教育王國

標題: ,合一堂單家傳張煊昌幼稚園,崇真會美善,靈糧~ [打印本頁]

作者: looklookkitty 時間: 11-10-10 13:31 標題: ,合一堂單家傳張煊昌幼稚園,崇真會美善,靈糧~

張煊昌幼稚園,合一堂單家傳,崇真會美善,靈糧,大家有冇去交FROM AR?我都知MA ON SHAN好像聽人講(唔計0的私校)最好係呢幾間..其實邊間好0的AR???不過呢幾間都未開始IN.

作者: 小曳人 時間: 11-10-10 14:08

合一堂同崇真會美善都有N班
講K1，應該另外兩間熱門d喎~

作者: titanlow 時間: 11-10-10 15:04

唔係邊間好d, 係邊間適合你小朋友!

合一堂同美善都有n班, 所以要入k1上午班就難d, 收得o既通常都係下午, 要申請轉上午班但唔容易...

張煊昌就識人話考唔到其他學校o既上午班, 去考佢地都好易有位, 我小朋友無考過張煊昌, 所以俾唔到資料你.

靈糧&合一堂多數係11月頭interview, 美善就會最遲(去年經驗), 要11月尾, 因為11月中已知合一堂收o左, 我就無再帶女兒去

靈糧好重視親子同創意, 我舊同事個仔係個度讀, 3日唔埋2日就係親子種植呀, 親子壁報, 親子服飾創作等等, 我舊同事索性做全職媽媽, 否則根本應付唔o黎喎, 不過佢個仔係讀得好開心o既

感覺上, 美善都幾重視語文(去過佢地k1簡介會), 校長亦都好積極要打造d學生係語文上的能力, post了d細路寫的文章出o黎俾我地睇, 好似話每日都教phonics...不過我唔係太記得, 你都可以報名去聽聽先, 但我唔like校舍係商場入面, 較為局促

我囡現在係合一堂o既, 佢都好鍾意返學, 當初佢係like人地條樓梯, 行到上課室面試時心情好好, 咩都答...活動空間好足夠, 老師們都好好, 24人一班, 有2個班主任, 課程上咪一般學券校o既standard, 我無睇其他, 唔識比較, 有齊中文英文數學常識體育聖經咁囉, 每週都有品格教育o既主題, 大概係咁上下

作者: titanlow 時間: 11-10-10 15:19

順便答埋面試形式, 因為大家實想知

靈糧(去年經驗呀):
先有warm up時間, 還要玩了45分鐘才到我家小姐的那一個batch面試，佢成個人呆晒悶晒同無晒電...10個小朋友一齊排隊，先去個open area看聖誕聯歡的表演節目，好似看了10分鐘，之後，又排隊入去一個課室，一個老師負責觀察一個小朋友，房內放滿玩具，任由小朋友玩耍，老師也會跟小朋友聊一聊。下一個環節是去一個班房，10個小朋友坐下來，有老師帶領唱歌和做動作，校長同副校係度睇邊個小朋友有反應, 跟住做, 咁先會有機會, 最最後是要去跟校長說再見, 唔講野o既可以預o左無機會, 總括來說, 靈糧like小朋友活潑好動, 肯講野, 唔怕羞 (因為我有舊同事係裏面教過)

合一堂就係分齡考唔同野, 對大細b來說算係公平, 我個10月細b考:問佢叫咩名, 邊個陪佢o黎, 拼板(4塊, 係水果) , 老師推個波俾佢叫佢推番俾老師/爸媽, 俾個公仔佢餵食野同抹咀...聽講大b會問下顏色之類難少少o既野喎

作者: fennie12 時間: 11-10-12 16:12

真美善係點面試架??

