教育王國
標題: 循道校風 [打印本頁]
作者: miffy0824 時間: 11-9-21 11:43 標題: 循道校風
循道校風如何？小朋友乖嗎?
作者: aquarius828 時間: 11-9-21 14:43
我小朋友讀緊小二, 我覺得同班的同學好好, 如有些頑皮(如:周圍走), 老師會話佢地的; 我舊年(即小朋友小一時), 我都會接送佢返d課外活動班, d學生好純品, 守規; 其實你可以親自嚟學校門口睇下佢地架, 星期六有課外活動, 平時3:05分放學, 但好大部份個個都坐校車的, 亦會有部份自接, 你都可以睇下咁... 自己觀察好過聽片面之詞丫!
原帖由 miffy0824 於 11-9-21 11:43 發表 
循道校風如何？小朋友乖嗎?
作者: miffy0824 時間: 11-9-21 15:19
我有到學校門口睇過，小朋友都好守規不過我想問下讀緊既小朋友家長再了解多D! Thank you for your info!
作者: 小鄧 時間: 11-9-22 14:58
我也是小二生家長, 過去1年, 我覺得校風好純樸, 我接觸過的學生普遍也是純品的。主任有一次跟家長們分享時提過, 每間學校也有乖的學生, 也有唔乖的學生, 而我地係會好好為這些學生進行輔導而不是訓導, 學生也是受教的呢!
另外, 我認識的家長也是關心小朋友的, 學業品德並重。
學校是有宗教背景的, 宗教也為小朋友帶來正能量, 熱愛生命, 熱愛學習。
就我小兒而言, 坐校車一年未有回來說三道四, 沒有反叛行為, 坐隔離位的姐姐是四年級, 好會抓緊機會溫習, 有時還會叫我兒子幫她背書, 哈哈, 當然唔係太幫到呢。兒子有時會教我玩一些有意義的小遊戲, 他說是校車的哥哥姐姐教的。
作者: miffy0824 時間: 11-9-27 17:06
Thank you for your information!
作者: 百厭豬 時間: 11-9-29 18:28
請問一日有幾多功課呢?THX~^^
作者: 小鄧 時間: 11-9-30 10:30
功課方面好似班班數量唔同的, 我地班就如果有中文抄生字, 就冇英文寫句子, 5 - 7樣不等, 測驗期間就仲少功課, 放假 / 星期五就多d, 還有一些網上功課(選擇性完成)。而學校是建議每日用1.5小時完成功課(我指小一, 其他班級就唔知)。 今年小二要每星期要看兩本英文圖書, 中文網上功課就必須做, 今年全日制, 放學前是導修課, 小朋友已完成一半功課, 做得快的可以做晒添。
作者: aquarius828 時間: 11-9-30 17:56 標題: 回復 1# 小鄧 的帖子
小鄧:
你個仔仔真係叻丫, 我隻仔有導修堂同無導修堂係無分別的, 根本好似無乜做過咁, 乜都係返到屋企先做
作者: 君媽 時間: 11-10-2 17:50 標題: 回復 2# 小鄧 的帖子
功課量和內容班班一樣，只是先後進度略不同。
作者: ppkm 時間: 11-10-3 10:23
君媽,好耐無見妳啦,好開心見到妳返來呢度.我想請問妳總有為循道小學部做野嗎?
作者: 君媽 時間: 11-10-3 12:32 標題: 回復 1# ppkm 的帖子
有啊！家長中心剛完成了一個大概,細節仍要留待下一屆，望你們多多支持。14號會回校，希望到時見到你們！
作者: aquarius828 時間: 11-10-4 09:54 標題: 回復 1# 君媽 的帖子
君媽:
好開心, 真係好開心係度再次到你丫, 我仲以為你唔理我地添丫
你知唔知最近, 有家長話sat. 返學校接小朋友要企係門口出面丫, 無得企係入面丫, 個個係咁企係馬路邊度等... 其實, 果刻, 我第一個就想起你啦, 我諗: 如果你係到就好啦! 
係呢! 你囡囡讀成點丫, 開心嗎?
