教育王國

標題: 放完暑假, 大躍進... [打印本頁]

作者: Chaulai 時間: 11-9-7 18:04 標題: 放完暑假, 大躍進...

仔仔都番0左學2個幾禮拜, 老師大讚他各方面也有大進步...感到十分欣慰, 當然要多謝學校老師教導, 同埋唔知係咪暑假有上密集訓練, d認知同理解好似好0左, 個人都好似醒...另外, 又成日同佢去游水, 可能運動都有活化個腦掛...

作者: anan3388 時間: 11-9-7 18:11

恭喜! 我都係, 都係密集運動+游水+在家做 RDI, 暑假日日對住佢, 仲好過返學!

作者: Chaulai 時間: 11-9-7 18:19 標題: 回覆 1# anan3388 的文章

其實都係今年突然有大進步, 唉...年年暑假過后, 都好怕評估, 因為學校又會同你講阿仔呢樣唔掂, 0個樣差d, 都好down...

作者: Chaulai 時間: 11-9-7 18:50 標題: 回覆 3# Chaulai 的文章

其實都唔知關邊樣0野, 所以有大進步...個別訓練? 定係運動呢...仲知老師話如果繼續保持到宜家0既狀態, 上小學入主流應該唔係問題(因為真係唔想阿仔讀特殊學校, 所以谷下佢)...之前都掙扎好耐, 唔知好冇上私人訓練(因為屋企真係唔多$), 好彩守得雲開, d $都冇白費...

作者: Chaulai 時間: 11-9-7 20:23 標題: 回復 3# anan3388 的帖子

我都有同感, 因為其實都唔知佢0係學校學0左咩, 不過我估應該都有0野學到0既...但覺得暑假好似充實d, 個人醒d...

作者: anan3388 時間: 11-9-7 22:59

咁1對6同1對1，梗係1對1學到多些。老師又要教又要搞秩序，仔又遊魂，比我己知哂佢點係唔同。我仔超被動，但學校秩序行先，所以更鼓勵唔到佢主動。反左咁耐學都無講過幾多句野。但在家依家一日數落，有意識同我講既都有三四十句，對佢黎講真係大躍進！

作者: anan3388 時間: 11-9-7 23:01

同埋密集運動真係好岩我仔，又開心又有自信，對眼閃閃發光的！swimming都係

作者: Chaulai 時間: 11-9-7 23:24 標題: 回復 1# anan3388 的帖子

見到副相都知...

作者: Chaulai 時間: 11-9-7 23:25 標題: 回復 3# anan3388 的帖子

係0既...可能學校d同學仔都唔多講0野, 老師又忙到一頭煙...唉...但係又唔可以唔番學wor...你仔仔有冇番學...我指s or i 位...

作者: Chaulai 時間: 11-9-7 23:41 標題: 回復 3# anan3388 的帖子

暑假就話日日去游水0即, 咁番學后都唔知咩時間去好...秋冬天呢, 又做咩運動好呢? 有冇好提議? 我覺得番全日好似太長, 如果佢唔瞓午睡, 夜晚都唔知點特訓...我宜家都係下午請一天假做訓練, 如果請2天實唔得啦...

嘩...你日日都做到訓練+運動, 仲有rdi, d時間點分配, 可否分享一下...

作者: dada5 時間: 11-9-8 00:36

請問妳仔仔喺邊度做密集訓練? tks!

原帖由 Chaulai 於 11-9-7 18:04 發表
仔仔都番0左學2個幾禮拜, 老師大讚他各方面也有大進步...感到十分欣慰, 當然要多謝學校老師教導, 同埋唔知係咪暑假有上密集訓練, d認知同理解好似好0左, 個人都好似醒...另外, 又成日同佢去游水, 可能運動都有活化個 ...

作者: anan3388 時間: 11-9-8 09:14

放暑假麻！咁密集運動返一三五者，rdi係隨時做得，行路玩平行同步，做家務玩次序同步。所有同仔既溝通(有語言或身體語言都係可以基於rdi. 同埋rdi係train我點教，所以係訓練我自己

作者: Chaulai 時間: 11-9-8 09:15 標題: 回復 1# dada5 的帖子

因為我仔仔番全日, 其實平時都冇咩時間再走出去做訓練, 呢個導師係上門0既...

作者: Chaulai 時間: 11-9-8 09:18 標題: 回覆 2# anan3388 的文章

咩叫次序同步? 做運動一,三,五, 放學次后去游水? 你有冇早走0架...可否分享一下, 一天仔仔0既生活流程, 等我學下點安排時間...唔該哂

作者: dada5 時間: 11-9-8 10:29

請問妳仔仔暑假既密集訓練都係上門嗎?

原帖由 Chaulai 於 11-9-8 09:15 發表
因為我仔仔番全日, 其實平時都冇咩時間再走出去做訓練, 呢個導師係上門0既...

作者: Chaulai 時間: 11-9-8 10:38 標題: 回復 1# dada5 的帖子

因為我係一個全職主婦, 冇工人, 所以一腳踢0架...我日頭其實都好忙, 擺低佢學校就做家務, 佢放學都好晚, 邊度得閒仲出去訓練, 所以導師上門啱哂我...佢做緊訓練時, 我就去買餸煮飯...

