教育王國

標題: 小兒明天見政府精神科, 心情好矛盾? [打印本頁]

作者: HeiHei_Baby 時間: 11-9-14 12:19 標題: 小兒明天見政府精神科, 心情好矛盾?

小兒己評估有輕微adha, 專注力不足, 今年暑假好似變成另一個人, 把口唔定不特止, 還對老人家講d好難聽說話, 去到每一個地方總是比人投訴, 搗蛋, 反叛行為多不聲數, 因為我本人EQ低, 好想佢食藥改善, 但又驚有副作用, 所以而家都心大心細。

希望有此經驗媽咪能給本人一點意見。

作者: annaanna 時間: 11-9-14 12:25

我認為，你唔應該因為自己eq 低，怕比人投訴而決定個仔食唔食藥，食藥有副作用，但可能食左藥令到佢個人定d，學習上專心d，而減少你所講o既情況喎~

原帖由 HeiHei_Baby 於 11-9-14 12:19 發表
小兒己評估有輕微adha, 專注力不足, 今年暑假好似變成另一個人, 把口唔定不特止, 還對老人家講d好難聽說話, 去到每一個地方總是比人投訴, 搗蛋, 反叛行為多不聲數, 因為我本人EQ低, 好想佢食藥改善, 但又驚有副作用, ...

作者: 諾諾爸爸 時間: 11-9-14 12:43

佢粒聲唔出, 你仲驚, 不要食西藥.

作者: lokhimbb 時間: 11-9-15 08:28

食藥有副作用...但未必個個有好大反應...我個囝開始食咗兩星期...試藥階段...剛開始時的而且確係有副作用...頭痛..冇胃口....情緒波動大...多咗發脾氣...體重輕微下降...一星期後便習慣咗...冇副作用產生嘅不適...見佢食藥後嗰段時間..真係定咗..冇周圍四處亂跑...又冇話呆呆滯滯...老師話佢上堂專注咗...藥力過後又唔覺有反彈情況...但唔好嘅行為仍然有....例如講一啲唔好嘅說話...依方面真係要靠父母偱偱善誘....行為問題唔係一朝一夕改到...因醫生話佢開始有少少對抗行為......食藥後起碼控制到個囝活動量...麻煩事減少好多....親子關係冇咁緊張....食唔食藥真係聽醫生意見好啲...未必個個ADHD小朋友需要食藥....

作者: shirleycnf 時間: 11-9-15 13:53

我要排到今年12月才可帶我小朋友去睇醫生, 我本身很 short（唔記得點寫, 我聽說吃了for adhd的藥後會比人short, 如果佢以遺傳我的高度+藥物的負作用, 佢將來可能比我更short. 請問for adhd的藥是否真的會令人short d, short 幾多?

作者: lokhimbb 時間: 11-9-15 23:47

食藥前..醫生話副作用係冇胃口...體重會下降...頭一星期個囝係瘦咗少少...0.2kg....今日去覆診...個囝重返少少...所以冇體重下降問題...醫生開藥都要睇返小朋友身型體重嚟開...醫生又冇話會矮喎....但每次見醫生都一定會磅重...間中要度高...

作者: shirleycnf 時間: 11-9-16 10:07

謝謝你的分享 ^_^

作者: manicheung 時間: 11-9-18 23:18

我仔食藥冇副作用,但唔知點解食左同冇食都好似冇乜分別咁

作者: lokhimbb 時間: 11-9-18 23:54

可能隻藥份量唔夠...或者好似醫生所講...有1/4人食咗藥都幫助唔到...起唔到作用....

作者: BeBe媽媽 時間: 11-9-19 00:13

我響6月份識左位家長,佢仔仔9歲先發現有亞氏保家,政府排期有排等,所以佢暫時睇私家. 仔仔食藥效果好好,竟然無副作用....原本好難控制既情緒,因服藥而變成全班最乖果個(佢老師話)...不過把口都係講唔停!

作者: HeiHei_Baby 時間: 11-9-20 11:52

小兒由15/9/11開始食Ritalin, 分3次食, 每次各5mg, 16/9/11問老師

情況, 比平時定咗, 唔知係唔係佢自己心理作用, 覺得食藥會乖, 佢會同公公婆婆講, 平時我曳以家要乖返, 對同學仔時, 都會多咀及收埋小朋友的東西, 然後話人老人痴呆等說話, 所以我還未完全清楚, 還試藥階段, 希望各媽咪能有一步情況, 可以互相post上嚟, 交流情況及了解。謝謝!

醫生亦好詳細講副作用, 其實都是因人異議, 有d胃口唔好, 有機會營養吸收唔好, 所以影響高度, 亦有d冇問題, 所以好睇小朋友本身.

歡迎光臨教育王國 (/)