作者: ppkm 時間: 11-10-4 10:20
君媽,
真開心小學部總有妳係度幫手.其實正如aquarius所講,星期六呢學期因為保安理由唔俾家長入去,果日我都係現場,真係幾混亂.因為通常課外活動得1個鐘,家長送完返去通常都係度等,根本無時間可以行出去,當中有老人家,有帶住小朋友的...如果入唔到去,就企係門口食塵,落雨就總麻煩,都唔知點算.所以果日即時都有好多家長不滿,大家都係度講其實學校可唔可以係樓梯果度先攔住唔俾入呢?果度有咁多地方,如果可以俾家長入去等,咁就好好多.希望君媽可以向學校反應下啦,唔該晒.
作者: mayc 時間: 11-10-4 14:14
君媽,係呀!大家都好掛住妳呀!妳唔好唔理的地呀!我地仲有好多升中問題要請教你的!
我囝學校以前也曾經出現過因保安理由(星期六--課外活動時)不淮家長進入學校,但也因很多家長反對,(有些住很遠的家長,長途跋涉帶囝囡返學校)後來劃出家長等候區,(多是菲傭姐姐),辦家長講座(平時要返工,星期六放假的家長),家長團契,圖書館義工家長(包書,整理書架),既然有這麼多家長在學校,便不要浪費這些人力,也可以讓等的時間更充實!
作者: 君媽 時間: 11-10-4 23:40 標題: 回復 1# mayc 的帖子
其實上個月知道了便已經和學校方面說過，但學校基於安全理由，才作出這個決定。老師可以教學生不衝出馬路，但阻不了街外等巴士的人走進來看看﹑坐坐和借用洗手間。
部分家長又認為家長區那裡很熱，自己走入學校另找地方坐，一些坐籃球場，一些坐停車場。有些家長更四圍行，跟學生去洗手間換衫後又上樓看他們上課外活動。校工試過請家長合作，無奈.....，所以只好關門。
我明白苦了大部分乖家長，但我還沒想到解決方法。如在樓梯加建鐵閘，要入紙申請。又不能個個星期都開辦家長講座之類的活動，而且各課外活動時間不一。
我都不知道可如何安排!
呀!家長團契可以想想，我會跟陳牧師談談。
[ 本帖最後由 君媽 於 11-10-4 23:53 編輯 ]
作者: aquarius828 時間: 11-10-6 09:19 標題: 回復 1# 君媽 的帖子
君媽:
多謝你詳細解答丫! 其實, 你講出嘅都係事實。可能我都無諗過原來係樓梯前加閘也要入紙申請, 以為就咁加就得
你話啦, 如果無咗你, 我地點算丫 所以, 你一定要多d上嚟e到丫, 真的感謝你丫
作者: mayc 時間: 11-10-6 12:30
君媽:
我覺得校方一刀切的方法只是單方面為學校想,並沒有為家長著想!這樣只會破壤雙方的和諧,其實以我囝學校的經驗,他們會發一張接送學生(課外活動)的家長証,憑証才可以進入學校,而我也曾經去學校接過阿囡,(上學年5,6月),等候的地方的確是很焗,那麼校方為甚麼不拿兩座風扇給家長吹吹?
我認為如果劃出合理的等候區給家長,告訴家長應留在家長區等候,甚至可以放些書報架,擺放些雜誌,家長書籍,讓家長觀看,他們便不會到處逛囉! 我相信家長是理解的,而最重要的是有溝通!
[ 本帖最後由 mayc 於 11-10-6 14:14 編輯 ]
作者: aquarius828 時間: 11-10-6 14:33 標題: 回復 1# mayc 的帖子
mayc:
其實, 最主要係學校入咗紙申請到係樓梯加到個閘, 先可以做到你所講嘅嘢, 認同嗎? 以我所知, e家接放學家長都係唔想係街等, 希望有個空間大d嘅等候位置比家長, 咁先可以解決到問題... 或者, 我有無誤會咗你嘅意思呢? 會唔會你意思係, 唔使加閘, 叫學校就咁劃分個位出嚟比家長?
