教育王國

標題: 留堂在中學是不是很普遍 [打印本頁]

作者: SUEMAMA 時間: 11-10-15 13:04 標題: 留堂在中學是不是很普遍

問大家留堂在中學是不是很普遍。我啊仔間學校漏帶功課要留堂，啊仔小學時已經常有甩漏，中一時已非常擔心，因為學校每月留堂超過4次要記過，上學期和下學期已經中招。

以為到中二他會改善，結果重大鑊。開學短短兩月，已記過兩次。一次是老公幫他把叉好電的電話放在書包，忘了關掉，啊仔也沒有留意，因為他通常都不用手機，結果上堂時手機響起，老師要記過和沒收手機一個學期。老公跟學校解釋也沒用，反而說他不應該縱容兒子，應該讓他自己叉電。唉，我老公就是喜歡幫全家人的手機叉電，我的也一樣，這次真是因愛成害！

還有一次英文老師問誰忘了做worksheet的站起來，然後又問第二遍，啊仔第一次聽不清楚（當然可能是他沒留心），第二次才站起來，結果第二次招認的同學全部記過。

有次跟校車師公司聊起，說他那些車放學時通常只有兩成滿，因為課外活動啦,而且很多同學都要留堂，那是說留堂很普遍吧！

我覺得啊仔間學校太嚴，對啊仔不單沒幫助，他為了避免漏帶，每天都把每科的所有書本，作業，supplementary （有些科3，4本），exercise book等等通通帶上，結果書包超重。

大家可以分享一下嗎？

作者: vincher 時間: 11-10-16 11:24 標題: 回復 1# SUEMAMA 的帖子

my son : 3 times @month,forgot to bring HW back,or forgot to do hw

of course ,he need to stay at school

學校每月留堂超過4次要記過----too harsh

my son's school : just deduct the conduct mark (-1,about 4 times /month)

作者: fallenleaf 時間: 11-10-16 13:42

原帖由 SUEMAMA 於 11-10-15 13:04 發表
問大家留堂在中學是不是很普遍。我啊仔間學校漏帶功課要留堂，啊仔小學時已經常有甩漏，中一時已非常擔心，因為學校每月留堂超過4次要記過，上學期和下學期已經中招。

以為到中二他會改善，結果重大鑊。開學短短兩月，已記過兩 ...

我而家好後悔唔早早訓練佢自己處理大小事務，做成佢太多依賴，連交通告，寫家課都處理得唔好。而家開學個多月已經3次記名，若夠6次就留堂，再累計3次留堂就記一次小過。

我都問過老師，老師話現在的小朋友已被寵壞，不懂處理日常大小事務，連最基本的禮貌和專重別人都無，只懂讀書和打遊戲機。所以要留堂，希望有阻嚇作用。我承認我的小朋友係被寵壞所累！

作者: 黃巴士 時間: 11-10-16 16:30

我想, 小學期間唔係唔想放手, 而係依家依輩小學生咁多EXTRA EXERCISE要操, 補習, 課外活動- MUSIC, SPORTS 等.
又要顧吓小朋友健康.
唉!!  叫小朋友做, 佢一定會做, 只不過做得太慢. 每日放學後已不多時間.  有時仲要見小朋友ME ME 摸摸, 不其然覺得浪費了很多時間, 家長便會插手去做!!! 香港人就係咁要睇鐘做人.

我唸如果唔係咁多嘢迫埋來, 好多家長都會放手- 優閒地叫小朋友自理.

到中學, 見小朋友咁多嘢要適應- 交際,學業, 品德.... 不免都"心痛" - 做功課&溫書咁夜, 會唔會好勊?? 邊個家長想小朋友咁辛苦呢??  家長又可以有幾多次可以硬著心腸去唔理呢??  果種況苦真係...... 所以明白有時家長間中插手吓, 都是人之常情........

我唸小朋友唔係太過份依賴&失卻自理, 樓主都放鬆D, 唯有順其自然.

[ 本帖最後由黃巴士於 11-10-16 16:35 編輯 ]

作者: Hoining 時間: 11-10-16 17:47 標題: 回復 1# SUEMAMA 的帖子

提示: 作者被禁止或刪除內容自動屏蔽

作者: talknwrite 時間: 11-10-16 22:09

連收拾書包都不會, 小學六年白過了

作者: Yanamami 時間: 11-10-16 22:40

我諗女仔會好d. 無聽過女講有乜嚴重後果. P3以後我已沒再理她功課了, 所以現在升了中學也沒甚么問題.

作者: kilykilyk 時間: 11-10-17 12:52

我在小學一年班已經開始訓練呀囝自立,汁嘢帶嘢都係要佢自己汁,然後比我check,漏咗再提點佢,好采呀囝佢性格都比較自立,他從來都不需要叫先起身刷牙洗面,鬧鐘一響佢就起身,打從一年班開始,佢都開始自己換校服,不過6年小學裏都久不久唔記得帶書,漏帶回條或工課番家,現在升到中學...見佢比小學有進步,但都試過汁漏嘢反家,唔見咗又唔記得放喺邊,嗰樣仲係測驗嚟,好采後來搵番.....中學真係比小學忙,又多嘢記,小朋友真係要適應期....

