教育王國

標題: 發覺14月大兒子似自閉，現在應怎辦？ [打印本頁]

作者: Jeffdad 時間: 11-9-20 08:49 標題: 發覺14月大兒子似自閉，現在應怎辦？

已找了私家醫生寫紙去CAC，在CAC見了姑娘，排隊等評估。

現在兒子會去兩個playgroup，其中一個十分抗拒，不想與人接觸，經常哭鬧。另一個較為平靜，較平靜可能是工人姐姐帶的緣故。

兩公婆要返工，平日只有工人陪伴兒子。我只能要求工人帶兒子去街見多些人和事，讓他多點刺激。工人是用英語和他溝通，我已教工人用簡單粵語，如食粥粥，着衫衫......

兩公婆回到家最多只有三小時陪伴兒子，我們已盡力陪他玩，對他說話。
兒子情況：
1. 回避陌生人眼神
2. 叫名不回應
3. 自己專注玩樂時，便不理會其他人。包括叫喚，你從背後觸摸他，他也不回頭。但當我唱他喜歡的歌時，他會回望着我。
4. 經常望天花上燈罩，並微笑。
5. 抱住佢去街時，不理會任何人。
6. 在特定室內場所，人多時會突然哭鬧(某幼稚園、婆婆、嫲嫲家)
7. 不懂手指指
8. 能扶着步行
9. 很親近工人姐姐
10. 只懂發簡單音，及bb話。(如爹爹，但沒意識的)
11. 兒子很喜歡看書，我讀給他聽，他會幫手翻頁，很平靜。

現在我和太太應該如何做呢？有否一些訓練服務可給予14個月大的幼兒？

我又應該多與小孩做甚麼會對他發展有幫助呢？

我們剛發現時差點崩潰，現在已積極幫助他。很想大家給予我寶貴意見。

[ 本帖最後由 Jeffdad 於 11-9-20 08:52 編輯 ]

作者: jjcow 時間: 11-9-20 09:38

我 PM 你，請你一回兒收 PM。

作者: sallywhe 時間: 11-9-20 09:50

HI
　

不用太憂心. 主必保守!
有無經醫生診斷, 你可以打電話到灣仔的"小童群益會" 那邊可以幫到你的, 我小女都有類似病.那邊的姑娘好有愛心的.
兩歲到10歲係訓練黃金期.
不輪如何他到時你寶貝,幸福是不會離開你們的, 每件事都有上帝的美意,主恩典足夠我們用的. 在人不能在神每事都能.
努力加油, 放開自己及小孩的心情. 苦路你並不孤單,主與你同在多D參與中心的活動你會發覺有好多同路人 . 有問題PM 我, 但我不是經常上來的

作者: shanyeungbb 時間: 11-9-20 12:53

可以找協康會的資源 www.heephong.org
他們的服務很專業。建議可以先加入家長資源中心, 父母先多看有關自閉症資料。若經濟情況許可，可以考慮到2歲入讀私人S位，再一邊排政府資源，或可以先參加一些playgroup。

作者: JJran 時間: 11-9-20 21:08

原帖由 shanyeungbb 於 11-9-20 12:53 發表
可以找協康會的資源 www.heephong.org
他們的服務很專業。建議可以先加入家長資源中心, 父母先多看有關自閉症資料。若經濟情況許可，可以考慮到2歲入讀私人S位，再一邊排政府資源，或可以先參加一些playgroup。 ...

但協康會未評估確診, 應該是未有申請做會員的資格的, 但可參考其書籍~

作者: Torres 時間: 11-9-20 21:46

hi jeffdad,

我仔1歲9個月以經可以入讀私人s位, e.g. 樂天, 協康, 領思, step等, 我個人認為佢地係一個最好既開始! 密集試5天3hrs 既課程令到阿仔情緒, 安坐, 指令, 行為都有所改善! 你可以上幾個月試下, 起碼有人講到你小朋友係, 感統,大肌, 小肌, 認知, 語言等等那一樣有問題, 從而自己有一個明確方向, 向較弱項加強訓練!
我地e度有好多同路人, 一定樂意互相幫助, 你積極面對已經係一個好開始! 有導師講過, a仔既新訓練一定唔好以停, 特別係父母在家既家居訓練, 加油!

