教育王國

標題: 3.5yrs 終於有句子啦...好開心呀! [打印本頁]

作者: loklok0104 時間: 11-8-20 12:20 標題: 3.5yrs 終於有句子啦...好開心呀!

我細仔上年11月時係尤德做了一連串既體能/智力/語言測試. 佢認知及理解能力都好好, 醫生當時話小朋友各方面發展都正常. 但語言方面就遲緩, 大約係1-2歲之間(當時2歲9個月), 只有名詞 (dad, 哥哥, car car 花花, 波波......)，未有動詞，醫生話要再排期見語言治療師評估. 之後再係今年1月又再見另一醫生測言語, 當時醫生應該小朋友只有18個月既言語能力, 而當時細仔已經2歲11個月, 建議要排言語治療, 之後一直有返N1班, 而家排到下個月即9月就可做治療。

到而家細仔已3.5歲了, 終於有短句子啦(如: 我要游水, 我要玩車車, 呢個係我既, 我finish好飽飽呀......), 而且可以有簡單既對答, 真係超開心, 每次佢有新既說話, 一家人都非常喜悅, 可以笑足一整日. 性格變得越來越開朗, 成日都笑, 又主動同小朋友玩, 佢下個月將會返主流K1及開始做言語治療, 希望細仔可以不斷進步.

大家都要加油呀!

[ 本帖最後由 loklok0104 於 11-8-20 12:32 編輯 ]

作者: methy 時間: 11-8-20 12:45

原帖由 loklok0104 於 11-8-20 12:20 發表
我細仔上年11月時係尤德做了一連串既體能/智力/語言測試. 佢認知及理解能力都好好, 醫生當時話小朋友各方面發展都正常. 但語言方面就遲緩, 大約係1-2歲之間(當時2歲9個月), 只有名詞 (dad, 哥哥, car car 花花, 波波 ...

好開心呀~

識講句子，好大進步。

幾項治療中，言語治療好似係排最耐，期間有無上私人既?

作者: loklok0104 時間: 11-8-20 13:05

原帖由 methy 於 11-8-20 12:45 發表

好開心呀~ 識講句子，好大進步。

幾項治療中，言語治療好似係排最耐，期間有無上私人既?

係呀...真係好開心呀!

在一直等排言語治療期間, 我有報D協康會既PG, 及返N1, 而係同小朋友溝通方面, 一家都有改善, 因為我地以前係雙語, 而且好小同佢講野, 因為始終英文唔係我地母語, 而家會用單一語言, 及唔會同佢講BB話, 唔理佢識聽定唔識聽, 咩都同佢照講一餐, 慢慢小朋友儲左好多詞句就可以講到短句子.

作者: Capricorn2521 時間: 11-8-20 14:28

congratulations !

作者: sweetwai 時間: 11-8-20 22:51 標題: 回覆 1# loklok0104 的文章

聽到你仔仔有大進步，真係好開心同興奮呀！
我個仔2歲4個月仲係只懂單字，我日日不停同佢講野！希望怏Ｄ聽到佢講三個字既野！好期待

作者: awah112 時間: 11-8-22 00:47

提示: 作者被禁止或刪除內容自動屏蔽

作者: chlohong 時間: 11-8-23 16:56

好叻呀

我仔2歲仍只偶然會"呀呀聲"....

作者: loklok0104 時間: 11-8-24 12:00

原帖由 chlohong 於 11-8-23 16:56 發表
好叻呀
我仔2歲仍只偶然會"呀呀聲"....

仔仔雖然開始有句子, 但唔係經常, 只係間中, 大部分時間都係大空話, 所以還要努力!

下個月要去醫院再做見醫生做評估.

作者: Roseyuen 時間: 11-8-24 13:12

聽到一些正面的報導係好開心的事
我個仔2.8 yrs, 都係近呢一兩個月在引導下講短句, 自已講的都好少!
所以大家都一齊努力, 向著不同的目標進發......

作者: Ankabb 時間: 11-9-8 18:13 標題: 回覆 1# loklok0104 的文章

其實我仔同你細仔都好相似，我仔目前3歲，係2歲11月時評估有全面遲緩，約只得2歲左右，佢識行，識走，剛剛雙腳識跳但不高，說話除了疊字外，簡單句子亦可以，如我要落地地，我要睇書書或我要食奶奶，但不多，在未評估前，可能我大意，無察覺有大問題出現，只以為只是小朋友慢了小許，不以爲意，現在係私人上言語治療及政府做物理治療，正在排E位及等待政府言語及職業治療，9月已上K1,初初學校老師都有同我講我仔上課時好像不明白，我而家好擔心學校發覺後會要求退學。其實我還可以做甚麼呢？

[ 本帖最後由 Ankabb 於 11-9-8 18:18 編輯 ]

作者: Ladybirth001 時間: 11-9-9 10:06

Very happy to hear that!!

Blessings from God that all of our children who have "deficiencies" in one way or another can catch up with their peers of normal development.

歡迎光臨教育王國 (/)