教育王國

標題: 統計下食過Ritalin過度活躍藥會有咩副作用呢? [打印本頁]

作者: momo234 時間: 11-9-16 00:12 標題: 統計下食過Ritalin過度活躍藥會有咩副作用呢?

提示: 作者被禁止或刪除內容自動屏蔽

作者: momo234 時間: 11-9-16 12:55

提示: 作者被禁止或刪除內容自動屏蔽

作者: lokhimbb 時間: 11-9-16 23:45

個囝一開始食Ritalin 10mg..頭幾日頭痛..脾氣差..冇胃口..體重下降咗少少...幾日後冇副作用產生嘅問題...加藥到15mg...都冇咩特別唔舒服...個囝真係定咗好多...校車姨姨仲讚佢乖巧....老師都話佢有進步...依家個囝返學前一粒Ritalin 15mg..放學後回家食多一次Ritalin 5mg...但仍然係試藥階段....

作者: hybb 時間: 11-9-19 20:28

我個仔佢只吃10mg, 仲要半粒, 因為佢瘦,so far 只係無胃口, 無乜其他野, 佢早上吃一次, 午餐後吃一次

原帖由 momo234 於 11-9-16 00:12 發表
想問下瑪麗醫院開果隻過度活躍藥Ritalin有咩副作用呢？
醫生建議阿仔食, 擔心有副作用。

作者: HeiHei_Baby 時間: 11-9-20 11:44

小兒由15/9/11開始食Ritalin, 分3次食, 每次各5mg, 16/9/11問老師情況, 比平時定咗, 唔知係唔係佢自己心理作用, 覺得食藥會乖, 佢會同公公婆婆講, 平時我曳以家要乖返, 對同學仔時, 都會多咀及收埋小朋友的東西, 然後話人老人痴呆等說話, 所以我還未完全清楚, 還試藥階段, 希望各媽咪能有一步情況, 可以互相post上嚟, 交流情況及了解。謝謝!

作者: bb12345 時間: 11-9-20 12:30

是否要成粒吞服?

作者: lokhimbb 時間: 11-9-20 15:42

一定

原帖由 HeiHei_Baby 於 11-9-20 11:44 發表
小兒由15/9/11開始食Ritalin, 分3次食, 每次各5mg, 16/9/11問老師情況, 比平時定咗, 唔知係唔係佢自己心理作用, 覺得食藥會乖, 佢會同公公婆婆講, 平時我曳以家要乖返, 對同學仔時, 都會多咀及收埋小朋友的東西, 然 ...

作者: SARAHTSANG 時間: 11-9-20 23:08

小兒開始時都有食Ritalin 10g一天兩次頭頭會胃部不適,想嘔又嘔唔出,冇胃口唔想食野,體重下降,晚上睡唔著.一個星期後好地冇胃痛但藥的劑量不足效果唔明顯,試藥試到我都冇信心和心疼依家試Strattera25mg24 小時6月開始食10g7月10g 8月18g期間不時嘔吐一嘔就停一停此藥要一個月後才可見到效果直到依家都未有明顯效果,醫生話冇辦法只有長效藥才能治療到我兒子的病情要耐心等下去超冇耐.不過每個人體質唔同,唔一定會咁的.

作者: 諾諾爸爸 時間: 11-9-21 16:22

真難為大家了, 或者我分享下.

活躍都要用西藥來令到活躍情度減低 , 你估下西藥係用乜野令到佢唔活躍? 坐定定? 唯一的方法是令到冇咁興奮或各神經變得遲頓,唔覺有問題嗎?食到成舊木咁坐係度米唔活躍law.

我作為西醫偏見者, 我好反對活躍都用西藥, 大家可以話咁可以點姐? 我們覺得抗活躍西藥沒有問題的話, 其實有冇想過試下自己食下會點?為何唔想食? 因為自己冇過度活躍症?覺得正常人吃了有問題? 那為何比你寶貴仔女食這種你認為正常人吃了有問題的藥呢? 好啦assume佢真係食左變番正常啦, 在基於正常人吃了會有問題的情況下, 你能expect 仔女或自己能sharp CUT唔再食下去?

除了西醫, 你找過中醫未?回歸強身為本吧.