作者: looklookkitty 時間: 11-10-12 23:13 標題: 回復 3# titanlow 的帖子

WO......THX^^好詳細AR~~~我會好好諗下..你講得對//真係要睇下邊間收先...我好好下午要SLEEPING...SO我好想比佢讀PM AR~~如果唔係0的時間好D唔多好用...依..你女女讀合一都好好AR~不過0的人又話0的人走得好快...～唉～～其實我４間都比曬ＦＲＯＭ　ＬＡ。。。真係睇下我女女ＬＵＣＫＹ去到邊間ＰＭ就去ＬＡ。。。其實我最唔想就係個間張煊昌。。。好像麻麻。。不過見到你咁講靈糧好像好難先讀到。。。我女女見到０的唔識既人就怕羞。。不過個到又真係幾貴。。我計過４間最貴係佢ＬＡ。。＄１６ＸＸ　ＦＯＲ　１個月。。唉～我又冇做野。。。不過都想比女女讀好Ｄ～～不過聽你咁講合一堂又幾公平ＷＯ～我女女８月ＫＡ。佢都未識顏色。。我成日問佢ＫＡ　ＬＡ。都係唔明。我心諗如果我去ＩＮ有問下顏色。。我死梗。。咩名。。幾大個０的就識。。。。。咁合一都好像比較客易ＩＮ咁。。。。

作者: MiniCooperS 時間: 11-10-12 23:29

合一堂轉校長之後，老師流失的問題好嚴重﹗
我朋友的女去年本來係合一堂讀K1，去年年尾班主任走咗，搵咗代課老師，之後代課老師都走埋，主任兼埋果一班的工作...
之後，我朋友幫個女轉咗校

我另外有朋友係馬鞍山教小學的，佢的細女幾年前都係合一堂畢業，不過佢都話而家麻麻。

作者: titanlow 時間: 11-10-13 09:24

靈糧應該係雜費貴, 但學費係減o左學券後應該around $800

合一堂的老師流失問題, 我暫時真係答唔到, 因為我未遇到, 而我有好幾個朋友d細路係度讀k3, 去年我聽聞有流失問題時已向佢地查詢過, 佢地都覺得係有人走, 但又唔太影響佢地d細路, 而我由去年11月參加過開放日, 之後都有幾次去過學校d活動, 又覺得d老師見來見去都仲係度...當然唔係見晒啦...所以對於流失問題, 真係無comment可以俾你地, 只可以話, 我囡暫時係讀得好開心o既

作者: looklookkitty 時間: 11-10-23 20:42 標題: 回覆 7# MiniCooperS 的文章

下...真係KA.....黎緊有OPEN DAY同簡介會AR~~去聽弄先..^^期待......不過如果佢咁難收AM....PM我女女唔OK....佢地有N1...一定比曬0的QUATE 佢地LA...><...唉~~所以都係冇咩機會KA LA............

作者: looklookkitty 時間: 11-10-23 20:46 標題: 回覆 8# titanlow 的文章

O........咁其實我都`會諗到到都有好有唔好既野...合一其他方面都好好AR!!不過我想問下..如果IN合一佢地會問我地咩問題KA...JA係我地0的大人...會問你為什麼想女女讀呢到.........ETC....總之好多好多問題..我唔知點答AR><..............????????????????

作者: titanlow 時間: 11-10-25 10:07

其實呢...d屋村幼稚園係唔會問父母野o架, 你唔駛擔心了, 全部都係睇個細路o架

我唔知張煊昌同美善係點, 但靈糧同合一堂都唔會問顏色之類o既'名校'幼稚園問題, 因為佢地都係k1先教, 點會問o者...

俾多個資料係合一堂有1個外籍老師, 3個普通話老師, 1個體育老師同1個跳舞老師, 我囡有次上完運動堂, 問我'點解有跳舞老師o既?', 又提過'芭蕾舞', 我諗係老師同佢地玩o卦, 所以so far佢返學都係好開心o既！

作者: looklookkitty 時間: 11-10-29 19:54 標題: 回復 11# titanlow 的帖子

唉~~我今日去完'張'in low>..<我好失望ar~佢地係咁問我女女個0的野係咩col....基本係佢拎0的咩出黎..好似水果..玩具都問law~~我真係心諗佢地係咪有問題..我個女得26個月....點會咩col都知ar~~佢問red yellow green 同blue....唉!!!我個月只係識yellow ja~~~個老師都唔諗下....~仲有ar!我去左合一既簡介會la...我感覺到合一真係幾好.....又大又靚...不過0的miss真係好像好細個咁...個個都好後生.....我女女11月5日in ar~~到時話你知ar~~不過合一聽你講唔會問col..我都放心0的ar.....哈哈~~~

作者: titanlow 時間: 11-10-31 10:43

你小朋友2歲2個月會考咩我就真係唔知喎, 我大囡舊年in時, 剛過2歲, 就真係無問過colour, 不過我估都唔會問o卦, 我細囡都係5/11 in呀, 不過因為佢真係太細, 所以排到3點幾先有得in...呵呵, 你應該around 12-1嘛...以你孩子個年齡計

