教育王國

標題: 英華小學面試:小朋友與老師有個約會 [打印本頁]

作者: Queenielam88 時間: 11-9-24 15:39 標題: 英華小學面試:小朋友與老師有個約會

好喇, 今天是小朋友與老師有個約會的最後一個面試日,真係好希望各家長可以分享下在大家口中老師所問的深問題, 因我家小朋友已完成了所有1st interview的部份喇, 但係我地仲係好迷茫!仲要等到明年一月先知有冇得2nd interview, 真係等到花兒也謝了!

作者: vivicicimimi 時間: 11-9-24 16:57

我個仔只係話有少少普通話、英文、數學問題，佢話唔知普通話老師問乜，但佢識用普通話回答！真係笑死人！英文題問咗鐘意食咩食物，另外有油顏色，老師問佢係咩圖畫，又有睇圖書，但冇問書中內容！等等！以上內容問了幾天的總結！哈哈！

作者: rabbitann 時間: 11-9-24 17:57

原帖由 vivicicimimi 於 11-9-24 16:57 發表
我個仔只係話有少少普通話、英文、數學問題，佢話唔知普通話老師問乜，但佢識用普通話回答！真係笑死人！英文題問咗鐘意食咩食物，另外有油顏色，老師問佢係咩圖畫，又有睇圖書，但冇問書中內容！等等！以上內容問了幾天的總結！哈哈！ ...

你就好啦，你个仔同你讲甘多，我个仔都话没有普通话，又没有数学，真是没希望啦

作者: ha! 時間: 11-9-24 20:55

提示: 作者被禁止或刪除內容自動屏蔽

作者: water-lily 時間: 11-9-24 21:02

我個仔都係話無問普通話同數學... 另外有叫佢畫畫, 但無問佢畫中內容

作者: joanho66 時間: 11-9-24 21:18

我個仔話要寫自己個名, 用英文問佢, 佢淨係識答一條LION, 仲有問佢"如你想要12個蘋果, 但你只得5個, 咁仲爭幾多個=>7個", 都估唔到我個仔識答, 佢初初都唔肯入去禮堂架.

作者: Queenielam88 時間: 11-9-24 22:19

你地的小朋友真係好叻喎, 識得講番俾你地知, 我嗰個要問左幾日先話有3個老師分別係用廣東話, 普通話同英語問. 但佢就話冇畫畫只係同其他小朋友睇圖書,跟住就好快咁去左答問題喇, 佢仲話佢每part都攞到10分共取得30分喎!都唔知信唔信得過!

作者: 無氣同你講 時間: 11-9-24 23:33

我個仔死都話冇普通話問題, 唔知信唔信佢好.....heheh

最好笑, 個仔話老師問佢13-8等如幾多, 佢想數, 老師禁住佢隻手, 所以答錯左.....heheh

[ 本帖最後由無氣同你講於 11-9-24 15:35 編輯 ]

作者: ha! 時間: 11-9-24 23:43

提示: 作者被禁止或刪除內容自動屏蔽

作者: carnationBB 時間: 11-9-25 02:28

提示: 作者被禁止或刪除內容自動屏蔽

作者: Pekomama 時間: 11-9-25 09:30

我呀仔話：無老師問問題，淨係做工作紙同睇故事書喎！

作者: kenzo 時間: 11-9-25 09:40

有3個Interviewers. 1個英文, 一個中文. 老師冇問普通話.
英文: Do you have any pets? Which animal you don't like most?
中文: 一幅禮堂相片: 詞語選擇: 課室, 籃球場, 禮堂
數學: 一幅圖有貓有狗有馬, 不跟次序,老師問貓多D定狗多D.
另外有兩條好淺既圖片matching既問題.
其他: 砌puzzle
畫畫:冇題目, 可以油顏色. 老師冇問番畫既內容.

作者: babybear 時間: 11-9-25 09:53

原帖由 vivicicimimi 於 11-9-24 16:57 發表
......話唔知普通話老師問乜，但佢識用普通話回答！......

