教育王國

標題: 昨晚睇完香兒音樂會後感........ [打印本頁]

作者: rebecca0113 時間: 11-9-26 11:35 標題: 昨晚睇完香兒音樂會後感........

呢個1年1度既大型音樂會每1位小朋友都係用左好多心機去排練,節目1開場時全場座位係差不多100%full,但每當果part 既小朋友表演完後,就會有1部份家長即時起身離場,到上半場完下半場開始時已經無左50%觀眾,其實我想請問各位家長有無諗過"尊重"下呢個音樂會呢?

無錯,大家買票入場都係為左睇自己既小朋友表演,但為何不全場欣賞完先走呢?咁樣不單止係無禮貌既行為,而且對大會極不尊重,我自己的小朋友都係上半場表演,下半場我就有帶埋佢一起入場觀看表演,他看得好入神,跟我說concert choir 同埋最後果個歌舞劇的哥哥姐姐都表演得好好......

我咁樣講出來其實是不想大家誤解這個表演的意義,我自己係下半場眼見同聽見到很多人都講香兒攪呢個音樂會都係為左自己小朋友,其他既表演就唔會睇,睇下走左咁多人就知.....

[ 本帖最後由 rebecca0113 於 11-9-26 12:09 編輯 ]

作者: fcbttkw 時間: 11-9-26 11:57

這種情況我遇過很多，比賽如是、連老師搞的音樂會也如是，真的這麼趕時間就不要來吧！
將心比己，如到你自己的小朋友表演時，只剩下十零位觀眾，你又有何感想？

作者: Cello093 時間: 11-9-26 11:58

呢d無禮貌既行為，對他人

極不尊重既態度，都係怪獸家長的特徵。

原帖由 rebecca0113 於 11-9-26 11:35 發表
無錯,大家買票入場都係為左睇自己既小朋友表演,但為何不全場欣賞完穿先走呢?咁樣不單止係無禮貌既行為,而且對大會極不尊重,我自己的小朋友都係上半場表演,下半場我就有帶埋佢一起入場觀看表演,他看得好入神,跟我說concert choir 同埋最後果個歌舞劇的哥哥姐姐都表演得好好......

作者: ilovethiscow 時間: 11-9-26 12:32

提示: 作者被禁止或刪除內容自動屏蔽

作者: meiling222 時間: 11-9-26 12:47

你講得好對, 尊重他人就是尊重自已!

作者: rebecca0113 時間: 11-9-26 14:02

其實中段時2位小司儀已經同台下的家長講叫他們不要咁快離場,他們表演完的小朋友係後台會有工作人員take care,叫他們可以放心continue 欣賞其他表演,但似乎無人理會......

作者: bebebe12345 時間: 11-9-26 14:42

這是雖不合理但事實如此的一個普遍現像。所以每年都喜歡欣賞學校音樂節的Orchestra的比賽,未到公佈名次前總是滿滿的、氣氛十足(Choir亦是)。
近幾年喜歡去欣賞不是自己的小孩子表演和比賽!

[ 本帖最後由 bebebe12345 於 11-9-26 14:48 編輯 ]

作者: miss321 時間: 11-9-26 15:18

我自己攪學生音樂會都唔俾家長學生中途離場，呢個係培養個人品格。其實可能香兒冇明文規定唔可以中途接走小朋友。

作者: beetle 時間: 11-9-26 19:18

可能因為第二日要返學的關係才會有這麼多人提早離場。昨晚接近10時半才完場。接到個女返到屋企已經11時半。今朝兩個女都變熊貓眼。
如果可以安排早些開場（由8時提早到7:30時）就會好啲。畢竟有很多預備班的團員只有五，六歲。
Concert Choir的演出真係好精彩非常有水準!

[ 本帖最後由 beetle 於 11-9-26 19:23 編輯 ]

作者: fcbttkw 時間: 11-9-26 19:45

原帖由 beetle 於 11-9-26 19:18 發表
可能因為第二日要返學的關係才會有這麼多人提早離場。昨晚接近10時半才完場。接到個女返到屋企已經11時半。今朝兩個女都變熊貓眼。
如果可以安排早些開場（由8時提早到7:30時）就會好啲。畢竟有很多預備班的團員只有五，六 ...

