教育王國

標題: 大仔+細女...有無人好似我咁咁矛盾.... [打印本頁]

作者: jazzcnl 時間: 11-9-16 13:43 標題: 大仔+細女...有無人好似我咁咁矛盾....

大仔今年要報P1, 之前報左2間直資, 英華同陳守仁, 諗住考左先, 第一輪自行收生再報我母校(都唔差, 區內好多人爭), 直資收就去直資, 唔收就去我母校, 諗住唔大抽獎, 後來照左細個個係女, 就諗如果大仔入到英華, 咁細女點好... 早幾日打去問, 原來大仔入左直資, 細女如果讀我母校係無分加, 到時細女考唔到直資就大0樂, 母校又無分加, 仲要出年龍年咁多人生, 到時細女考學校更難, 好煩....定係應該碟埋心水, 2個一齊入我母校唔好煩

作者: Janicelobby 時間: 11-9-16 14:11

我個人認為大仔有能力讀到好的直資, 唔應該因為要就細妹而抹煞左佢的潛能 (經濟問題另作別論)

作者: w_y 時間: 11-9-16 14:17

你係用舊生分, 大仔細女都一樣有喎.

作者: Geni 時間: 11-9-16 14:20

原帖由 jazzcnl 於 11-9-16 13:43 發表
大仔今年要報P1, 之前報左2間直資, 英華同陳守仁, 諗住考左先, 第一輪自行收生再報我母校(都唔差, 區內好多人爭), 直資收就去直資, 唔收就去我母校, 諗住唔大抽獎, 後來照左細個個係女, 就諗如果大仔入到英華, 咁細 ...

你打去邊度問?? 就算你個仔讀直資, 到你細女報o既時候, 一樣有舊生o個10分的~~~

作者: karen55407 時間: 11-9-16 14:22

『原來大仔入左直資, 細女如果讀我母校係無分加』大錯特錯，呀女依然有你嗰十分。

原帖由 jazzcnl 於 11-9-16 13:43 發表
大仔今年要報P1, 之前報左2間直資, 英華同陳守仁, 諗住考左先, 第一輪自行收生再報我母校(都唔差, 區內好多人爭), 直資收就去直資, 唔收就去我母校, 諗住唔大抽獎, 後來照左細個個係女, 就諗如果大仔入到英華, 咁細 ...

作者: 仔仔錫錫你 時間: 11-9-16 14:33

個b未出世，YW 又未知有無机3rd in, TSL 連幾點in都未知就咁快諗呢d,會唔會太早呀。到阿女升小一時可能已經唔同玩法

[ 本帖最後由仔仔錫錫你於 11-9-16 14:36 編輯 ]

作者: MW9919 時間: 11-9-16 16:11

如果你母校冇宗教背景，舊生10分加適齡10分，二十分都算穩陣。

作者: tinyuichan 時間: 11-9-16 16:49

問題視乎母校係邊間!

作者: moonychan 時間: 11-9-16 18:45

我正正就係呢個問題喇......

我最終決定............妹妹要靠自己.

我仔仔讀直資男校 ^^

我女女本來可以揀有小學BACKUP 的幼稚園, 但果間是私立小學, 校園細, 中學是津中女校, 但我最後放棄了, 都係揀返傳統老牌幼稚園, 希望會有大D 機會考到心儀小學.

我比你更差, 就係我細女如果選津校, 都只有最多15分 (宗教多5分).

我唔敢諗住, 煮到來就食. 仲要08年出生率成8萬幾.

作者: jazzcnl 時間: 11-9-17 09:17

我打去我母校問
咁如果咁計如果我大仔考加埋第一個出世係廿五分？
好在上黎問一問原本大仔今日in英華差d想唔去。。。

作者: Mermaidchan 時間: 11-9-17 10:52

大仔分同舊生分只可以二選一, 所以你大仔如果報番你母校會有二十分(計舊生分), 如果同宗教才有二十五分. 你細女所以都係二十分.
我同意樓上所講, 香港的教育政策朝令夕改, 到你細女嘅時候可能又變咗, 所以考咗直資先算LA!

作者: ParcoBabyBaby 時間: 11-9-17 12:04

INTERVIEW 要去
都系果句，入到SECOND ROUND先算
別想太多

歡迎光臨教育王國 (/)