教育王國

標題: 大家應為"普教中"好定唔好呢? [打印本頁]

作者: ykbb 時間: 11-9-13 14:07 標題: 大家應為"普教中"好定唔好呢?

大家應為"普教中"好定唔好呢?

作者: msllau 時間: 11-9-13 15:19

好,我手寫我口,中文會好d..

作者: alice44 時間: 11-9-13 16:05

好. 順便學好聽和講.

作者: 已刪除用戶 時間: 11-9-13 18:14

PTH係官方語言，除非無打算留係HK & PRC發展，否則越細開始 train 越好。

作者: talknwrite 時間: 11-9-13 18:37

都無得好唔好了, 勢之所趨. 秦始皇統一文字, 中共更上一層,真正統一語言.

作者: chankaman-138 時間: 11-9-13 20:20

原帖由 ykbb 於 11-9-13 14:07 發表
大家應為"普教中"好定唔好呢?

好啊，一方面學習中文，又能加強普通話能力！

作者: ykbb 時間: 11-9-13 20:25

但我想同個女報果間小學係無普教中架, 中文同普通話係分開架, 點算好?

作者: vincher 時間: 11-9-13 22:01 標題: 回覆 7# ykbb 的文章

好！普通話溝通能力和拼讀能力可提升，但對寫作能力沒太大幫助

作者: SEI 時間: 11-9-14 08:57

I think it is good for children.

作者: miffy 時間: 11-9-14 09:05

提示: 作者被禁止或刪除內容自動屏蔽

作者: angelmumy 時間: 11-9-14 09:48 標題: 回覆 10# ykbb 的文章

我囡都係普教中, 普通話讀寫能力真係唔錯, 但係我見好多心儀的中學,都唔係普教中, 咁咪又要重新適應?

作者: adiracleon 時間: 11-9-14 11:05

提示: 作者被禁止或刪除內容自動屏蔽

作者: KK07 時間: 11-9-14 14:27

大多數家長都覺好, 但我係小數,我覺得唔太好.

原因:

1. 小學階段,我想自己的孩子真真正正建立母語溝通的能力,我母語係廣東話, 我想孩子學文雅的廣東話,而唔係屋企'食飯啦'既口語. 廣東話係古語, 古詩很多都是原廣東話發音,這亦是中國文化, 點解唔多去學習?

2. 唔想小朋友小學時對中文字發音有混淆, 我怕他把'你'字的廣東話由'nei'讀成普通話既'ni', 而家年青人講嘢已經好多懶音,我怕我的孩子更差!

3. 我贊成把普通話看作oral 一樣,去學講一種語言. 我絕對唔擔心佢長大後普通話有問題,由拼音學起,怎會學不好? 根本香港已經有一個普通話語言環境. 我自己本身也是大學時學拼音,畢業後本來說得不太好, 後來常出差大陸,很快用普通話同當地人'閙交'都好流利! 中國之大,方言之多,學懂正宗北京口音,你去四川,上海都未必聽得懂他們的普通話!

4. 要中文科用普通話教, 等於要大部分中文老師從大陸招聘,講真我唔鍾意, 教中文科的老師不單是教說話文法, 還有一些道德倫理在其中的,我想這些外來老師與本土老師是有分別. 話雖如北,我知已有很多大陸來的學生入讀教育學院中文系,將來可能冇幾個香港土生土長既中文老師啦!

作者: hongkeikei 時間: 11-9-14 17:46

原帖由 KK07 於 11-9-14 14:27 發表
大多數家長都覺好, 但我係小數,我覺得唔太好.

原因:

1. 小學階段,我想自己的孩子真真正正建立母語溝通的能力,我母語係廣東話, 我想孩子學文雅的廣東話,而唔係屋企'食飯啦'既口語. 廣東話係古語, 古詩很多都是原廣 ...

hi,

我和妳一樣,唔覺普教中有絕對優勢.
我的兒女都是讀普教中的小學,我反而覺得中文堂用廣東話母話教對他們,尢其是初小,會直接提高對課文的興趣,他們也較容易掌握!只要小學開始有普通話堂,我覺得一路讀上去,唔擔心大時唔識講普通話.

另外,國內來的老師教法普遍較喜歡操練,著重拼音和多背誦,這樣不能帶起學生學習中文的興趣,反而是得不償失!

至於中文水準和寫作能力,我唔認為用普教中有很大的幫助,反而多閱讀有直接的影響,這是我自己親身的感受.

所以女兒升上中學,我尊重她的意願,沒有入普教中班...

[ 本帖最後由 hongkeikei 於 11-9-14 17:49 編輯 ]

作者: ah-ho 時間: 11-9-14 18:31

估唔到我唔係唯一的少數。
我個仔剛上小學，都有分普中班及廣東班。
我最初都好似大部分人想法，梗係普中班好啦。但後來想深一層，普中班可能令佢學習時更多複雜性既問題出現，故後面我都唔強求一定要入普中班了。反正我自己都係出黎做野先正式學普通話，而家既水平雖然唔係好純正既普通話，但咪一樣搵到食。

作者: 五歲仔 時間: 11-9-14 18:45 標題: 回復 3# KK07 的帖子

好同意KK07的說法, 我都唔讚成小學普教中，而且現在中學文憑試的中文聆聽科都係用廣東話考

作者: hongkeikei 時間: 11-9-14 22:57 標題: 回復 16# 五歲仔的帖子

所以絕大部份中學在F.4之後,都將所有班級轉回廣東話教授中文科.

[ 本帖最後由 hongkeikei 於 11-9-14 23:35 編輯 ]

作者: hongkeikei 時間: 11-9-14 23:32 標題: 回復 16# 五歲仔的帖子

duplicated

[ 本帖最後由 hongkeikei 於 11-9-14 23:34 編輯 ]

作者: karen55407 時間: 11-9-15 09:31

大部份津校有行普教中的，多數成績好的學生家長會為子女揀普教中班。相反，中文科或普通話科較弱的學生家長會揀粵教中班，普教中班變相成了精英班。導致部份成績好的家長本來唔想讀普教中班，也對粵教中班卻步。我女兒學校今年也開始實行普教中，校長話以其他已實行普教中的學校數據顯示，讀普教中並不代表會提高中文能力，有啲學生還會影響中文科成績變差，但必會提高普通話能力。

[ 本帖最後由 karen55407 於 11-9-15 11:02 編輯 ]

作者: miffy 時間: 11-9-15 09:38

提示: 作者被禁止或刪除內容自動屏蔽

作者: karen55407 時間: 11-9-15 11:08

我都唔覺呀女學校有老師係內地人。不過我唔介意普通話老師係內地人。

原帖由 miffy 於 11-9-15 09:38 發表
我地全校普教中, 我又唔覺有老師係大6人, 廣東話流利過我只係佢地有native程度的普通話。

我想講普教中同廣東話教中文, 教學內容係無分別, 只不過用的語言唔同之嘛, 普教中唔會特別操練d, 中文堂教課文內的字詞併音 ...

