教育王國

標題: 2011/12 小一家長交流區 [打印本頁]

作者: praynpeace 時間: 11-8-30 15:39 標題: 2011/12 小一家長交流區

有無今年讀小一的家長入來交流吓!
我係在職媽咪, 囡囡又剛轉入小一, 真系新手一名, 希望有其他讀小一的媽咪, 多多指教、提點.

小女今年讀1D班. 請多多指教!

作者: leungsyhk 時間: 11-8-31 09:51

你好!
我都係在職媽咪, 仔仔讀1B

作者: Carolyukk 時間: 11-9-10 01:33

你地好,女女瀆1A!

你地要返工,咁係未訂飯呀?

作者: praynpeace 時間: 11-9-13 22:24

Yes, I order lunch boxes.

BTW, will you join the sport day with your kid on Oct 11?

作者: Carolyukk 時間: 11-9-15 18:36

暫時亞女話lunch box ok la!

會去呀,仲要細仔請假一齊去!

你地會參加咩課外活動?

作者: praynpeace 時間: 11-9-19 11:45

我本來同亞女報左管樂
– 長笛, 但老師話她的咀形適合吹長號, 所以編了她學. 但她卻十分不喜歡. 我又要向學校查詢, 看看怎麼辦!

我亦為她填了參加詩班, 但要等上課時選拔後才知結果. 你呢?

其他課外活動資料, 我還未收到資料.所以亦未知. 是否19號會派?

BTW, 我想問下你小朋友個主任, 會不會Expect小朋友記得做/帶/著對在中央咪宣佈過或課堂上口頭提醒過(並沒有在手冊入再寫清楚)他們下堂要做/帶/著的東西. 如果小朋友留了要紅筆欠交?

作者: pkt 時間: 11-9-20 16:56

很高興有人開呢個topic, 我地大家可以一齊在此交流, 小囡1C班. 亦會出席運動會, 不過唔會同佢去旅行lu, 因為無咁多假. 我幫佢報左民族舞.

但我想知詩班可以報名架咩, 唔係老師挑選架??

作者: Carolyukk 時間: 11-9-20 19:57

係囉，詩班有得揀嗎?我見通告淨係有得揀參唔参加壁球選拔。

亞囡就報咗揚琴,而家就報埋英語故事&小DJ(唔知得唔得),但係好茅盾,又想比佢玩,又唔想佢咁遲至放學!

原本旅行我都唔比亞囡去,但老師打電話來話得佢一個唔去,所以唯有比佢去囉!

[ 本帖最後由 Carolyukk 於 11-9-21 02:34 編輯 ]

作者: Carolyukk 時間: 11-9-21 02:43 標題: 回復 6# praynpeace 的帖子

你可否擧例,我唔係好明你話口頭要帶d咩?

但亞囡今日就明明晒所有功課返去,但就被寫手冊話欠交2樣功課囉!

作者: hhss0203 時間: 11-9-21 12:19

我小朋友都一樣呀! 選左單簧管/長笛. 點知去左長號! 最慘是時間都唔o岩. 已經同學校講左, 希望可以轉啦!

原帖由 praynpeace 於 11-9-19 11:45 發表
我本來同亞女報左管樂
– 長笛, 但老師話她的咀形適合吹長號, 所以編了她學. 但她卻十分不喜歡. 我又要向學校查詢, 看看怎麼辦!

我亦為她填了參加詩班, 但要等上課時選拔後才知結果. 你呢?

其他課外活動資料, 我 ...

作者: praynpeace 時間: 11-9-21 12:47

舉個列, 中央咪宣報了明天要穿體育服, 老師沒有note在手冊.
第一次視藝堂教了小朋友下堂要帶圍裙,袖套,報紙, 老師亦沒有take note在手冊. 如果小朋友下堂欠帶就寫手冊mark”欠帶”. 小一生, 真的可以記得老師一星期前的提醒, 識得帶齊???

原帖由 Carolyukk 於 11-9-21 02:43 發表
你可否擧例,我唔係好明你話口頭要帶d咩?

但亞囡今日就明明晒所有功課返去,但就被寫手冊話欠交2樣功課囉!

作者: movicta 時間: 11-9-21 14:42

(如果今年跟上年一樣) 不用擔心, 首兩個月欠交功課還帶東西, 不會扣操行分, 只當適應期! 視藝堂的工具可以放在學校, 不用每星期帶回校.

小朋友好快知道應怎樣做, 不需太擔心他們!!

作者: movicta 時間: 11-9-21 14:45

浸聯相比其他小學確實比較輕鬆, 不用太擔心~~

作者: Carolyukk 時間: 11-9-21 21:47 標題: 回覆 11# praynpeace 的文章

老實講,亞女無提過中央宣布d乜,但課堂如視藝或常識既'口頭'提醒就有講過吓,但若然有漏就真係唔知,因她本身唔記得就係唔記得!