(另: 君媽: 其實想知如果加個閘, 程序會唔會好繁複嘅呢?)
[ 本帖最後由 aquarius828 於 11-10-6 15:04 編輯 ]
作者: 君媽 時間: 11-10-6 21:57 標題: 回復 1# aquarius828 的帖子
如你所言，沒有閘，mayc的建議不可行。加風扇和書報是不能令所有家長都乖乖地留在家長區的。
學校固然不希望家長在校內走來走去，但明白家長都是出於關心子女，所以才去看看，學校是體諒的。學校最擔心是走進了一些外來人，閒坐﹑閒逛﹑借用洗手間事小，如發生偷竊﹑偷拍﹑偷窺和風化案便事大。
我沒有正式查詢如何加建，但保守估計，最起碼要經教育局﹑建築署﹑消防局。
作者: 君媽 時間: 11-10-6 22:08 標題: 回復 3# mayc 的帖子
mayc,
希望你明白，校方是為了保護學生而不是單單的免除自己麻煩。只要走了一個傻的進來，拿刀的固然死得人(像深水x某幼稚園)，風化案亦非同小可。
我們再一起想想短期可行方案，和長遠方案吧!
一起努力，加油想!
作者: aquarius828 時間: 11-10-7 09:47 標題: 回復 1# 君媽 的帖子
君媽: 早晨丫!
如要比家長在學校長椅地方等候的話, 一定要諗: 在樓梯處加一些東西閘住, 這樣才可防止陌生人進入(我都覺得安全問題要正視, 亦要放係第一); 又或者可否找一些欄截住, 叫校工嬸嬸/叔叔看守住嗎? 如有家長想進入的話, 要查問OR睇証之類呢?! (但E個方法真係只可以短期內加暫時性, 因校工嬸嬸/叔叔都無可能長時間看守住, E個又係一個問題嚟)
作者: 小鄧 時間: 11-10-7 13:05
大家都在關心等候區的問題呢! 不如想想及比較, 以前在舊校, 家長會集中在入口處或教會那邊等, 冇欄住樓梯, 又冇咩見有家長走上樓! 點解呢? 我覺得因為佢樓梯口窄, 仲有個校工在附近, 下意識知道唔上得去, 又應該只有新入學小一的家長會對學校較好奇。
現在新校, 小一至小六的家長也會感興趣, 想看看學校, 看看自己的小朋友的班房......。大門入口闊了, 樓梯口闊了, 雖然有校工, 但範圍比例大了, 校工睇唔晒, 起唔到好大作用, 如此種種引起今日的問題呢! 對嗎?
始終是新校, 好多地方都有待進步及完善, 多給大家一點時間, 我地不如集合大家的力量, 幫手想一想可行的方法吧, 一齊加油!
作者: 百厭豬 時間: 11-10-8 14:15
原帖由 小鄧 於 11-9-30 10:30 發表
功課方面好似班班數量唔同的, 我地班就如果有中文抄生字, 就冇英文寫句子, 5 - 7樣不等, 測驗期間就仲少功課, 放假 / 星期五就多d, 還有一些網上功課(選擇性完成)。而學校是建議每日用1.5小時完成功課(我指小一, 其 ...
如果係咁,又唔係我想像中咁辛苦咋喎~
作者: 百厭豬 時間: 11-10-8 14:22
原帖由 君媽 於 11-10-4 23:40 發表
其實上個月知道了便已經和學校方面說過，但學校基於安全理由，才作出這個決定。老師可以教學生不衝出馬路，但阻不了街外等巴士的人走進來看看﹑坐坐和借用洗手間。
部分家長又認為家長區那裡很熱，自己走入學校另找地方坐，一些 ...
作者: 百厭豬 時間: 11-10-8 14:27
原帖由 君媽 於 11-10-6 22:08 發表
mayc,
希望你明白，校方是為了保護學生而不是單單的免除自己麻煩。只要走了一個傻的進來，拿刀的固然死得人(像深水x某幼稚園)，風化案亦非同小可。
我們再一起想想短期可行方案，和長遠方案吧!