作者: chanwendy 時間: 11-9-15 11:22

我都係唔太鐘意普教中的學校, 除非間學校有更多其他吸引我的地方, 否則會係首選. 我認為廣東話先係我的母語, 而家間間學校都話要行三文兩語, 但係就普教中, 咁都唔知廣東話係邊學返嚟, 咪即係要父母自己教返. 我姪女就係普教中, 佢就真係有少字係只識讀國語, 唔識讀廣東話的. 我真係唔想我小朋友係咁樣囉, 普通話只要學識拼音, 唔識讀都可以查字典, 如果廣東話唔識讀, 你唔識調九音的話, 查咗字典都唔包一定識讀.

作者: babybear 時間: 11-9-15 11:33

同意！
絕對贊成普教中！

除非拼「粵」教中都教埋拼音，否則用廣東話去學中文對提昇廣東話（冇懶音）冇乜幫助。

原帖由 miffy 於 11-9-15 09:38 發表
我地全校普教中, 我又唔覺有老師係大6人, 廣東話流利過我只係佢地有native程度的普通話。

我想講普教中同廣東話教中文, 教學內容係無分別, 只不過用的語言唔同之嘛, 普教中唔會特別操練d, 中文堂教課文內的字詞併音 ...

作者: wkleung 時間: 11-9-15 12:12

agree

作者: 高比簡 時間: 11-9-15 12:25

我個仔之前普通話好「普通」.....嚇親人個隻

，今年升小一，學校1級有2班「普教中」，我幫他報讀，入學前老師幫小朋友做過test.....竟然收左。
正式上堂1個禮拜左右，昨晚讀書俾我聽......又幾好聽喎，尚算標準。

作者: 瑩瑩老豆 時間: 11-9-15 13:51

不用"普教中", 不代表"不教普".
我支持"廣教中"再另教普

原帖由 yuenkw 於 11-9-13 18:14 發表
PTH係官方語言，除非無打算留係HK & PRC發展，否則越細開始 train 越好。

作者: anna59 時間: 11-9-15 14:04

普教中系可以學多一種語言,系唔會令中文好d,學普通話好睇個小朋友既語言能力

作者: alice44 時間: 11-9-15 14:27

原帖由 chanwendy 於 11-9-15 11:22 發表
我都係唔太鐘意普教中的學校, 除非間學校有更多其他吸引我的地方, 否則會係首選. 我認為廣東話先係我的母語, 而家間間學校都話要行三文兩語, 但係就普教中, 咁都唔知廣東話係邊學返嚟, 咪即係要父母自己教返. 我姪 ...

都只不過係中文堂用普通話教唧, 又唔等於無用廣東話, 常識, 數學都會用中文教o家嗎! 常識的生未都多, 亦有課文, 都唔會學唔到廣東話. 如果真係唔識讀音當然要查字典, 但就算用中文教都會有字唔識讀o格.

作者: Whitesnow 時間: 11-9-15 14:52

不同意普教中, 因為學校都教唔到, 結果又要出外請補習

作者: KK07 時間: 11-9-15 15:20

原帖由 瑩瑩老豆 於 11-9-15 13:51 發表
不用"普教中", 不代表"不教普".
我支持"廣教中"再另教普

作者: hongkeikei 時間: 11-9-15 16:19

原帖由 miffy 於 11-9-15 09:38 發表
我地全校普教中, 我又唔覺有老師係大6人, 廣東話流利過我只係佢地有native程度的普通話。

我想講普教中同廣東話教中文, 教學內容係無分別, 只不過用的語言唔同之嘛, 普教中唔會特別操練d, 中文堂教課文內的字詞併音 ...

小學主科是用英語教,中文用普通話教,令到佢中文的基礎能力差了些,對上中文堂的興趣也較低!母語學習幾時都係易明,易表達,上堂時師生的互動學習效果更好!雖然經過六年普教中,她的PTH有一定水準,但我都寧願先將中英文根基打好,再學普通話.

我個時都無普教中,中文成績好靠喜歡閱讀!
依家在社會做事,聽下講下,上一些普通話課程未又識聽識講PTH.香港周圍都係大陸人,同事,上司下屬,梗有一個在左近,我一點都不擔心我們的下一代唔識...

[ 本帖最後由 hongkeikei 於 11-9-15 18:18 編輯 ]

作者: hongkeikei 時間: 11-9-15 16:34

原帖由 miffy 於 11-9-15 09:38 發表
我地全校普教中, 我又唔覺有老師係大6人, 廣東話流利過我只係佢地有native程度的普通話。

我想講普教中同廣東話教中文, 教學內容係無分別, 只不過用的語言唔同之嘛, 普教中唔會特別操練d, 中文堂教課文內的字詞併音 ...

就係全校都普教中,比較不到用母語教中文的成績和好處!有些中學會告訴家長,用普教中不是有絕對優勢;有些同學用普通話學習反而影響他們的中文成績,家長要詳細考慮再選班.

[ 本帖最後由 hongkeikei 於 11-9-15 16:35 編輯 ]

作者: dleelm 時間: 11-9-15 17:08

我覺得要睇小朋友能力, 我女小一是普教中, 小二轉校, 廣教中, 明顯中文閱讀理解/思維都好了很多.

作者: whywhywhywhy 時間: 11-9-16 01:12

我係讚成普教中的，但要先看學生和家長能否配合！如果家長抗拒，小朋友不願，那就真的不要勉強！
不過我奇怪為何有些家長會覺得普教中會令小朋友廣東話變差？這是我不明白的！這裏有些家長已說明普教中只是中文堂用普通話，但其他課目係用廣東話的！那為何廣東話會變差呢？還有家長在家不是也跟小朋友說廣東話嗎？小朋友遊戲時不是也說廣東話嗎？在香港每天都會接觸到廣東話，為何會担心小朋友會不懂廣東話呢？？？我小朋友以前的幼稚園一進學校便要說普通話，但他回家便會自動說回廣東話，一點問題也沒有！！

我的朋友一點普通話也不懂，他的女兒是讀普教中，每次默書，他也是用廣東話讀給女兒聽，女兒默出來，到學校默書時老師又會用普通話讀出來，但他的小朋友默書一點問題也沒有！