作者: HIMHIMDH 時間: 11-9-20 21:55

HI,

我個仔仔同你個仔一樣病症 ,所以我在他17個開始訓練,有幼兒導師 ,言語治療師, 感統治療,
我都要返工,所以早上安排一些簡單訓練俾工人同他做, 晚上自己同他訓練一個小時組或以上, 每日做,星期日返教會接觸多D人.由22個月開始, 一至五每天3小時的密集式訓練在荃灣南豐中心12/F雅比斯兒童發展中心訓練直至今年才入讀S位.http://jabez.com.hk/

仔仔進步同我們努力成正比,不要放棄.
現在我仔仔3歲了, 他的認知好好,可以說句子,但D行為,小手肌,平衡都有問題, 社交更是大問題. 但沒有懼怕 ,因為主的恩典夠我們用,壓力大時可以大哭一場,跟住就要更加努力 ,在發現他有問題時我哭了好多公斤眼淚 ,很無助,為有祈禱求主帶領幫助, 主亦為我開路.

現在仔仔每天會擁抱我們 ,惜我們,我覺得他同其他小朋友一樣,祗是更需要我們愛同包容教導.

加油同路人. 主耶穌愛你一家.

[ 本帖最後由 HIMHIMDH 於 11-9-20 21:57 編輯 ]

作者: JJran 時間: 11-9-20 22:05

原帖由 Jeffdad 於 11-9-20 08:49 發表
已找了私家醫生寫紙去CAC，在CAC見了姑娘，排隊等評估。

現在兒子會去兩個playgroup，其中一個十分抗拒，不想與人接觸，經常哭鬧。另一個較為平靜，較平靜可能是工人姐姐帶的緣故。

兩公婆要返工，平日只有工人陪伴兒子。我只能 ...

因你兒子太細, 政府是會建議你先自己多留意及多訓練他, 很多時要接近兩歲才肯給你做評估, 你可先看協康的兒童發展進程表, check你兒子的發展, 教他用手指指野 (捉手教), 買大小套杯玩具, 原木單色正方形積木(學疊高)和洋娃娃梳頭餵奶沖涼玩具等跟他一齊玩,自己先教教看他會不會玩, 多用他喜愛的東西引他望你...這些都是很基本的玩具訓練

作者: Jeffdad 時間: 11-9-21 11:04

多謝各位意見。

之前看到一些會員的留言，又或是一些資訊網頁，都有講過幼兒用手指指野係與生俱來，大家是否認同？

我個仔個情況係會成隻手伸過去想要o既野度，而唔會用手指指的。或者坐在椅子上，用叫喊的方式表示想要。

作者: mamee 時間: 11-9-21 11:27

原帖由 Jeffdad 於 11-9-21 11:04 發表
多謝各位意見。

之前看到一些會員的留言，又或是一些資訊網頁，都有講過幼兒用手指指野係與生俱來，大家是否認同？

我個仔個情況係會成隻手伸過去想要o既野度，而唔會用手指指的。或者坐在椅子上，用叫喊的方式表示想要。 ...

手指指野與生俱來, 我見就係, 好留意到阿哥個細仔8個月大已經識指想要既野.

我想講, 就係對發展遲緩, 自閉小朋友來講, 學習語言要單一語言. 我都明白請工人方面, 賓姐姐通常好好多, 但問題佢講英文, 而對得小朋友對得最多時間就係工人姐姐.

其他網友所提的私人S位, 如果有經濟能力的話, 係一個非常好的選擇. 再大膽的提議, 就係媽媽自己湊番小朋友.

作者: angels'mom 時間: 11-9-21 12:02

我昨天剛巧在巴士站遇見一個之前E位的小朋友和他媽媽，媽媽說他的小朋友1歲多已排評估，之後評估完醫生說再等，等等吓結果3歲多才有E位服務，一年後才有S位，現在已經4歲8個月了，很快便要評估入小學。

我的兒子雖然2歲開始接受訓練，但由於最初半年的導師很差，我也心痛浪費了半年時間，幸好現在的訓練很有效，也一路看見他進步。

我想說的是，如果經濟上許可，請立即找適合的訓練給你的小朋友，特別是因為父母都要出外工作，家傭可以幫助的其實很小，而且如果小朋友的語言發展較慢，中英夾雜會更差，千萬不要錯過六歲前的黃金期。

作者: Reddish 時間: 11-9-22 00:00

我個仔細時佢都係咁, 你要大力抱著佢, 好認真咁告訴他很愛他, 還要多買一些玩具俾佢, 佢有左安全感便會慢慢放鬆說話. (這是日本心理學家意見, 而協康會老師以前都係咁抱住我個仔玩.)
早些給私人訓練也很重要, 只有家傭帶小孩不太理想.