一起努力，加油想! ...
作者: 君媽 時間: 11-10-9 15:43 標題: 回復 2# 百厭豬 的帖子
如果家長留在家長區是不會影響小朋友上課外活動的。借用洗手間雖然會增加校工們的工作量，不過我大膽講句，他們不會介意。我們的校工個個都很友善，做事手腳快，有交帶和盡責。
作者: 君媽 時間: 11-10-9 15:52 標題: 回復 2# 百厭豬 的帖子
循小附近，最近的可去對面醫院的餐廳或大堂坐坐，免費。
循小隔壁的華員會有中餐廳可吃點心，會員有折扣，非會員都招待的。中餐廳再往山上走，穿過停車場後有快餐廳，汽水收費相宜，吃個下午茶約$20。
作者: ppkm 時間: 11-10-10 10:47
君媽,
呢排電腦上唔到綱,無上來.伊家我又講下星期六返去見到家長係門口等既最新情況.上星期六,有家長已經出左信要學校改善唔俾家長入去等既問題,并在門口收集家長簽名.以我所見,全部家長都好樂意簽名支持,因為個個都不滿,係門口實在太混亂.有個老婆婆接完妹妹之後又要接哥哥,當中相隔1個鐘,無理由接完妹妹走後再返來,個婆婆唯有帶住個小一既妹妹係門口再等1個鐘.又見到一個低年級既小朋友放學,但因為接送家長未到,個小朋友就走出來周圍搵,果度係馬路,都相當危險....其實大家都好明白學校都係基於保安理由,明白學校既難處,但係是否可以劃個家長等候區呢,係黃線外,如果學校可以用條繩圍住,相信家長都唔會沖入去,我相信大部份循道家長都係合作既,所以就算不滿,都沒有出聲.并不是運作通順就等於無問題(因為有個主任話實施後都運作通順,而且女拔等學校都係咁),不過循小不嬲係一個比較溫情的學校,大家選佢呢個都係一個好重要的原因,所以真希望可以保持,望君媽可以再同家教會商量更好既辦法.
作者: mayc 時間: 11-10-11 13:33
咪係!其實出張課外活動証給家長,(憑証入學校),check証可以請家長義工幫手,唔洗加重老師和校工的工作量,咪唔洗驚所謂的傻佬入咗嚟囉,出張通告給全校家長,提醒家長只可留在家長區,相信家長們是明事理的人,(當然家長區要人道d,有通風設施,舒適的椅子),最好有雜誌架啦,我就覺得唔係甘難解決的!
搬了新校,地方大了,設備好了,但如果人情味少了,我覺得倒不如不搬了!
[ 本帖最後由 mayc 於 11-10-11 13:45 編輯 ]
作者: mayc 時間: 11-10-17 10:16
Dear all:
星期五晚出席了PTA的選舉,對於出席家長人數之少,實在感到可悲!相信要改善出席率,學校和PTA應積極做D嘢!
而對於校長無誠意去改善星期六課外活動家長和接送的安排,只重申為學生安全理由而作出的決定,本人十分失望!
以上只是個人的睇法,也是對事不對人!
作者: 小鄧 時間: 11-10-18 10:59
關於PTA選舉好少人出席, 我有出席, 我是低年級家長, 因為唔了解/想關心學校動向, 關心小朋友而出席。沒有出席的家長不代表不關心, 只是時間配合唔到又或者其他原因, 我地又可以理解為他們已經好放心, 所以唔需要出席。人雖然少, 但係我就覺得氣氛好好呢。
校長對星期六課外活動的回應, 我覺得在她立場, 做法是對的, 因為她是一校之長, 是要以學生的利益為大前題。這事件有些像上學年的校車加費問題, 需要這些收費活動服務的學生是部份學生, 各人有各人的喜好選擇合適的活動, 如果校方最後決定是只讓學生進入校內, 我們便應該尊重學校的決定, 作出配合, 選擇。
小朋友除了屋企以外, 學校應該都是一個給他們安全的地方, 我都唔想我的小朋友在活動期間有可能受到騷擾甚至受傷害。 我有問過我的小朋友, 問他星期六活動喜歡學校只有學生老師, 還是家長可以入學校等小朋友? 我孩子的答案是, 只喜歡有學生老師, 因為安全d。既然小朋友已經接受了教育, 我們也應協調呢。
作者: hellokitty2002 時間: 11-10-18 13:40
非常認同你既講法...
