教育王國

標題: ADHD (食藥問題) [打印本頁]

作者: Pandama 時間: 11-10-6 03:06 標題: ADHD (食藥問題)

今個星期知道了亞仔係過度活躍症,醫生叫我比仔仔食藥,
可惜老公反對,抗拒亞仔食藥,我依家唔知比唔比亞仔食藥好,怕食了害了他,平日我對住亞仔真係超辛苦,講唔聽,話唔聽,今年升小一,返一個月老師就投訴,平日上堂坐唔定,多咀,咬鉛筆同衫,好喜歡咬物品(請問各位可否給我意見,我應不應該給仔仔食,或者有無其他方法幫到他呢 ?) 多謝各位

作者: lokhimbb 時間: 11-10-11 00:27

之前我都好抗拒個仔食藥...個仔怕我...所以係我面前冇咁失控...奈何有幾個老師會包容ADHD嘅小朋友呢?!!經常俾老師罰..俾老師鬧...同學仔又笑佢成日俾人罰...令到佢越嚟越反叛..成日做啲嘢引人注意...見完醫生...醫生話佢有少少對立行為...處理得唔好...會好難攪...因我曾經見過一個有對立性反抗行為嘅小朋友...真係激到佢屋企人半死...我想個仔有個開心嘅學習生活...所以試吓俾佢食藥...食藥後...活動量減少咗..出街會主動拖住我...定咗好多...上堂冇離開坐位...有時都會發吓夢...要老師叫一叫佢...我同佢嘅關係都冇咁緊張....其實出發點都係為佢好...副作用...各人體質不同...我仔食藥差唔多一個月...冇咩特別唔舒服...

作者: Pandama 時間: 11-10-11 14:54

我已經比亞仔試左一星期左右 , 不過食左藥好試都係咁,唔知係唔係分量唔足夠呢? 一日食2次,每次半粒,(不過見亞囝食完d藥,都係咁 ,不過食量比平日少左好多)我問老師,老師都話無唔同,都係座唔定.

lokhimbb :我想問你,你仔仔每日食幾多份量呢?食邊隻呢?thx .我食Ritalin,10g (每次半粒)

作者: lokhimbb 時間: 11-10-11 20:07

我仔食藥已經一個月....仍然未試啱份量...開始時係食Ritalin20mg...每次半粒....冇改善...加到3/4粒...好咗少少...之後3/4粒放學返屋企再食5mg半粒,老師話佢上堂冇離開坐位..冇騷擾人..但成日發夢...跟住而家醫生俾佢食長效12小時CONCERTA 18mg...早餐後食一粒...仲未問老師佢課堂表現如何....但喺屋企可以坐一個鐘做功課.....

作者: Pandama 時間: 11-10-12 15:03

lokhimbb :謝謝你都回覆,請問你小朋友而家幾多歲呢? 你而家幾耐覆一次診呢?請問你睇邊區醫生呢? (sorry,太多問題,thx)
我小朋友六歲,而家要等多一個月才見醫生,我都覺得自己份量唔足夠 ,因為老師仲有投訴,食左藥無幫助,都係座唔定,唔做功課,騷擾人,真係好麻煩. (唔知我否提早見醫生改藥份量呢? )

作者: lokhimbb 時間: 11-10-12 20:52

唔駛咁客氣啦...大家都有同樣煩惱.....我好樂意的...
我仔就6歲...讀緊小一...而家睇緊何醫生...兩星期一覆診一次....如果可以當然早啲同醫生講藥嘅份量未夠....你仔幾高&幾磅???如果好瘦...醫生唔敢開太重藥....因食藥冇胃口...體重會減輕...我仔食依兩日病咗食緊感冒藥..所以冇俾CONCERTA佢食....真係好大分別...冇時停....上咗鍊咁...喺屋企我就有得佢....諗到佢唔食藥...喺學校嘅情況...頭都痛.....

作者: Pandama 時間: 11-10-12 22:00

謝謝你的回覆,真係感激呀 !(我亞仔睇緊油麻地專科診所,一直都有睇緊,因之前亞仔未足夠6歲,醫生話要等6歲才可開藥比亞仔食,亞仔今個月才開始食藥,而家一個月覆一次診.
我亞仔而家1米3左右,重40磅,身型一般,不過比同齡小朋友矮了一點,明天我試下打去問下可否改早一點,因藥不足夠,食了好像無食一樣.我想問係唔係如果小朋友病,唔好比佢食藥呢?因醫生無同我講?謝謝!
我上網睇到好多人話食左藥都唔同左,但係我亞仔食完情況都一樣,無改變到~~所以唔知係唔係D藥唔岩佢 ,佢食完只係胃口差了一點,其他都無改善.

作者: lokhimbb 時間: 11-10-13 01:45

因食藥唔多唔少對身體都有一定負擔...所以有啲會間中俾小朋友食中藥調理身子....依兩日因為個仔病...唔想佢食咁多藥...諗住都係喺屋企對住我...唔食唔緊要啦....你個仔6歲高130CM都好高喎....我仔都係122CM左右咋....重47磅...好瘦.....食藥依段時候..驚佢體重下降得太多...所以每日俾佢飲2-3杯奶...食芝士....依兩日冇食藥...真係少啲EQ都會激到死咗喺到....聽醫生講....有小部份人對食藥係冇反應的....我仔食藥後雖有好轉變....但試第3次藥...仍然未試啱.....如試啱藥...我會排返政府...或叫醫生寫紙自己買....因睇私家醫生負擔好重.....

作者: Pandama 時間: 11-10-13 17:49

原來你係睇私家架,私家好貴的,快d轉番政府好d ,不過ADHD要長期見醫生,所以要盡快轉介回政府,政府條龍排一年多呀 ,我都排左一年才有得睇 .

如果可以我都唔想比亞囝食藥,但我真係頂佢唔順,長遠不是辦法,所以才選擇給佢食藥,唔知有無做錯,我只係上學才比佢食,放假我就唔會比佢食,因為食得多藥唔太好.