作者: ALAL 時間: 11-10-17 14:21

我唸如果唔係咁多嘢迫埋來, 好多家長都會放手- 優閒地叫小朋友自理.

我校內聯網有功課紀錄,可以跟下
另外不是明天交的功課要寫在交個日的位置下面.

作者: yan98 時間: 11-10-17 14:28

亞女間學校無交功踝要即曰留堂，做完先准走。欠交六次要扣操行分及記小過。已經欠左一以，都唔知捱唔捱到學期尾

作者: 洋蔥頭媽咪 時間: 11-10-17 14:54

樓主你囝學校好似興記過多d woo.,其實而家d中學都幾鍾意留堂，而留堂對學生黎講又唔係有好大意義，因為多數都係留校做功課，雖然有時佢地欠功課都好應該罰下，但有d野我又覺得冇必要 Law ..
我囝升中初初我都好介意要留堂，但因為佢地實在太多野要留，都幾難避免，好彩佢學校漏書果d都係記名 or 缺點，好多次先會記過，所以只好叫呀囝盡量做好本份，我都唔會比太大壓力佢。
我囝學校好嚴，欠交功課留堂，每週d英語活動攞唔足印仔又留，默書唔合格又留，今年F.2仲慘，佢數學功課做錯一題都要留 .. 唉
F.1起我已經完全放手,其實 d細路都好辛苦架 !
放鬆d啦，做父母唯有多d鼓勵同支持
佢！

作者: sukkiu 時間: 11-10-20 21:56

我仔女兩間中學,都是一欠功課就留堂,而欠幾次就會記缺點.而留堂都是做功課,我都麻木了,當然我的子女都不是經常留堂,一年有幾次.個仔都試過記缺點,個女連欠交回條,或簽名都是欠功課.

作者: 洋蔥頭媽咪 時間: 11-10-21 12:33

原帖由 sukkiu 於 11-10-20 21:56 發表
我仔女兩間中學,都是一欠功課就留堂,而欠幾次就會記缺點.而留堂都是做功課,我都麻木了,當然我的子女都不是經常留堂,一年有幾次.個仔都試過記缺點,個女連欠交回條,或簽名都是欠功課. ...

一樣 ... 欠交回條,或簽名都留

作者: Lovely媽咪 時間: 11-10-21 14:23

真係好唔慣,我仔升中一後一星期最少2日,最多4日要留堂,有時做漏功課,有時欠帶嘢,有時遲入課室,仲之就咩理由都有.....最慘係根本唔知佢係留堂定去咗邊,因唔係次次都會寫手冊

依家都開始習慣佢既放學時間係6點

作者: 701003 時間: 11-10-24 09:39

學校留學生堂係盡責ge表現！對學生過失不聞不問就係失責！父母應感謝學校，仲要配合校方將小朋友缺失改善！
有好多band 1 top中學係唔會浪費時間留學生堂，第一時間扣操行分or平時分就算數

作者: 98730 時間: 11-10-24 10:43 標題: 回覆 1# 701003 的文章

作者: 洋蔥頭媽咪 時間: 11-10-24 13:30 標題: 回復 2# 701003 的帖子

我唔完全同意你嘅講法Law,好似我囝學校其中數學功課唔係欠做，而係做錯一題都要留堂，而留堂並唔係有老師會教番佢地答案，只係留響度做功課，所以其實幫助唔大，而呢d做法根本就係谷緊d細路嘅方法。P.S 我囝係精英班.

我相信學校都會想小朋友好，但就對家長同小朋友造成好大壓力 Law.
我認同學校賞罰方法，但最重要係合情合理。

作者: 701003 時間: 11-10-31 10:59

小朋友有壓力，家長應該想方法教仔女舒緩，將壓力變成推動力！學校留堂啫，連父母都要攬埋呢d壓力？唔好啦啩

我仔P.2開始留堂，F.2仲要留堂，依家F.3終於留少咗堂啦，我無咩壓力wor.....

作者: 馬友友 時間: 11-11-7 19:41

唉,系咁架喇

小學同中學根本就唔同,小學唔記得帶野最多都系企系度/同隔離個個1齊睇/聽日交番份功課.
但系中學就真系唔同,冇帶書可能要抄課書,冇帶功課仲慘,要罰留堂!

仲有架,遲到都要罰留堂

作者: ALAL 時間: 11-11-8 08:01

我個仔校有三種留堂班,我都好亂,有一次他去錯左另一個留堂班,最後15分鐘先到應去的留堂班,結果在15分鐘內要寫500字中文,你地話是壓力環是動力?其實在乎你點看.