我的小朋友普教中，老實說他的普通話說出來真的比我說得好聽，因為他讀幼稚園己學普通話，所以他發音真很正，而且他也喜歡中文用普通話教，因他之前的中文是用廣東話教的。他說普通話教讀出來很好聽！
有些家長說普通話可以大個才學，沒有錯，但君不見曾班子的領導團隊那一個的普通話是了得的！說當然沒問題，但一聽便知與說開普通話的人不同！等於大陸人講廣東話一樣！！而且反正都要學，為何不在小朋友還小的時侯學呢？？(其實有小小好像有些家長希望小朋友說英文能像外國人一樣！)

至於說用普教中小朋友不明白中文課，那更奇怪！這問題應是小朋友未能掌握普通話所以跟本不明白老師說甚麼！好像小朋友英文基礎打不好，上英文堂聽不明老師說甚麼一樣！但是大部份學普教中小學都會慢慢教小朋友，不過當然要得到家長和小朋友配合！如果說學校教不到普通話，那問題是出在學校身上，而不是普教中身上！

說請來的都是大陸老師，那更奇怪！學英文你都希望是外國人教，為何學普通話大陸人教便有問題？如果學校請來的老師母語是普通話，那教出來不是好一些嗎！！(唔通請個西人來教普通話會高貴好些嗎？！)大陸人也好香港人也好台灣人都好，為何會覺得大陸人教便有問題！其實只要是好老師，那個地方都沒問題！

說到中學沒有普通話，那是當然的！但理由我相信不是學校覺得普通話不重要！我想問題是在師資上，出名中學，很多老師己教多年，你突然說用普通話教中文，那原先教中文的老師甚辨？而且突然要找這麼多教中文的普通話老師也是問題！

其實我聽講有中學係有用普通話面試的！但我忘記是那一間！重要是就算今日全港中學都沒有普中，我諗六年後就好難講啦！我們的小朋友還小，是不是應想長遠些！我見很多小學也開始行普教中，如果是沒用的也不會這樣！

最後我想講不要用是不普教中而選小學，選小學是要看學生的性格和能力！如果小朋友從小沒接觸普通話，家長又沒時間放在這一課身上，那真的有點吃力，因為真係要同小朋友學四聲同拼音的，這就好像無啦啦要讀多一科一樣！所以如果唔認同普教中的真的不要報！只會自己和小朋友一齊辛苦！
因為凡事都要付出代價的！！！

作者: alice44 時間: 11-9-16 08:46

你講的, 中晒我諗嘅一樣, 有D家長話大了學對答可以, 但有無聽下自己話得正唔正確呢! 我不知聽到幾多是半喊半淡嘅普通話, 係可以溝通到, 但發音難聽.
我仔開始普教中係小四, 因為小二小三成績唔好, 入唔到精英班, 因為得一班普教中, 要最前的一班名次先可以讀, 到了小四入到, 但又怕佢唔習慣, 好彩, 佢又OK, 又沒有拉低中文科成績. 現在升了中, 係廣教中, 我昨晚問佢, 廣教中同普教中有咩分別, 佢話聽係無分別, 會自己轉CHANEL, 所以係會自然理解到老師講乜, 唔會影響學習, 但聽講方面係好咗, 因為可以多聽多講, 到了高小時考的普通話拼音或聆聽會比較難, 我見小二已經普教中的同學考出來成績係比較好, 因為個底比阿仔結實, 阿仔講D普通話真係好好聽, 講出嚟真係好似原本係佢嘅語言咁, 學一種語言唔係想咁樣咩? 只係講到係唔夠, 要講得好先得! 好似D家長想仔女讀英中都係想佢接觸多D英文, 希望子女聽講方面能力可以提升, 理論上係無分別.
如果英文科用中文教, 你地會唔會唔鍾意呢?

作者: 1234ats 時間: 11-9-16 10:02

香港现在中小学都有普通话堂，如果普通话堂教得好的话，我是倾向中文科用广东话教学。
我也不反对用普通话教中文，但我希望所有生字都必须同时教广东话发音，否则广东话慢慢会受到侵蚀。在广州有时会听到有人将“情况”读成“情抗”就是典型例子。有些字如“造诣”如果学校不教的话可能一辈子都不懂读音。希望各学校和政府留意这一点。
另外广东话的声调也应该纳入教学范围，这都是较为简单的，只需以兴趣科处理便可，不需考试，占不了学生多少时间，但对认识古诗词很有帮助。而唱粤曲也必须认识平仄才能分上下句，很多粤剧老倌也有很高的文学修养。
八九十年代的粤语流行曲一众著名填词人如黄沾等对广东话声调都很有研究。反观现在香港乐坛有些填词水平惨不忍睹。

另外如果懂广东话的声调对学普通话也有很大帮助。广东话与普通话的平上去声字百分之八十是相对应的。

作者: KK07 時間: 11-9-16 10:37

原帖由 1234ats 於 11-9-16 10:02 發表
香港现在中小学都有普通话堂，如果普通话堂教得好的话，我是倾向中文科用广东话教学。
我也不反对用普通话教中文，但我希望所有生字都必须同时教广东话发音，否则广东话慢慢会受到侵蚀。在广州有时会听到有人将“情况”读成 ...

Agreed....

作者: chanwendy 時間: 11-9-16 11:11

普教中確係只係上中文堂時用普通話, 如果中文小學, 其他科係用廣東話, 但係老師的廣東話係咪標準呢? 我聽過一個校長, 將自己校名都讀錯, 同時有好多老師連五, 誤都讀錯的. 中文老師理應冇懶音 (當然唔排除有少數例外). 如果係英文小學, 中文又普教, 咁就真係唔會再有其他機會接觸廣東話了. 要明白, 有啲中文字真係好書面語, 我地平時同小朋友傾偈係唔會用到的.

作者: KK07 時間: 11-9-16 11:30 標題: 回復 34# whywhywhywhy 的帖子

見你講到咁激動,等我又tune tune先.....

係呀! 我真係唔鍾意大陸老師係堂上要學生沒有任何critical thinking而去愛祖國, 歌頌三十年建設偉大架, 我唔敢話個個都係咁,但機會好高. 至於學英文.....老實講, 教grammer好的老師好多都係香港人,我唔覺得在初小時學英文文法要外國人才教得好. 其實這根本是不正確的比喻,廣東話和普通話都一樣是中國語言,廣東話不是外語,不能用英文比較.

我個人看法: 用廣東話教中文文法,加普通話會話堂,對我的孩子更得益,我不會話普教中不好, 如果你把講得一口流利白話係學中文的最重要一環,咁當然普教中係你最理想選擇, 但這不是我的要求.