有時比佢食了藥,唔知自己有無選擇錯誤,但我就無得選擇,上堂老師都頂佢唔順,把口不停講,唔收口,喜歡講就講,對住佢我真係C係度.頭痛 ~~

作者: lokhimbb 時間: 11-10-14 09:53

我仔喺4歲幾時以經排咗政府....到今年頭...醫院叫我聽講座...跟住話因我仔就升小學...叫佢去醫院上小一預備班...上咗幾堂...但一直冇俾我仔見醫生...又話上晒小一預備班後會有份報告開學前俾我....寫我仔課堂表現...但直到而家開咗學都個幾月...我都未收到...又話到個仔上堂唔適應至安排見醫生...我心諗..出事至見醫生...會唔會太遲??!!!我哋啲仔...點會適應唔到學校生活喎...只係學校適應唔到佢哋行為jer...同埋我同老公都考慮咗好耐俾唔俾個仔食藥....睇埋佢暑假期間嘅表現...食藥係唯一幫到佢嘅方法....小學唔同幼稚園...包容冇咁大...經常被罰嘅話...我諗久而久之....佢性格上都會出現問題...到時至食藥控制...我諗已經太遲....所以我覺得政府嗰邊係咁拖我時間...6-8歲係學習黃金期....唔想攪到我仔唔鍾意返學..唔鍾意上堂至向政府醫院求助....所以死慳死底都俾佢睇咗私家先....試啱藥...我會叫醫生寫紙俾我自己買藥...都會同醫院講要見醫生...到時直接同佢講...食開邊隻藥...叫佢開返俾我...啲藥出面買聽講係20幾蚊一粒...決定咗俾佢食藥...都唔好諗咁多...希望佢大個啲..自制能力好啲...到時咪可以慢慢減藥...我哋唯一可以做...就係幫佢....見佢成日重重複複做錯事...有時都知佢控制唔到...但真係好嬲....食藥後...犯錯少咗...大家相處都冇咁緊張...學校亦冇點投訴過...佢返學開心..我又冇咁擔心...學校好多小測同默書...返嚟嘅成績最少都80幾90分(只係錯細微地方)...試過滿分...佢自己都有信心學習....暫時好鍾意返學...所以到現時...我同老公都覺得...選擇食藥係冇錯....但我仔仍然好多口...大人講嘢加把口..我接電話時佢又講嘢騷擾我...有時我會有得佢講..但唔回應佢...之後會同佢講返...唔適當時間講嘢我係唔會啋你....同埋依排發覺...鬧佢都不及喚起佢嘅良知...你鬧佢..係因為惡勢力吓佢就範...再大啲就無效....所以佢有時話唔聽..我就話:"唉~~!我個仔原來唔錫我0架....明知媽咪會唔開心佢都咁做...我一定唔係一個好媽咪...如果我係好媽咪...個仔點會咁...如果係鍚媽咪...一定想媽咪開心.."跟住個仔就會沉思...個表情話我知...佢好後悔咁做...跟住同我講:媽咪..對唔住!

作者: lokhimbb 時間: 11-10-14 10:04

同埋我有同佢喺廣華做針灸...啲人話有少少幫助...因返學就唔到時間...所以一星期只針一次...一次$150

作者: Pandama 時間: 11-10-14 13:07

針灸都有幫助架,請問要否預約 ,針灸多少次才有效呢? thx

作者: Eh-oh 時間: 11-10-14 18:21

My daughter is also ADHD. She also take medicine CONCERTA 27mg/per day. My daughter starts to eat medicine for 2 weeks only. Now, the medicine fee is $27/tablets+doctor consultant fee $1000/half hour. Total about $3000 per month.
I'm afraid I can't afford for a long time. I don't know I can buy medicine from outsider or any cheaper price.
Any parents can share about the doctor fee and medicine fee? Is my doctor's charges very high? Tks!

作者: fionacat 時間: 11-10-14 23:10

各位好！
我個仔5歲，都已經開始食藥，已食咗3星期，頭兩星期食Ritalin 20mg半粒，效果唔錯，老師主動打電話問我做乜個小朋友唔同晒。但第二個星期開始胃口唔好，覆診時醫生轉了concerta 18mg，食一粒，再開了「開胃藥」，早、晚餐前食半粒。

食咁多藥，我都覺阿仔好慘，始終有副作用，但醫生話，唔食的話，會好影響佢學習、自尊、人際關係，權衡輕重之下，都決定比佢食。

因為未排到政府，我都係睇私家，一星期覆診一次，每次診金+藥要1400蚊，好貴，但冇辦法，唯有自己慳d。

作者: Connielai 時間: 11-10-15 00:42

你地好,我個仔今年14歲,由5年級開始食藥,到今個學期開始停藥,因為醫生話有大部份人大大吓就會吾駛再食藥。你地講既RITALIN 同 concerta 我個仔都食過,初初食RITALIN,後來轉 concerta 27MG。副作用係無胃口,但吾食藥就好胃口,所以吾返學既日子我吾會比亞仔食藥。

我係睇私家,初時要較藥, 一星期睇一次, 二星期睇1次,跟住1個月1次,2個月1次。初時睇得密係好肉赤,但後來試ARM藥就吾駛睇咁多次,2個月睇1次, 每次都係$1800。精神科藥係藥房係買吾到既, 一定要返醫生度配。

你地經歷過既: 多咀,多手,比老師投訴,成績差....我都經歷過,當時上午因亞仔偷薯片比學校見家長,回到公司又接到老師打來投訴,見到學校打來都怕。

後來青春期,有好多情緒問題, 醫生話有機會係ADHD衍生出來的,吾食藥更加控制吾到,所以忠告你地要有心裡準備去行呢條漫長既路。

[ 本帖最後由 Connielai 於 11-10-15 00:45 編輯 ]

作者: IwanBB 時間: 11-10-15 13:45

原帖由 Connielai 於 11-10-15 00:42 發表
你地好,我個仔今年14歲,由5年級開始食藥,到今個學期開始停藥,因為醫生話有大部份人大大吓就會吾駛再食藥。你地講既RITALIN 同 concerta 我個仔都食過,初初食RITALIN,後來轉 concerta 27MG。副作用係無胃口,但吾食 ...

Connielai,

我囝囝8歲(P3)都係食CONCERTA 27MG.

請問點樣安排小朋友無藥效既時間? 因為功課同溫習愈來愈需要更多時間, 到晚上無藥效時確實好吃力.

另外, 可否分享一下你囝囝青春期既問題? 點處理呢?

Many thanks!!

作者: preciousstone 時間: 11-10-15 19:54

請問ADHD的小朋友讀書係唔係通常成績比較差?　唔好意思我這樣問可能令到你們不開心，　不過我心裏真的有這個問題。　我個女比好多課外活動老師話佢坐唔定, 好多咀同多手多腳, 學琴的老師叫我同佢去睇醫生。現在上了小一老師話佢課堂秩序好差. 要去見社工。我自己覺得自己個女係好好動, 不過好好記性,　吸收能力也強，例如兩次英文默書唔使點溫都有一百分（佢唔使老師讀也可以自己背默）. 上完中文課回家可以背課堂學的課文（普通話）給我聽。如果真係ＡＤＨＤ　我可能接受唔到，好想去ＣＨＥＣＫ不過又好想逃避。

作者: lokhimbb 時間: 11-10-16 22:57

hi~pandama
廣華針灸你可以打電話book,電話:23597388
我仔暫時針過4次....因為針灸係比較天然嘅治療....所以唔好諗住好快見到成果....我都係為個仔嘅情況...盡力去幫佢....嗰到有好多小朋友做針灸...通常都係自閉...adhd都有...如果針灸...嗰到啲醫師話最好係6歲前....同埋我仔轉咗藥了...食concerta 27MG...醫生話以佢嘅體重...隻藥係比較重...試兩星期睇反應.....如果唔適合...可能要轉返食RITALIN了...

作者: lokhimbb 時間: 11-10-16 23:24

hi~~preciousstone
adhd小朋友唔一定成績差的..我識一個媽咪..佢仔係adhd但成績好好...我覺得逃避係幫唔到個小朋友...係唔係都得一個知字....因有啲小朋友係資優兒童同時又有adhd....我都聽姑娘講過...有小朋友係資優兒童+adhd+亞氏保加都有,其實資優同adhd嘅特徵好相似....最好做一做評估....如果係adhd....你越拖得耐...越難攪...我仔係adhd...同佢溫默書...佢好快能夠串熟啲字...幾次小測同默書嘅成績都好好....所以話adhd小朋友成績一定差...我覺得又未必.....

作者: carmankmm 時間: 11-10-17 12:54

Hi lokhimbb,
除針炙,要唔要食中藥?針炙度,有冇話做幾耐先有成效?6歲前最好, 我仔7歲,唔知幫唔幫到佢?!

作者: lokhimbb 時間: 11-10-17 13:15

針灸冇中藥食的...又冇話幾時會見到有冇效......因為落針後都要等半個鐘左右...所以啲媽咪們都會閒談吓...有啲話小朋友針灸後情況有好轉.....醫師話7歲遲咗啲...最好係3-6歲針...幫助大啲...但我見到有啲都好大個...你可以打電話問吓...我之前打電話問...book埋期...兩星期後便有期俾我....

