教育王國

標題: 請問默書 [打印本頁]

作者: dorleung 時間: 11-9-9 15:59 標題: 請問默書

請問小一英默會否一開始就要默二頁全頁或是選某些生字默呢。謝謝

作者: SamsonWatty 時間: 11-9-11 22:14

放心，範圍雖然多，但正式默只係幾行！

作者: dorleung 時間: 11-9-12 07:50 標題: 多謝您的回復

多謝您的回覆

複製代碼

作者: naiviv 時間: 11-9-19 21:44

現正努力溫緊啦!!

作者: icy_lo 時間: 11-9-20 21:52

我個仔我就咁問佢的字, 佢就識串,

作者: icy_lo 時間: 11-9-20 21:54

但係一叫佢成句默就唔識, 請問各位家長點同佢地溫書???

作者: mannmann1 時間: 11-9-21 22:51

我想死,總之左耳入右耳出

作者: 已刪除用戶 時間: 11-9-22 00:28

我都開始同仔仔溫。
但佢未試過默書架！(中&英）
本想每曰溫三句、少少地易記d、點知溫好試同佢默。。。。漏空仲多過寫！
比佢激死！所以改為先串熟生字及多讀課文。等佢對內容有慨念！容易默返出嚟。希望可以好d！

作者: SamsonWatty 時間: 11-10-16 11:38

各位小一家長大家千祈唔好太擔心，其實學校都好配合大家，我哋學校差唔多十月至有第一次默書。

我仔仔今年五年級，我可以同大家分享一吓本人同仔仔溫習默書嘅心得：

如果英默，隔星期二默，首先我會默之前的星期四同佢串熟先【因為星期四剛剛默完中文，所以夜晚可以溫】，跟住一定要默，因為用口串有可能佢識串，但當叫佢默出來可能有好大分別，所以星期五晚會同佢默一次，如果認為課文太長，可以同佢默一部份先，跟住休息三十分鐘左右再默其他，星期六或日再温番錯嘅字，星期一晚重覆再默一次，到咗星期二早上默嘅時候應該仲有記憶，成績唔會太差。【不過一定做功課唔可以太慢至有時間温習】

至於中默，隔星期四默，當默完英默嘅星期三晚可以開始每晚温小部份，到咗下一個星期一要同佢默一次，星期三再默一次，至於一年級嘅默書範圍我唔記得太清楚，不過一定唔會太多。

總之大家記住中默同英默都是一樣，都係每段考紀錄最高分兩次嘅分數除二為平均分，再加考試嘅分數，兩個分數加埋除二就係成績表嘅默書分數。

歡迎光臨教育王國 (/)