Quote
"說請來的都是大陸老師，那更奇怪！學英文你都希望是外國人教，為何學普通話大陸人教便有問題？如果學校請來的老師母語是普通話，那教出來不是好一些嗎！！(唔通請個西人來教普通話會高貴好些嗎？！)大陸人也好香港人也好台灣人都好，為何會覺得大陸人教便有問題！其實只要是好老師，那個地方都沒問題！"

作者: miffy 時間: 11-9-16 11:54

提示: 作者被禁止或刪除內容自動屏蔽

作者: alice44 時間: 11-9-16 12:13

原帖由 miffy 於 11-9-16 11:54 發表
唔洗咁激動喇, 其實佢地唔係普教中用家, 點講佢地都唔會明, 普教中提供到一星期十堂中文堂的普通話語境的功效, 跟一星期上一堂起兩堂止的普通話堂係完全唔同。

話時話, 我自己覺得學語言係十歲前學最好, 因為我識好 ...

你講得啱呀! 我都覺得學語言喺細個時學, 發音真係會好D, 因為細個唔怕醜, 從錯誤中學習, 但人大了, 會怕醜, 所以學到都唔係嗰樣嘢. 有好多時我講普通話都覺得好難發音, 就算發到, 又覺得唔好聽, 叫阿仔講一次比我聽, 個FEEL真係唔同o家! 佢聽得多, 所以知道d音係要發第幾聲先啱, 而我只知大約發音, 唔知幾時要變調.

作者: HIN2003 時間: 11-9-16 13:00

原帖由 alice44 於 11-9-16 12:13 發表

你講得啱呀! 我都覺得學語言喺細個時學, 發音真係會好D, 因為細個唔怕醜, 從錯誤中學習, 但人大了, 會怕醜, 所以學到都唔係嗰樣嘢. 有好多時我講普通話都覺得好難發音, 就算發到, 又覺得唔好聽, 叫阿仔講一次比我 ...

agree!
我個囝d普通話叻我一千倍.
佢讀三年級識睇拼音+聲調.

作者: miffy 時間: 11-9-16 13:11

提示: 作者被禁止或刪除內容自動屏蔽

作者: Kanba 時間: 11-9-16 14:30

現代中文應該用普通話/國語教的。用粵語寫白話文是經過轉換的。習慣用國語，寫中文才得心應手。

在中文小學除語文科外，都是用母語講解，讀課文，平時也用母語，何愁不懂粵語呢。

怕下一代說不準粵語嗎？我們這代用粵語教中文一樣有人說懶音。最重要是父母和廣播界說得準。

用國語學國語不只為了和國人溝通，還是學好中文的基礎。打開報紙，在專欄、副刊甚至新聞標題都看到港式中文，方言充斥；不錯我們讀得很親切，但有些土話外省人幾乎不能明白，而且不少字眼用諧音字或自造字充當，此類文章只能自囿於一隅，防礙流傳，又有何益。

作者: hongkeikei 時間: 11-9-16 19:10

原帖由 Kanba 於 11-9-16 14:30 發表
現代中文應該用普通話/國語教的。用粵語寫白話文是經過轉換的。習慣用國語，寫中文才得心應手。

在中文小學除語文科外，都是用母語講解，讀課文，平時也用母語，何愁不懂粵語呢。

怕下一代說不準粵語嗎？我們這代用粵語教中文 ...

我自己的立場是初小最好唔好用普通話教中文,到高小(3/4年級)後再普教中,我覺得對本地兒童中文基礎發展會較紮實.
如果比真正的普通話母語老師教過中文,你會發覺他們的用字方式,片語和香港一般文章的用語有不同.正如你看國內或台灣的電影,他們的日常用語跟香港是有分別.
若要求7,8歲本地小童用非母語學中文,我覺得會影響他們對中文的興趣和學習.所以有些人認為用普教中能我手寫我心,對孩子的寫作能力有提昇的作用.我認為是言過其實,本末倒置.想提升語文的能力,特別是寫作能力,我相信多閱讀是不二之法!

我從沒有認為用普教中會影響廣東話的學習,因為我們處身於香港這個廣東話的語景大環境,小朋友沒可能不能說流俐的廣東話.

我只擔心我自己的小朋友太早用普教中會影響他們中文的水準發展.從來都是先由最基本的母語學好,才發展其他外語,能讓小孩在語文上的根基更鞏固!君不見現在有些人中文錯字百出,例如:贊成,不是讚成;不准,不是不準,這些我們小學一,二年級已學的詞語還未弄清楚.

其實,每個家長都對自己的小朋友有不同期望;大家認為對子女是最好的教學方式,是沒有對或不對之分;只有不同人有不同的選擇罷了.

若有得罪,請多多包函!

[ 本帖最後由 hongkeikei 於 11-9-16 19:17 編輯 ]

作者: hongkeikei 時間: 11-9-16 19:33 標題: 回覆 45# hongkeikei 的文章

再者,香港有些中小學將普教中班設定成'精英班',也是令部份家長對普教中班趨之若鶩的原因之一;有時會令人忽略了母語學中文的好處呢!

[ 本帖最後由 hongkeikei 於 11-9-17 13:38 編輯 ]

作者: youma 時間: 11-9-16 21:39

小兒小學時廣教中, 全班普通話佢算最好, 但音唔夠正.
小女現在普教中, 普通話仲勁, 比阿哥更好, 好後悔冇俾阿哥讀普教中.
經常返大陸工作的人, 會告訴你, 純正普通話比中文書寫重要得多.我非常認同.

[ 本帖最後由 youma 於 11-9-16 21:42 編輯 ]

作者: whywhywhywhy 時間: 11-9-16 21:42

原帖由 KK07 於 11-9-16 11:30 發表
見你講到咁激動,等我又tune tune先.....

係呀! 我真係唔鍾意大陸老師係堂上要學生沒有任何critical thinking而去愛祖國, 歌頌三十年建設偉大架, 我唔敢話個個都係咁,但機會好高. 至於學英文.....老實講, 教grammer ...

何以見得大陸老師會有你所講的舉動呢？
我不是激動，只是覺得應該要尊重老師，不可亂扣帽子！

那個比喻沒有錯！只是不適合比喻在你身上罷了！

作者: Kanba 時間: 11-9-16 23:58 標題: 回覆 45# hongkeikei 的文章

善意討論, 勿怪.

\\小朋友太早用普教中會影響他們中文的水準發展.從來都是先由最基本的母語學好,才發展其他外語,能讓小孩在語文上的根基更鞏固!\\

台灣人上海人學中文也不用在初小先學台語滬語.

\\君不見現在有些人中文錯字百出,例如:贊成,不是讚成;不准,不是不準,這些我們小學一,二年級已學的詞語還未弄清楚.\\

錯別字和用國/粵語關係不大.