作者: IwanBB 時間: 11-10-17 14:09

preciousstone,

有好多adhd既小朋友都好聰明, 而且好學好問! 有好多都比正常小朋友叻!

如果有懷疑應該及早評估, 就算評估結果出左係正常都可以搵適合既方法處理.

作者: carmankmm 時間: 11-10-17 15:30

lokhimbb,
我同你一樣睇同一醫生,我先生對個仔要食藥有啲抗拒

,所以想轉做睇中醫,但又唔知有冇成效..搞到我都好苦惱

作者: preciousstone 時間: 11-10-17 20:21

lokhimBB & lwanBB, 多謝你們的回覆. 我又想問ADHD的小朋友可唔可以好定做一些喜歡的事情? 我的小朋友真係無時停, 不過只要比支筆同畫紙佢, 佢就可以定下來半個小時有多, 好安靜地畫畫, 就算有人搞佢, 佢都可以唔分心. 這樣的行為又會唔會發生在ADHD身上呢? 我問過出去 check好貴, 想問多d先決定是否去 check.

作者: lokhimbb 時間: 11-10-17 23:38

我仔砌puzzle嗰陣都可以坐好耐0架...30分鐘以上...
如果做評估...私家真係好貴...要幾仟蚊...我個仔去小童群益會做評估...$1000/hrs左右

作者: Pandama 時間: 11-10-18 01:42

lokhimbb :多謝你給我針灸資料 ,謝謝 ^^
我10月初開始比仔仔食藥,食了藥後,他的胃口十分差,真係比平日食少左好多 (見到佢咁,我覺得佢好慘,咁細個就要接受長期藥物治療,我先生見到這樣,就叫我停止給他食藥,他說食了藥同平日一樣 ,咁不如暫停食藥 ,下個月見醫生才算,
我和他說現在這是試藥階段,試岩藥就能幫到仔仔,
(請問大家通常要試幾耐才知道份量識不識合小朋友呢 ?
我仔仔現在的份量:Ritaline 10mg (每日2次,每次半粒)

我想問Ritaline 和 concerta 這兩隻藥邊隻好d呢 ?

作者: lokhimbb 時間: 11-10-18 10:25

聽醫生講...兩隻都係同一種藥...但唔同藥廠出...R字=藥力快,但短暫...所以一日要食兩次....C字=藥力慢慢散出..藥效12小時..朝早餐後食一粒就可以維持到夜晚....但唔同藥廠出..效力都好似有啲分別...我仔一向唔多願食飯的...而家更加tim啦...所以早餐俾佢食飽啲...因預佢午餐喺學校唔會食得多...放學返嚟要佢食少少嘢..蛋糕或麵包+飲奶..晚飯要佢食一大碗飯+肉+魚..飲兩碗湯...覆診時...體重冇輕到...仲重咗0.5kg....我都好希望佢快啲試啱藥....因每次續少續幫佢加藥..好彩一兩次就試啱...好似我仔而家試第5次了...仍然觀察階段...我唯有等待....

原帖由 Pandama 於 11-10-18 01:42 發表
lokhimbb :多謝你給我針灸資料 ,謝謝 ^^
我10月初開始比仔仔食藥,食了藥後,他的胃口十分差,真係比平日食少左好多 (見到佢咁,我覺得佢好慘,咁細個就要接受長期藥物治療,我先生見到這樣,就叫我停止給他食藥,他說食了藥 ...

作者: Connielai 時間: 11-10-19 01:57

原帖由 IwanBB 於 11-10-15 13:45 發表

Connielai,

我囝囝8歲(P3)都係食CONCERTA 27MG.

請問點樣安排小朋友無藥效既時間? 因為功課同溫習愈來愈需要更多時間, 到晚上無藥效時確實好吃力.

另外, 可否分享一下你囝囝青春期既問題? 點處理呢?

Many tha ...

CONCERTA可以維持12小時, 返學前比佢食,放學返來都仲有幾小時藥力,而且醫生話長期食藥力不會一下子無哂。其實我個仔係屋企又吾會真係好8厭,可能佢怕我老公,所以係屋企問題吾大。只係佢間學校好嚴,芝麻小事都打來投訴,大事就見家長,所以先會食藥,希望亞仔吾會比老師一日罰到黑。
青春期佢地既情緒好波動,好容易受外界影響,自我控制力弱。6年級時我仔好反叛,鬧佢時會踢枱,嘭門,掟野,跟住會走左出街。打比佢吾聽,12點都吾返。總之一鬧佢就走出街。維持左1個學期,佢又無再係咁,鬧佢最多躲埋房,一陣佢又無野。那時食緊RITALIN,後來轉左另一個醫生, 轉食CONCERTA, 食左2年。同醫生講亞仔既情緒問題, 佢話同個病有關係。

作者: Connielai 時間: 11-10-19 02:02

原帖由 carmankmm 於 11-10-17 15:30 發表
lokhimbb,
我同你一樣睇同一醫生,我先生對個仔要食藥有啲抗拒 ,所以想轉做睇中醫,但又唔知有冇成效..搞到我都好苦惱

我老公初時都係好反對個仔食藥,但為左個仔好都無辦法。我唯有自己帶亞仔去,自己比錢,吾理我老公。

作者: carmankmm 時間: 11-10-19 10:34

Connielai,
第一次我同我仔去見醫生,當醫生話斷症佢係,我再同老公講,佢好抗拒,覺得阿仔問題未至於大到要食藥,我老公成日不在家,當有我和老公在家時,阿仔又確實唔敢太曳,因爸爸會體瞓他,當我話佢知學校情形(未至於坐唔定,但太多野講,連被訓完,一陣又走去講)我老公只應為我小題大做,小朋友好多都係咁:多野講,學校漏野,發白日夢,冇耐性,自制能力差)..因我老公本人亦係一個衝動,冇耐性,成日唔見野既人(我懷疑他也是ADHD),他不肯正視問題, 冇人support自己先最痛苦,請問你如何跟你老公溝通這一點?

作者: Connielai 時間: 11-10-19 22:21

carmankmm ,

男人通常都會好似你老公咁諗,覺得未去到咁嚴重要食藥,因為係屋企小朋友未必真係咁8厭,加上佢怕爸爸,自然更加睇吾到問題。好似我老公,從來都吾覺得亞仔有問題,因為亞仔怕佢,亞仔係佢面前真係好乖,但佢周圍既人都話亞仔有ADHD既病徵,成日比老師投訴, 我又投訴,咁佢就無再堅持。你同老公解釋,食藥可幫助亞仔的行為,亦可以令他上堂時集中,避免佢發白日夢,浪費學習時間。老師有沒有投訴?告訴你老公,如果不正視問題,每次老師打來都叫老師打比你老公。
因為收到老師太多投訴,我老公都不再堅持,比亞仔食藥試吓。軟硬兼施同你老公解釋, 加油!

作者: carmankmm 時間: 11-10-20 10:23

connielai,

多謝你嘅鼓勵, 我會試吓, 加上嚟緊星期六會再覆診,到時會叫埋老公一齊去見醫生.阿仔雖然未至於被老師投訴好密,只是當家長會每科老師都投訴佢太多言,阿仔試了近一星期藥,我明白係冇咁快有改變,我仔番學依然好冒失,成日唔見野,臨番學提佢要記住去校務處揾,好多時唔記得或其實要揾兩樣唔見咗既野,走到去校務處只記得揾一樣,冇記性及漏野程度比小一更密

早幾日俾我見到佢本家課手冊頭嗰幾頁撕走咗,我問佢點解咁做?佢話突然覺得冇用,咪撕走..有啲好唔明白,係咪咁架架?