佢唔知問乜？咁佢答咗咩答案？哈！
好可愛~~~~

作者: 仕澄母 時間: 11-9-25 09:59 標題: 回覆 2# kenzo 的文章

我個仔話有砌圖，劃畫及數學題

作者: vivicicimimi 時間: 11-9-25 13:27

原帖由 babybear 於 11-9-25 09:53 發表

佢唔知問乜？咁佢答咗咩答案？哈！
好可愛~~~~

哈哈！我有問佢答咗咩答案，佢話唔記得，唔好再問！

作者: monkey05 時間: 11-9-25 15:41

原帖由 無氣同你講 於 11-9-24 23:33 發表
我個仔死都話冇普通話問題, 唔知信唔信佢好.....heheh最好笑, 個仔話老師問佢13-8等如幾多, 佢想數, 老師禁住佢隻手, 所以答錯左.....heheh

老師呢招都幾毒喎, 禁住你個仔隻手唔比數手指. :;pppp:

作者: SCKnight 時間: 11-9-25 21:10

我小朋友話老師初初唔鼓勵數手指，但係如果小朋友攪唔掂都會喺最後俾數手指。

作者: 無氣同你講 時間: 11-9-25 21:55

原帖由 SCKnight 於 11-9-25 13:10 發表
我小朋友話老師初初唔鼓勵數手指，但係如果小朋友攪唔掂都會喺最後俾數手指。

咁你小朋友都好成熟下喎, 分析到成個局面, 而我個件見老師唔比數就算架啦

作者: teaflower 時間: 11-9-26 00:36

我仔仔就話考左佢中文、數學及英文, 不過無考佢普通話

入到課室,老師叫佢地看圖書,然後叫名去唔同枱答問題,一張枱考中文, 一張考數學, 一張考英文

A) 中文
1) 展示一幅關於"操場"的圖, 問佢係乜
2) 展示一張"路牌"及一張"紅綠燈"的圖, 問佢邊一種用來過馬路
3) 展示一張"山羊"的圖, 問佢山羊有乜特點
4) 讀詞語

B) 數學
1) 問佢有波板糖12枝, 食左5枝, 剩返幾多枝
2) 展示一幅有好多圖形的圖畫, 然後問佢圖畫中欠左邊種形狀 (我仔答"圓形", 我諗如果識得答五邊形, 六邊形, 半圓形, 梯形等等會更加好, 但佢唔識

)

C) 英文
1) 展示一張"電視機"的圖, 問佢英文係乜
2) 展示一張有一個黑色TV的圖, 問佢What colour is it?
3) 問左佢一連串問題:
-- How old are you?
-- Do you have any brother?
-- How old is he?
-- Who watch TV with you?

我仔仔仲話有叫佢畫畫, 叫佢畫"課室"喎

作者: lcflks 時間: 11-9-26 01:00 標題: 回覆 8# kenzo 的文章

今日再問吓個仔，越講越多，一坐低俾張紙寫名，紙上面有幅禮堂台上面校章的相（影到少少個台）有三個選擇去選是學校裡面咩地方，紙最低有位置俾佢畫畫用，之後有三個老師輪流叫出去問問題，簡單英文對答，有限時係圖裏搵嘢，普通話老師有問佢睇咩書，讀咗幾句，佢本書叫上學去.......我諗最特別嘅一項係叫我個仔認邊一個係輻射標誌，因為這一個係一考完當日話我知！

今晚聽個仔講detail, 確實又幾充實，短短時間做了很多嘢！！

作者: ha! 時間: 11-9-26 08:28

提示: 作者被禁止或刪除內容自動屏蔽

作者: 青青河邊草 時間: 11-9-28 13:32

請問見校長時, 係要佢講帶來的書入面的故事, 還是只係讀當中的幾頁? 因為有D書比較長, 阿仔講唔到咁長..但讀字佢就讀到囉...

作者: chumuima 時間: 11-9-28 13:44

我都想知一頁如只得一句的英文/中文是否很淺?收的機會很微? 一頁要有幾多行才叫OK?

作者: 青青河邊草 時間: 11-9-28 13:47

原帖由 chumuima 於 11-9-28 13:44 發表
我都想知一頁如只得一句的英文/中文是否很淺?收的機會很微? 一頁要有幾多行才叫OK?

問題最大係, 果D咁淺既書, 阿仔無興趣講.
咁低能....
佢鍾意睇D長D的書嘛....
咁我鍾意睇紅樓夢, 我都未必可以講晒成個紅樓夢故事出來啫, 但唔代表我唔識字唔睇書啊....

作者: 仕澄母 時間: 11-9-28 14:00

不用講，照字讀，我個件話二頁走得

作者: lcflks 時間: 11-9-28 15:42

我個仔話見校長時，每個小朋友讀幾多版都唔同，我諗其實佢count每個小朋友嘅時間，如果字多咪讀半版一版，字少咪讀幾版

[ 本帖最後由 lcflks 於 11-9-28 16:21 編輯 ]

作者: kunbe 時間: 11-9-28 15:45

some of the kids not yet interview with Headmistress ah, so better not to share at this moment lei....

may be after Dec to share la....