\\國內或台灣的電影,他們的日常用語跟香港是有分別\\

港味太重的中文是不是好中文?

\\用普教中能我手寫我心,對孩子的寫作能力有提昇的作用.我認為是言過其實,本末倒置.\\

白話文,白話是普通話. 當然好文章還有扎實內容和文學修養. 但至少說白話寫白話比說粵語寫白話直接.

\\想提升語文的能力,特別是寫作能力,我相信多閱讀是不二之法\\

用普通話也可以多閱讀.

小兒自小一起普教中, 並沒有中文基礎打不好的問題. 學過的中文字, 也懂粵音國音. 相信很多小朋友也一樣.

[ 本帖最後由 Kanba 於 11-9-17 08:49 編輯 ]

作者: babybear 時間: 11-9-17 08:14

其實反對普教中既家長又唔駛咁睇少小朋友既能力(當然因人而異)。尤其係依家電視新聞又有字幕, 好多小朋友已不知不覺間吸收了很多粵語字詞。

身邊亦認識有學校用普教中既小朋友(小一、二), 佢地隨時手執報紙、書籍也可以用正確廣東話讀出其內容。

至於中文課文, 要佢地用普通話/廣東話讀, 亦沒有問題！

[ 本帖最後由 babybear 於 11-9-17 08:30 編輯 ]

作者: Yukyuk 時間: 11-9-17 08:46 標題: 回復 50# babybear 的帖子

babybear,

我同意小朋友看CARTOON / OTHER TV PROGRAMME 都可以從字幕中學到生字及讀音。(但有些家長只給小朋友看英文卡通，好可惜!)

作者: vincher 時間: 11-9-17 09:16 標題: 回覆 3# Kanba 的文章

\\想提升語文的能力,特別是寫作能力,我相信多閱讀是不二之法\\
十分贊成

作者: Lulu0820 時間: 11-9-17 09:27

個人意見,題目"普教中",我估想講既係小朋友吸收中文會唔會差左.

我大囡細囡同一間學校,大既粵教中,細既普教中,可能係細囡仲係初小,暫睇唔到有物野優勝之處,課堂上用多左時間教拼音,有D地方反而係無大個個教得咁清楚(如筆順),咁當然細囡D讀音會比大囡好,但大囡有獨立普通話堂,拼音比細妹學得好,好難比較,我估可能要等我細囡再大D,上到高小先知兩者分!

,不過因每個人都係唔同,同一個方法兩個小朋友都可以有唔同效果,所以好難講.

作者: vincher 時間: 11-9-17 09:42 標題: 回覆 1# Lulu0820 的文章

「課堂上用多左時間教拼音,有D地方反而係無大個個教得咁清楚(如筆順)」
我也深同感受，課時就是固定咁多，有得必有失！我兒從小一普教中，聽說能力好，但中文字……

讓我再選，初小1 & 2廣教中；中、高小普教中

作者: LilianLegend 時間: 11-9-17 23:17 標題: 回復 26# 瑩瑩老豆的帖子

我都好認同廣東話先係我地既母語,我地既根,

唔可以為左"多一把利刀"or 大勢所而無左自己既根,

而且廣東話發音反而比普通話仲難,更要花時去學,

細細個學好母語最為重要,

我支持"廣教中"再另教普,

普通話唔難學架,

我都係出黎做野先學,

咪同大陸人一樣溝通到.

但,

而家個教育制度又好似將語言分grade,

英文班比普通話班好,

普通話班比廣東話班好.....

只為追求風氣,

不去尊重自己既語言.....

我而家先發現,

找一間係"廣教中"既學校,

唔易.....

[ 本帖最後由 LilianLegend 於 11-9-17 23:43 編輯 ]

作者: LilianLegend 時間: 11-9-17 23:39

原帖由 youma 於 11-9-16 21:39 發表
小兒小學時廣教中, 全班普通話佢算最好, 但音唔夠正.
小女現在普教中, 普通話仲勁, 比阿哥更好, 好後悔冇俾阿哥讀普教中.
經常返大陸工作的人, 會告訴你, 純正普通話比中文書寫重要得多.我非常認同. ...

我有大陸朋友講,

其實大陸好多人既普通話發音都唔凖,

佢都係上到大學先有上堂修正返,

我信架,

上得多大陸做野既人就知喇,

個個都有鄉音.

作者: leeyin 時間: 11-9-18 02:18

同意, 我覺得生活在香港, 由小時候已一直用開廣東話, 如果上到小學用普通話, 只怕提高不到學習興趣, 普通話係重要, 卻及不上提高中文學習興趣更重要, 只有多閱讀明白了中文課本上的意思, 相信更有幫助, 學校每一星期已經有2課上普通話, 再同佢出面學, 相信得益可能更大~

原帖由 hongkeikei 於 11-9-15 16:19 發表

小學主科是用英語教,中文用普通話教,令到佢中文的基礎能力差了些,對上中文堂的興趣也較低!母語學習幾時都係易明,易表達,上堂時師生的互動學習效果更好!雖然經過六年普教中,她的PTH有一定水準,但我都寧願先將中英文 ...

作者: kwan1981 時間: 11-9-18 03:58

講真我比較讚成用自己既母語教中文，點解要用普通話教中文？一直以來都係用廣東話教架啦，點解要變？呢度係香港，唔係大陸。不過我都係俾阿仔入左普教中，鬼叫佢阿媽係大陸人，老實講，如果我係香港人，我一定唔會俾阿仔入普教中，一個星期2堂普通話，6年小學，我覺得一定會識講囉，要咁精做咪呢？

作者: KK07 時間: 11-9-18 10:36

原帖由 LilianLegend 於 11-9-17 23:39 發表

我有大陸朋友講,

其實大陸好多人既普通話發音都唔凖,

佢都係上到大學先有上堂修正返,

我信架,

上得多大陸做野既人就知喇,

個個都有鄉音. ...

講得對,大陸最標準普通話發音咪新聞報導員囉, 就算北京操正宗白話有幾個? 隨時撞個卷舌卷到暈既哈爾濱口音,西安陝西口音更難捉,這真係要當地生活才聽慣.

作者: KK07 時間: 11-9-18 11:23

原帖由 Kanba 於 11-9-16 14:30 發表
現代中文應該用普通話/國語教的。用粵語寫白話文是經過轉換的。習慣用國語，寫中文才得心應手。

在中文小學除語文科外，都是用母語講解，讀課文，平時也用母語，何愁不懂粵語呢。

怕下一代說不準粵語嗎？我們這代用粵語教中文 ...