作者: 小麵麵 時間: 11-10-20 20:35

我已經打了電話去廣華了,約了十一月見醫師,希望針炙對我仔仔有用啦!
我仔仔十二月就7歲了,不知針炙對佢有冇用,
我仔仔係學校都唔係好好多,佢已經係學校最難搞小朋友第一名,我真係好慘......希望明天會更好

作者: wewe 時間: 11-10-22 09:56

亞仔9 years old, 小一下學期食R仔 1粒1次, 到而家2粒半3次, 做媽媽的真係唔想食藥, 胃口差, 小小頭痛啦, 但唔食會衍生社交, 成績, 操行, 相方關係等問題lor

ADHD成績未必差, 亞仔成績一向中上, 小三final exam仲第一tim, 加油呀

作者: MaMaMango 時間: 11-10-22 11:43

你們好, 我仔仔今年小三, 小一時已評估為專注力缺失, 而過度活躍的徵狀不明顯, 現仍堅持不食藥, 在小一和小二時的老師雖然可以包容到, 但有兩, 三次的過錯差點要記缺點, 而小三的老師更加嚴厲, 我估計距離食藥的日子不遠了

原帖由 Connielai 於 11-10-19 01:57 發表

CONCERTA可以維持12小時, 返學前比佢食,放學返來都仲有幾小時藥力,而且醫生話長期食藥力不會一下子無哂。其實我個仔係屋企又吾會真係好8厭,可能佢怕我老公,所以係屋企問題吾大。只係佢間學校好嚴,芝麻小事都打來投 ...

作者: wewe 時間: 11-10-22 12:10

原帖由 MaMaMango 於 11-10-22 11:43 發表
你們好, 我仔仔今年小三, 小一時已評估為專注力缺失, 而過度活躍的徵狀不明顯, 現仍堅持不食藥, 在小一和小二時的老師雖然可以包容到, 但有兩, 三次的過錯差點要記缺點, 而小三的老師更加嚴厲, 我估計距離食藥的日子 ...

社交ok嗎

作者: MaMaMango 時間: 11-10-22 12:59

社交問題暫時覺得唔太大, 常見的表兄弟關係都好好的, 但其他的同學關係就好一般

原帖由 wewe 於 11-10-22 12:10 發表

社交ok嗎

作者: Connielai 時間: 11-10-23 17:02

MaMaMango ,

我個仔3-4年級時比老師罰得最勁,試過1個月無小息,老師話連校長都識得我個仔。但老師又吾想吓,罰極都係咁,根本無改善,只係識罰罰罰....

作者: Connielai 時間: 11-10-23 17:17

carmankmm,

見左醫生,有好消息嗎?你仔仔食藥後改善不明顯,會吾會係藥努力吾夠? 你見醫生時要將佢撕爛手冊的事告訴醫生,等醫生分析他的情況。我個仔無試過咁,但做野仲係甩甩漏漏,叫佢攞/買3樣,通常只會完成2樣。

作者: lokhimbb 時間: 11-10-23 22:51

我個囝食C字頭隻藥表現一般...因仲有R字頭隻藥...今日照未轉藥嘅份量俾佢食3/4粒R...我覺得滿意....下星期六同醫生傾傾先....仲未試啱藥....令我心情好忐忑.....

作者: doraemonj 時間: 11-10-23 23:50

這個節目叫 "美國藥童", 曾經在明珠台做過, 大慨講ADHD美國孩童的服藥情形, 如未睇過的可以作參考, 以下係在線觀看, 不需下載.

http://www.56.com/w49/play_album-aid-8904399_vid-NTcxODQ4Mzg.html

作者: MaMaMango 時間: 11-10-24 00:32

Connielai,

我都好認同你的講法, 罰極都無改善, 就知道呢個唔係一個合適的方法, 但仍然去罰, 真係好無奈......
你仔仔5年級開始食藥, 情況係咪改善左好多??
我仍然想堅持唔食藥, 但學校的老師罰, 駡的情況下令仔仔的自信心越來越低(原本已經係好低), 所以成日都諗不如幫亞仔轉校, 但老公會覺得係逃避, 而且都唔知有那些學校可以包容到我小朋友

我真的好累好累........

原帖由 Connielai 於 11-10-23 17:02 發表
MaMaMango ,

我個仔3-4年級時比老師罰得最勁,試過1個月無小息,老師話連校長都識得我個仔。但老師又吾想吓,罰極都係咁,根本無改善,只係識罰罰罰....

作者: carmankmm 時間: 11-10-24 12:19

剛剛星期六見完醫生,今次同埋我老公一齊入,我老公冇咩意見,只覺得啲醫生講野好有保留,話做生意喎,醫生話我仔case不是太差,現因為未夠藥力,所以都要一路加落去,我見阿仔其實食咗係好dd(我要番工,只有六,日至可觀察他全日),醫生話平日你放工番到去,咩藥力(3:00pm就完)都冇哂,又係嘅

, 有時都好似好冇乎咁,唔知食到幾時,幾有咩副作用出現,d藥work唔work...好多冇答案及未知數

原帖由 Connielai 於 11-10-23 17:17 發表
carmankmm,

見左醫生,有好消息嗎?你仔仔食藥後改善不明顯,會吾會係藥努力吾夠? 你見醫生時要將佢撕爛手冊的事告訴醫生,等醫生分析他的情況。我個仔無試過咁,但做野仲係甩甩漏漏,叫佢攞/買3樣,通常只會完成2樣。 ...

作者: carmankmm 時間: 11-10-24 12:34

原帖由 lokhimbb 於 11-10-23 22:51 發表
我個囝食C字頭隻藥表現一般...因仲有R字頭隻藥...今日照未轉藥嘅份量俾佢食3/4粒R...我覺得滿意....下星期六同醫生傾傾先....仲未試啱藥....令我心情好忐忑..... ...

我仔都係剛開始食3/4粒R, 你仔效果好好? 可否分享吓?

作者: Connielai 時間: 11-10-24 15:52 標題: 回復 42# MaMaMango 的帖子

MaMaMango ,

我個仔食藥後的確好左, 佢話食左藥吾想講野。但胃口就差左,所以放假吾比藥佢食。其實最好吾好讀傳統學校,由其係名校,搵d活動教學,老師有愛心既學校。因為佢地需要老師的包容,循規蹈矩的學校吾適合佢地。

作者: lokhimbb 時間: 11-10-24 16:37

hi carmankmm
我仔食R 3/4,我見佢定咗好多...唔會周圍跑...行為同說話都乖咗...去街會主動拖住我慢慢行...反而食長效C字嗰隻好似唔多啱我個仔....

作者: Connielai 時間: 11-10-24 19:40 標題: 回復 43# carmankmm 的帖子

咁醫生有沒有加藥?隻隻藥都會無胃口,你而家幾耐見一次醫生?食藥係要長期食,最多放假時停一停,返學又要食番。我個仔食到中二,慢慢來啦,想知佢有無改善就要久不久打比老師,問吓佢上堂情況,每次見醫生前我都會打去學校問左先,再告訴醫生。如果佢有補習就問埋補習老師,而且醫生次次都會問,費事到時口啞啞。

作者: carmankmm 時間: 11-10-25 10:36

呢個份量佢食緊第3天, 佢話我知琴日有少少頭痛,但都可忍到喎..真擔心唔知隻藥係咪唔啱佢

原帖由 lokhimbb 於 11-10-24 16:37 發表
hi carmankmm
我仔食R 3/4,我見佢定咗好多...唔會周圍跑...行為同說話都乖咗...去街會主動拖住我慢慢行...反而食長效C字嗰隻好似唔多啱我個仔....

