教育王國

標題: 小一預備班 - 手冊上的老師評語(每週) [打印本頁]

作者: janssenma 時間: 11-8-8 09:58 標題: 小一預備班 - 手冊上的老師評語(每週)

大家好,我仔係小一預備班(第二組),介意分享你地小朋友手冊ge每週評語嗎 (即右下角tick格仔個table)?
我仔三個禮拜ge評語全部都係第二格,紀律更每次都係第三格(即扁咀),我問他為何扁咀,他說他有時跟隔離位同學傾計,老師有話過佢地,但無罰過佢.
我聽說其他組別朋友仔的評語差不多全部第一格,令我好擔心,係我仔真係有問題,還是不同組別有不同rating?
其實唔係想比較,只係擔心亞仔上小學課有問題而已,謝謝!
Janssenma

作者: meia 時間: 11-8-8 11:42

我個女返第5組, 佢的評語直係第2格, 冇第1格.

但係佢d堂課錯到飛起, 比老師寫住, "請認真完成"

我有話佢, 佢都唔知自己錯mut

佢做中文, 填充連抄都抄錯....

作者: Yanamami 時間: 11-8-8 11:56 標題: 回覆 2# janssenma 的文章

實在不必與其他人比較. 若然擔心他的紀律便多加訓練吧. 小一預備班只是小試牛刀, 正式開學便會更"楂正o黎做". 一般小朋友都是第二行的, 拿第一行那些是十分文靜和乖, 繼續努力吧!

作者: limehouse 時間: 11-8-8 16:10

原帖由 janssenma 於 11-8-8 09:58 發表
大家好,我仔係小一預備班(第二組),介意分享你地小朋友手冊ge每週評語嗎 (即右下角tick格仔個table)?
我仔三個禮拜ge評語全部都係第二格,紀律更每次都係第三格(即扁咀),我問他為何扁咀,他說他有時跟隔離位同學傾計,老 ...

阿女係第五組, 女仔可能性格較早熟較淡定, 第一個星期葉老師比哂第一格, 第二個星期五無返學而老師亦無補 tick, 第三星期陳老師比哂第二格。如果咁睇可能視乎老師, 葉老師較手鬆, 陳老師較嚴謹。唔好太担心, 老師個個性格唔同, 可能個老師係好認真又想及早向家長反映, 讓小朋友知道小學嘅要求比幼稚園較高 (其實係高好多, 幼稚園老師有時真係當小朋友好似 bb 咁 )我亦有聽聞九小嘅紀律係一年級會緊d，二年級會鬆番。
不過我諗你而家最緊要係要安撫下小朋友, 唔好令佢覺得自己表現唔好對學校有抗拒。你試下同佢講, 其實老師好愛惜小朋友, 希望教多d野比小朋友, 想小朋友好, 但係如果你上課唔留心傾計就會令老師唔開心, 亦會令老師好担心。最緊要係令佢對老師有正面嘅感覺, 唔好令佢覺得老師好嚴, 就算老師嚴都係想小朋友好。
努力呀, 我哋仲有好長嘅路要同小朋友行呀!

[ 本帖最後由 limehouse 於 11-8-8 17:31 編輯 ]

作者: kelvincheng 時間: 11-8-8 16:58 標題: 回覆 1# janssenma 的文章

阿仔都是第五組,他的操行都試過攞第三格,他是在上堂時和隔離位同學傾計,MissYip甚至要調位分開他們.當我們問清楚阿仔後,阿仔都知衰並應承只會在轉堂時傾計(但點都是要傾計...),上堂就要專心.

上星期就全部都是第二格,陳老師亦讚他上堂積極.

我覺得預備班是一個過渡期,讓孩子認識和習慣小學模式,老師亦能夠有多些時間和心機教導他們,家長亦可集中處理他們心理和行為上的問題,好讓他們迎接9月時正式的小一生涯.

作者: janssenma 時間: 11-8-9 10:02

謝謝大家的意見!
正正因為現在才是預備班,若有問題,也想快快糾正過來,免得到正式上學時才發現便煩了!謝謝!

作者: kalongma 時間: 11-8-9 21:30

我都讚成早d教,等佢知道九月份正式開學,老師會再嚴勵d!

作者: bobohau 時間: 11-8-15 21:48

你地好,我仔都係第五組架,一樣係第一個星期全部第一格,之後每個星期都是全部第2格,我都覺得好睇老師,中文老師比較細心,有時會加多兩句評語,不過呀仔返得好開心,有好多禮物帶回家,獎勵計劃對我仔的確好有用的~^^

作者: limehouse 時間: 11-8-16 00:27

原帖由 bobohau 於 11-8-15 21:48 發表
你地好,我仔都係第五組架,一樣係第一個星期全部第一格,之後每個星期都是全部第2格,我都覺得好睇老師,中文老師比較細心,有時會加多兩句評語,不過呀仔返得好開心,有好多禮物帶回家,獎勵計劃對我仔的確好有用的~^^ ...

你好, 我都係第五組。基本上阿女都好鍾意幾位老師。不過阿女話最鍾意葉老師, 但就有d驚麥老師, 重話好想好想葉老師做佢班主任喎。據知葉老師做開小一班主任, 所以可能忍受能力較強

[ 本帖最後由 limehouse 於 11-8-16 00:37 編輯 ]

歡迎光臨教育王國 (/)