我讚同你的說法, 但港式中文,中文水平下降,是否等於改用普教中就解決問題那樣簡單? 那教改要英中100%課時要用英語授課,香港學生過去十年的英語水平有進步嗎?
像其他mami說,我覺得多閱讀才是提高語文水平的不二之法.

作者: KK07 時間: 11-9-18 11:35

原帖由 youma 於 11-9-16 21:39 發表
小兒小學時廣教中, 全班普通話佢算最好, 但音唔夠正.
小女現在普教中, 普通話仲勁, 比阿哥更好, 好後悔冇俾阿哥讀普教中.
經常返大陸工作的人, 會告訴你, 純正普通話比中文書寫重要得多.我非常認同. ...

我都係經常返大陸工作的人,但我會話這樣說是誤導,應該話:能用普通話溝通是非常重要, 這是一項謀生技能. 能用中文書寫在某些行業也是很重要.

除此以外, 我更認為中文書寫是文化修養的其一, 也是語文水準最重要一環, 說到此,我不想把謀生技能與文化修養混為一談,跟本不需要比較那更重要.

作者: kikiboy 時間: 11-9-18 11:39

我認為普教中能提升學生聽,說能力, 但未必也能提升中文水平.

作者: t.paulinean 時間: 11-9-18 17:19

提示: 作者被禁止或刪除內容自動屏蔽

作者: talknwrite 時間: 11-9-18 19:25

唔知係咪每次國家領導人面見班港領導班子, 聽港式普通話聽到耳仔痛, 秘密責令要推行普教中. 以後香港領導班子的普通話都係京腔, 考AO要加入普通話水平甲一等要求.

2047後, 香港步上海後塵, 阿爺同阿孫仔雞同鴨講, 過多幾代的後生仔女廣東話唔靈光. 要發起保護廣東話運動.

作者: Kanba 時間: 11-9-18 23:22

不用擔心，廣州人一樣滿口粵語。

以前皇帝逼人學官話方可應試當官，方言並無消失殆盡。

－－－－

多閱讀從來有益。初小普教中又怎會阻礙孩子閱讀呢？

我支持兩文三語的。我認為香港的小朋友應該學好粵音的，但在香港環境學好粵音不難，難在學國語英語。

作者: leeyin 時間: 11-9-21 04:38

從小開始學多一種語言當然好, 不過明白課本上的意思從而有興趣地提升中文水平再去學普通話, 應該也未遲吧...
小學一星期已有二課普通話, 如果認為不足夠亦可以出去學, 相信用六年時間都有一定的水平~

作者: smallmama 時間: 11-9-23 09:32

我贊成普教中, 而其實小朋友適應力強, 以我仔為例, 小一時係普教中﹑常, 但因小二轉專科專教, 所以只有中文先用普教中, 當時中文口﹑聽考試用普通話添, 但小兒都ok.
後來轉咗校, 而家反而係上課用普通話, 考口﹑聽試用廣東話, 我又唔見得佢聽唔明講唔到, 所以我見只有父母担心幫唔到佢溫習多d lor.

作者: mayc 時間: 11-9-23 13:01

"我認為普教中能提升學生聽,說能力, 但未必也能提升中

文水平."

普通話是我手寫我口,對於提升中文水平,只會有更好的效果!

而且普通話更是對世界所有華人的共通語言,如果作為世界大都會的香港,放棄用普通話教中文,(提供語境)本人覺得是非常可惜的!

至於有人認為一星期兩堂的普通話堂可以學好普通話,更是荒謬,一星期9-10堂的英文堂都未必教得好英文,怎樣可以短短兩堂教得好普通話!

作者: awah112 時間: 11-9-24 21:06

提示: 作者被禁止或刪除內容自動屏蔽

作者: talknwrite 時間: 11-9-24 21:31

普教中能提升中文水平, 難道古時的文人才子都是用普通話來學中文!

如果真是能"我手寫我口", 北京街頭的苦力個個都能寫出一手好文章!

作者: 天瑜 時間: 11-9-24 21:35 標題: 回復 1# talknwrite 的帖子

提示: 作者被禁止或刪除內容自動屏蔽

作者: awah112 時間: 11-9-24 21:43

提示: 作者被禁止或刪除內容自動屏蔽

作者: kyliema2006 時間: 11-9-24 21:53

如果他們是受過正統教育的，你又點知他們不能寫好文章呢！祇可惜，大陸文盲比例遠高於香港吧！

原帖由 talknwrite 於 11-9-24 21:31 發表
普教中能提升中文水平, 難道古時的文人才子都是用普通話來學中文!

如果真是能"我手寫我口", 北京街頭的苦力個個都能寫出一手好文章!

作者: 天瑜 時間: 11-9-24 22:00

提示: 作者被禁止或刪除內容自動屏蔽

作者: awah112 時間: 11-9-24 22:13

提示: 作者被禁止或刪除內容自動屏蔽

作者: 天瑜 時間: 11-9-24 22:30 標題: 回復 1# awah112 的帖子

提示: 作者被禁止或刪除內容自動屏蔽

作者: awah112 時間: 11-9-24 22:50

提示: 作者被禁止或刪除內容自動屏蔽

作者: stccmc 時間: 11-9-24 23:00

提示: 作者被禁止或刪除內容自動屏蔽

作者: talknwrite 時間: 11-9-24 23:02

領南粵語與其他漢語的其他分支一樣, 在北佬管治下, 都成為難登大雅的語言了, 被迫要用他們的"正統"語法, 唉!

借南唐後主李煜《虞美人》名句一用「問君能有幾多愁，恰似一江春水向東流」

千祈唔好用"幾多"在普通話中, 是錯的語法!!

作者: kyliema2006 時間: 11-9-24 23:24

有點好奇，唐朝著名詩人說的是甚麼方言。

係大陸政府對國民的教育其實亦有一定標準，電視、廣告的standards & practices亦嚴格，不許使用或播出會令人誤導的玩字語文。香港對文字創作創意甚高，簡單如各適其適，其寫法應為各式其色，又定係各色其色，廣告商多玩幾次之後，大眾好像已經忘記了正確的寫法。現在的粵語已經太有創意了，看過時下年青作家的著作，甚麼今天到外shopping云云，真係睇到我頭暈暈。反之，普通話是我手寫我心，寫出的文章起碼有一定的可讀性，不像廣東話那樣，寫的及講的基本是兩套標準。當然，對於一個有閱讀習慣的香港人，以粵語教學又好，或者是普通話教學也好，寫作能力也不會差！

但對於没有閱讀習慣的人來說又如何呢？多聽幾堂普通話，也希望能潛言默化，令其寫作技巧有所提高啦！

原帖由 stccmc 於 11-9-24 23:00 發表

相比起是方言的粵語，普通話的歴史其實很短。所以 talknwrite 的是 good point.