作者: carmankmm 時間: 11-10-25 10:47

有加到,胃口差唔多,佢只係話有少少頭痛,依家一星期見一次,好金!但冇辨法..醫生話等佢話我知幾時應問老師佢喺學校情形,待醫生指示..至於放學後情形,就差唔多,我要番工,通常佢放學之後都要工人姐姐陪做功課,有d唔識做就等我,我知我不在家時,佢比較曳,蝦姐姐&婆婆, 但我放工番屋企陪佢做功課,我又覺得佢ok..所以我都有想過係咪我做全職媽佢既情形會好好好?起碼行為上有咩唔對路可立即矯正..

原帖由 Connielai 於 11-10-24 19:40 發表
咁醫生有沒有加藥?隻隻藥都會無胃口,你而家幾耐見一次醫生?食藥係要長期食,最多放假時停一停,返學又要食番。我個仔食到中二,慢慢來啦,想知佢有無改善就要久不久打比老師,問吓佢上堂情況,每次見醫生前我都會打去學校 ...

作者: lokhimbb 時間: 11-10-25 15:48

hi carmankmm
頭痛係副作用嘅反應...我仔開始食時都係咁...過一排就冇...我仔都係冇咩胃口食嘢...唯有早餐同晚餐迫佢食多啲...我仔食咗藥個幾月...體重冇減輕到...可能佢一向都細食...我諗我仔R隻藥啱佢啲...星期六見醫生同醫生傾吓先....

作者: Connielai 時間: 11-10-25 20:20 標題: 回覆 49# carmankmm 的文章

carmankmm,
初初試藥係咁架,1-2星期睇一次,試啱就1-2個月先一次。咁梗係FULL TIME MOM好D啦,小朋友知邊個蝦得邊個吾蝦得。加油!

作者: carmankmm 時間: 11-10-26 10:18

hi lokimbb,
你地幾耐見一次醫生? 我記得你係揾何醫生,醫務所在旺角?
我都係,又係逢星期六覆診..聽你咁講阿仔都好OK,變得定咗,乖咗..我有時都唔肯定佢有冇變到,尤其夜晚同佢温書時(藥力已過),佢都愛久唔久整d鬼怪聲出來,叫佢停,同佢講原因係唔respect我教緊佢,佢就想喊,我有時真分唔出係d藥過咗效力就冇?定我要求高,想佢粒聲都唔出只聽我講,自己都好混亂,有時想一想佢都係自己,係一個小朋友,冇可能食粒藥就變做聽話嘅機械人啫..我係咪要求高咗?

原帖由 lokhimbb 於 11-10-25 15:48 發表
hi carmankmm
頭痛係副作用嘅反應...我仔開始食時都係咁...過一排就冇...我仔都係冇咩胃口食嘢...唯有早餐同晚餐迫佢食多啲...我仔食咗藥個幾月...體重冇減輕到...可能佢一向都細食...我諗我仔R隻藥啱佢啲...星期六 ...

作者: carmankmm 時間: 11-10-26 10:23

你地都係睇開私家?咁依家幾耐要覆診?阿仔踏入青春期如何?

原帖由 Connielai 於 11-10-25 20:20 發表
carmankmm,
初初試藥係咁架,1-2星期睇一次,試啱就1-2個月先一次。咁梗係FULL TIME MOM好D啦,小朋友知邊個蝦得邊個吾蝦得。加油!

作者: MaMaMango 時間: 11-10-26 10:31

我仔仔間學校唔係名校, 不過老師都要小朋友好循規蹈矩, 自動自覺, 但仔仔都未能做得到, 好似上兩個星期, 興趣班老師叫他自己寫通告欄, 但他竟然寫錯月份(10月寫錯11月), 所以第一堂無上, 我叫他問返老師可唔可以第二堂繼續返, 但他驚被老師鬧, 亞仔寧願唔出聲唔問老師, 我擔心他會越來越怕事, 咩事都唔出聲, 所以想他轉校
但轉校又唔知有邊間學校的老師有愛心, 可以包容我仔仔....

原帖由 Connielai 於 11-10-24 15:52 發表
MaMaMango ,

我個仔食藥後的確好左, 佢話食左藥吾想講野。但胃口就差左,所以放假吾比藥佢食。其實最好吾好讀傳統學校,由其係名校,搵d活動教學,老師有愛心既學校。因為佢地需要老師的包容,循規蹈矩的學校吾適合佢地 ...

作者: MaMaMango 時間: 11-10-26 10:41

Connielai,

如你唔介意可唔可以講下你仔仔未食藥前有無過動的表現?即上堂時有無離開座位/無時停??e+停左藥的表現又如何呢??
食藥的問題已經困擾左我好左, 所以想了解多d, 先謝謝你分享

作者: MaMaMango 時間: 11-10-26 11:25

carmankmm

今年年頭我都有向公司請假, 回家陪仔仔做功課, 明顯地仔仔的專注力大有改善, 表現也好左好多, 所以做全職媽媽對小朋友有很大的幫助

原帖由 carmankmm 於 11-10-25 10:47 發表
有加到,胃口差唔多,佢只係話有少少頭痛,依家一星期見一次,好金!但冇辨法..醫生話等佢話我知幾時應問老師佢喺學校情形,待醫生指示..至於放學後情形,就差唔多,我要番工,通常佢放學之後都要工人姐姐陪做功課,有d唔識做 ...

作者: lokhimbb 時間: 11-10-26 15:07

hi carmankmm
我而家兩星期覆診一次.....我仔食R字..上堂冇離開坐位...但經常發夢...唔多唔少因為佢眼瞓...小學前...佢一向都需要瞓晏覺...就因為老師話佢遊魂...醫生同我仔轉食C字隻藥...但我覺得效果冇咁好....我仔食藥期間..都係比較多口...但制止到...如果冇食藥...勁多口+冇時停....跟本唔可以好好溫習做功課....我係全職媽咪...個仔咁嘅情況...我根本唔可以出嚟做嘢...因為唔會有人有耐性教佢...星期六同醫生好好傾吓...你仔又係星期亦覆診???咁睇吓大家時間啱唔啱^^

作者: carmankmm 時間: 11-10-26 15:12

hi MaMaMango,

我之前都有諗過轉校,因他太麻煩,寫錯家課手冊不特止,
太多言影響人,老師們都投訴,仲有個同學投訴他,
因有個同學笑佢,佢忍唔到拍人(我知他原意想stop人),
令人誤會亦遇到好嚇人嘅家長,本人身心都大壓力,亦想轉他
讀國際學校,包容d,阿仔一定開心d,但老公話冇得逃避,
去到邊度都一樣,所以我都打消咗呢個念頭,你都要加油!

原帖由 MaMaMango 於 11-10-26 10:31 發表
我仔仔間學校唔係名校, 不過老師都要小朋友好循規蹈矩, 自動自覺, 但仔仔都未能做得到, 好似上兩個星期, 興趣班老師叫他自己寫通告欄, 但他竟然寫錯月份(10月寫錯11月), 所以第一堂無上, 我叫他問返老師可唔可以第二 ...

作者: carmankmm 時間: 11-10-26 15:21

原帖由 lokhimbb 於 11-10-26 15:07 發表
hi carmankmm
我而家兩星期覆診一次.....我仔食R字..上堂冇離開坐位...但經常發夢...唔多唔少因為佢眼瞓...小學前...佢一向都需要瞓晏覺...就因為老師話佢遊魂...醫生同我仔轉食C字隻藥...但我覺得效果冇咁好....我 ...