作者: Carolyukk 時間: 11-9-21 21:54

管弦樂不是都在SAT 9A-10A嗎?但其實揚琴都改了時間,原本話WED跟住話FRI!

作者: pkt 時間: 11-9-22 10:21

下星期三數學科已開始有評估了, 有些緊張

, 大家知唔知會唔會計入考試分入面??

作者: leungsyhk 時間: 11-9-22 17:08

亞仔提過數學評估唔計考試分

Surprisingly, so far 亞仔話d飯盒好味(可能一班同學仔一齊係課室食飯既關係)

樂器方面, 我地選左敲擊, 但係派返黎係吹野
(不過亞仔過唔緊要, 照學)

報左同佢一齊去旅行 (唔知要唔要抽籤)

報左同佢一齊參加運動會

作者: Carolyukk 時間: 11-9-23 00:11

數學評估,都有d擔心,但並非擔心亞女的計算能力,而係擔心她的解題能力和考試技巧!

提提大家,如果寫X數的"組合"請勿請'0+X'或'X+0',係唔得0架,但我都好難解釋到亞女明白點解唔可以咁寫!真頭痕!

另外,中文科背詩好似背得太急太密,兩三日時間,剛背完一首又背另一首,都未真係好熟,字都未認晒,好快又唔記得,遲d如果要一次過背晒就慘啦!

作者: 231423JY 時間: 11-9-23 13:28 標題: 回覆 1# Carolyukk 的文章

hi, 各位媽咪.
請問一年係咪得2次考試 (沒有測驗) 的?
現在剛開學是否已有默書, 是生字/句子, 深嗎? 可否說明?
因為我正準備下星期交表報出年的小一, 想了解下功課情度....
好多家長都說浸聯比較輕鬆, 但佢派位又好好wor....d 學生成績一定ok la

作者: Carolyukk 時間: 11-9-26 04:44

開學到現在也沒有中文英文默書

作者: praynpeace 時間: 11-9-30 10:58

10月有中文評估, 你們知吾知點教? 數學就有功作紙, 但中文就無, 想比D練習個女做下都吾知從何入手.

作者: Summer 時間: 11-10-1 10:00

Carolyukk,

小朋友腦子比較細, 他們在適應期間總會有甩漏, 我們在背後做的, 可在網上驗查'每日家課冊'. 再慢慢幫他們.

說真的, 從前幼稚園一日只是上3個多小時, 暑假後兩星便要返全日了, 要專注6小時確不易.

加油la!

By the way, 我仔仔也是1A 的. 多多指教.

原帖由 Carolyukk 於 11-9-21 02:43 發表
你可否擧例,我唔係好明你話口頭要帶d咩?

但亞囡今日就明明晒所有功課返去,但就被寫手冊話欠交2樣功課囉!

作者: Carolyukk 時間: 11-10-2 22:05 標題: 回復 22# Summer 的帖子

Thanks a lot! 以後多多指教!

作者: jackyliu 時間: 11-10-3 10:25

小女今年就讀1C班! 多多指教!

作者: Carolyukk 時間: 11-10-5 04:17

去完旅行啦,你們有無去做義工家長?情況如何?要抽纖嗎?
好在天氣算好,唔洗晒,又無乜落雨.
我就驚亞女餓親,點知佢就玩到唔願食野!

作者: Summer 時間: 11-10-5 07:23

無做義工家長呀! 上午請唔到假!

掛住玩唔食嘢 - 哈哈! 想必是他們正式的第一天自由, 唔洗上堂, 咁長時間任佢地玩. 一定玩得好盡情. 算啦算啦一日半日, 今日食返多d.

不過聽說有小朋友冇帶午餐, 只吃糖果.

去完旅行, 仔仔晚上不停喊小腿痛(不是跌親或撞倒), 以往只要佢跑跑跳跳多一點便會這樣. 我深信佢應該玩得好拚命!

原帖由 Carolyukk 於 11-10-5 04:17 發表
去完旅行啦,你們有無去做義工家長?情況如何?要抽纖嗎?
好在天氣算好,唔洗晒,又無乜落雨.
我就驚亞女餓親,點知佢就玩到唔願食野!

作者: Carolyukk 時間: 11-10-7 03:27 標題: 回復 26# Summer 的帖子

星期一手冊Eng 功課 WT1,你仔仔有無,我就揾唔到,亞女又唔知,又話無Eng簿放學校,但又無寫欠交喎!真係

仲有,唔知你木Gramma有無貼名,我就無,因家長日Mrs Yeung話唔會收,點知收了蓋印仔然後即日派回,所以亞女就攞咗第二本返來! (因包書方法不同,我認得)

作者: Carolyukk 時間: 11-10-7 03:28

各位,下星期運動會見,大家加油!

作者: Summer 時間: 11-10-7 16:59 標題: 回復 8# praynpeace 的帖子

praynpeace,
找到了, 評估內容請參考單元一學習筆記.

carolyukk,

WT1 是 Word Time 在Phonics Worksheets (WS) 內.

