教育王國

標題: 有冇保良局金卿幼稚園2011-2012 K1家長呀?? [打印本頁]

作者: 1028amy 時間: 11-9-26 13:19 標題: 有冇保良局金卿幼稚園2011-2012 K1家長呀??

有冇保良局金卿幼稚園2011-2012 K1家長呀??入黎吹下水啦~

我囡囡係上幼C班~

作者: MissMusic 時間: 11-9-26 14:37

我唔係金卿家長呀, 但黎緊可能會報名架!

我都想了解下間學校.....

你上年仲報左邊間幼稚園呀?
點解會揀金卿?
金卿係咪可以容易D 上錦泰小學架?
上年你地係點樣 Interview?
你覺得容唔容易入呢? (有無識人報左名但入唔到?)
學校老師好唔好呀?

作者: 1028amy 時間: 11-9-27 13:45

原帖由 MissMusic 於 11-9-26 14:37 發表
我唔係金卿家長呀, 但黎緊可能會報名架!

我都想了解下間學校.....

你上年仲報左邊間幼稚園呀?
點解會揀金卿?
金卿係咪可以容易D 上錦泰小學架?
上年你地係點樣 Interview?
你覺得容唔容易入呢? (有無識人報左名但 ...

我仲報左靈糧堂,路德會救恩,聖三一中心,
尼3間都收我個女,但因為我想佢上錦泰小學,再上保一,
所以最後揀左金卿,以我所知金卿上錦泰比較多,
上年Interview都係問下佢叫咩名,知唔知尼D係咩生果AR,咩交通工具AR....

作者: MissMusic 時間: 11-9-27 14:02 標題: 回復 3# 1028amy 的帖子

你個女幾多月出生呀?

咁老師OK 嗎?

當年你是否 click 會接受上下午的offer?

作者: 1028amy 時間: 11-9-27 15:30 標題: 回復 4# MissMusic 的帖子

我個女2月出世~
老師我覺得幾好(暫時,因為都係岩岩開學)
佢好主動打比我講下我個女係學校既情況..
果時我淨係click 左上午OFFER
不過你心水學校有邊幾間??

作者: MissMusic 時間: 11-9-27 15:36

其實我都係諗住報金卿’、靈糧和聖母。

其實自己好鐘意靈糧, 但 d 人又話靈糧課桯好淺。

所以如果金卿可以易上錦泰, 我都希望金卿收阿女。

唔知報三間夠唔夠呢!

金卿算唔算易入呢?

作者: 1028amy 時間: 11-9-28 15:28 標題: 回復 6# MissMusic 的帖子

我本身都鐘意靈糧,但因為聽太多上到小學追得辛苦,所以最後冇揀到~
金卿我都唔知算唔算易入wo~
可能易入但唔係上午offer掛,
唔好太擔心la~如果你得一個女,其實聖母都幾好~一條龍
因為我仲有個仔仔先冇報到~我唔想第時小學分開讀~

作者: 麥兜MaMa 時間: 11-9-29 11:18

我都住附近, 都諗住報.
個視學報告"惟學校安排幼兒班兒童於下學期開始進行規範性的線條
練習，並讓兒童執筆寫字，有違幼兒小手肌發展的規律，學校宜
加以改善" 請問仲係咪甘呢

作者: 麥兜MaMa 時間: 11-9-29 11:20

錦泰係邊, 係咪好好家. 我近年先搬來, 對呢區唔熟

作者: 1028amy 時間: 11-9-29 16:50 標題: 回復 8# 麥兜MaMa 的帖子

宜家開左學1個月到~仲未有練習果d,我唔知下學期會點wo~
錦泰係學校村果到~

作者: marie貓 時間: 11-10-29 09:29

你好...金卿收左小女讀k1呀..
不過我見online評論好壞參半...
有d話程度超淺...又有人話深深地..
其實我要normal已ok..太吹谷又太辛苦..
想佢學到正常應付到既野..而又有開心快樂既幼稚園生活！

同埋我想問..d人話成日話會link到去保良局小學...
其實小學係大抽獎同計分既...
咁同...讀保良局幼稚園入返保良局小學..係咪冇直接關係呢？

歡迎光臨教育王國 (/)