好羨慕你係全職媽,可以照顧仔仔,我都應就快轉番做全職(一年內既事),起碼阿仔做錯乜都可立即糾正,有時醫生問我情況我都要預先問咗工人姐姐先知

都覺得自己好唔掂!醫生有冇叫你問吓老師阿仔喺學校既情形?你仔同同學相處OK嗎?

作者: linchan 時間: 11-10-26 16:55

除咗胃口差d外,有冇人聽過話食ADHD藥會影響長高呀? 我囡都食緊Concerta. 有d擔心囉.

作者: lokhimbb 時間: 11-10-26 18:12

hi carmankmm
我喺個仔5個月大時轉咗做全職媽媽喇...所以我好早發現佢係adhd,醫生都有問呀仔學校情況...我之前經常同老師通電話或去接放學時同老師傾吓,我冇同老師講個仔有adhd,老師暫時只係覺得個仔遊魂,並冇騷擾人,佢同啲同學都ok呱..聽佢講咋..但佢成日向老師投訴同學,話同學依樣嗰樣...其實我仔性格衝動..間中會同人有衝突0架...而喺屋企...佢比較驚我...所以好聽我話...但大個仔...開始有少少難控制...

原帖由 carmankmm 於 11-10-26 15:21 發表

好羨慕你係全職媽,可以照顧仔仔,我都應就快轉番做全職(一年內既事),起碼阿仔做錯乜都可立即糾正,有時醫生問我情況我都要預先問咗工人姐姐先知都覺得自己好唔掂!醫生有冇叫你問吓老師阿仔喺學校既情形?你仔 ...

作者: Connielai 時間: 11-10-27 01:58 標題: 回復 53# carmankmm 的帖子

係呀,都係睇私家,每次大約$1800,應該個個醫生都差吾多。試ARM藥就2-3個月先睇一次。亞仔今年F.3,九月開始無食藥,我問老師他在學校的情況, 老師都話佢好靜,咁醫生就比佢停藥試吓。踏入青春期, 都係衝動,易怒,吾係好控制到自己情緒。

[ 本帖最後由 Connielai 於 11-10-27 02:15 編輯 ]

作者: Connielai 時間: 11-10-27 02:15 標題: 回復 54# MaMaMango 的帖子

有ADHA的小朋友自我控制能力比較差,易受人影響,所以循規蹈矩的學校令佢地常常有機會受罰。再遇上一些不包容的老師,結果就是老師打比家長投訴,而小朋友就被罰。久而久之小朋友可能吾喜歡上學。我自己都好後悔幫亞仔選左間傳統小學,令亞仔辛苦,好彩佢就算日日比人罰都吾怕上學,但我每次見到學校來電就想C,因為又係投訴...

作者: Connielai 時間: 11-10-27 02:32 標題: 回復 58# carmankmm 的帖子

吾係間間都一樣架,吾同學校對ADHD學生的態度係吾同。我大仔間小學係名校,佢地吾會體諒你,包容你,因為你吾讀大把人讀,佢地吾會遷就你一個。有些小朋友仲被勸轉校,試問讀在這些學校的小朋友又比怎會開心呢?我細仔讀另一間無咁有名的小學, 完全無壓力,功課少,老師有愛心,吾會小小事就打比家長,我細仔六年小學生活明顯比大仔開心。

[ 本帖最後由 Connielai 於 11-10-27 02:33 編輯 ]

作者: carmankmm 時間: 11-10-27 09:54

原帖由 Connielai 於 11-10-27 02:32 發表
吾係間間都一樣架,吾同學校對ADHD學生的態度係吾同。我大仔間小學係名校,佢地吾會體諒你,包容你,因為你吾讀大把人讀,佢地吾會遷就你一個。有些小朋友仲被勸轉校,試問讀在這些學校的小朋友又比怎會開心呢?我細仔讀另 ...

明白,細仔讀得開心真好,可否pm我你細仔間學校名?

作者: carmankmm 時間: 11-10-27 10:27

hi lokimbb,

咁都ok呀! 我下個星期帶阿仔去睇中醫,我朋友睇開呢個中醫(呢個中醫本身係大學教授),佢幫我略略問過呢個中醫都有經驗醫ADHD小朋友,要食中藥+針炙,如要食中藥便要停西藥..依家都未諗到點好

原帖由 lokhimbb 於 11-10-26 18:12 發表
hi carmankmm
我喺個仔5個月大時轉咗做全職媽媽喇...所以我好早發現佢係adhd,醫生都有問呀仔學校情況...我之前經常同老師通電話或去接放學時同老師傾吓,我冇同老師講個仔有adhd,老師暫時只係覺得個仔遊魂,並冇騷擾 ...

作者: lokhimbb 時間: 11-10-27 10:57

我諗中醫要見效果可能會慢啲....要俾多少少時間....如果中醫攪得掂...我都唔想個仔睇中醫...唔想佢食咁多西藥....

作者: carmankmm 時間: 11-10-27 11:17

原帖由 lokhimbb 於 11-10-27 10:57 發表
我諗中醫要見效果可能會慢啲....要俾多少少時間....如果中醫攪得掂...我都唔想個仔睇中醫...唔想佢食咁多西藥....mouth:" />

下個星期我帶阿仔去睇吓個中醫點講再報告你知! 我老公非常唔贊成食西藥加上治標唔治本...因為咁我都同老公經常argue..

作者: MaMaMango 時間: 11-10-27 12:33

我都想知你細仔讀邊間學校呀, 可唔可以PM埋俾我知, 等我做個參考

原帖由 Connielai 於 11-10-27 02:32 發表
吾係間間都一樣架,吾同學校對ADHD學生的態度係吾同。我大仔間小學係名校,佢地吾會體諒你,包容你,因為你吾讀大把人讀,佢地吾會遷就你一個。有些小朋友仲被勸轉校,試問讀在這些學校的小朋友又比怎會開心呢?我細仔讀另 ...

作者: MaMaMango 時間: 11-10-27 12:38

我老公都係極反對亞仔食藥, 所以係政府度攞左d藥一直都無食過, 如果食中藥都有幫助我寧願食中藥多d啦, 你試左之後真係要通知一聲, 如果work我都想俾亞仔試下, thx!!

原帖由 carmankmm 於 11-10-27 11:17 發表

下個星期我帶阿仔去睇吓個中醫點講再報告你知! 我老公非常唔贊成食西藥加上治標唔治本...因為咁我都同老公經常argue..

作者: lokhimbb 時間: 11-10-28 00:31

carmankmm
兩公婆要互相扶持呀....仔仔需要你哋幫助...食藥對內臟都幾傷...所以我日日都煲湯俾個仔飲....食藥...食魚油...針灸...對佢情況有幫助嘅我都去試....其實醫生問我哋家族有冇人係咁..但我真係唔知...以前邊有咁多代名詞...我老公諗咗好耐...佢記起佢小學時期係經常俾老師罰...經常見家長...我問佢衰咩...佢話記得係成日離開坐位...攪攪陣咁上下...同埋我老公到而家..專注方面都比較差....叫佢買3樣嘢...佢差唔多每次都買漏....冇咩手尾...佢話個仔可能遺傳到佢....