作者: talknwrite 時間: 11-9-24 23:43 標題: 回覆 1# kyliema2006 的文章

對於我這廣東人來說, 不見得以普通話寫的文章可讀性會高過同一篇直接用廣東口語寫出來的文, 如果是朗讀給我聽, 就更加唔使講, 直接廣東口話化,我會更加容易掌握倒你讀緊乜野.

廣東話其實好多字都係古字, 可惜都不是中文課本內, 也不會教, 時間久了, 當然大家都唔記得點寫, 甚至都未見過.

作者: awah112 時間: 11-9-24 23:47

提示: 作者被禁止或刪除內容自動屏蔽

作者: Kanba 時間: 11-9-25 03:52

//
有點好奇，唐朝著名詩人說的是甚麼方
言。
//

鄉音無改鬢毛衰，甚麼方言要看他是那裡鄉下。見天子，見天朝大官，說官話吧。

[ 本帖最後由 Kanba 於 11-9-25 04:36 編輯 ]

作者: Kanba 時間: 11-9-25 05:02

//普教中能提升中文水平 , 難道古時的文
人才子都是用普通話來學中文!//

不通，如此說法，計算機能方便計算，難道古時數學家都用計算機

學古文，粵語國語分別不大。學詩詞對聯，粵語在平仄比國語優勝。學白話文，寫白話文，國語比粵語地道。

作者: Kanba 時間: 11-9-25 05:24 標題: 回覆 81# talknwrite 的文章

如果淨係恁住畀香港人睇，咁咪寫廣州話囉。網上火星文一樣有人明格，你想下一代用火星文寫信寫文章咪鼓勵佢地用多d 囉。

如果唔鍾意白話文，應該寫文言文，五四前個個都係咁寫架啦，不過而今要搵個識寫文言既人都好艱難。

作者: talknwrite 時間: 11-9-25 10:07 標題: 回覆 1# Kanba 的文章

不是抗拒作為現代中國人要學普通話, 也沒有必要抗拒, 純粹感慨粵語沒落. 當教育和傳媒都淪為文化洗潔精, 就像廣西一樣, 原本都是說粵語的地區, 在南寧基本已經只有老一輩才會說, 年青一代都已不會說了. 北方人聽不懂南音, 但不想學, 也抗拒學, 南方一向都是舉事的根據地, 不希望有人會懂得一些他們聽不懂,看不明的語言在流行, 中共正在廣州大力推動普通話, 在廣州說粵語的人口比例也在下降. 南音勢被趕出中國國土. 中國只有一種語言, 香港可能是最後仍會有人說廣東話的地方, 不過最終都..., 或許有一天, 只有在異國的唐人街才會聽到中國的古老語言.

在我有生之年應都不會出現, 不過正在發生當中, 可能是我杞人憂天吧!

作者: kyliema2006 時間: 11-9-25 10:24

廣東人口語的文章你能接受?咁小孩子寫篇咁既文章，你可否接受呢？「我今日好鬼悶成日係屋企睇電視、跟住阿媽帶我出街食飯，然後返屋企瞓覺。」

可能大家的接受程度不同，這．．．對於我是難以接受的。

原帖由 talknwrite 於 11-9-24 23:43 發表
對於我這廣東人來說, 不見得以普通話寫的文章可讀性會高過同一篇直接用廣東口語寫出來的文, 如果是朗讀給我聽, 就更加唔使講, 直接廣東口話化,我會更加容易掌握倒你讀緊乜野.

廣東話其實好多字都係古字, 可惜都不是 ...

作者: Kanba 時間: 11-9-25 10:25 標題: 回覆 86# talknwrite 的文章

對，中共的對文字語言的惡行，可謂千年未有之大變局，簡體化拉丁化，不可小覷其可摧毀方言的意志能力。

作者: awah112 時間: 11-9-25 15:24

提示: 作者被禁止或刪除內容自動屏蔽

作者: Kanba 時間: 11-9-26 02:11

在別帖談｢谷好定唔好｣，發覺傳媒好用港式中文，不經不覺因互聯網倒過來｢豐富｣了中文詞彙：

//
離題一下。谷，怎解係這個谷字?催谷，好明顯係港語，谷做動詞，意思同催差不多，除香港第二度搵唔到山谷的谷有咁既意義。google 一下催谷，大陸網民居然有如此發明：就是催稻谷！
//

作者: Kanba 時間: 11-9-26 02:25

百度一下重搞笑
baike.baidu.com/view/1366894.html?fromTaglist

唉，救命

作者: babybear 時間: 11-9-26 07:59

對一個愛閱讀的小朋友來說，相信「粵教中」定「普教中」對他本身的寫作能力影響不大！

但對於語言能力方面，假設大家常用的方言一樣，沒有額外學普通話，用「普教中」學習的那位小朋友對講普通話一定比用「粵教中」的更加流利。每種語言也是多聽多說才學得好。

當然亦要視乎個別學生的接受能力。
如果小朋友受得起到「普教中」，做家長的為何這樣的抗拒？

[ 本帖最後由 babybear 於 11-9-26 08:06 編輯 ]

作者: 1234ats 時間: 11-9-26 09:41

去年广州有人示威抗议将一个广东话电视频道转为普通话，担心广东话被边缘化。广东现在已有小学不准学生在学校范围内说广东话，有些学生回家已不能与长辈用广东话沟通，如此下去，广东话衰落可以是一两代的事情。

现在上海很多年轻人已不能用上海话沟通了。福建浙江五十岁以下的人基本不懂用方言念诗。

香港情况好一点。但所有文化需要持续发展才有生命力，不进则退。如果我们自身不重视，广东话衰落也是不可避免的。作为香港人，对广东话的前景我是悲观的。原因是香港比较功利，大部分人只重视英文与普通话这两种POWER LANGUAGES，而忽略了保护自身的文化优点。

大家都说要学好两文三语，但却几乎没人谈论如何学好广东话。可能大家觉得学校不需要教学生也能学好广东话，但事实上过去几十年香港学校都是用广东话教学，还是有很多香港人读错音写错字。现在有多少学校有教广东话平上去入四声，又有多少人了解用广东话与普通话语法写的白话文有何区别。建议大家可看看陈云教授关于广东话与普通话的分析。

我在另文提及过我自己学普通话的经验，主要是带出如果掌握好要点，学好普通话其实颇简单，普通话发音只有三百个左右，一般香港人不熟悉的发音只有几十个。作为香港人，特别是小孩，同时学好广东话与普通话读音不应该是难事。

