公司三方也不好過。

作者: Charlotte_mom 時間: 11-10-24 13:18

咁果件我覺得又係個別事件, 大家又點知係校巴早走唔等人, 定係學生遲左先?
有咩理由要成車人等一個遲到既學生? 個個站等5分鐘, 最尾個站真係等到發霉了
我地俾校巴GUILDLINE, 都係"唔等" (有可能的話酌情處理一下都可以, 但規矩一定係以大眾利益為目標

原帖由 yspa 於 11-10-24 01:01 PM 發表
看到樓主的文章，令我想起上年有一則新聞，是有關一名乘校車的小朋友因遲到上不到校車自已上學被撞死。我想學校及校車公司要以此事警惕安排。不要只以經濟利益為主要考慮因素，不要用「打份工」心態做事。如果做到你超速我 ...

作者: Hihiha 時間: 11-10-24 13:38

原帖由 lingchuling 於 11-10-24 00:13 發表
這個問題是沒有辦法解決，根本是現實問題，因為做學校綫一定不好賺，又煩，又多手尾跟，所以現在的校巴及保母車的服務都比以前差了很多，即使投訴也沒多大用處

你們想想，現在出生率少了，每間學校收生人數又比以往少了，相對上搭校車 ...

你真是洞悉世情，很讚！

聽經營校巴的人說，有些學校全行都出哂名難做，路線覆盖範圍大，家長投訴多，不如唔做。所以，莫道你在選擇人，人亦在選擇你！不要以為學校大哂！

作者: pandabonita 時間: 11-10-24 13:57

係商業社會,一定係$最大.

話時話,都5好話ebd 5 用心良苦,5鼓勵小朋友小學誇區上學.

作者: yspa 時間: 11-10-24 15:05

原帖由 Charlotte_mom 於 11-10-24 05:18 發表
咁果件我覺得又係個別事件, 大家又點知係校巴早走唔等人, 定係學生遲左先?
有咩理由要成車人等一個遲到既學生? 個個站等5分鐘, 最尾個站真係等到發霉了
我地俾校巴GUILDLINE, 都係"唔等" (有可能的話酌情處理一下都 ...

我也同意遲到不用等候，我想指出是校車經營者不可以自己可「走多兩轉」為由，不必要地提早學生上車的時間。經營者無足夠資源及責任感就不要接校車服務合約。學校要做好監察及溝通工作，平衡家長要求及校車公司的利益，達到雙贏而不是互相指責。一句「你可以唔撘」不能解決問題之餘亦給人不負責任的感覺。當然，家長們亦不可太自私，有自己的立場之餘亦要妥協，不要太「怪獸」。

作者: Charlotte_mom 時間: 11-10-24 15:35

TOTALLY AGREE!
邊方面都好, 做事對得住人對得住自己, 事情至會SMOOTH

原帖由 yspa 於 11-10-24 03:05 PM 發表

我也同意遲到不用等候，我想指出是校車經營者不可以自己可「走多兩轉」為由，不必要地提早學生上車的時間。經營者無足夠資源及責任感就不要接校車服務合約。學校要做好監察及溝通工作，平衡家長要求及校車公司的利益，達到 ...

作者: lingchuling 時間: 11-10-24 15:35

但實際又有校巴或保母車忘記了某個仔，未夠鐘就已走了，我又真的看見實例那些小朋友送車尾，即使我不是當事人也想幫那媽媽出出聲（只是問問你們的錶是什麼时間，可按你的時間來調校，但是郤得來不肯答的結果及他們堅持自己沒錯，合共３個家長以上看到），所以我也只有無奈的感覺

作者: Yiu1710 時間: 11-10-24 21:14

提示: 作者被禁止或刪除內容自動屏蔽

作者: IICHENG 時間: 11-10-25 09:27 標題: 回復 8# yspa 的帖子

此校車新聞便是我們學校了

作者: ziyi 時間: 11-10-25 09:58

我見如綠色小巴/旅遊巴會貼上綠色圓型載客的許可証在車尾,而其他一些旅遊巴是貼上綠色及紅色許可證的

聽聞如果要載學生,是需要有紅色許可證才得..究竟係唔係?