另我仔本Grammar都無貼名, 所以給別人取去. 幸好物歸原主. (可能我地冇包書容易識別)

作者: Carolyukk 時間: 11-10-11 03:24

各位,你地小朋友有無參加星期一後課外活動小DJ? 亞女話超悶喎!

有無人知係未有課外話動有牧童笛&體操,有朋友話佢識有朋友既小朋友小一有參加,但明明睇晒d通告!!!

Summer,
Thanks! 亞女本Grammar終於游返返來,因為响某內頁寫了亞女個名,但包書膠就被拆走了?!星期四攞返人地本Grammar返去還,但無名,希望可以物歸原主啦!

作者: Carolyukk 時間: 11-10-21 05:51

大家多d交流下啦!

作者: Summer 時間: 11-10-21 23:20

Carolyukk,

課外活動體操隊應是P2或以上, 如真有小一同學仔參加了, 想必是個別事件.

你小朋友有興趣參加嗎? 聽說下學期有機會加開體操班, 到時再留意下吧!

作者: Summer 時間: 11-11-3 22:51

我昨晚8:00pm 才回到家, 同佢搞功課, 聽讀書和聽寫搞到9:30pm.

我今日早回到家, 提早兩個多小時搞掂 ~7:00pm
你哋d小朋友做功課做到幾點呀?

作者: praynpeace 時間: 11-11-7 11:26

我平時都係7:30 - 8:00才回家, 雖然她自己會做功課, 但都有不少是吾識做, 所以等我回家同她教好做, 對功課, 聽讀書, 拾書包等, 都要差不多8:45-9:15才可上床. 所以我次次都要預早同她溫聽寫和評估, 好使她可以在前一天只多用10分鐘溫書.
===================

原帖由 Summer 於 11-11-3 22:51 發表
我昨晚8:00pm 才回到家, 同佢搞功課, 聽讀書和聽寫搞到9:30pm.

我今日早回到家, 提早兩個多小時搞掂 ~7:00pm
你哋d小朋友做功課做到幾點呀?

作者: Summer 時間: 11-12-8 10:58 標題: 回復 1# praynpeace 的帖子

前两天仔仔話要做ERS. 無意中發現他用phonics 拼簡單的字, 以前怎叫他拼也無用, 現在他見到陌生的字也不太抗拒. 香港浸信會聯會小學 -

作者: leungsyhk 時間: 12-1-19 12:20

亞仔今朝話老師噚日派返d卷比佢地睇, 你地d小朋友有無講呀?

作者: Summer 時間: 12-1-22 09:20

本帖最後由 Summer 於 12-1-22 09:30 編輯

leungsyhk,

亞仔話有些 ok, 有些唔ok. 遲些學校會派卷給我們. 通常派卷後第二天要交還.

作者: Summer 時間: 12-1-22 09:24

昨日和仔仔參加了親子步行籌款活動, 雖然是簡單的一段路, 但能和幾個朋友仔一起跑跑跳跳, 感覺真好.

回校後, 看見那些攤位遊戲和小吃, 小學生的攤位遊戲, 真的吸引小學生, 竟不願離開, 我們逗留了一個早上.

証明他完完全全投入了小一生活.

作者: Summer 時間: 12-1-29 00:40

回復 Summer 的帖子

各位家長,

新年快樂呀!

新的一年新的開始! 下學期快到了, 若你們的小朋友還需要家長讀題目才曉做功課的話, 下學期不防叫他們讀給家長聽, 因下學期考試不會再讀卷了, 讓他們早點習慣看題目吧! 會醒目d 架!

祝仔仔囡囡聽教聽話, 快高長大, 活潑可愛, 考試科科100分!

作者: leungsyhk 時間: 12-2-3 10:21

Hi Summer,

多謝你既回答, 我地都有參加健步行呀! d小朋友玩得好開心! 下學期開始啦! 各位大朋友/小朋友繼續努力!

作者: praynpeace 時間: 12-2-7 20:38

大家考試成績如何？呀女考得比我預期中好，但吾知系吾系學校有心張考試題目出淺Ｄ，等同學們有個好開始？由於學校吾人排名次，所以想系非正式的途徑了解一下，免得被一時的好成績迷惑了，掉以輕心。
有沒有知道今次考試的各科平均分是多少？

作者: Summer 時間: 12-2-23 00:13

回復 praynpeace 的帖子

praynpeace,

聽到你女考得比你預期中好, 我也為你高興, 我小朋友成績跟我預期差不多:總有甩漏. 不過尚可接受.
至於各科平均分是多少, 我相信只有老師, 校長才知道.

作者: Summer 時間: 12-2-26 23:01

回復 Summer 的帖子

明派成績表了, 雖然分數都知得七七八八, 但也希望能早點看到結果.

歡迎光臨教育王國 (/)