教育王國

標題: 保密協議下給校長的一封信: [打印本頁]

作者: 陳犇犇 時間: 11-8-25 12:15 標題: 保密協議下給校長的一封信:

會議內容我唔講得，但係我只係想講一講作為一個普通嘅家長，我嘅心聲。
   係好老實只有兩個字『失望』因為成個會俾唔到一個前景我睇到。
   『您』(作為我小朋友嘅校長，我尊敬您，所以用上一個您字.)您問我 : 『what can we do ? 』我真係真係好想答您 : 『It's none of my business . 』我報名交得學費嚟呢間學校，就剩係希望我個小朋友喺一間我覺得好嘅學校返學。呢樣係我從一開始到而家最想要嘅嘢，相信亦都係一眾家長想要嘅嘢。
      如果您一早話我知48人一個班房，佢有好多好處，所以學費係十萬蚊。而我又覺得值嘅，我一樣俾得好開心。(所以成日話錢可以解決嘅問題就唔係問題啦。)點解當初要強調12人一班，係 1 對 12 ？學校一早set好咗48人一個班房，而又話咁樣安排係好嘅，點解唔一早sale 呢個point(況且而家周圍都講緊小班教學就更要顯出與眾不同啦) ？我相信大部份人只係suppose一班即係一個班房。喺辦教育嘅前提下，乜唔係以小朋友嘅健康、學習嘅環境、教育嘅素質.....等等為最大考慮咩？？您問我點，我都好想問返您我可以點？？？呢個moment出面好啲嘅學校都full哂啦，我仲好可以點？留低咩，又問題一大籮.....................................
      喺營商角度嚟睇，我喺中環地王租地方開公司，未注冊好就接生意做，咁啱又出咗事喎。咁我係咪同個官講 : 『我要做嘅嘢都做哂啦，你知政府部門做嘢慢架啦，法官閣下知唔知我啲租幾貴呀？我裝修間公司用咗幾多錢呀？！』得唔得丫？？？之後仲要同個客人講 :『你要嘅貨未得住噃，我唔係想推卸責任呀，我都唔想架，我諗住得架喎，咁你而家想我點先？』得唔得丫？？？

         我suppose您俾到我想要嘅嘢，我先會俾錢您，我只係想要返我要嘅嘢就咁簡單。我唔係想您俾返哂啲錢我，因為您補償唔到我嘅損失，我嘅時間、精神、我向其他人買呢樣嘢嘅機會。我亦唔係要揞口費，因為對我嚟講毫無意義。
         喺呢度祝校長可以書快解決所有問題。
                                                                     家長上

作者: karaqueenie 時間: 11-8-25 12:47

"我只係想要返我要嘅嘢就咁簡單。我唔係想您俾返哂啲錢我，因為您補償唔到我嘅損失，我嘅時間、精神、我向其他人買呢樣嘢嘅機會。"<-------- GOOD

同埋人地堅決唔想留響新校, 點解我又唔可以堅決唔返舊校呢?除非真係去到教署果邊真係無彎轉, 咪大家一齊搬去舊校囉, 做咩要拿全日班果10個學生去做犧牲品呢?

作者: MYL0808 時間: 11-8-25 13:22

雖然不能完全了解發生緊咩事,但我絕對FEEL到你們的難受,適逄今天我孩子的學校也開了家長會(雖然我的只是普通的學券學校),我的感覺剛好跟你相反,所以更能明白校方給家長的感覺真的很重要,希望你們的問題盡快得到解決!

作者: bearcat2003 時間: 11-8-25 13:22

學校前景的討論要迫家長保密?誰是受害者?唉!

作者: whychan777 時間: 11-8-25 14:39

嶺南???

作者: cycream 時間: 11-8-25 14:55

原帖由 whychan777 於 11-8-25 14:39 發表
嶺南???

KLN TONG THINK 48個小朋友一個班房事件

作者: 陳犇犇 時間: 11-8-25 14:58

唔識嘅家長只有相對無言，喺校門外每每聽到啲家長不斷講相同嘅說話『千揀萬揀啦』『屎啦，上咗海盜船添』唉，但係呢個時候可以點喎？

原帖由 bearcat2003 於 11-8-25 13:22 發表
學校前景的討論要迫家長保密?誰是受害者?唉!

作者: gtgy 時間: 11-8-25 15:14

事件令校方尷尬，家長、學生處於十分被動、無可奈何的情況下，是雙輸局面。

發洩過後，不如大家家長收拾心情，樂觀面對將來嘅挑戰啦！

原帖由 陳犇犇 於 11-8-25 14:58 發表
唔識嘅家長只有相對無言，喺校門外每每聽到啲家長不斷講相同嘅說話『千揀萬揀啦』『屎啦，上咗海盜船添』唉，但係呢個時候可以點喎？ ...

[ 本帖最後由 gtgy 於 11-8-25 16:39 編輯 ]

作者: whychan777 時間: 11-8-25 17:13

吓......咁迫........

原帖由 cycream 於 11-8-25 14:55 發表

KLN TONG THINK 48個小朋友一個班房事件

作者: whychan777 時間: 11-8-25 17:18

如果係 n 班, 當返PG....而家呢個時候都無計, 有冇試下打電話問其他心儀架幼稚園, 可吾可以留資料作後補呀?
黎更K班, 快d走人.......
你要加油呀.......

原帖由 陳犇犇 於 11-8-25 14:58 發表
唔識嘅家長只有相對無言，喺校門外每每聽到啲家長不斷講相同嘅說話『千揀萬揀啦』『屎啦，上咗海盜船添』唉，但係呢個時候可以點喎？ ...

