教育王國

標題: 九龍城區 band 2學校, 請問大家有咩見意!!! [打印本頁]

作者: helenting 時間: 11-9-2 16:59 標題: 九龍城區 band 2學校, 請問大家有咩見意!!!

唔該晒...

作者: fallenleaf 時間: 11-9-3 00:09

成績是band 2的，如果是男生，會搏陳瑞祺喇沙，如果是女生，會揀培道、九真，其餘會揀何文田官立和胡兆熾。不過呢幾間都是熱門，所以排第一較穩陣，第二機會就會微。
另可以試直資學校，例如顏寶玲、九龍塘香島等。

作者: S.S. 時間: 11-9-6 12:45

我想問丘佐榮又博唔博得過呢..

作者: fallenleaf 時間: 11-9-6 20:47

原帖由 S.S. 於 11-9-6 12:45 發表
我想問丘佐榮又博唔博得過呢..

呢幾年又真係有好多人搏，舊年我都講個話有朋友個仔band 2都搏到，不過第一年就留班。
九龍城區本應有足夠band 1生學位比band 1生就算不足也唔會爭好遠。
丘佐榮和銀禧，其實都係好多band 1生既保險線學校，所以好視乎今年有幾多band 1生可以跳出本區，在自行時跨區攪掂，舊年自行位係計未縮班前，所以舊年應相對地跨區成功率係高，所以今年搏唔搏真係自己計計數先好。

作者: S.S. 時間: 11-9-6 22:17

最煩係阿仔一時一時,又係懶到死,所以真係唔知點簡...梗係想佢好O架la..但真係入到又怕佢跟唔上,唉 ...其實我到依家都唔係好知點填次序先O岩,都有諗過陳瑞祺喇沙同何官O架..

作者: 大文 時間: 11-9-7 01:42

如果BAND 2想博丘佐榮或其他九龍城英中, 首先考慮你小朋友英文是否達到一定水平, 英中英文要求是首要的, 上堂聽唔明的話會沒心機上下去.

作者: corliss_yu 時間: 11-9-7 17:30

提示: 作者被禁止或刪除內容自動屏蔽

作者: fallenleaf 時間: 11-9-7 18:07

原帖由 corliss_yu 於 11-9-7 17:30 發表
唔好意思，我的小朋友在九龍城區讀小五，要甚麼分數先係 band 2 生呢?? Thank You~

你要返校問班主任先知，他會告訴你考第幾至幾約係band 1，第幾至第幾約係band2 或band 3。每間學校不同。

作者: corliss_yu 時間: 11-9-7 19:58

提示: 作者被禁止或刪除內容自動屏蔽

作者: fallenleaf 時間: 11-9-7 23:14

原帖由 corliss_yu 於 11-9-7 19:58 發表
唔該晒~
阿仔轉咗新校，未有考試分數。

不論有冇考試分數，老師都係跟據上年的派位成績，例如：如果上年的學生其中考第40的是派去band 2學校，而考第39的仍然可以派往band 1中學，就這樣，老師可推斷出1至30幾係band 1而39和40附近的就是邊緣人，可能是band 1亦可能是band 2。
邊緣人的出現就是，以往2年考呢個名次的學生有band1亦有band2，因他們可能是band1，但家長為求謹慎，全部選填band2學校，於是就派往band 2學校。或本來是band 2，但家長較進取而選擇band1學校並放於較前位置，每當band 1學生全部派完後，學校仍有位剩的時後就會由band 2生補上。所以band2生係可以搏到band 1學位的。當然這類情形不可一概而論，所以老師會將這類名次的學生歸納為邊緣人。

作者: corliss_yu 時間: 11-9-8 09:29

提示: 作者被禁止或刪除內容自動屏蔽

作者: fallenleaf 時間: 11-9-8 12:26

原帖由 corliss_yu 於 11-9-8 09:29 發表
好大壓力呀!!!!!!!!!!!!!!!!!!!!

九龍城區都算好架啦，band 1、band 2都有咁多好學校，有d區一係有band 1學校，一係就band 3，band 2學校少之又少。到時band 1抽唔到隨時跌落band 3。我覺得係九龍城區不論band 1生和band 2生都唔駛驚，只要填表時小心d，應該都唔需要買天拿水去禮賓府度訓街既。

作者: corliss_yu 時間: 11-9-8 15:10

提示: 作者被禁止或刪除內容自動屏蔽

作者: ennatommy 時間: 11-9-8 16:57

如果是band 2男仔, 鄧境波雖然是中中, 但都是不錯的選擇

作者: K1 時間: 11-9-8 17:17 標題: 回覆 12# fallenleaf 的文章

fallenleaf,

你好攬笑

作者: corliss_yu 時間: 11-9-9 09:00

提示: 作者被禁止或刪除內容自動屏蔽

作者: helenting 時間: 12-1-9 15:47

ennatommy 發表於 11-9-8 16:57
如果是band 2男仔, 鄧境波雖然是中中, 但都是不錯的選擇

本來我都好想揀呢間架, 但可惜, 我一睇佢個收生準則, 我就覺得無咩可能啦, 因為亞仔成績真係麻麻地, 鄧鏡波成績佔60%, 我估佢都幾重視成績, 所以, 我要從新諗過啦~~

作者: masterunion 時間: 12-1-9 16:30

波記唔係太多人選反而機會大..

作者: ALAL 時間: 12-1-10 00:46

helenting 發表於 12-1-9 15:47
本來我都好想揀呢間架, 但可惜, 我一睇佢個收生準則, 我就覺得無咩可能啦, 因為亞仔成績真係麻麻地, 鄧鏡 ...

鄧鏡_
有朋友仔B3但好多課外活動(不是拿獎的),人好乖好努力,讀私小,收左中入左精英班

歡迎光臨教育王國 (/)