作者: Chaulai 時間: 11-9-8 10:46 標題: 回覆 2# dada5 的文章

不過我見佢次次拎好多圖咭來, 有時仲有道具, 好搞鬼...佢又叫我自己印圖咭在家溫習, 唉...不過我邊有咁多精力, d時間都唔夠用, 我冇理佢0架...好彩阿仔都有進步

作者: pocoyo123 時間: 11-9-8 11:25

冬天可以踏單車, 溜冰, 打藍球,對小朋友手眼協調, 平衡,聽指令都有幫助

作者: anan3388 時間: 11-9-8 14:54

次序平行即係我做一下，佢又跟住做一下；同步就係佢要留意住我做乜，一齊做。就咁講好難講到個重點，簡單地講係咁. 我地成日出街食，家務又求其，寧願俾哂時間阿仔。

作者: harryson 時間: 11-9-8 18:59 標題: 想請教大家！

請問大家會每日用多少時間做家居訓練？同每日多少次？

作者: Chaulai 時間: 11-9-8 19:55 標題: 回復 2# anan3388 的帖子

"次序平行即係我做一下，佢又跟住做一下" 係咪即是, 我摸一下鼻, 佢又摸一下鼻?

作者: Chaulai 時間: 11-9-8 20:20 標題: 回復 2# harryson 的帖子

學校老師話日日做, 哈哈...上門個老師都係咁講, 可惜我好慚愧, 可能d時間安排得唔好...其實係我懶, 又冇咩心機耐性教(因為我早起, 所以要午睡)之後又要買餸煮飯, 做家務...我真係指意一星期2次上門訓練, 好睇阿仔吸收幾多...但係講真0架, 上門個老師竟然教識阿仔睇月曆, 計加減數同埋答點解?...我希望遲d可以請工人,(老公升職加0左人工) 我可以多d時間學點教(因為學校,上門老師都要我學hehe)...嘩...好似anan ma 咁好叻呀...各位, 我又忙了, 要洗碗教佢功課...加油各位家長!

[ 本帖最後由 Chaulai 於 11-9-8 20:23 編輯 ]

作者: anan3388 時間: 11-9-8 21:02

可以咁講，但通常係完成一件事，如摺毛巾，砌野之類，重點唔只係完成個task,而係孩子學識能從大人身上學習，再詳細講唔到，要看下書或上下堂

作者: anan3388 時間: 11-9-8 21:03

我答唔到，因為一天都係玩/學野中訓練

作者: Chaulai 時間: 11-9-8 22:37 標題: 回復 2# anan3388 的帖子

咁如果做做下佢出0左竅, 或者遊0左魂, 點樣call佢番來...阿仔有時容易分心...我聽講過rdi好似唔多講0野...又唔准講, 又唔比叫佢, 咁點等佢"番來"呀...如果摺毛巾, 可能佢興趣不大, 仲容易分心, 指教下...

作者: anan3388 時間: 11-9-8 23:57

若佢唔分心就唔係我地d仔。佢由勁遊到依家少少提都專心到，係一個過程。要等/間接提示/最後先真直接提。真係不能三言兩語講到，阿蛇教時又睇示範片，我地不斷反覆咁調節先做到。

作者: Chaulai 時間: 11-9-9 01:09 標題: 回復 10# Chaulai 的帖子

唔記得講, 尋日學校主任同我講阿仔好大機會可轉去讀兼收, 但佢話係過幾過月0既事, 我聽完, 只係掛住開心...但唔醒起問主任, 兼收唔係都巳經開哂學, 仲有位可以比阿仔插班咩...其實兼收係咪即是正常學校, 不過有3t到學校? 咁支援上, 邊度好d? s 定兼收?

作者: anan3388 時間: 11-9-15 14:51

兼收位理論上係有兼收老師抽時間同仔上個別訓練, 但係實際上唔係間間跟得咁足, 兼好似無乜保障係一定做, 同埋兼收老師都係一個個有無經驗做 a 仔, 所以真係要問多些家長你那區邊間 I 位好些

若你想 3T 服務好些, 而你仔仔可讀到普通幼稚園, 咁返小班些的下午班幼園 + E 位可能係一個選擇黎既。不過咁就要睇有無學校岩同埋收我地既仔勒~

另, 乜可以只係暑假上門1對1咩? 又幾好喎! 會唔會好貴?

[ 本帖最後由 anan3388 於 11-9-15 14:56 編輯 ]

作者: Chaulai 時間: 11-9-15 23:26 標題: 回覆 1# anan3388 的文章

咁我唸佢又應該未讀到正常0個d住...我都攞緊資料, 因為主任講, 可能隨時有位...吓...咁如果有位, 唔揀0個間, 會唔會以後冇得轉0架...

另外, anan3388 ma,你個仔仲有冇游水? 宜家好似上水凍0左, 你覺得如果著潛水衣游水會唔會太輪盡?

唔止暑假, 只不過暑假上密少少, 一星期二至三堂...唔想佢0係屋企"hey"宜家變番一星期一堂, 遲些可能去導師屋企上, 佢教材多d, 玩具多d, 又有感統做下, 我呢d師奶仔又[何樂而不為]哩!

作者: anan3388 時間: 11-9-16 09:54

無游水勒, 因為我仔病左一排呀! 所以可能下年先再游過, 依家主要做下運動呀, 健腦操呀呢 d 先, 或者好返會帶佢行下山郊遊下啦, 秋涼最好郊遊! 所以我都唔知喎, 阿仔之前游水只著下半截泳褲, 方便去廁所呀~我只係熱先游水~

咁找到個夾既 trainer 又真係好好既, 我就覺得好多野得自己做又幾辛苦既~ 不過自己做同時滿足感又好大

作者: Hello101 時間: 11-9-16 12:28

Chaulai, 可否pm我上門導師資料?
anan3388, 我小朋友未識聽指令，你認為學游水會否side錢? 但佢喜歡游(玩)水，可否介紹你的trainer??
請指教,謝謝!

作者: anan3388 時間: 11-9-16 20:32

我係自己教佢乍，所以都唔知邊個好。佢係歲半時上過幼兒班，唔怕水，用手袖swim.

歡迎光臨教育王國 (/)