<< 校方最後決定是只讓學生進入校內, 我們便應該尊重學校的決定, 作出配合, 選擇。>>
而且學校既安全對於小朋友和家長. 都係極之重要. 不容忽視呢點.
原帖由 小鄧 於 11-10-18 10:59 發表
關於PTA選舉好少人出席, 我有出席, 我是低年級家長, 因為唔了解/想關心學校動向, 關心小朋友而出席。沒有出席的家長不代表不關心, 只是時間配合唔到又或者其他原因, 我地又可以理解為他們已經好放心, 所以唔需要出席 ...
作者: loveAM 時間: 11-10-19 00:26
小鄧同意你的觀點。其實學校是小朋友的安樂窩，校方有責任去保障每一位小學生的安全，安然無恙當然好，若然有事發生就後悔莫及，安全要緊！
我地可以去附近餐廳坐下，話唔埋可以認識下、交流下！
作者: l_law 時間: 11-10-19 08:39
另建議家長可趁等候接小朋友放學的空檔，到附近的京士柏公園散散步、談談心，享受一下這城市中的綠洲。那裏環境優美、清靜，到處綠油油的，還有兒童遊戲場可供陪伴等候的小朋友玩耍，解解悶。
現在秋高氣爽，涼風陣陣，很舒服啊！
作者: aquarius828 時間: 11-10-19 10:21
講得好, 小鄧
原帖由 小鄧 於 11-10-18 10:59 發表
關於PTA選舉好少人出席, 我有出席, 我是低年級家長, 因為唔了解/想關心學校動向, 關心小朋友而出席。沒有出席的家長不代表不關心, 只是時間配合唔到又或者其他原因, 我地又可以理解為他們已經好放心, 所以唔需要出席 ...
作者: sunflowerykh 時間: 11-10-20 12:22
既然感到接送不方便,不如出外參加其他機構舉辨的課外活動囉,反正校方又咁高調講安全理由。又唔係無得揀!
作者: mayc 時間: 11-10-20 13:10
唔出席唔代表唔關心,時間唔配合,就一定有,但那樣輕,那樣重,是我們自己安排的,那天晚上完了,我也是趕赴另一個約會(遲到去),而我先生是因臨時要開會,所以未有出席,一間學校成500-600學生,家長是1200人,只有不足100個家長出席,而無到的家長連候選人是誰都不知道,又怎可說放心?
(有些學校會將候選人資料派發給學生帶回給家長,讓家長先了解候選人的背景,但我就事前並無收過候選人的資料囉),加上連投信任/不信任票都慳番,現場舉手,我諗都幾難有人會舉手囉,我只覺得似乎兒戲了些!
當然星期六的課外活動不一定要參加,但家長長途跋涉,親自帶孩子回校參加活動是為了甚麼?是否為了支持學校?是否希望孩子對學校更有歸屬感?其實唔單只小朋友需要這份歸屬感,家長也需要的,拒於門外的家,我們又怎能建立那份歸屬感呢?
原帖由 sunflowerykh 於 11-10-20 12:22 發表
既然感到接送不方便,不如出外參加其他機構舉辨的課外活動囉,反正校方又咁高調講安全理由。又唔係無得揀!