原帖由 Yiu1710 於 11-10-24 21:14 發表
〈旅遊巴牌〉
運輸署為了控制非專營巴士車隊的增長，自05年開始，停止增發旅遊巴營業證，令數量多年來維持在約七千一百個。停止發營業證，變相令市場上可以營運的旅遊巴，供應不變。每一架旅遊巴向運輸處申請一個營業證，可以營 ...

作者: Yiu1710 時間: 11-10-25 10:59 標題: 回復 1# ziyi 的帖子

提示: 作者被禁止或刪除內容自動屏蔽

作者: ziyi 時間: 11-10-25 12:17

但有時心想,時代唔同了
自己細個時,小一的我跟小四的家姊手拖手行差不多半個小時上學,途中過很多大馬路
而放學也如此,而回到家,也只有幾個小孩在家獨處

但現在呢..如果這樣一定俾政府告啦

但現實係有很多人都是生活無奈下,如果沒有校巴,就變成犯法了

題外話...政府定了11歲以下兒童獨留是可以告父母,但政府的暫託卻只去到6歲

前年因事有個多星期真的找不到幫忙下,去申請暫託,才知道...整個TKO,得2~3間係社處認可的暫託,每間得2個位
而且只去到5點

神奇呢...你要保護兒童立法,我舉手舉腳支持,我都愛自己的小朋友
但支援卻跟唔上.那這就有問題了.

幸福不是必然的.對一些人來說...邊個唔想自己送到啊!!
多一些親子時間都好...唔使回到家只看到睡著了的小朋友!!

題外話...不喜不要插!!

作者: IICHENG 時間: 11-10-26 08:58

此題目最主要是想說明校車公司、學校及家長的職責，校車公司接了學校的生意，無論如何有什麼困難也應該履行職責，今時今日這樣的服務態度是很不該的。學校代表所有家長選擇校車公司，以及制定條款，因此亦有職任去要求校車履行合同條款。而家長必須照顧好小朋友，及確保其安全，不然佛山悅悅事件會重演在香港。

作者: Charlotte_mom 時間: 11-10-26 10:50

我只能講句: 人既慾望係無限的!
我自己睇學校校巴, 每年都不停收家長投訴投訴投訴(通常滿意既唔無出聲讚), 有d係合理(如安全問題), 亦有d係自私, 我成日都話, 校車服務係睇"大路", 唔會滿足every家長個人利益(例如成條街都唔係禁區點解唔可以座座大廈都停一下, 你唔顧下最尾落車個細路?)
顧客唔係永遠是對的, 我send左個pm俾你, 你可以睇睇, 你就明點解cky要用呢間校巴公司, 如果fundamental條件唔改, 未來日子亦唔會有彎轉, 呢樣你同其他家長, 學校, 家教會, 係要坐低傾傾的

原帖由 IICHENG 於 11-10-26 08:58 AM 發表
此題目最主要是想說明校車公司、學校及家長的職責，校車公司接了學校的生意，無論如何有什麼困難也應該履行職責，今時今日這樣的服務態度是很不該的。學校代表所有家長選擇校車公司，以及制定條款，因此亦有職任去要求校車履行 ...