教学语言一向是争论热点。我的看法是学校中文教学无论是广是普并不重要，但都要对两种语言要有足够重视。

如果学生放学后不多听多读多讲，只靠在校内环境是很难学好非母语语言。语言好的学生在课余时都会投放很多精力练习。所以重要的是在校内教得好，课余要练得多。现时小学到中三都有普通话班，仔细分析，其实普通话没多少东西可教，根本不需教九年。但若果不练习，再教九年也不会有多大进步。如果方法得当，并能每天专注练习半小时，小孩一般只需一两年光景便能学好普通话。
至于语境，其实在网上有很多语言教学资源可供利用。

中文方面，我认为不是普通话或广东话的问题。
香港人喜欢用广东话俗语俚语写文，最大问题不是不合文法，而是对文字组织没有要求，缺乏思考训练。很多人说用普通话可以我手写我口，写出来比较合文法，问题是单单习惯我手写我口，也一样会导致缺乏思考，亦不可能有好的文章。

香港以往有很多一流的作家与填词人，如李碧华，黄沾，郑国江等等，他们的作品在国内亦备受推崇。更别说早一辈的唐涤生，国内北方很多年轻人听过帝女花香夭被他歌词深深感动，网上还有很多不懂广东话的戏迷中毒上瘾研究他的剧本曲词。

还有一位许冠杰，他英文了得，对广东话俗语的运用已达化境，有人评论他的歌词“泪残梦了烛影深”有柳永词风。他在传统中学念书，他的中英文能有如此水平，除了因为他本人的天赋外，对我们可有其他启发？

作者: frenchfries 時間: 11-9-26 10:26

我想版主最想知道的是'普教中'對孩子的學習是'益'還是'害'. 因為'普教中'是這幾年才在香港實踐的. 所以還沒有實際的公開試比較.

但是, 我本人便有親身的經驗. 我在小二的時候從大陸來香港. 在家鄉, 我們是講方言的. 我只是在學校學了普通話.跟現在的小學生一樣. 在我印象中, 老師一開始就用普通話教學. 我們很快就聽懂了.

我相信在大陸兩年的中文教育, 相比起在香港九年的中文學習, 對我的影響應該是微不足道的. 結果是, 作為一個理科生, 我會考的中文成績是'A'的. 而且, 差不多可以說我是不看課外書的. 為什麼會有這樣的成績呢? 相信是普通話幫了很大的忙. 因為我在學生生涯裡都是用普通話來思考中文書寫的, 而且我還用普通話拼音來記英文讀音.

可是, 我最擔心的是現在小學的中文老師大部分都是長大了才學普話, 他們有一些音發不了是很正常的. 就算他們通過了普通話考試, 在真正應用時可能會避開某一些字而用其他字代替, 而且或不能那麼傳神地教學. 這現象才是大家要考慮會不會影響學生的中文學習的.

作者: 已刪除用戶 時間: 11-9-26 10:41

呢樣我讚成: 搵咩人黎普教中, 同用咩教材, 至係重點
我仔幼稚園既普通話堂, 也不過是唱唱兒歌吧了, 算唔上認真學
升小學, 普教中, 正識學了, 老師係NATIVE普通話人, 一句廣東話都唔講(識講都扮唔識), 學生習慣左日日都會講
我仔今年小二, 正正經經學左一年普通話, 活在香港當然佢會流利廣東話, 睇課外書都係用廣東話去明(有時好有趣佢會讀俾我聽), 但打開本中交課本, 即使一粒拼音都無, 佢都會用普通話讀(讀得幾肉酸都係用普通話, 如果有拼音的話佢可以字正腔圓)
我覺得普教中, 最重要係影響到小朋友學語言既動機同自信心, 我小朋友學校既學生, 無一個係唔敢講普通話的, 去到高D年級天南地北都收放自如 (我女跟學校去北京遊學6日, 自己一個住埋人地屋企我都無擔心過語言問題); 相比起有D接觸得少, 上到中學都仲係一講就面紅, 差遠了

原帖由 frenchfries 於 11-9-26 10:26 AM 發表
我想版主最想知道的是'普教中'對孩子的學習是'益'還是'害'. 因為'普教中'是這幾年才在香港實踐的. 所以還沒有實際的公開試比較.

但是, 我本人便有親身的經驗. 我在小二的時候從大陸來香港. 在家鄉, 我們是講方言的 ...

作者: alice44 時間: 11-9-26 11:26

原帖由 Charlotte_mom 於 11-9-26 10:41 發表
呢樣我讚成: 搵咩人黎普教中, 同用咩教材, 至係重點
我仔幼稚園既普通話堂, 也不過是唱唱兒歌吧了, 算唔上認真學
升小學, 普教中, 正識學了, 老師係NATIVE普通話人, 一句廣東話都唔講(識講都扮唔識), 學生習慣左日日 ...

我好同意講得d聽多d係好. 阿仔自從普教中之後, 普通話明顯流利咗. 有一之, 我們搭火車上大陸玩, 叫佢去餐卡買嘢食, d侍應係講普通話, 佢都可以成功買了食物回來.

作者: awah112 時間: 11-9-26 12:49

提示: 作者被禁止或刪除內容自動屏蔽

作者: cherubic 時間: 11-9-26 13:04

Speaking and listening in PTH are definitely better. For reading and writing, unless the kid also uses PTH at home, I don't think it affects a lot. The kid is still needed to read more books and write more to improve.

作者: 青青河邊草 時間: 11-9-26 13:33

原帖由 frenchfries 於 11-9-26 10:26 發表
我想版主最想知道的是'普教中'對孩子的學習是'益'還是'害'. 因為'普教中'是這幾年才在香港實踐的. 所以還沒有實際的公開試比較.

但是, 我本人便有親身的經驗. 我在小二的時候從大陸來香港. 在家鄉, 我們是講方言的 ...

港產普教中老師的問題不只是語音上的. 更大問題出於對規範中文未能掌握得很好, 這從他們自己編的工作紙其實多少可以反映到.

例如句法, 例如詞彙, 很多都是港式中文, 用普通話唸來, 真係格格不入. 但, 很多老師根本不知道這些是問題.

但你問政府有乜資源俾學校, 相信除左每校有個內地老師輔助外, 真係乜都無.

對於我的小朋友, 我會儘量讓他們只看內地或台灣人寫的中文, 香港人寫的, sorry, 真係唔係好多人的中文寫得好.

作者: frenchfries 時間: 11-9-26 13:56

最可笑的是連用於普教中的教科書有些地方也是廣東式用字. 如果要提高香港學生的中文水準. 除了師資外, 教科書編輯及教統局的人才, 也有改進的必要.

歡迎光臨教育王國 (/)