我去過好多下午嘅比賽或表現，情況也是一樣！

作者: w_y 時間: 11-9-26 20:04

其實音樂欣賞/觀摩對提高小孩音樂素養都好重要. 無法睇全場, 係小朋友的損失. 如果第二天是上課天, 不如反映給主辦單位知, 希望下次可以改善.

去年我和小朋友有幸睇過一瑒中午香兒音樂會, 非常愉快, 當然係連汁都撈埋至走啦! (我地唔係香兒成員)

作者: ilovethiscow 時間: 11-9-26 20:12

提示: 作者被禁止或刪除內容自動屏蔽

作者: fcbttkw 時間: 11-9-26 20:30

原帖由 ilovethiscow 於 11-9-26 20:12 發表
現場的音樂欣賞是學習音樂必要的環節不論是好是差的演出都有欣賞及批評的地方~~~

都是聽CD 不可以得到的

絕對認同！

作者: panala 時間: 11-9-26 23:29

同意對於某些小孩子來說實在太晚了，但若是下午或第2天是假日，當然最好是觀看到最後。

原帖由 beetle 於 11-9-26 19:18 發表
可能因為第二日要返學的關係才會有這麼多人提早離場。昨晚接近10時半才完場。接到個女返到屋企已經11時半。今朝兩個女都變熊貓眼。
如果可以安排早些開場（由8時提早到7:30時）就會好啲。畢竟有很多預備班的團員只有五，六 ...

[ 本帖最後由 panala 於 11-9-26 23:30 編輯 ]

作者: 濤兒 時間: 11-9-27 07:44

原帖由 rebecca0113 於 11-9-26 11:35 發表
呢個1年1度既大型音樂會每1位小朋友都係用左好多心機去排練,節目1開場時全場座位係差不多100%full,但每當果part 既小朋友表演完後,就會有1部份家長即時起身離場,到上半場完下半場開始時已經無左50%觀眾,其實我想請問 ...

Totally agree!! 我兩個小朋友分別係18號(下半場)及25號(上半場)的夜場, 兩晚我地都留守到最後, 夜係夜d, 但一年一度, 既尊重他人, 亦欣賞節目.

25號晚的情況比較嚴重, 可能係因為上半場大部份都係預備/初一的小朋友, 呢場我朋友都係中場走咗, 我地用佢的票由上層最平位移到下層最貴位坐, 前後左右好多位都係吉的.

我都贊成夜場應提早d開始. e.g.7:30pm!

作者: Yanamami 時間: 11-9-27 07:57 標題: 回覆 2# panala 的文章

若是在Sat/ 假期前表演, 晚一點也沒所謂. 但....
第二朝可能有小朋友要6:00起床搭校車番學. 大會可有考慮到? 小小人兒要23:XX回家又要梳洗才上床, 睡不到幾小時又要起床了......他們早在表演前幾句鐘已在會場後台了, 搞了一天也累吧. 要他們留到最後, 不如編Concert Choir在上半場, 初級組在下半場吧, 走不了. 在文化中心已叫地點適中, 有年舞蹈組要到柴灣青年廣場表演, 住在九龍的小朋友得老遠趕回家更衣落裝才可以睡. 真要好編排演出時間. 方便一下低年班的同學.

**我沒孩子參加香兒choir的**

[ 本帖最後由 Yanamami 於 11-9-27 08:07 編輯 ]

作者: janp 時間: 11-9-27 12:18

柏C個annual performance都係一樣...
雖然下午開始...
但到4-5點, 得返一半人到...

我覺得最後表演的小朋友會好失望, 因為見得咁少觀眾...

無錯, 個MC係超悶, 但我小朋友每睇表演時就會目不轉睛, 好投入, 我O地見佢咁鐘意睇, 當然睇到最後先走:)

其實觀賞都係培養興趣的重要一環, 家長們真不應忽視 :)

作者: dubyboy 時間: 11-9-28 00:03

Yes if it is held on Friday / Saturday is better, the children need go to the school next day and not willing to wake up in the morning.

