教育王國

標題: 崇真vs 民生 [打印本頁]

作者: stella816 時間: 11-10-11 11:11 標題: 崇真vs 民生

兩間都是好嘅龍校但崇真升崇小百份比好似得五成左右而且重要面試才可升讀。
而民幼升民小百份比大約六至七成左右但不用面試。
兩間都不是百份百收生，如揀崇幼好像有點冒險但又好欣賞佢學習模式。
想請問大家意見會怎樣選擇呢？

作者: 麥兜MaMa 時間: 11-10-11 11:16

民生今年起in既K1無左學卷.

作者: cherryird 時間: 11-10-11 11:50

提示: 作者被禁止或刪除內容自動屏蔽

作者: happyfather455 時間: 11-10-16 18:46 標題: 回覆 1# stella816 的文章

提示: 作者被禁止或刪除內容自動屏蔽

作者: baba987 時間: 11-10-17 01:11

提示: 作者被禁止或刪除內容自動屏蔽

作者: dada3210 時間: 11-10-17 10:31

請問崇真係邊度GA?

作者: fannychan88 時間: 11-10-17 10:48 標題: 回復 6# dada3210 的帖子

崇真响深水埗區, 大埔道58號

作者: 悠揚 時間: 11-10-17 11:45

收左先揀啦, 都唔係咁易得. 我朋友囡囡係細女, 已讀了一年k1, 再戰呢兩間, 得一間收.

作者: Syamky 時間: 11-10-17 12:02

祟真可以參加大抽奬，民小唔可以，崇小flexible d, 有人情味d

作者: sheffield 時間: 11-10-17 12:24

兩間個優點完全唔一樣(我assume你係考慮TT的英普班)，不能只看上小學機會…你想英普好，又唔介意學校的教法(包括一般小朋友上堂的流程)跟普通學校不一樣，咪崇真囉！相反，你著重平衡發展的，又想上去小學同中學的成績好d咪MS囉！
不過都要兩間都收你至有得比你揀…

作者: Syamky 時間: 11-10-17 12:38

為何你認為民生會較崇真平衡發展？崇真的課外活動選擇出名no 1, 而且亦十分重視德肓，唔明白為何你有這樣見解，它的教法有什麼不同？

quote]原帖由 sheffield 於 11-10-17 12:24 發表

兩間個優點完全唔一樣(我assume你係考慮TT的英普班)，不能只看上小學機會…你想英普好，又唔介意學校的教法(包括一般小朋友上堂的流程)跟普通學校不一樣，咪崇真囉！相反，你著重平衡發展的，又想上去小學同中學的成績好d咪MS囉！
... [/quote]

作者: sheffield 時間: 11-10-17 13:49 標題: 回復 1# Syamky 的帖子

不好意思，或許是我用錯了字眼…
我小朋友不是TT的，但朋友的小朋友是TT的…
我所說的平衡不是說沒有課外活動，而是一般小朋友在幼稚園裡的不同環節如美勞堂和參觀等…朋友很滿意小朋友的英普發展，因為TT提供的語境非常好！但她就一件小手工都沒見有…小朋友也說沒做手工，只是油油顏色…親子活動都不多…到外面參觀都沒試過…
相反，MS就很多…除了課堂外的課外話動，親子的活動也不少…
這此都是平時同朋友們聚聚時的話題，如有不對，請更正！

作者: 麥兜MaMa 時間: 11-10-17 17:55

民生今年出英普班啦....

當然...有機會收先算....

作者: renielo 時間: 11-10-18 09:55

就算唔讀英普班只讀英文+講東話嘅班, 民生d英文課程都會深咗同埋上堂嘅時數會多d

民生係九龍城網+band 1英中, 崇真係深水埗網!

[ 本帖最後由 renielo 於 11-10-18 09:57 編輯 ]

作者: 麥兜MaMa 時間: 11-10-18 10:22

我個囝有去過民幼玩PG, 覺得幾好. 佢好鐘意.
而TT被人感覺就操語文能力(講座話排隊中都練1,2英文)
不過今年民幼冇左學卷, 貴左好多...
當然...考到先算. 依囝囝依家既狀態, 考入既機會近乎0

作者: renielo 時間: 11-10-18 10:24

如果教得好唔使補習, 條數一樣!

作者: viandes 時間: 11-10-18 11:22

The environment of MS is better than TT!!

作者: fanmama 時間: 11-10-18 14:08

MS 幼稚園, 小學, 中學 share 同一個 campus, 我覺得設施多d同歸屬感大d lor.....

