教育王國

標題: 有冇讀緊既家長可以分享下 [打印本頁]

作者: babeBBDoll 時間: 11-9-12 02:58 標題: 有冇讀緊既家長可以分享下

有冇家長可以分享下, 如一班有幾多小朋友 ?係每星期或者係每日有英文或者普通話堂 ? 老師好唔好 ?
謝謝 ~

作者: rion_husky 時間: 11-9-13 21:03

我知N1班每星期有三堂英文堂，但未有普通話，我個仔嗰時讀就上、下午班各一班，但每班又分開A、B兩組，每組兩個老師帶住15位小朋友；我個仔今年讀K1班，分上午班同全日班，夾埋就30位小朋友（其中只有10位左右讀全日，我個仔係其中一個），兩位老師帶住佢地，就每星期有三堂英文堂，兩堂普通話堂。
我個仔入呢間學校嗰陣，就轉左新校長，俾我感覺，呢位校長比前位响教學方面做得較好，而老師方面基本上都好照顧小朋友，但如果能夠與家長方面有多啲交流，我會覺得更好，因為好多時我係要主動打去搵班主任，先可以知道我個仔响學校既情況，如果唔係就要等到家長日先可了解佢上堂既情況（尤其N1班我覺得因為小朋友新入學，好多家長都好希望了解他們適唔適應，如果响首個月可以主動打俾家長，我諗家長會放心好多），但當然，依家K1班兩位老師要照顧咁多小朋友，好難逐一聯絡家長，所以我都係遇到真係有需要先主動聯絡班主任......

作者: babeBBDoll 時間: 11-9-13 23:03

我其實係想報今年 k1, 想了解下學校, 咁有冇校車架 ?

作者: rion_husky 時間: 11-9-14 14:39

有校車接送，但你小朋友係咪屬於「細仔」，咁遲先報既？

作者: babeBBDoll 時間: 11-9-15 01:43

係呀我小朋友係細仔, 所以會報多幾間幼稚園睇下邊間 k1 收先決定讀邊間 ~

作者: emt1314 時間: 11-10-12 22:27

我同c6都好满意呢間學校，校舍大，足夠遊戲活動空間俾小朋友玩，而且剛剛裝修完，好靚，每間課室都有空氣靜化機，老師好有愛心，俾埋手提電話我，放學后我隨時都可以打去了解小朋友上課情況，星期六仲可以參加課外活動，例如畫畫班，英文班，跳舞班等（價錢全理）。至於家長都有好多免費興趣班及資訊班參加，例如，教英文拼音，哮喘及氣管敏感的分別等專題，好似仲有教煮餸添。。。

作者: babeBBDoll 時間: 11-10-24 00:15

聽你咁講, 真係唔錯喎 ^.^

原帖由 emt1314 於 11-10-12 22:27 發表
我同c6都好满意呢間學校，校舍大，足夠遊戲活動空間俾小朋友玩，而且剛剛裝修完，好靚，每間課室都有空氣靜化機，老師好有愛心，俾埋手提電話我，放學后我隨時都可以打去了解小朋友上課情況，星期六仲可以參加課外活動，例如畫畫班，英文班 ...

作者: babeBBDoll 時間: 11-10-24 00:19

新校長係今年轉 ?

原帖由 rion_husky 於 11-9-13 21:03 發表
我知N1班每星期有三堂英文堂，但未有普通話，我個仔嗰時讀就上、下午班各一班，但每班又分開A、B兩組，每組兩個老師帶住15位小朋友；我個仔今年讀K1班，分上午班同全日班，夾埋就30位小朋友（其中只有10位左右讀全日，我個仔係其中一個 ...

作者: k1123a 時間: 11-11-4 23:54

9/2010轉的

作者: Kittyryo 時間: 12-2-20 23:33 標題: 回覆：有冇讀緊既家長可以分享下

嘜有n班咩，我打去問佢地答我無n班？

作者: san_d1025 時間: 12-5-14 12:57

如13年九月讀N, 請問佢地幾時接受報名?

作者: mamajosie 時間: 12-5-18 12:48

Application for September 2013 should start around Oct/ Nov 2012.

作者: Jochiu 時間: 12-8-30 00:21 標題: 回覆：有冇讀緊既家長可以分享下

佢地上年N班係要小朋友8月31日前出生，但K1就10月前都得，我個女出年9月25日2歳，咁N班係唔係唔會收呀？！

歡迎光臨教育王國 (/)