作者: ilovethiscow 時間: 11-9-28 00:47 標題: 回復 18# dubyboy 的帖子

提示: 作者被禁止或刪除內容自動屏蔽

作者: hoihoima 時間: 11-9-28 12:57

My kid is a member of Yip's choir. During the annual performance, the teachers did not give us an option to pick up kids before the performance completed. All the kids were with the teachers throughout the whole concert. Unless for exceptional case which is very rare, all kids stayed to the end of the concert.

作者: dienalitie 時間: 11-9-28 15:19

提示: 作者被禁止或刪除內容自動屏蔽

作者: rebecca0113 時間: 11-9-28 16:12

原帖由 dienalitie 於 11-9-28 15:19 發表
雖然我無睇個音樂會，但係我覺得你一係就坐全場一係就唔好去。個個睇完自己仔女就走，有無尊重過場合？尊重人地都要尊重自己！

Agree!!!!!

作者: Cello093 時間: 11-9-28 16:37

原帖由 dienalitie 於 11-9-28 15:19 發表
雖然我無睇個音樂會，但係我覺得你一係就坐全場一係就唔好去。個個睇完自己仔女就走，有無尊重過場合？尊重人地都要尊重自己！

[ 本帖最後由 Cello093 於 11-9-28 16:39 編輯 ]

作者: lamronny53 時間: 11-9-28 20:50

agree

作者: ok_ko 時間: 11-9-28 21:29

我都坐足全場。但我覺得不能完全怪家長，主辦單位都有責任。其實參觀的決大部分是表演者的家人，每人都要買門票。但如果家長沒有為表演的小朋友買票，家長可能在中場接回小朋友後，便只能走。其次，中場接回小朋友的安排不好。家長必須要到外面，已經離座的家長很少會回來。其三，表演的時間太長。有些早場的小孩只有5-6歲。10：30入場準備，一直等到下午兩點才開始。中間也只能吃大會安排的食物。到下午中場休息時，很難怪家長不帶小朋友先走。

作者: littleTi 時間: 11-9-29 07:37

原帖由 ok_ko 於 11-9-28 21:29 發表

我都坐足全場。但我覺得不能完全怪家長，主辦單位都有責任。其實參觀的決大部分是表演者的家人，每人都要買門票。但如果家長沒有為表演的小朋友買票
，家長可能在中場接回小朋友後，便只能走。其次，中
場接回小朋友的安排不好。 ...

同意！
而且有d家長可能有兩個小朋友參加不同場次的演出，咁如果要和小朋友看到完，咁佢即是每場都要買四張票，即兩次合共要八張，計買平票，都要成一千元，（半場走先都要共買六張票）咁可能有人覺得比唔起咪唔好去好過啦！但做父母，如可以的話，都盡可能去支持下自己d仔女，所以有時d家長不能看至完場，我覺得佢地都唔想。
另外，有d夜場的小朋友下午三、四點左右已經要出發到會場準備集合綵排等演出，如要佢地等到看完全場
，可能要十點半有多，回到家先沖澡，等到可以瞓時都十一、二點，等二日可能七點前要上校車，所以每人情況唔同，不能一概而論。
其實我都贊成可以的話，能看至完場一定是有得著的，但要因應每個家庭不同情況而定。

[ 本帖最後由 littleTi 於 11-9-29 08:02 編輯 ]

作者: hoihoima 時間: 11-9-29 22:44

Even the performers (i.e. the kids) have to buy tickets themselves??

作者: ok_ko 時間: 11-9-30 09:34

所以話不能全部怪家長。

原帖由 hoihoima 於 11-9-29 22:44 發表
Even the performers (i.e. the kids) have to buy tickets themselves??

作者: elizatyy 時間: 11-9-30 22:21

如果晚上的一场早点開始比較好

歡迎光臨教育王國 (/)