作者: reei 時間: 11-8-25 17:47

sorry to hear about that. i guess you feel cheated, especially when it comes to our children, we strive to give them the best. i hope you find a good solution soon.

作者: hobby 時間: 11-8-25 20:16

其實開會前都知個結果係咁, 所謂冇期望就唔會失望 ...
我只知道, 當初學校所講的, 好像跟我得到的不同, 或我理解能力問題, 如果之前學校唔係咁答我, 我一定唔會放棄另一間學校 ... 我只不過想俾個小朋友開開心心, 沒有壓力, 可以聽多啲英文, 有機會接觸普通話 ... 或者, 是我太貪心

作者: 陳犇犇 時間: 11-8-25 20:26

應該咁講，係校方令到家長、學生、甚至老師處於尷尬，被動而更無可奈何嘅三輸局面。當然，嬲還嬲，都依然要面對，唔通仲等學校嚟安排咩？根本佢係十個煲三個蓋。

原帖由 gtgy 於 11-8-25 15:14 發表
事件令校方尷尬，家長、學生處於十分被動、無可奈何的情況下，是雙輸局面。

發洩過後，不如大家家長收拾心情，樂觀面對將來嘅挑戰啦！

作者: 陳犇犇 時間: 11-8-25 20:28

呢個咪係問題所在囉，真係俾佢害死

原帖由 hobby 於 11-8-25 20:16 發表
其實開會前都知個結果係咁, 所謂冇期望就唔會失望 ...
我只知道, 當初學校所講的, 好像跟我得到的不同, 或我理解能力問題, 如果之前學校唔係咁答我, 我一定唔會放棄另一間學校 ... 我只不過想俾個小朋友開開心心, 沒 ...

作者: McBonnie 時間: 11-8-26 09:39

本來 12人一班, 1 對 12.
甘依加48人一班房? 但有幾多個老師對依48人?

作者: karaqueenie 時間: 11-8-26 09:42

4 local, 2 foreign, 1PTH, 即48人加7個老師=56人在一個room

作者: PANCO 時間: 11-8-26 10:09

迫得咁緊要 ??

作者: iloveu3939 時間: 11-8-26 11:21

其實課室係幾大既, 而師生比例亦唔錯, 唔算好迫, 只不過如果係24人一個班房, 個房又唔需要咁大, 咁就仲好....
我上網check 過其他學校, 唔少係30人一班, 得2個老師, 師生比例1:15...
都有其他媽咪話有好多學校都係over 24人一班...

作者: 陳犇犇 時間: 11-8-26 16:59

首先個課室的確幾大吓，廿四人一啲都唔迫，但問題係校方個seting係俾48人用就有問題啦，可能全香港嘅學校都係30人兩個老師，師生比例係 1 : 15，但起碼人哋講到明係幾多就幾多，你讀就讀，大家都有得揀。我係一個卑微嘅生意人，我覺得明碼實價係最好嘅，對得人對得住自己。一就一，二就二，你賺人哋都要賺得人哋甘心先得架。
仲有我唔係好明人哋over係人哋嘅事丫，知唔知成件事個point喺邊先。照你嘅邏輯嚟講純計師生比例嘅話『我可唔可以喺一個大細合乎政府最低要求比例嘅貨倉，請15個老師。然後收120學生，之後再大大聲話你知我係 1 : 8 嘅小班教學。』唔知你會唔會俾你嘅小朋友嚟讀呢？？我仲會喺呢個(課室)開夠12個門口添。

[ 本帖最後由陳犇犇於 11-8-26 19:45 編輯 ]

作者: cpcog 時間: 11-8-26 22:06

Is it possible to change to another Think?

作者: bigbighei 時間: 11-8-29 12:59

如果48個小朋友係一個課室裡面, 雖然大啫但會唔會太嘈呢...? 我唔清楚內容,但作為家長小朋友人生第一個學年嚟講, 我真係唔想佢係一個好似街市咁既理境吓讀書...加油, 為小朋友而努力.

作者: BeBeMa1012 時間: 11-8-29 13:44

提示: 作者被禁止或刪除內容自動屏蔽

作者: wchow10 時間: 11-8-29 14:09

本帖最後由 wchow10 於 16-10-7 16:20 編輯

DEL

作者: 陳犇犇 時間: 11-8-31 09:30 標題: 嘔血嘅學校

30/8今日校方話要驗消防，全部下午校學生返個半鐘，提早放學。俾人嘅感覺好似校方做緊嘢，但係到晚上又收到ｓｍｓ。聽日又取消上課，因為消防未OK，所以聽日又要嚟過。天呀，咩嘢學校嚟架？你十六年嘅辦學經驗，就係咁樣？？一個月以嚟，俾我睇到嘅除咗啲老師幾好唔錯夠細心之外，成間學校一無是處，不知所謂。成個行政架構所做到嘅嘢根本一啲都睇唔到，一字記之曰『廢』，你啲老師幾好都無用啦

作者: iantsang 時間: 11-8-31 09:55

溫馨提示:

我們建議有關會員直接向有關機構反影意見。再一次提醒會員，由於文責自負，在投訴文章中，建議先遮人物或學校之局部名稱，亦請盡量留意用詞，免生誤會及負上不必要的責任。

懇請大家能保持冷靜討論的氣氛，不要人身攻擊或作出侮辱性的言詞。如再有不理智的攻擊言論，發言者將被禁言，讓其冷靜一下。

多謝大家合作!

版主 iantsang

歡迎光臨教育王國 (/)