thanks

作者: 俊軒bb 時間: 11-9-29 00:23

我阿仔話老師要佢地畫畫，之後係畫上面寫返自己個名，有睇圖書，(睇書時無問嘢)有兩張長頸鹿嘅咭，一張條頸長d,一張條頸短d,問佢邊張係長頸鹿。之後有4幅圖比佢，要砌返個故事嘅先後次序出嚟。有中文字咭，叫佢讀返d字出嚟。

英文問題有叫佢串返自己個英文名出嚟，用英文問佢平時幾點起身•••

作者: jeremyphlam 時間: 11-9-30 23:01

原帖由 青青河邊草 於 11-9-28 13:47 發表

問題最大係, 果D咁淺既書, 阿仔無興趣講.
咁低能....
佢鍾意睇D長D的書嘛....
咁我鍾意睇紅樓夢, 我都未必可以講晒成個紅樓夢故事出來啫, 但唔代表我唔識字唔睇書啊.... ...

去年有人投訴話個仔帶本成尺厚的英文書去讀都唔收，反宜有啲讀些簡單少字的就得咗…

作者: HaYi 時間: 11-10-1 00:37

林校長= 估佢唔到.. 投降..

作者: ParcoBabyBaby 時間: 11-10-1 00:41

其實，年年都系差不多校長都系按佢喜好來挑選學生

作者: 青青河邊草 時間: 11-10-1 10:55

原帖由 jeremyphlam 於 11-9-30 23:01 發表

去年有人投訴話個仔帶本成尺厚的英文書去讀都唔收，反宜有啲讀些簡單少字的就得咗…

講真, 我覺得本書應要帶出小朋友的真性情, 佢係鍾意睇科學書, 就唔好迫佢帶乜野德育書....
最近我和阿仔學校都有此不同意見.
學校想同佢訓練, 話最好帶D有教育意義的故仔書.
但我會覺得, 點解一定要係故仔書呢?
我仔鍾意睇十萬個為甚麼, 難道就不可以帶去嗎?

作者: Gerard 時間: 11-10-1 14:38

提示: 作者被禁止或刪除內容自動屏蔽

作者: jeremyphlam 時間: 11-10-1 23:03

原帖由 青青河邊草 於 11-10-1 10:55 發表

講真, 我覺得本書應要帶出小朋友的真性情, 佢係鍾意睇科學書, 就唔好迫佢帶乜野德育書....
最近我和阿仔學校都有此不同意見.
學校想同佢訓練, 話最好帶D有教育意義的故仔書.
但我會覺得, 點解一定要係故仔書呢?
我 ...

我相信林校長揀學生唔會因為一個有特典功能K3學生攞住本十萬個為甚麼讀就必收。被閣下定義為"低能"的一頁幾行故事書的K3學生就肯定拜拜。她在不同場合都說過，她選的，是學生的本質和家教…

作者: 青青河邊草 時間: 11-10-1 23:42

原帖由 jeremyphlam 於 11-10-1 23:03 發表

我相信林校長揀學生唔會因為一個有特典功能K3學生攞住本十萬個為甚麼讀就必收。被閣下定義為"低能"的一頁幾行故事書的K3學生就肯定拜拜。她在不同場合都說過，她選的，是學生的本質和家教… ...

低能者, 係指一本學生讀左都無感應的書, 你明白嗎?
最近有個話自己一年讀左四千幾本書的學生
講真, 或者佢就係讀呢D我眼中的低能書.
錢到, 根本學生睇左都無感覺無思考.
只係一本有字的書, 對學生來講, 作用在哪裡?
我係希望小朋友閱讀, 唔係為左語文, 語文只係一種工具.
而係通過閱讀, 去領略入面的內容, 對自己的性格思考有所著.

我自己都曾經睇過OXFORD reading tree, 講真, 我個仔真係無興趣去睇, 因為D內容對佢來講, 根本無乜思考性. 好多人, 為左要小朋友學好英文, 猛塞佢地看英文故事書, 但其實, 家長自己有無真係睇過本書係咪有趣? 如果無趣, 自己都唔想揭, 叫做小朋友的, 點會有興趣? 於是, 漸漸地, 閱讀就只成為小朋友appreciate家長的行為.

或者我個係大仔, 佢比較成熟, 所以, 佢真係想睇D佢有興趣的書, 佢寧願見到個字唔識來問我, 我知道, 佢真係有消化本書的內容, 而唔係看完就算, 不求甚解也無所損失的低能書.

做父母的, 給小朋友選閱讀材料, 應該多D理清小朋友的性向. 我自己做果行也同書有關, 要看很多書, 我對書的內容係比較要求高. 坊間, 真係, 出了很多內容空洞, 或用字不恰當的書, 大家還是小心選擇吧.

