教育王國

標題: 有冇藍田迦南幼稚園家長可以分享經驗? [打印本頁]

作者: 0506mama 時間: 11-9-12 00:37 標題: 有冇藍田迦南幼稚園家長可以分享經驗?

想請問下藍田迦南幼稚園學生升小一的結果如何? 小女現讀藍田迦南幼稚園N班. 我當然希望佢第時可升上名小學&中學. 如協恩, 培正, ST. MARY etc. 如果係咁, 我就諗我係唔係要要幫佢報d出名的k1幼稚園. 但出名的k1幼稚園離屋企比較遠. 囡囡仲咁細, 真係好擔心. 其實我都好鐘意迦南, 我見個女讀得開心. 成日都好想番學. 迦南又好近我們住的地方. 如果佢d學生派位派得好, 咁我就未必轉校. 唔知有冇家長可以分享吓心得呢?

作者: ChauPSMaMa 時間: 11-10-26 13:54

我小兒是2011-12下午N班.

我覺得小兒的班主任不錯, 有愛心及耐性..
我都想知升學情況....

作者: tsangnamnam 時間: 11-10-26 14:43

派位同所住區域有關, 同幼稚園無關架. 讀邊間幼稚園唔喺派位機制內.

協恩, ST. MARY 唔同校網. 如你所指係派位, 而唔係第一階段自行收生/ 最後階段嘅叩門, 咁就應該係住喺協恩(校網34), ST. MARY(校網31) 嘅校網嘅朋友先有機會. 比例上, 相信藍田迦南嘅朋友住址喺藍田觀塘區(校網46/ 48)會較多.

培正, 係冇校網, 佢係私校. 你可以考入去, 冇得派入去.

朋友嘅大仔剛由藍田迦南畢業, 家住麗港城, 派油塘基顯, 名列前矛. 我覺得幼稚園train得佢好好.

作者: LaiMing1966 時間: 11-10-26 15:28

0506mama 你好呀，我個女都係今年藍田迦南N班，上午班，你個女女呢？唔知係咪同學仔呢？
我都係想阿女入較好的小學，所以今年都有幫佢報一條龍的幼稚園，如聖母﹑德望﹑培正等……

作者: tsangnamnam 時間: 11-10-26 15:35

0506mama 提提你, 好多學校都開始K1 application, interview, 可以考慮報左先, 之後再諗去唔去囉.

作者: LaiMing1966 時間: 11-10-26 15:51

0506mama, tsangnamnam 講得啱呀，報左先啦，收左先再諗，同埋競爭咁大，都未必收架。較近的聖母已截左，你還可報德望，11月1日至5日報名，還有聖安當和聖安德肋，你可試。

作者: carnationBB 時間: 11-10-28 10:35

提示: 作者被禁止或刪除內容自動屏蔽

歡迎光臨教育王國 (/)