合一堂d 老師呢, 好細個個d 我估係助教o架, 我囡有2個班主任, 有個成熟同有經驗o既係主力, 另一個好似剛畢業o既係做輔助o架, 同埋唔係一個班主任教晒野, 仲有普通話老師, 仲有個宗教主任教聖經, 上運動堂時就有跳舞老師囉

作者: babyfunny0816 時間: 11-10-31 11:11

我女都IN咗張煊昌喎, 佢25個月, 但無問顏色, 只係老師叫佢俾唔同的生果同CAKE, 跟住玩下個好簡單的拼圖, 又叫佢玩下車車, 但我個女無興趣玩, 老師又問我間學校個理念同我女的生活習慣, 我IN所好短時間, 我見有啲IN好耐, 都唔知得唔得
靈糧就4/11先IN, 我女好怕羞, 見上面位媽咪咁講, 都難入了
合一都係5/11 IN, 我大頭蝦, MISS咗佢個新生介紹會, 都唔知會唔會被扣分添

作者: titanlow 時間: 11-10-31 13:15

唔會扣分....因為我上年連通告都唔記得交, 都收o左我大囡...哈哈

靈糧攪咩今年要weekday in呀....我去年係sat, 先in完靈糧, 去食lunch, 再去合一堂呀

作者: CatEgg 時間: 11-10-31 13:41

deleted, 搞錯佐另一間靈糧

原帖由 titanlow 於 11-10-31 13:15 發表
唔會扣分....因為我上年連通告都唔記得交, 都收o左我大囡...哈哈

靈糧攪咩今年要weekday in呀....我去年係sat, 先in完靈糧, 去食lunch, 再去合一堂呀

[ 本帖最後由 CatEgg 於 11-10-31 13:43 編輯 ]

作者: babyfunny0816 時間: 11-10-31 13:50

原帖由 titanlow 於 11-10-31 13:15 發表
唔會扣分....因為我上年連通告都唔記得交, 都收o左我大囡...哈哈

靈糧攪咩今年要weekday in呀....我去年係sat, 先in完靈糧, 去食lunch, 再去合一堂呀

係, 靈糧都幾特別, 我又攞唔倒假, 只好由爸爸帶去面試, 我對入倒去都唔抱咁大希望

作者: titanlow 時間: 11-11-1 13:28

平常心囉, 有時收唔收都唔到我地家長估o既, 況且小朋友o既表現也是無得估o架啦, 盡了力, 一定有書讀o既

作者: fennie12 時間: 11-11-8 12:22

收到信祟真會美善19/11 去IN..

作者: looklookkitty 時間: 11-11-8 21:19 標題: 回覆 19# fennie12 的文章

唉~~我仲未收到AR~~我係LEE ON KA..都唔知去唔去IN好...大家比0的意見...THX^^

作者: 123onebaby 時間: 11-11-8 22:42

提示: 作者被禁止或刪除內容自動屏蔽

作者: titanlow 時間: 11-11-9 09:53

原帖由 looklookkitty 於 11-11-8 21:19 發表
唉~~我仲未收到AR~~我係LEE ON KA..都唔知去唔去IN好...大家比0的意見...THX^^

咁都係搭校車o者, 去年如果唔係合一堂已收我大囡, 我都會帶佢去美善interview, 我覺得美善都唔錯, 係唔多就腳o者...

作者: titanlow 時間: 11-11-9 09:54

原帖由 123onebaby 於 11-11-8 22:42 發表
titanlow

Your very good, 妳真好, 提供資料很有用... 請問靈糧唔係有學卷嗎 ? 禁貴既

靈糧學費唔係貴, 同其他有名氣o既差唔多, 佢係...雜費書簿費貴咋嘛, 一個學期二千幾喎, 我囡係合一堂係8百幾

作者: 123onebaby 時間: 11-11-9 10:47

提示: 作者被禁止或刪除內容自動屏蔽

作者: titanlow 時間: 11-11-9 12:20

咩一個月$300?

雜費書簿費係暑假前一次過收o既, 到下學期, 我估聖誕前又會有通告話交錢囉...

歡迎光臨教育王國 (/)