作者: 悠揚 時間: 11-10-18 14:39

我女讀緊TTK, 剛剛才收了厠紙筒做手工喎? 奇怪你朋友話點解無美勞做? 另外, 每星期有一節舞蹈堂, 我理解是另類PE, 又鼓勵閱讀, 讓小朋友每星期到圖書館揀一本書weekend 返家睇, 上堂重有 show & tell, 訓練小朋友自信, 所以係好balance 的課程.

我女讀主流, 英普操練已較國際班少一大截, 但上了個半月課, 我女謝飯祈禱學了用國語; 佢不嬲講英文都是一兩個字彈出來, 返左個半月學, 加上放學上英語興趣班, 依家已可用完整句子和姐姐溝通, 又有教phonics, 我女都學左幾個letter sound, 我覺得語言培育真係好好.

另外, 放學既興趣班好多元化, 繪畫舞蹈音樂田徑文化語言校隊....., 每堂$50-$60, 一星期上足五天, 每個月都只係千多元, 出面學, 5堂都已經成千元. 最重要係平日上興趣班, 星期六日就可以親子樂, 出去玩, 唔駛撲來撲去帶上堂.

我同老公真係超級滿意.

原帖由 sheffield 於 11-10-17 13:49 發表
不好意思，或許是我用錯了字眼…
我小朋友不是TT的，但朋友的小朋友是TT的…
我所說的平衡不是說沒有課外活動，而是一般小朋友在幼稚園裡的不同環節如美勞堂和參觀等…朋友很滿意小朋友的英普發展，因為TT提供的語境非常好！但 ...

作者: 悠揚 時間: 11-10-18 14:40

原帖由 fanmama 於 11-10-18 14:08 發表
MS 幼稚園, 小學, 中學 share 同一個 campus, 我覺得設施多d同歸屬感大d lor.....

當然, 論campus, 民生非常正, 老實說, 我侄仔都係民生小一學生. 兩間的著重點係有些不同的.

作者: sheffield 時間: 11-10-18 15:12

原帖由悠揚於 11-10-18 14:39 發表
我女讀緊TTK, 剛剛才收了厠紙筒做手工喎? 奇怪你朋友話點解無美勞做? 另外, 每星期有一節舞蹈堂, 我理解是另類PE, 又鼓勵閱讀, 讓小朋友每星期到圖書館揀一本書weekend 返家睇, 上堂重有 show & tell, 訓練小朋友自 ...

唔知會唔會唔同級？我朋友的囡囡上年是K1的，全每只是收了一次鮮奶盒，但最終亞女都話冇用過…你有冇收過學校派番比小朋友的美勞作品？我朋友係全年一件都冇收過…一星期只有一節如PE的舞蹈堂，別的幼稚園一星期最少有2-3堂…其實其他幼稚園都是要個個星期做閱讀報告和show and tell的…朋友的囡囡已在K2時轉了去別的學校…如所有TT家長一樣，朋友很滿意小朋友的語言發展(她囡囡是國際班)，TT提供的語境確實係非常好！

作者: Syamky 時間: 11-10-18 16:28

這就很奇怪，我小朋友不在TT讀，但姨甥仔在TT 讀K2, 沒有這個問題。我記得去年去TT 簡介會時學校派了張小冊子係記錄小朋友美勞作品，還有相影小朋友在操場一起集體創作，始乎學校encourage creativity. 亦有些相片影小朋友在操場玩競技遊戲，踏三輛車，玩跳飛機，始乎唔太似你朋友所述？

作者: sian 時間: 11-10-18 16:40

原帖由 sheffield 於 11-10-18 15:12 發表

唔知會唔會唔同級？我朋友的囡囡上年是K1的，全每只是收了一次鮮奶盒，但最終亞女都話冇用過…你有冇收過學校派番比小朋友的美勞作品？我朋友係全年一件都冇收過…一星期只有一節如PE的舞蹈堂，別的幼稚園一星期最少有2-3堂… ...

really need to write this msg to reclarify this kind of wrong information!!!

I have 2 kids who are studying at TT. Every week, they need to do reading report and show & tell. Also, sometimes need parent to prepare somethings for the kids to do art work. End of term, a personal profolio of each student will return to parent.

Also, many activities for kids (different parties, outing from K2, shows)

So, TT is an excellent kindergarten

作者: 悠揚 時間: 11-10-18 17:42

舞蹈課係每星期一節, 但另外大肌肉訓練係戶外操場進行, 個個星期都有, 每早8:45-9:00有早操, 一定唔會比其他幼稚園少既.

