教育王國

標題: 溫默書 [打印本頁]

作者: 河馬 時間: 11-10-18 12:27 標題: 溫默書

學校星期2英默 , 星期5中默 , 本身問題不大
但今年英文老師怕小朋友唔溫, 所以每日堂上試默10-15默書範圍生字, 唔合格每個抄10次, 第2日又另外10-15個生字。亞囡每日都唔合格, 每日抄成個鐘 , 就係咁每日功課做到10-11點, 無時間溫第二日果d, 連中文都無時間溫, 成績跌晒。佢又唔開心, 成績唔好爸爸又話佢唔溫書 , 我又壓力大。

比你會點做 ?

作者: anna59 時間: 11-10-18 14:15

佢記性好唔好,因為默書系孝一個人既記性,其實個老師出發點系好既,因為有d人要默好多次

作者: ms.aeroplane 時間: 11-10-18 14:21

但係個老師係米過左少少火呀,E+阿女黙書,錯左字,都係改返兩次!E+仲要唔及合,改十次???...有D野抄得多唔代表會記得架...!趕住改正,都唔會用心去記啦...我覺得老師係用一個消極方法....同埋個細路唔温,D阿媽都要佢地温啦,又有乜理由話驚佢地唔温呢...!

[ 本帖最後由 ms.aeroplane 於 11-10-18 14:22 編輯 ]

作者: Wendy212 時間: 11-10-18 14:23

其實老師咁做係好, 因為有d學生的家長唔識英文, 幫唔到佢地黙, 以至正式黙書時唔合格.
你個女記憶力好唔好呢? 佢有無認真咁去溫呢? 其實只係10-15個生字一日, 有溫就應該唔會唔合格喎!

作者: 洋蔥頭媽咪 時間: 11-10-18 15:25

其實而家好多老師都會用呢d方法黎谷小朋友，呢d情況上到中學會更加多，老師主要都係想比d壓力佢地要主動學習，否則就會受罰。樓主你囡是否初小？每個小朋友能力都唔同，如果你覺得老師在預默時罰抄太多，你囡太大壓力，可以致電該科任老師了解一下，適量協調，家校合作對小朋友會幫助大
d。

作者: 河馬 時間: 11-10-18 15:43

小三
以前我自己做法係頭3日(星期2-4)每日抄範圍1次(抄時要讀出聲), 跟住溫中默, 第4日開始(星期5-一)每日試默1次 , 錯字少5次. 咁佢中默通常9x分 , 英默 7x-9x.

但依家中文 8x 英文 6x , 仲要晚晚為溫書吵吵鬧鬧, 咁辛苦唔知為咩。同老師傾過 , 佢話佢教其他5-6年班果d都係咁無問題 , 可能只係我地3年班小朋友未慣(其他家長同我同一問題), 比時間小朋友習慣就無問題 , 唔洗改喎

作者: 河馬 時間: 11-10-18 15:55

學校有網上試默 , 方便唔識英文家長
亞女本來記性好但唔鍾意人迫 , 係補習社迫佢每個錯字炒10個 , 再默唔識20個一路加上去 , 默到100分先准放學 , 佢想快走就好似用暫存記憶個一核記 , 一出補習社就delete 晒。

其實其他補習社係咪咁幚小朋友溫呢?

原帖由 Wendy212 於 11-10-18 14:23 發表
其實老師咁做係好, 因為有d學生的家長唔識英文, 幫唔到佢地黙, 以至正式黙書時唔合格.
你個女記憶力好唔好呢? 佢有無認真咁去溫呢? 其實只係10-15個生字一日, 有溫就應該唔會唔合格喎! ...

作者: Wendy212 時間: 11-10-18 18:17

原帖由河馬於 11-10-18 15:55 發表
學校有網上試默 , 方便唔識英文家長
亞女本來記性好但唔鍾意人迫 , 係補習社迫佢每個錯字炒10個 , 再默唔識20個一路加上去 , 默到100分先准放學 , 佢想快走就好似用暫存記憶個一核記 , 一出補習社就delete 晒。

其 ...

其實阿仔無去過補習社做功課溫黙書嗰d, 所以唔知補習社係點做, 但我6年嚟同阿仔黙書, 無論中英都係9字頭(每學期一次), 9成都係100分. 我唔係喺bk見到, 都唔知原來黙書會煩擾到咁多家長.

作者: lovelyTabo 時間: 11-10-19 01:36

想問你收到範圍後幾日老師便開始每日同佢默呀? 我多數一收到即晚溫一次, 第2日溫頭半截,第3日溫尾半截咁...

原帖由河馬於 11-10-18 12:27 發表
學校星期2英默 , 星期5中默 , 本身問題不大
但今年英文老師怕小朋友唔溫, 所以每日堂上試默10-15默書範圍生字, 唔合格每個抄10次, 第2日又另外10-15個生字。亞囡每日都唔合格, 每日抄成個鐘 , 就係咁每日功課做到10- ...

作者: 河馬 時間: 11-10-19 09:08

今日派明天默

第1次預默唔合格就惡性循環 , 到星期六停一停, 星期日傳心溫 , 星期一預默就ok , 星期二默就合格

噚日再同老師傾過 , 佢教如亞囡唔夠時間溫唔好迫佢溫到100% , 只要溫到8成預默保住合格 , 咁就唔洗抄咁多, 就有時間溫第2日預默果d。但佢唔可以改預默型式, 因佢覺得對某些同學有用。但唔通我又同補習班社講咩

作者: 洋蔥頭媽咪 時間: 11-10-19 09:41

唔好介意我甘講，唔知你囡果間係咪傳統學校，你囡個老師似乎麻麻地，初小小朋友冇可能今日派聽日默唔識就抄甘多次，谷得甘緊，其實有時谷得太盡或許會有反效果，小朋友容易放棄，所以有d家長話點解仔女不停補習但仍然好差其實同一道理。
嘅然老師要求係甘，你唯有幫囡溫左默書先，溫習押後，你要多d鼓勵囡囡，同佢講你知佢辛苦，只要佢盡左力就算係點你都唔會怪佢，你會支持佢，唔好鬧佢，小朋友要氹架！

作者: Carelesswhisper 時間: 11-10-19 12:08

我估你個囡囡都係讀緊” 谷”既學校. 另一個角度睇, 係咪老師想train up學生早D溫習? 係咪用心良苦呢? 如果只係得一晚溫習, 有D學生都有相同問題, 可吾可以提議老師早多日比範圍呢?

遲D會有Unseen Dict, 冇得溫, 只係靠平時睇多D書或報紙同埋記多D生字, 識phonics會有D幫助…

試下比多D鼓勵囡囡喇! 有冇keep住學phonics, 會有D幫助架…Add oil!

作者: SEI 時間: 11-10-19 13:08 標題: 回覆 1# 河馬的文章

My son learnt Phonics for 1 year, it really help him for spelling and reading, you can ask your daughter to try it if she does not learn Phonics before.

歡迎光臨教育王國 (/)