作者: carmankmm 時間: 11-10-28 10:20

hi lokimbb,

你都好!你老公支持你又坦誠同你傾呢個問題,亦唔會排除係自己遺傳給仔仔..我老公就唔同,佢唔會認自己有咩問題,更何況點會遺傳給自己個仔,我老公亦跟你老公差唔多,都係冇記性,買&帶漏嘢,組織力弱,衝動既人,細時都係曳,口多既人(到依家都係),就算未去check時,我早已覺阿仔似佢自己,鐘意做d野引人注意..有時兩公婆唔係行同一條路,好苦

你俾邊隻魚油丸阿仔食?我果日問醫生,佢話魚油丸冇乜作用..

原帖由 lokhimbb 於 11-10-28 00:31 發表
carmankmm
兩公婆要互相扶持呀....仔仔需要你哋幫助...食藥對內臟都幾傷...所以日日都煲湯俾個仔飲....食藥...食魚油...針灸...對佢情況有幫助嘅我都去試....其實醫生問我哋家族有冇人係咁..但我真係唔知...以前邊 ...

作者: carmankmm 時間: 11-10-28 10:23

冇問題! 你冇俾藥阿仔食,佢ok嗎?

原帖由 MaMaMango 於 11-10-27 12:38 發表
我老公都係極反對亞仔食藥, 所以係政府度攞左d藥一直都無食過, 如果食中藥都有幫助我寧願食中藥多d啦, 你試左之後真係要通知一聲, 如果work我都想俾亞仔試下, thx!!

...

作者: MaMaMango 時間: 11-10-28 12:28

我的情況和你們都好相似, 都覺得係爸爸遺傳給仔仔, 我老公細個都係讀書時唔叻, 我奶奶請個補習老師俾他, 他就激走一個又一個.......
也因為爸爸自己都有ADHD的病徵, 所以他覺得仔仔都唔需要食藥都可以

原帖由 carmankmm 於 11-10-28 10:20 發表
hi lokimbb,

你都好!你老公支持你又坦誠同你傾呢個問題,亦唔會排除係自己遺傳給仔仔..我老公就唔同,佢唔會認自己有咩問題,更何況點會遺傳給自己個仔,我老公亦跟你老公差唔多,都係冇記性,買&帶漏嘢,組織力弱,衝動既 ...

作者: MaMaMango 時間: 11-10-28 12:59

仔仔比較多口, 多手和唔專心, 所以有好多無心之失, 但學校的老師未必個個都可以包容到, 好似今年的班主任就.....
而情緒方面係學校的問題唔大, 係屋企就易發脾氣, 今年的情況明顯有改善, 但仍未達一般水平
有好多人都話呢D小朋友有無限的體力, 所以我盡量安排好多唔同的活動俾亞仔, 令他開心D, 也可以消耗一下他的體力

原帖由 carmankmm 於 11-10-28 10:23 發表
冇問題! 你冇俾藥阿仔食,佢ok嗎?

作者: carmankmm 時間: 11-10-28 15:39

你仔仔小一?

原帖由 MaMaMango 於 11-10-28 12:59 發表
仔仔比較多口, 多手和唔專心, 所以有好多無心之失, 但學校的老師未必個個都可以包容到, 好似今年的班主任就.....
而情緒方面係學校的問題唔大, 係屋企就易發脾氣, 今年的情況明顯有改善, 但仍未達一般水平
有好多人 ...

作者: MaMaMango 時間: 11-10-28 18:44

唔係呀, 仔仔今年小三啦, 都要考tsa, 所以學校的壓力大左好多好多

原帖由 carmankmm 於 11-10-28 15:39 發表
你仔仔小一?

作者: lokhimbb 時間: 11-10-31 08:04

hi carmankmm
我仔食緊自由講埸一齊團購嗰隻魚油...我都係當保健產品咁俾佢食...平時就好少俾甜嘢佢食...糖..朱古力同汽水真係好少俾....我仔星期六見完醫生...轉返食R字嘅藥了,昨日返教會..主日學老師話佢幾乖...坐定定畫畫寫字...過多幾日再聯絡老師...

作者: carmankmm 時間: 11-10-31 12:06

hi lokhimbb,

你覺得隻魚油有冇幫助? 我依家都好少俾甜食阿仔! 咁都好,主日學老師話佢乖..我嗰日睇完醫生,醫生開多隻R藥於下午4:00食,等佢可繼續專心d..

原帖由 lokhimbb 於 11-10-31 08:04 發表
hi carmankmm
我仔食緊自由講埸一齊團購嗰隻魚油...我都係當保健產品咁俾佢食...平時就好少俾甜嘢佢食...糖..朱古力同汽水真係好少俾....我仔星期六見完醫生...轉返食R字嘅藥了,昨日返教會..主日學老師話佢幾乖...坐 ...

作者: lokhimbb 時間: 11-10-31 12:39

hi carmankmm
我仔早上食R..3/4,4點後食多次R藥片半粒....

作者: lokhimbb 時間: 11-10-31 12:45

其實我仔未睇醫生食藥前嘅表現都好飄忽...一時幾好..一時又失控咁,其實魚油有冇用我唔係睇到好大分別,都係當保健食品俾佢食

作者: Pandama 時間: 11-11-6 01:45

亞仔今個月頭覆診 ,原本早上和中午(各食半粒) ,今次醫生加左分量 ,早上(1粒) ,中午(半粒),醫生話如果想佢放學後座定定係屋企做功課,就比多(半粒藥佢食) ,如果攪得掂就唔駛比佢食 .
我試過同亞仔出去參加朋友生日活動 ,出街前我都比佢食,行為就一樣,食左=無食 . (我都問過醫生這情況,醫生話食了這隻藥係領佢專心d ,如果帶佢出去玩,今本就唔駛食,因為食左都無效,出去玩佢更加活躍.
所以每次朋友慶祝活動叫我們參加 ,我都唔想參加 ,因為更加領佢活躍d ,我亞仔有得玩 ,整個人好像痴左線一樣 ,大叫大玩 ,(真係煩c)
我都唔知用咩方法可領佢,唔多咀,手多多 ,(請各位指教下,對住佢真的想c.......)

作者: daisy17772 時間: 11-11-7 00:35

原帖由 lokhimbb 於 11-10-31 08:04 發表
hi carmankmm
我仔食緊自由講埸一齊團購嗰隻魚油...我都係當保健產品咁俾佢食...平時就好少俾甜嘢佢食...糖..朱古力同汽水真係好少俾....我仔星期六見完醫生...轉返食R字嘅藥了,昨日返教會..主日學老師話佢幾乖...坐 ...

Could you please tell me which 魚油 is it? I want to find one for my girl. Thanks.

作者: MaMaMango 時間: 11-11-8 17:13

之前我有上過course, 有提過你所講的情況, 我們可以出發前要和他briefing一次, 話他知去到會見到邊個, 會玩d咩, 估計他會發生的問題(即可能會和朋友爭玩具), 提供一些解決方法(要話俾你知)
最初我覺得都幾煩, 有時出發前已經好趕, 都未有時間去講咁多野, 而且提一次他都未必做得到, 但提多幾次之後他的表現會好左, 我覺得你都可以試下

原帖由 Pandama 於 11-11-6 01:45 發表
亞仔今個月頭覆診 ,原本早上和中午(各食半粒) ,今次醫生加左分量 ,早上(1粒) ,中午(半粒),醫生話如果想佢放學後座定定係屋企做功課,就比多(半粒藥佢食) ,如果攪得掂就唔駛比佢食 .
我試過同亞仔出去參加朋友生日活動 ...