[ 本帖最後由諾諾爸爸於 11-9-21 16:44 編輯 ]

作者: 貓貓咪 時間: 11-9-21 16:44

我仔在本月15日才開始食藥，一日一次，每次5mg，昨日開始話有d頭痛，其他問題暫時沒有，仍在試藥階段，會繼續留意他的情況再和大家分享。

作者: Pandama 時間: 11-10-6 02:18

本人兒子今個星期覆診,醫生話佢真係過度活躍症,問我想唔想比佢食藥,因兒子剛升小一,返了一個月學,老師日日都投訴,座唔定.不停說話,影響老師上堂,(我好想比亞仔試下食,睇下有無幫助,可惜老公反對,他不想給仔仔食,怕影響他)我想問各位其實食左小朋友有改善呢 ?食左對小朋友有無其他影響呢 ?(因醫生話 :食左會影響高度,請問是不是有關係呢?多謝大家的資訊 !

作者: shirleycnf 時間: 11-10-6 10:21

我在其他topic都看到有媽媽分享會short　2cm. 好似話d藥盒入面d說明書有寫. 所以我都好擔心, 因我小朋友都應是adhd, 但排左正苦over 1年都未排到佢

作者: 燁燁媽 時間: 11-10-8 23:46

我仔係ADD, 都係緊R字既藥, 係暑假時, 我呢...自己親自食過一粒....黎返工....
因為我成日都掛住同朋友MSN..都有咩專心做野....

係呢1日既過程...我感覺到...我真係想做野時, 係快左....打字都快左好多, 同無打咁多錯字.....

不過真係好快, 講野都快左...打字又快左...

作者: zater 時間: 11-10-11 02:09

我囡由 1/2011 食 r 字頭 10g 食到 e+, 每日早一粒, 午一粒, 期間沒有任何不適, 反而食多左, 瞓多左, 專注方面好左好多, 所以成績都有進步. 至於長高方面, 由開始食藥到 e+ 高左差不多 10cm, 可能正值發育時期. 暫時黎睇呢隻藥對阿囡未有不良副作用, 不過真係視乎個人體質.

作者: lokhimbb 時間: 12-2-3 07:54

我仔轉食ritalin 20mg一個月...之前副作用只係冇胃口...行為問題改善了很多...但依幾日開始出現搖頭動作...醫生都曾經提過有部份人會咁...但依個情況唔知係過渡期定長期係咁 ....今日見一見醫生問吓....好擔心...

作者: shirleycnf 時間: 12-2-3 11:05

我前幾日帶我阿b去睇兒科醫生醫傷風咳, 順便話比佢聽我阿b有adhd可能要食藥, 佢同我講有兩隻藥可簡, 一隻是 r 仔平d短效d負作用又多d, 一隻係 c仔貴d長效d負作用又小d. 請問是否真的這樣分呢同埋精神科醫生是否一定要d小朋友試左 r仔先呢? 謝謝分亨 (我阿b下個月至排到去油麻地賽馬會睇)

作者: faye525 時間: 12-2-4 18:18

我囡囡以前食過ritalin 20mg 一個月, 有抑"屈"反應,
終於醫生轉食Concerta 18mg, 暫時OK~~~

我試過放假唔俾囡囡食藥........果日真係要我勞氣好多...淨係叫佢去沖涼都要叫佢十次佢先真係行晒成個人入廁所.......

作者: bbricky 時間: 12-2-5 12:12

我囝囝食Ritalin10mg早、午半粒,食藥後開初訓不到、胃口差左,但真係乖好多!

作者: lokhimbb 時間: 12-2-6 08:04

其實真係要小朋友試咗至知邊隻藥對佢有效,我仔都食過C字頭嘅藥,食到最大劑量都冇改善,冇反應,試咗好耐藥,醫生同我都認為r字嘅藥對佢有效,依兩日佢搖頭個情況又消失了,仍觀察中.....

作者: patpat234 時間: 12-2-9 23:34

我仔(8歲接近60磅)19/1/2012 開始食 Ritalin10mg早、午半粒
其實醫生話份量太輕唔會起到作用
新年假期間佢明顯冇咁多脾氣
1/2 返學開始到依家,幾個老師見到我就走埋黎讚阿仔上堂專心左,主動左
功課上d字靚左

副作用都有d,胃口差左dd,間中會有一餐冇胃口,夜左小小訓,試過一次話暈

歡迎光臨教育王國 (/)