作者: Janicelobby 時間: 11-10-3 00:06

原帖由 青青河邊草 於 11-10-1 23:42 發表

低能者, 係指一本學生讀左都無感應的書, 你明白嗎?
最近有個話自己一年讀左四千幾本書的學生
講真, 或者佢就係讀呢D我眼中的低能書.
錢到, 根本學生睇左都無感覺無思考.
只係一本有字的書, 對學生來講, 作用在哪裡 ...

哈哈, 唔係得罪講句, 我本人真係有睇過oxford reading tree, 我都覺得好有趣同好有幻想空間, 亦與小朋友的生活經驗好相近, 我覺得K3的小朋友應該都喜歡看, 其實鍾意咩書好個人, 我聽過果個8歲入浸大的天才的爸爸話佢個仔2歲就鍾意拿本字典來看, 我諗如果家長想出位, 見校長時可叫囝囝帶本字典入去

作者: 青青河邊草 時間: 11-10-3 08:32

原帖由 Janicelobby 於 11-10-3 00:06 發表

哈哈, 唔係得罪講句, 我本人真係有睇過oxford reading tree, 我都覺得好有趣同好有幻想空間, 亦與小朋友的生活經驗好相近, 我覺得K3的小朋友應該都喜歡看, 其實鍾意咩書好個人, 我聽過果個8歲入浸大的天才的爸爸話 ...

不用說得罪, 大家討論啫

這套書, 你有沒有給小朋友看? 他的反應怎樣呢?
這涉及兩個問題:
1. 每個小朋友的興趣不同, 有的喜歡看寓言, 有的愛看童話, 有的愛看factual的書, 家長最重要係, 認清小朋友的興趣, 因勢利導
2. 家長覺得有趣不代表小朋友覺得有趣. 我給小朋友看, 他表現出來沒興趣就是了. 不要覺得大人認為有趣的東西, 小朋友一定會喜歡. 多嘗試看不同類型的書是最重要的.

作者: szechu2004 時間: 11-10-3 10:23 標題: 回復 37# 青青河邊草的帖子

認同你對小朋友閱讀既睇法! "每個小朋友的興趣不同" !

學校都一再強調，帶小朋友喜歡既書去分享! 如果他們喜歡oxford reading tree，就帶oxford reading tree; 如果他們喜歡科學書，就帶科學書! 成尺厚的英文書，只要是他們喜歡的書，就無問題! 根據以前家長既經驗，校長會因應唔同情況，要小朋友讀唔同頁數! 有D讀一頁，有D讀二，三頁! 唔會讀曬成本書!

我覺得每個小朋友喜歡的書不同，佢地既閱讀能力都唔同，有D有能力讀深D，完全無問題! 不過要學識尊重同兼容，淺易無深度既書，唔係自己喜歡類型既書就話係低能書，好唔應該!

[ 本帖最後由 szechu2004 於 11-10-3 10:24 編輯 ]

作者: babybear 時間: 11-10-3 12:36

有一年, 喺「我和老師有個約會」校長介紹佢地個大project-「多元評估之旅-拯救北極熊」, 到「我和校長有個約會」果日, 就見到有個小朋手執一本「拯救北極熊」既print out代替story book去in。
投其所好！唔知呢位小朋友最後入唔入到圍。

作者: QQ吉吉 時間: 11-10-4 15:20

提示: 作者被禁止或刪除內容自動屏蔽

作者: SCKnight 時間: 11-10-4 23:50

原帖由 jeremyphlam 於 11-9-30 23:01 發表

去年有人投訴話個仔帶本成尺厚的英文書去讀都唔收，反宜有啲讀些簡單少字的就得咗…

夠大夠厚就要收？

用黎表演鎚仔揼心口？

作者: HaYi 時間: 11-10-5 09:57

ORT 我阿仔都喜歡睇wow, 我睇過佢K2時睇 stage 5 個D好似 camping adventure, a new classroom 其實都有趣. 係淺D, 不過唔深小朋友就可以自己睇不需伴讀教. 英文書佢平時都係睇科學, 動物百科為主, 中文書就睇西遊記個D古仔(要伴讀先識睇), 我都係任佢選佢自己要帶的, 唔太深, 佢識得說出大半就算, 得就得, 唔得都算啦, 因為校長心水係咩, 真係估計不到..

原帖由 青青河邊草 於 11-10-3 08:32 發表

不用說得罪, 大家討論啫

這套書, 你有沒有給小朋友看? 他的反應怎樣呢?
這涉及兩個問題:
1. 每個小朋友的興趣不同, 有的喜歡看寓言, 有的愛看童話, 有的愛看factual的書, 家長最重要係, 認清小朋友的興趣, 因勢利 ...

歡迎光臨教育王國 (/)