我估show & tell在名校係個個星期做, 但在有學卷既幼稚園並不是常規.

另外想再講, 如是教徒或很重德育的家長, TT真是很好, 每星期都有宗教教育, 近日我女兒見很多同學仔病了, 她回到家自己坐在廳中主動大大聲為同學仔的身體禱告, 孩子能體恤別人的需要, 這種教育是無價的.

我只可以說, 讀TTK, 係比緊學卷價錢但名校質素的教育.

作者: palapala 時間: 11-10-19 11:43

原帖由 sheffield 於 11-10-17 13:49 發表
不好意思，或許是我用錯了字眼…
我小朋友不是TT的，但朋友的小朋友是TT的…
我所說的平衡不是說沒有課外活動，而是一般小朋友在幼稚園裡的不同環節如美勞堂和參觀等…朋友很滿意小朋友的英普發展，因為TT提供的語境非常好！但 ...

我覺得你朋友個小朋友唔似係TT學生喎, TT出名多課外活動, 亦多鼓勵參加美勞比賽(校內外都有), 而且每年中秋呀, 聖誕呀, 復活節呀都有美勞比賽, 而每班同學都要負責做一D小手工之類..粉飾班房, 做得好既仲會貼在課室門口, 我每次到學校都會到課室睇下個仔有無作品貼堂. 至於參觀, 每年總有1次, 有一年就到超市學買野和順便應識何謂健康食品, 當年我俾$10個仔, 佢買咗包生菜返黎, 都不知幾開心. 到學期尾學校會有一本profile俾番家長,裡面有齊佢校園生活既資料同作品...依你講你朋友話無....真係好神奇囉.

作者: sheffield 時間: 11-10-19 14:27

原帖由 palapala 於 11-10-19 11:43 發表

我覺得你朋友個小朋友唔似係TT學生喎, TT出名多課外活動, 亦多鼓勵參加美勞比賽(校內外都有), 而且每年中秋呀, 聖誕呀, 復活節呀都有美勞比賽, 而每班同學都要負責做一D小手工之類..粉飾班房, 做得好既仲會貼在課 ...

其實聽你們說的，我都覺得很奇怪…我肯定同友的囡囡是崇真的，是國際班，下午班，K1。是熟朋友，每星期都會見，傾下小朋友的返學問題…
我不知主流班和國際班是否有分別，又或是K2的安排跟K1是完全不同…
如我所說，我知的都是從朋友而來的，如有錯請修正！

作者: palapala 時間: 11-10-19 15:31

原帖由 sheffield 於 11-10-19 14:27 發表

其實聽你們說的，我都覺得很奇怪…我肯定同友的囡囡是崇真的，是國際班，下午班，K1。是熟朋友，每星期都會見，傾下小朋友的返學問題…
我不知主流班和國際班是否有分別，又或是K2的安排跟K1是完全不同…
如我所說，我知的都是從朋 ...

你朋友個小朋友係今年K1定上年K1呀??如果今年至K1, 開學都未有2個月~~邊有咁多野做到出黎呀, K1上學期應該唔會有咩勞作做, 係多數畫畫多, 而且剛剛開學...我小朋友以前係主流班, 同國際班教法有咩唔同就確實唔係好清楚, 不過既然主流班有, 國際班又無理由無既, 其實家長有疑問不如直接搵老師問下囉.

作者: sheffield 時間: 11-10-19 15:45

原帖由 palapala 於 11-10-19 15:31 發表

你朋友個小朋友係今年K1定上年K1呀??如果今年至K1, 開學都未有2個月~~邊有咁多野做到出黎呀, K1上學期應該唔會有咩勞作做, 係多數畫畫多, 而且剛剛開學...我小朋友以前係主流班, 同國際班教法有咩唔同就確實唔係好 ...

係上年K1，已轉走冇讀K2了…

作者: sherry_wong 時間: 11-10-19 17:50

原帖由悠揚於 11-10-18 17:42 發表
我估show & tell在名校係個個星期做, 但在有學卷既幼稚園並不是常規.

題外話: 點解會同名校掛勾? 呢個只可以說是課程設計既一種吧, 有些重視小朋友的語言表達能力的學校都會把這訂入課程中, 我也很喜歡, 但我不會用這來介定是不是名校

歡迎光臨教育王國 (/)