教育王國

標題: 維多利亞公園 [打印本頁]

作者: kc61282 時間: 11-10-6 12:27 標題: 維多利亞公園

我仔兩歲四個月, 朝早返緊幼兒班, 近期已經比學校label左, 而且暗示我地想叫佢退學, 未轉到新校前還在拖拉中.

原先健康院排9個月後去大口環做test, 幾星期前突有位問我地去唔去, 更係即去, 測試後肥佬有35分, 等緊兩個月後見醫務社工, 再之後等聽力測試, 出年3月去瑪麗醫院做磁力共震(3歲前做發展緊, 所以我考慮做唔做呢樣), 排i & s位中, 之後著手上網同打電話問左好多治療課程, 前日開始每星期去聖雅各做言語治療, 未知進度如何, 昨天亦開始上門接受行為治療, 而家開始學左好初步教佢方式.

而每星期日或假期我盡量帶佢接觸多d小朋友, 最多小朋友一定係公園, 維園昨天帶佢去玩, 佢都係唔理其他小朋友, 唯一吸引到佢既陌生人, 係一位媽媽在食薯片, 最初佢企係人地面前望, 之後佢申手想問人要, 為左食真係會主動搵人比, 希望從這點開始有轉機啦, 又有兩個小朋友搵佢玩, 佢都係冇理, 拖住我玩公園既野, 不過比我預期好, 我以為佢又唔肯落地, 希望去得多對佢有點點改變, 維園設施真係幾多, 重有個大草地可以比佢跑, 不過佢唔肯落地...

如何有同路人有興趣, 每星期日帶埋你既小朋友約埋一齊去玩, 同埋交流心得啦.

作者: kubobo 時間: 11-10-6 17:10

為何學校暗示要退學呢? 其實我囝囝之前去私人機構評估是自傾. 現在他正在普通幼兒園返學, 不過剛返了兩天. 但我沒有跟學校提及. 是否學校遲d會發現呢?

作者: kc61282 時間: 11-10-7 08:43

原帖由 kubobo 於 11-10-6 09:10 發表
為何學校暗示要退學呢? 其實我囝囝之前去私人機構評估是自傾. 現在他正在普通幼兒園返學, 不過剛返了兩天. 但我沒有跟學校提及. 是否學校遲d會發現呢? ...

因為老師講故意時, 所有同學座定聽, 我仔就自己到處行, 佢進步地方係見媽媽離開時冇狂喊, 不過工人姐姐離開就會...

其實校長好早已經估到佢係A仔, 所以之前不斷追問我地大口環結果作實, 到近期班主任直頭同我地暗示講, 好多呢類家長都會退學做全職照顧...

作者: EKME 時間: 11-10-7 20:07

你是否星期日帶仔仔去維園, 可約我一家一起玩, 我仔仔2歲十個月, 評有自傾, 現讀普通幼稚園K1

作者: kc61282 時間: 11-10-7 21:44 標題: 回復 4# EKME 的帖子

已PM你，TKS

作者: owl_2046 時間: 11-10-8 12:37

我都係住港島區, 亞仔5歲+ 1.5歲係大口環評估, 而家返協康S位.

作者: HAPPIMAMA 時間: 11-10-8 23:04 標題: 回復 1# xixi1218 的帖子

Hi KC61282,

你提到瑪麗醫院做磁力共震, 是政府按排給你
嗎?? 點解你個仔有此服務及磁力共震可以CHECK 到咩嘢呢??

作者: kc61282 時間: 11-10-10 08:38

第一次test完後, 佢叫我地等通知, 好多野佢未詳細講解, 只係講邊d野要做, 重有去驗尿...

原帖由 HAPPIMAMA 於 11-10-8 15:04 發表
Hi KC61282,

你提到瑪麗醫院做磁力共震, 是政府按排給你
嗎?? 點解你個仔有此服務及磁力共震可以CHECK 到咩嘢呢??

作者: EKME 時間: 11-10-10 11:10

驗尿??????

作者: kc61282 時間: 11-10-10 11:12

係啊, 不過未知去瑪麗定大口環

原帖由 EKME 於 11-10-10 03:10 發表
驗尿??????

歡迎光臨教育王國 (/)