原帖由 701003 於 11-10-24 09:39 發表
學校留學生堂係盡責ge表現！對學生過失不聞不問就係失責！父母應感謝學校，仲要配合校方將小朋友缺失改善！
有好多band 1 top中學係唔會浪費時間留學生堂，第一時間扣操行分or平時分就算數 ...

作者: Yanamami 時間: 11-11-8 08:28

我睇怕你個仔留堂當食生菜, 都無咩壓力, 更無效用.....

原帖由 701003 於 11-10-31 10:59 發表
小朋友有壓力，家長應該想方法教仔女舒緩，將壓力變成推動力！學校留堂啫，連父母都要攬埋呢d壓力？唔好啦啩mouth:" /> 我仔P.2開始留堂，F.2仲要留堂，依家F.3終於留少咗堂啦，我無咩壓力wor..... ...

作者: 701003 時間: 11-11-8 17:15

原帖由 Yanamami 於 11-11-8 08:28 發表
我睇怕你個仔留堂當食生菜, 都無咩壓力, 更無效用.....

學校留佢堂有效用ga！佢依家進步咗啦！
我唔會攞亞仔d壓力黎受啦，因為我相信學校出發點係要培養同學自律/自我承擔，我唔想亞仔高分低能變港童！

作者: KWT 時間: 11-11-9 10:31

原帖由 SUEMAMA 於 11-10-15 13:04 發表
問大家留堂在中學是不是很普遍。我啊仔間學校漏帶功課要留堂，啊仔小學時已經常有甩漏，中一時已非常擔心，因為學校每月留堂超過4次要記過，上學期和下學期已經中招。

以為到中二他會改善，結果重大鑊。開學短短兩月，已記過兩 ...

我仔仔讀F.1時情況跟你仔仔相似,且更嚴重.做漏或沒帶功課要留堂補做兼記缺點,沒有即日早上上第一堂課開始時交功課即屬遲交要記缺點,帶漏課本一本記一缺點,二本二個,如此類推.遲到2個缺點,冇帶學生卡記一缺點.第一次上音樂堂,在音樂室見到桌上面有人寫左句粗口,佢貪得意細細聲照著文字讀出來,於是標籤為講粗口,要出warning及記缺點.那時連我也覺得他動輒得咎,做什麼事都會記缺點.

有個早上,在佢上學途中我打他手機問他有沒有帶鎖鑰,之後他忘記關機,上堂時手機突響,他連忙熄機沒有接聽,都要沒收手機及記缺點.

最慘是他無意中看到同學手冊,記得那同學有一次大家都沒有交功課,而佢本手冊並沒有記上缺點,再看其他同學手冊,同樣是沒有記缺點,到此他方知原來有求情這回事,感覺很不公平,情緒很困擾,甚至對我說如若再超過幾多缺點,佢就跳樓.可知其壓力什大又不懂如何應付.我私下找班主任將仔仔情況告訴她,之後好像老師對仔仔沒有那麼般嚴厲,情況才慢慢改善.終於捱過f.1適應期.

所以你要留意仔仔情緒,有需要時找學校老師溝通.壓力太大小朋友赿感無助.

[ 本帖最後由 KWT 於 11-11-9 11:00 編輯 ]

作者: KWT 時間: 11-11-9 10:45

還有忘記講,雖然學校內聯網有要交功課紀錄,但不要盡信.試過有2次因為聯網漏填,仔仔沒交該功課要記缺點,理由即使網上沒有紀錄說明要交,但學生有責任抄下何時要交功課.

作者: 洋蔥頭媽咪 時間: 11-11-9 13:23

雖然留學生堂本身係想改善學生嘅缺失/問題 , 但有些事情留堂對學生幫助根本不大 , 而且留得太多有部份學生以習以為常 , 當然對自己要求唔高就更加唔會有壓力啦 !
學校嘅嚴厲有時對小朋友未必有正面幫助 , 同意 KWT 所講 , 適當時候係須要父母同學校溝通 , 多D鼓勵同支持佢地 , 對小朋友嘅得益先系最大。

作者: BearBearD 時間: 11-11-10 21:35

留堂是否有用，是要看學校、小朋友、家長間的態度及配合，我的小朋友在9月的grace period過後，10月就連續3個星期、每星期一次留堂。

雖然十次留堂才記過，而學校又有將功補過，讓學生透過校內取得的merit，洗擦記過記錄。

但我表明這是不能接受，又教導小朋友與同學對家課冊，並告訴小朋友經常欠功課會影响她自已的學習進度，又會給老師留壞印象，由於她緊張老師對她的印象，所以目前還算touch wood。

而學校的英文科及算術科老師，最近提出代替留堂方案，英文科欠功課是要交300字作文一篇代替留堂，算術科是月底唱歌代替留堂，我想這些建議可給其他學校一些唘示。

歡迎光臨教育王國 (/)