作者: IICHENG 時間: 11-10-26 11:06

當然不是顧客永遠是對的，但處理問題必須要對事不對人，要了解顧客的投訴是否合理，如合理(超載、超速、未帶安全帶開車等等)，如學校認為是合理便應該全力一致對外，校長一向強調家校合作。如怪獸家長提出不合理的，學校亦應有耐性地與家長去探討。
我明白校車難找，但做生意也要有良心，尤其是客顧是一些弱小的孩童，教育局也有規管校車的安全性，作為定長提出來是合理，學校幫助解決是應該，校車公司履行合約條款是絕對應該。

作者: Charlotte_mom 時間: 11-10-26 11:21

明! 所以現今大前提係"有間似樣既校巴公司"肯入標.
唔怕羞講句, 我地學校都係得一間入標, 有一年有2間, 但另一間口碑唔得, 車隊亦唔夠, 平D都唔會揀 (我地D線太濕碎大行唔願接)
處理校巴幾時都係高難度, 大家都希望有間OK既, 出年都繼續用, 起碼ADMIN上煩惱少好多, 安全問題OK的話, 其他保母態度唔好車箱有味等等, 我地再慢慢傾
希望你地能早日處理好問題

原帖由 IICHENG 於 11-10-26 11:06 AM 發表
當然不是顧客永遠是對的，但處理問題必須要對事不對人，要了解顧客的投訴是否合理，如合理(超載、超速、未帶安全帶開車等等)，如學校認為是合理便應該全力一致對外，校長一向強調家校合作。如怪獸家長提出不合理的，學校亦應有耐 ...

作者: 200301 時間: 11-10-27 10:06

我小朋友間校車公司個保姆每天都係坐在車上等小朋友上車,唔人村, 要幾小學生係大馬路邊等車.超速,走錯路...不足20人又唔肯開車接送課外活動學生,向學校反映,就叫我小朋友退出...校車公司你最大

作者: Whitesnow 時間: 11-10-27 10:32

如果學校咁樣, 一定係私相授授啦, 你嘈都冇用:(

作者: Charlotte_mom 時間: 11-10-27 11:29

又唔好咁唸
有時學校都無人揀, 每年出標係基本程序, 無人入(各樣原因啦, 上面都有講, 校巴大把生意唔恨做, 你揀人, 人揀你).........都得一個OFFER仲點敢阿之阿左丫!

原帖由 Whitesnow 於 11-10-27 10:32 AM 發表
如果學校咁樣, 一定係私相授授啦, 你嘈都冇用:(

作者: IICHENG 時間: 11-10-28 10:22

我也認為不要這樣看學校有利益，但我始終認為校車涉及安全及代表學校，不管校車怎麼有議價能力，學校為學生利益而作出交涉是必須的，不可就此忘記了家校合作的重要性。
因學校的立場一定要很鮮明的，不然學校一定是錯的。同時我作為家長亦時時檢討是否不自覺下變得怪獸，有的話會改，但涉及小孩的安全我絕對不會改，以及會爭取到底。

作者: yspa 時間: 11-10-28 18:49

我想短期內樓主可以教育小朋友上車後自己戴安全帶，首先要小朋友保護自己，不要太依賴保母。之後再同校方溝通，大家找出一個以小朋友安全為前提的解決方案，再準備如果無改善下學年可否聯同其他家長自組私人保母車，這一定會很辛苦，但為了小朋友，加油吧。平常心面對，舒緩自己壓力。

作者: hellomimi2004 時間: 11-10-28 22:19

E+校車問題真係沒完沒了, 家長有家長投訴, 校車公司方面就意見接受, 態度照舊, 學校方面就表現出無能為力, 只有深表遺憾. 就係因為校車問題解決唔到, 令到家長們自行接送人數只有與日俱增, 繼而造成學校門口交通大混亂, 大擠塞, 這種情況只會係惡性循環. 學校方面一定要正視家長反映嘅意見, 幫助家長與校車公司解決問題, 否則家長與學校都只會處於兩難局面.

作者: IICHENG 時間: 11-10-29 00:20

原帖由 hellomimi2004 於 11-10-28 22:19 發表
E+校車問題真係沒完沒了, 家長有家長投訴, 校車公司方面就意見接受, 態度照舊, 學校方面就表現出無能為力, 只有深表遺憾. 就係因為校車問題解決唔到, 令到家長們自行接送人數只有與日俱增, 繼而造成學校門口交通大 ...

謝謝你們的認同及支持

歡迎光臨教育王國 (/)