作者: mayc 時間: 11-10-20 13:44
而且家長是一份寶貴的資源,有些家長平時要返工,星期六休息,都希望能夠參予學校的活動和義工,了解囝囡學校(不只是全職家庭主婦才可以)就像我之前提過我也在小兒學校星期六回圖書館包書,整理圖書,(我是在職的)家長一邊傾計,一邊做義工(其實可以幫的,只是很少),但大家都很開心,這樣才能讓我們對學校建立歸屬感,相信這不是一,兩次旅行可以做得到的!而且阿囝也很欣賞媽咪,雖然平日不能回校做義工,(他小時候常告訴我某某同學媽咪回校幫手,某某同學的爸爸回校講故事,問我能不能幫手)所以星期六會回校幫手,我想這只比你說我好關心學校,只是時間不配合,我去唔到,更能身體力行,不過大前題是,學校當我地是"寶"定係"草"囉! 我說這個是,如果家長每星期六都要帶囝囡回校參加活動,何不由PTA組織這班家長幫手做些義工或由社工安排一些活動給家長!(個個禮拜去行公園,你估唔悶咩!)
原帖由 mayc 於 11-10-20 13:10 發表
唔出席唔代表唔關心,時間唔配合,就一定有,但那樣輕,那樣重,是我們自己安排的,那天晚上完了,我也是趕赴另一個約會(遲到去),而我先生是因臨時要開會,所以未有出席,一間學校成500-600學生,家長是1200人,只有不足100個家 ...
[ 本帖最後由 mayc 於 11-10-20 13:53 編輯 ]
作者: aquarius828 時間: 11-10-20 15:15
mayc:
其實我完完全全感受到你那份對學校參與嘅熱誠, 學校真係很需要你這些家長的!
撫心自問, 我對學校都係上心的, 都希望盡可能參與其中, 所以我都入了家教會成員, 如老師叫到幫手, 我都會請假嚟幫下手... 但最近這次的選舉, 我都未能出席, 因為揍小朋友學活動嘅關係 (一早已book哂場), 時間真係就唔到啊 (又或者你會覺得我地應該要放棄哂手上嘅嘢, 都要去學校嘅選舉)! 另外, 學校有些家長學堂, 我成日都好想好想參加的, 因為學校每次請來的嘉賓都好吸引, 亦好值得我地做家長的去聽, 但又真係無奈地它們是在逢星期五的中午時份, 我也是在職媽媽, 請半日又唔係, 唔上唔落, 公司假期又唔係多, 試問點可能聽到的呢?
其實, 說實話, 我覺得我所識嘅家長裡面, 個個真係都好關心自己嘅小朋友, 都上心學校嘅活動的... 所以, 其實都希望你明白我們嘅處境同難處, 望見諒!
原帖由 mayc 於 11-10-20 13:44 發表
而且家長是一份寶貴的資源,有些家長平時要返工,星期六休息,都希望能夠參予學校的活動和義工,了解囝囡學校(不只是全職家庭主婦才可以)就像我之前提過我也在小兒學校星期六回圖書館包書,整理圖書,(我是在職的)家長一邊 ...
作者: loveAM 時間: 11-10-20 19:52
Dear mayc
好欣赏你嘅敢言，看得出你對家校好上心，家教會真係需要你依類熱心人士。
另外你話候選人資料，我都覺得要提前派發，記得上年係有提前派，唔知今年點解現場先派呢?
同埋可唔可以做提名人,在此諸位都是熱心人士，好想做你地嘅提名人！
作者: mayc 時間: 11-10-21 13:22
其實我不是抱怨家長們不出席,老實講我也不是每年都出席,今年也是因為林校長上任後,第一次公開與家長見面,我想聽聽這位新校長所以我才出席,我想可能一心來參加PTA委員選舉的家長,除了一些一年級的新家長和家長候選人外,都真是無幾多個!.
所以我認為如果要吸引更多(重視)家長出席,學校應該可以做多少少嘢囉!
我很高興聽到今屆PTA主席,他對這現象也表示希望得到改善,我相信集思廣益,只要學校能接納家長的意見,其實我地家長中好多是人材的!
講真,小囡已是高小,(對我們的影響已經很少)而以前因為半日制,校舍的使用上有很多限制,(星期六長短週),但今年是新校舍,全日制,新校長,建立一個更好,更完善的制度是一個好的契機,希望大家能把握!
[ 本帖最後由 mayc 於 11-10-21 13:53 編輯 ]
| 歡迎光臨 教育王國 (/) |
Powered by Discuz! X1.5 |