教育王國

標題: 想問以往報小一既家長 [打印本頁]

作者: 緊張肥媽咪 時間: 11-10-10 01:22 標題: 想問以往報小一既家長

想問有冇以往報小一既家長報左既直資或私校都冇一間收, 而大抽獎又抽唔到第一志願, 派到好後既志願, 咁應該點做, 唉今年仲要係開始比往年多左人競爭, 所以我已諗定先, 若真係連大抽獎都唔中, 跌到落好後, 都唔知點算好, 你哋一定會話我好咁快諗定先, 但我真係驚囉, 點都要諗定後路, 有冇人可指點吓我!

作者: katrinafu 時間: 11-10-10 01:30

我覺得一定會有, 但幾多冇人知.
咁你是咩區?
你可以唔放大熱做第1位, 放一間次熱的, 咁會安全一D喎 .

作者: wing 時間: 11-10-10 01:37

樓主, 我都驚緊同一個問題; 7年前我大女升小, 考到直資, 所以無煩過派位; 到今年細女咩分都無, 直資同私小我又無乜信心, 再加上新搬到95網, 只係識TOP果幾間津小, 無乜抽獎運既我地真係日日擔驚受怕

作者: 亞舜 時間: 11-10-10 02:32 標題: 回復 1# 緊張肥媽咪的帖子

其實如果你考的小學寄給你通知是你孩子列入waiting list時，請你盡快回覆信給該校，寫清楚你會等待學校後補位，顯示你誡意。如果到最後不幸地落空，就試叩門。萬—仍失敗，就安心努力在
被派的小一入讀，取好成績及操行，
然後升小二申請轉校。

作者: qoo_pooh 時間: 11-10-10 09:30

你諗得唔早啦........ 我之前都諗過這個最worst的情況~~

現在仲有些學校未deadline, 你不如報多幾間試下
同埋報下無咁多人申請的小學, 以作backup

如果真係無backup, 你填大抽獎時就要比較保守~~
跟住開始要操小朋友準備去叩門
家長就不斷寫求位信去被列入waiting list 的小學以表誠意

原帖由 緊張肥媽咪 於 11-10-10 01:22 發表
想問有冇以往報小一既家長報左既直資或私校都冇一間收, 而大抽獎又抽唔到第一志願, 派到好後既志願, 咁應該點做, 唉今年仲要係開始比往年多左人競爭, 所以我已諗定先, 若真係連大抽獎都唔中, 跌到落好後, 都唔知點算 ...

作者: wwting 時間: 11-10-10 19:28

我的女兒是今年小一生,回想起6月4日之後的叩門日子,真係好辛苦!小女只有15分,第一輪自行收生已預了落空,但估唔到大抽獎咁唔好彩,竟然派去第十三志願(total15間小學).我們收到小一入學通知書後,成個人呆了沒有反應(因為我根本唔知是什麼學校,後來先知是面臨殺校,附屬中學是全港排名尾三,簡直想死).

經過六月整個月的努力叩門,到七月尾終於有offer,仲要係好過我之前大抽獎第一志願,之後到八月中又有另一offer(大抽獎第二志願學校,但最終我們沒有選擇).

小女很快已適應小學生活,亦非常喜歡這間學校,我們很慶幸為女兒選擇對.我已過來人身份,希望大家不要灰心呀!只要肯努力,上天一家會安排適合的學校給所有小朋友!縱然前路不平坦和難行,但這只是上天給我們的磨鍊,千萬不要放棄呀!

作者: moonychan 時間: 11-10-10 21:55

唔係我本人, 只係識既同學仔媽咪, 到最後都係叩門入到心儀津小.

盡量準備好小朋友, 就算乜都唔得, 都仲可以叩門.

加油.

作者: 莎莎莉莉 時間: 11-10-10 23:22

我都做足心理準備呀.
由玩小一呢個遊戲開始,
已預左同佢玩到出年六月.
萬一乜都唔得,
咪出年叩門囉
有考直資的經驗,
大約都知道要準備D乜.

所以, 真係報下直資俾小朋友試下點面試啦.
攞經驗都好.

作者: naiviv 時間: 11-10-10 23:22

阿仔考到心儀私小,及第1輪也抽到第1志願,但在之前也擔心了1段日子,及後發覺擔心都多餘的,正如老公說,阿仔一定有書讀的啊!

歡迎光臨教育王國 (/)