作者: huiml 時間: 11-9-22 01:24

Jeffdad,
我以前都唔知冇手指指同唔望人係symptoms,初初健康院話我個仔(2歲)係speech delay,後來等做評估(政府),直到差不多3歲先話係自閉傾向!我一邊等i-位,一邊係step做training,而家我個仔5歲半,除咗表達能力同情緒仲有些小問題外,唔講都未必知佢有自閉傾向,老師亦冇叫佢讀s-位小一,可讀一般小學! 就算你仔仔未confirm係咪自閉(傾向),training對佢都有好大幫助!!不過收費真係唔平,協康同step都有呢類服務,可上佢哋web睇吓!!好過上一般playgroup,佢哋唔識幫你仔仔!!

作者: Hello101 時間: 11-9-22 14:40

huiml,

請問你兒子是參加了邁步的每星期五天的密集training嗎？每天的課程是怎樣的？導師有heart嗎？
是否有齊3T training 呢？

原帖由 huiml 於 11-9-22 01:24 發表
Jeffdad,
我以前都唔知冇手指指同唔望人係symptoms,初初健康院話我個仔(2歲)係speech delay,後來等做評估(政府),直到差不多3歲先話係自閉傾向!我一邊等i-位,一邊係step做training,而家我個仔5歲半,除咗表達能力同情 ...

作者: anan3388 時間: 11-9-22 23:24

協康好似有些感統 playgroup 是俾小 b 的, 另外, 多做一些感統運動都有好處。至於之前我在 links (領思) 幫人問過, 好似佢地感統無分幾多歲先有得做, 或許你可約評估一試 (當年好似 1K左右, 依家唔太清楚, 要打去問問)

至於自己, 我會 recommend "floortime"方法俾小b, 你可以看看:
1. first feelings - 幫助嬰幼兒情感的發育
2. 特殊兒教養寶典或自閉兒教養寶典

至於我自己發現仔有事時是 1 歲 7, 未入私人 S 前我同佢做既有:
1. 游水
2. 唱歌 (廣東話歌, cut 哂英文歌)
3. 捉佢玩互動野, e.g. 支下, peekaboo
4. 用字咭教佢 (呢樣未必個個 buy, 但我仔 turn out 認字好, 唔知係天生定係 train, 但都幫到佢一些認知)

呢本書都幾好:
playing, laughing and learning with children on the autism spectrum
裡面提到一些同 a 仔玩的方法, 例如只對吹泡有興趣的, 一邊吹一邊唱口水歌 (有節奏但類似說話) 之類

作者: JJran 時間: 11-9-22 23:44 標題: 回復 1# Hello101 的帖子

聽講邁步的一至五密集式訓練唔包ST 及OT , 你要問清楚, 我仔仔返係樂天, 他鍾意返同鍾意d老師, st同ot是隔週的, 你可參考看看, 因為你最好帶埋小朋友去先看環境 - 他及你自己喜唔喜歡 ~

**我仔仔都係唔識手指指同唔望人, 佢一歲多時沉迷轉野, 佢無爬過就行 (校長話這其實同感統出現問題有關) , 到2歲5個月時確診自閉症, 之後我每日教, 用左1個半月時間才教識佢形狀概念, 現在教的顏色概念之前認為他未能掌握, 停了最近一星期數天的也教了兩個月才開始掌握到, 條路真的很漫長, 只能努力, 相信鐵柱定能磨成針, 現在的努力令孩子和我們的明天會更好!

作者: huiml 時間: 11-9-23 22:53

hello101,
我個仔唔係上5天密集training,佢最初上sat 的3T traing, 一對一st, 後來st覺得佢要group training多啲,加埋輪到 i-位,現只上sat 教室!
我朋友個仔上過5天, 佢話有齊 3t training in group, 不過佢個仔上午返普通幼稚園, 下午返step, 小朋友太辛苦,所以放棄咗返step
我覺得step的導師係有heart,每次都會詳細講返小朋友的表現,有問題時,校長,主任同導師都好耐心解說!!

歡迎光臨教育王國 (/)