作者: SARAHTSANG 時間: 11-11-18 22:59

我想問有冇人正食strattera25mg長效藥?我仔試這個長效藥已4個月了但好似無食禁又不時反胃丶作嘔丶好累7:00起床晚上8：00就開始吊魚唔夠半小時就睡著了。做功課好心散地字好像打8號風球,真係好慘成績下降。起初係食Ritalina10mg的短效藥一天兩次每次一粒可惜只維持到上課時間藥效只有6小時左右真難搞

除了食藥大家還有什麼行為冶療可介紹要經濟

請大家幫幫忙

作者: Connielai 時間: 11-12-3 01:40 標題: 回復 85# SARAHTSANG 的帖子

我個仔都係食strattera18mg,胃口差少少,又吾係好差。佢無特別吾舒服,你仔好大隻?要食25MG?我仔食開Ritalina10mg,3/4粒轉食strattera18mg。佢都係7AM食,但到11-12PM先會眼瞓, 吾駛午睡,日日都吾識累。

作者: 香香 時間: 11-12-3 18:36

提示: 作者被禁止或刪除內容自動屏蔽

作者: maydog 時間: 11-12-4 17:26

原帖由香香於 11-12-3 18:36 發表
前天我同個女去見政府精神科羅左第一次既藥Ritalina10mg 1/4. e生話佢可以試下喎. 我十五十六都唔知食唔食.

學校唔覺佢大問題. 但都話佢大頭蝦. 今年3年班. 班主任係佢中文老師. 就話佢中文寫得好草. 要佢寫靚D. ...

我個女又係四五樣功課可以做三個幾鐘...六-八樣真係預佢五六個鐘架啦....平時係超多野講, 但係唔會周圍走架..不過好易分心囉.
但係升左小二, 咁樣做功課法真係唔諗, 我已經開始支持唔住, 仲要同個女嘈得好緊要, 所以我冇等政府, 直接去私家確診左先.....其實我去前都有心理準備覺得係專注力不足, 不過冇諗過中埋過度活躍症唧+對抗性反抗症...

暫時食左一星期藥(初初RITALIN 20MG 半粒, 今個星期加到四分三粒). 初初食藥第一日個女話好頭痛冇咩胃口, 不過放學返黎做五樣功課可以個半鐘完成, 冇乜駁咀, 脾氣又好左, 我果日真係差D感動到想喊, 從來未試過咁快咁順利完成D功課.
第二日個女冇話頭痛啦, 胃口都好返D, 做功課都係快手的.
第三日胃口差不多正常返, 不過脾氣, 做功課速度開始覺得差左..
第四, 五日, 直頭覺得打回原形...痛苦...
覆診, 醫生加藥..今日第二日食..做功課都順利返...

不過我都打算星期去排埋政府...私家長期睇好貴.....

作者: 香香 時間: 11-12-5 12:25

提示: 作者被禁止或刪除內容自動屏蔽

作者: 香香 時間: 11-12-5 12:44

提示: 作者被禁止或刪除內容自動屏蔽

作者: maydog 時間: 11-12-5 17:38 標題: 回復 1# 香香的帖子

試藥期間假期梗加要俾小朋友食,

醫生話, 因為假期你先會對住佢一日, 你先睇到佢既變化同留意到藥力大約幾耐開始消失, 將呢D情況講俾醫生知, 等醫生可以梗加準確判斷開幾多藥俾小朋友...學校D老師冇可能咁留心到小朋友既情況..

較岩左藥之後, 你再同醫生商量幾耐之後假期唔駛食啦~~
我覺得自己亂作主, 會打亂左醫生既療程囉

作者: maydog 時間: 11-12-5 17:47 標題: 回復 3# 香香的帖子

頭先我打左去兒童智力評估中心度問, 佢地話我有私家精神科醫生碓診左就唔駛再去佢地度睇, 可以叫我個醫生寫轉介信直接去排政府既精神科囉~ 佢都話大約要等一年有多架...

我心諗...一年有多, 我都睇左十幾次私家囉.....如果一直唔睇私家齋等政府, 我諗我自己都要睇埋精神科先掂....

不過我會叫醫生寫轉介信我俾排埋政府架啦, 睇下情況點~

因為聽你講一日食一次藥政府都係俾六百幾炆既話, 只係平私家兩百幾....
但係我私家如果較岩藥後, 成個月先見一次..咁我當食少幾餐, 同小朋友睇密D醫生, 等佢情況快D穩定..

不過點都好, 我都會排埋政府既. 睇多個無壞丫嘛!

作者: 香香 時間: 11-12-5 18:28

提示: 作者被禁止或刪除內容自動屏蔽

作者: masterunion 時間: 11-12-7 13:41

有無MAMA 買左Vegepa魚油丸??? 我想買比丫仔TRY 下..

作者: 香香 時間: 11-12-8 15:35

提示: 作者被禁止或刪除內容自動屏蔽

作者: alisoncheung 時間: 11-12-9 17:50

有冇小朋友係8歲, 吃緊concerta, 呀囝今個星期三開始吃18mg, 上堂只是好了少少, 但依舊八卦, 外咀, 做事亂, 請問一般8歲要吃幾多份量? 下星期二覆診, 係咪要叫醫生加份量呢?

作者: lokhimbb 時間: 11-12-9 23:47

我仔6歲,concerta曾加藥到27mg,但效果唔理想,最終而家食緊ritalin 15mg,放學回家做功課加5mg半粒,真係每個人唔同,我仔都試咗好耐藥,情況係好啲,但就未至於好好,佢好反覆,有時唔駛食藥都好乖,又時食藥後,藥力一過,情況更差,真係唔知點好....

作者: bbricky 時間: 12-1-13 18:06

我囝囝本身已做針灸,雖然睡眠改善左,但上堂成日發夢,今日醫生終於開Ritalina10mg俾他,早午半粒,希望真係可以幫到他!

作者: faye525 時間: 12-1-13 23:36

回復 alisoncheung 的帖子

我囡囡同你小朋友一樣, 都係八歲~~
之前食ritalin 20MG 朝早四份三粒, 食左個半月後出現輕微抑鬱 (小小事就喊同唔開心, 以前成日笑哈哈的),
加上放學返到黎做功課都係一時時OK, 上堂就真係定左好多...
於是醫生建議轉藥, 希望第二隻藥唔會令到佢咁易抑鬱, 同埋可以等佢完成晒所有功課先藥散. 醫生又唔想佢一日食兩次藥.
所以而家食Concerta 18MG朝早一粒, 醫生話左會加藥的, 因為岩岩轉唔可以俾咁重....暫時食左一星期, 個女真係比起之前開心返好多..... 做功課時比起食Ritalin仲要再定D (醫生話因為Ritalin只係短效藥, FOR四至最多八小時, Concerta係
十二小時長效. 所以放假都唔可以過十點俾佢食, 唔係唔駛訓)

另因為我個女磅數唔理想, 食埋藥梗加唔肯食野, 變左輕左 (上星期六磅得21.3KG), 於是醫生開埋開胃藥俾佢食, 早晚各半粒, 等佢食返多D野, 重得理想D. 食左開胃藥就終於見返佢以前個食量....

醫生冇同你解釋幾多藥量都要跟小朋友磅數決定咩???
好似我個女之前22.4KG, 食Ritalin 20MG時, 醫生講得好清楚, 囡囡個磅數最多只可以食足一粒...都唔希望俾足藥量.

所以醫生想我個女重多D, 萬一藥力唔夠, 就可以加俾佢, 唔係就冇得郁....

作者: faye525 時間: 12-1-13 23:38

回復 lokhimbb 的帖子

我同你掉返轉, 食Ritalin 20MG四分三先..出現輕微抑鬱於是轉Concerta 18MG 另加早晚半粒開胃藥~~

歡迎光臨教育王國 (/)