教育王國

標題: 請教大家如何控制自己情緒？面對孩子的時候 [打印本頁]

作者: xixi1218 時間: 11-7-27 22:51 標題: 請教大家如何控制自己情緒？面對孩子的時候

請教大家如何控制自己情緒？

特別是面對孩子的固執
孩子的突然發脾氣
孩子的不停自我刺激等等
都會讓我“忍無可忍”。。。。。

我知道必須控制自己不要生氣，但是忍到最後，我還是會發脾氣。我發脾氣，他就會停，可是我知道這不是辦法。怎樣才能讓自己富有更多的耐心呢？？我的EQ越來越不行了。。。。。我想我要從改變自己開始

請教大家有無類似經歷？爲什麽就是有家長能如此忍耐呢？

作者: shirleycnf 時間: 11-7-27 23:27

我都係, 好唔開心, 點解要禁樣對我, 即使是上天覺得我有能力要委以重任, 我覺得真係好辛苦. 點解人地個仔禁醒, 可以專心上堂畫公仔又靚?! 我發癲罵他, 他又學足我罵番我轉頭, 我罵完他又好內疚,我好擔心他的將來, 唉...這就是我的人生, 永遠活在擔心, 激氣和內疚裹

作者: 蓮心 時間: 11-7-29 05:45

我在阿仔面前控制情緒OK,但就是不知道怎樣面對自己.有時自己會躲起來喊.止不住的流眼淚,我心內唔想喊架.

作者: longheifung 時間: 11-8-1 01:26

我都好唔開心,雖然說不可與人比較,但真係好唔開心,點解人地d小朋友可以返學畫畫上暑期班,可以同父母傾計,仲有問有答,點解只有我不停說話/發問,卻沒有回答?即使有,都只是部份單字?點解我每天都生活在擔憂,勞氣,內疚中?有時真係控制唔到自己而對個仔咆哮,甚至動手打他,我知他很無辜,很可憐,但我真係有時情緒失控,慶幸大部份時間,我都是以良好的情緒去教他陪他,所以個仔好貼身.但每次想起他的將來,我就會喊,當然是背著他偷偷喊,雖說上天知我有能力才叫我有這個兒子,但會否是自我安慰?如果有得選,我都想沒有這個能力!其實好像我們這些父母,真係面對很大的情緒問題,又唔敢向身邊朋友表達,因為知道他們不會理解,有些仲會戴有色眼鏡看我個仔,認為他"有問題".

作者: fatpam 時間: 11-8-1 07:13

無咁樣問題的朋友根本唔明白自己的痛苦，每次見到佢對人、事無反應，唔合作做訓練，唔受教發晒脾氣都好傷心。仲有個個月倒錢落海學d人人天生都做到的既野

見人地唔教d小朋友都咁醒

但我地唔可以放棄，否則未來我同佢仲慘，比心機

mouth:" />

[ 本帖最後由 fatpam 於 11-8-1 07:17 編輯 ]

作者: fishh322 時間: 11-8-1 11:39

提示: 作者被禁止或刪除內容自動屏蔽

作者: BKVIP 時間: 11-8-1 15:24

我都有問點解人地d 錢洗去培養小朋友學呢様學個様加強競爭力，而我d 錢就要用在訓練他基本能力上？

縱管別人已經跑得很遠，我們還在起跑點上，但當我見他有少少進步，我就會很高興。我生得佢出，就會永遠守護著他。

作者: shirleycnf 時間: 11-8-1 22:43

我有些'朋友', 超討厭, 明知我小朋友2年前不懂唱英文歌, 特燈見佢個仔表演比我睇, 又試過有些'朋友', 見到我個仔怕事大哭, 他們又扮他哭的表情, 我心裹面又傷心又氣憤, 從此唔再出值他們的gathering. 我昨天帶我小朋友學野, 個導師話個天很公平, 我沒有博他, 但我心裹面真的想講, 我真係唔覺得lor.另外, 我常常被我外家屋企人話我唔帶多d個仔出街. 昨天有機會跟我同阿仔出街, 看到我仔仔無時停, 終於明白我的苦衷. 我真係想知我前世做錯左d嘜野事. 我好少打我個仔,我仔仔都覺得我好錫他, 但我內心深處, 我真係好好好唔開心, 好想喊, 但我難過到流不出眼淚. 我相信真的只有同樣問題的母親才能明白我感受. :~~~~<

