教育王國

標題: 分享一下教仔仔小手肌既歷程 [打印本頁]

作者: anan3388 時間: 11-9-5 23:57 標題: 分享一下教仔仔小手肌既歷程

舊年俾人話仔仔小手肌好弱好弱 (當時未夠三歲), 咁又係既, 佢執筆又吊筆, 畫落去又好淺色無力, 扭上 lin 公仔扭唔到, 開蓋都開唔到, 用唔到較剪, 自己著褲除褲都好似好難咁。但佢穿珠穿線又 ok wor, 所以我之前不以為意, 諗住大把野要執, 咪唔理小手肌住, 理左感統, 語言, 認知, 大肌那些先啦。後來真係俾人話遲得好多, 於是開始努力去搞。

首先, 原來以往話練小手肌既活動, 並未能針對我仔仔既問題。原來佢係對手無力, 係 OT 講我聽。以前我以為佢在遊樂場玩都無問題, 爬梯都爬到, 咁就唔覺佢手力咁弱。點知佢做單槓, 空中飛人那些動作時, 好快放手, 亦無力用對手拉高自己。

於是首先重點練好對手。每日做單槓, 由最少下做起, 慢慢加上去。跟住練人力車, 我坐在治療椅上, 托起對佢腳只用手行。當然同時亦練緊大肌, 包括背書包上十幾層樓梯, 一天背書包行一個 hr 路, 做 sit up。跟住練指力/握力, 用治療膠拉 / 用手指篤 / 挖小粒。日日撘車/無聊時就用前二指玩衫夾, 買支玩具槍用食指開槍。

跟住佢腰力, 背力同臂力好左, 就參加左假期既密集式感覺運動班, 學左好多招: e.g. 只用雙手撐住輪流拍自己膞頭, 玩滑板車, 在地上用四肢軍人爬等等。

練到依家, 佢可以做到倒立數1-10下, 滑板車可以玩足半個小時都 ok

呢兩日, 佢終於做到剝鈕, 扣鈕, 開蓋關蓋, 寫字開始無咁吊筆, 畫線寫英文字數字都 ok~ 肯拿起剪刀剪到野勒。已追貼左同齡既能力。當然佢仲要繼續努力, 但, 我同佢付出既努力沒有白費!

分享俾大家知道, 可能大家既情況不同, 對我仔岩既訓練未必岩到大家 (佢係肌張低, 本體覺弱, 前庭不足, 坐低都成日dup低頭那些, 表面好似好靜好乖, 其實隱藏左既係感統問題), 不過希望我既經歷可以幫到一些人 dull 少一些路啦

作者: apple~y 時間: 11-9-6 14:55

我仔仔都係小肌唔太好,OT都有同佢練人力車, 托起對佢腳只用手行,或者用其中一隻手放玩具入籃(可能要用多些力我仔仔最怕做)
最鍾意玩治療膠(我買綠色比佢玩)
同埋OT都話比佢多些線習跳,跳都係全身肌肉運動

仲有想問0下小朋友應該幾大學游泳好??
識游水都係全身肌肉運動係咪??

[ 本帖最後由 apple~y 於 11-9-6 15:20 編輯 ]

作者: anan3388 時間: 11-9-6 17:25

我覺得幾歲都可學。我仔已經識勒，由手袖到浮板，依家徒手都swim 到

作者: xixi1218 時間: 11-9-7 13:40

多謝分享。我發覺肢體方面的能力確實要多做事多運動多練習，最近也發現孩子手指力有進步。不知道是否開始學琴的緣故。

作者: xixi1218 時間: 11-9-7 13:41

原帖由 anan3388 於 11-9-6 17:25 發表
我覺得幾歲都可學。我仔已經識勒，由手袖到浮板，依家徒手都swim 到

自己SWIM到，好叻哦。
請問學自由泳先還是蛙式先呢？

作者: anan3388 時間: 11-9-7 14:03

自由自在式，其實係似踐水加狗仔式，頭在水面，未識換氣既

作者: xixi1218 時間: 11-9-7 22:51

原帖由 anan3388 於 11-9-7 14:03 發表
自由自在式，其實係似踐水加狗仔式，頭在水面，未識換氣既

其實都不簡單，我這個大人識蛙式，但不知怎樣可以做到頭在水面的狗仔式。。。。

作者: anan3388 時間: 11-9-7 23:05

其實係口鼻在水面，swim到半個橫池。我將手袖逐漸放少些氣，到最後唔駛用。不過我係土法練水，志在郁下手腳，

歡迎光臨教育王國 (/)