教育王國

標題: 請問自小學奧數好與壞? [打印本頁]

作者: frenchfries 時間: 11-9-15 09:43 標題: 請問自小學奧數好與壞?

囡囡小一, 對數學有興趣, 已識乘數, 想讓她試奧數. 但又聽說學奧數對小朋友往後未必是好事, 請有小朋友學過奧數的爸媽分亨一下!

作者: 懂得永恆 時間: 11-9-17 18:53

- -其實我係一個12Y小朋友,我小學都有學奧數，覺得自小學奧數都幾好，因為可以嬴多d獎，對升中有幫助，但係其實對數學成績係冇幫助，如果用奧數方法解決普通數學題，會仲慢d，不過總估而之，學奧數係利多於弊

其實你個女有興趣，參加都無妨

作者: Carelesswhisper 時間: 11-9-17 22:56

奧數主要係思維和邏輯訓練, 培養多角度思考, 如果小朋友數感較強和有興趣, 不防試試!

奧數跟小學數學課程不同, 未必有幫助!

作者: 0927 時間: 11-9-20 20:01

如果數學成績好,會是一種挑戰,否則會很辛苦,本人少少愚見

作者: jaci 時間: 11-9-20 23:21

若你女兒有興趣, 又能在時間上和能力上應付到, 就讓她學吧. 不過, 你要知道, 奧數不可直接幫到校內數學成績, 但可鍛練頭腦, 就像玩IQ題. 若能拿到全港性奧數比賽獎項, 對升中有幫助

作者: 黃巴士 時間: 11-9-21 08:21

"小一"時空餘時間較多, 功課都不至太忙, 撇開攞獎&幫助升中, 多角度思考, 都係一件好事.我覺得可以考慮多方面嘗試, 培養小朋友動腦根, 奧數係一個幾好選擇, 日後"高小"小朋友學業會較緊張, 到時想學都驚無時間.

作者: meyonw 時間: 11-9-22 11:16

奧數適合對數學有興趣又喜歡解題的小朋友, 如果佢對學校的數應付自如, 比佢試吓無壞, 佢只是小一, 不要有壓力, 奧數題目有自己一套解題方法, 好多中小學校非常鍾意數學成績好學生, 中學都好多奧數比賽, 香港學生在國際比賽都能取得好成績.

作者: sung7099 時間: 11-9-22 21:30

我仔仔小三學到小六, 學咗四年.
唯一弊病就係佢唔會 step by step. 因為奧數有佢o既方法計數, 與學校課程不同, 返到學校做數, 佢跳咗好多 step 就寫答案. 小學時問題不大, 但去到中學, 每個 step 都一定要寫, 少一個都扣分, 依家要佢調節返.

當初學時, 起碼要小三才有班開, 因為奧數須要先理解條題目, 才可做到. 所以未到小三係唔收, 到咗小三仲要通過評估才收.

但現在就連幼稚園班都有, 真係唔明解!

[ 本帖最後由 sung7099 於 11-9-22 13:33 編輯 ]

作者: jimami 時間: 11-9-30 18:47

我亞囝由小三開始學奧數,佢好有興趣亦有參加校外比賽。事實上有一定的比賽獎項對其升中時確實有幫助,而且學奧數可增強他於平日數學解題上的速度及判斷力.
但弊處是會忽略了步驟。另一要注意的是慎選校外好多所謂奧數班及奧數比賽。尤其有一些收費是非常昂貴的.
不妨問吓校內負責數學或資優課程的老師。

作者: sung7099 時間: 11-10-1 15:06 標題: 回復 9# jimami 的帖子

同意呀! 大家小心選校.
之前囝囝比賽前後都收到宣傳單張, 賽前就話係賽前訓練之類, 賽後就話囝囝成績優異, 叫佢報拔尖班 (實際我囝囝只是初學者, 只在學校上過幾小時堂, 唔明點可以有個三等獎

, 原來三等奬有成三百幾人)

[ 本帖最後由 sung7099 於 11-10-1 07:09 編輯 ]

作者: frenchfries 時間: 12-6-9 09:25 標題: 回覆：請問自小學奧數好與壞?

我想俾小朋友暑假開始學，但是全部中心都係九龍。港島有無？

作者: nungma 時間: 12-6-9 12:52

我覺得公文數好啲

作者: 杰杰媽媽 時間: 12-6-9 20:13

我仔學左奧數4年,對學校數學唔太大幫助,好彩我仔本身數學都OK算好.

但我覺得最大幫助係佢對所有野,包括其他科目,思考時會快人一步,諗到好多其他人未必諗到既POINT.

咁樣已經達到我俾佢學奧數既目的-----訓練個腦,多從不同角度去思考一樣野.呢樣對佢終身先係最大幫助.

PS: 如果只係想佢學校數學成績好好既,咁就唔好學啦.

作者: frenchfries 時間: 12-6-9 20:34 標題: 回覆：杰杰媽媽的帖子

請問港島有無得學？

作者: ANChan59 時間: 12-6-10 10:34 標題: 回覆：請問自小學奧數好與壞?

對部分小朋友，奧數會幫助他們的高階思維，如果唔影響學業，不妨一試。

如果年紀太小，可以買課本自己教。

公文式的重複操練，對部分尖子會有反效果，要留意。

作者: catcatmom 時間: 12-6-11 13:47

本帖最後由 catcatmom 於 12-6-11 13:54 編輯

細B間小學, 經常係TEST出奧數來將D數學叻同唔叻O既同學分流, 但考試就一條都唔出, 因平日測驗都計入考試分, 所以係程分時候, 爭0.5分都會影響全級排名.

到現在大B 讀緊中學, 佢覺得公文對初中既數, 有幫助. 而奧數對高中既數, 有幫助, 到中學後期既數學係考邏輯思唯.

但以前係要小3, 先至可以學(出名果間) 如果小一都可以有, 係D中心想賺, 再CREATE 些奧數出來收生.

奧數係比本身數底好好, 先至好讀. 之前大B 讀過, D題目係深到無朋友, 放棄了.

作者: kilykilyk 時間: 12-6-11 15:05

本帖最後由 kilykilyk 於 12-6-11 15:15 編輯

frenchfries 發表於 11-9-15 09:43
囡囡小一, 對數學有興趣, 已識乘數, 想讓她試奧數. 但又聽說學奧數對小朋友往後未必是好事, 請有小朋友學過 ...

唔覺得有唔好,可以訓練小朋友思考能力,我囝由小三至小六都有玩奧數,
,只要小朋友鐘意,又唔係壞事,比佢玩下都好呀~

作者: KCL2000 時間: 12-7-25 01:37

如果有校隊仲好，六年級有好多比賽都係學校參加，呀仔今年六年級豊富好多，他現在正在台灣比賽。早前參加一個保良局世界邀請賽，有好多國家的小朋友一起比賽，見識都多的。對小朋友好有幫助。還有對升中入好的學校有好大幫助。我小朋友學校有玩奧數的，都是考入喇沙、男拔、皇仁、聖約瑟、九華。

作者: talent2000 時間: 12-7-25 02:09

提示: 作者被禁止或刪除內容自動屏蔽

作者: 教養孩童 時間: 12-8-31 20:10

提示: 作者被禁止或刪除內容自動屏蔽

歡迎光臨教育王國 (/)