作者: BeBe媽媽 時間: 11-8-2 00:06

shirleycnf,
針唔吉到肉係唔知痛架!個導師跟本唔明白...就算係評估中心既職員或醫生吧!
我唔係話佢地唔一定明白我地既難處,只可以講佢地知道,但不是心裡明白果種囉!
我係全職媽,試過2次帶我仔出去同舊同事食飯,果位原本好FRIEND既舊同事,第2次同我講,下次唔好帶我仔出嚟喇!話佢坐唔定.個時我仔大約2歲大.
就係咁...之後佢約我飯聚,我都話要湊仔唔出得嚟...就咁不了了之 (我唔係ANGRY我朋友,只係,如果你唔LIKE,咁大家就唔好免強囉!)
你都可以得閒約我仔一齊出嚟玩架!
帶佢地去小D人既公園,比佢地走下....用晒佢地D ENGRY,咁佢地夜晚又會好瞓D,攰D無旭得咁多嘛! 呵呵

作者: JJran 時間: 11-8-2 15:32

原帖由 shirleycnf 於 11-8-1 22:43 發表
我有些'朋友', 超討厭, 明知我小朋友2年前不懂唱英文歌, 特燈見佢個仔表演比我睇, 又試過有些'朋友', 見到我個仔怕事大哭, 他們又扮他哭的表情, 我心裹面又傷心又氣憤, 從此唔再出值他們的gathering. 我昨天帶我小朋 ...

係朋友既即使唔可以身同感受, 都應該多D諒解同顧及你的感受, 如果我身邊D朋友做D禁討厭同幼稚行為, 我會選擇唔來往算~ 小朋友係要出街同去公園玩, 尤其好多A仔都在大小肌肉活動能力上比較弱, 要加強鍛鍊補救 !

我囝囝2.5歲, 只會偶爾講下單詞, 又未識雙腳離地跳起, 上落樓梯要搵人扶, 我最近常常同佢玩行樓梯, 要佢自己扶扶手行, 佢雖然都可以單手扶扶手自己行但無信心, 重有排練習~

[ 本帖最後由 JJran 於 11-8-2 15:36 編輯 ]

作者: yookko 時間: 11-8-2 23:11

請各位家長唔好灰心,我都是同路人,仲要加埋佢老表細佢4個月係資優,你話比較幾大!

我而家學會左感恩,冇人講過生出來的小孩一定係聰明伶俐,自己的小朋友有不足之處咪接受,由佢一歲開始到而家六歲,每日我自問真係冇一日停過,付出的心血不是外人能明白,每月訓練的費用更要$6,000-$10,000 不等,試乎嗰期攪什麼

不過付出係有回報,而家個仔由明顯的自閉兒童,到而家只係有固執行為,已經有好大進步,過程中自己有好大的得著,因學懂了對人的包容,真正無條件的愛,同幸福唔係必然,要靠自己努力,不要放棄

以前好擔心佢的將來,唔敢唔做工,就為左揾多些錢給他將來用,但有時真係唔駛咁擔心,天生我才必有用,盡了力便算,起碼將來望轉頭都無愧於心

作者: Capricorn2521 時間: 11-8-3 10:46

聽完大家的心聲，我都想發表一下。

我自已都係偏向少帶亞仔出去同朋友gathering。雖然知道小朋友要多接觸社群，但朋友gathering這個方式暫時其實吾太適合。我顧得同朋友social，又吾可以在亞仔身邊同佢介紹新事物或教佢野。所以，我地多數都係同daddy一家人揸車周圍去玩，加一個月一次親戚家庭聚會及去學校的戶外活動。

最近因為亞仔開始溝通同脾氣都好左，又聽話左，我先開始嘗試帶佢同d好close好close的飯腳朋友出席小型活動，因為飯腳朋友的小朋友都係活潑型(不是a仔)，gathering地點要有玩具/遊戲室果d，時間只有2-3小時，非常謹慎地安排。加上這些朋友個個星期都聽我講我亞仔的進展，佢地果d小朋友又吾係聽話，而且我個仔個樣又好cute，所以佢地都好接受我個仔，成日要我帶佢出黎，我先開始帶佢出去。

依家佢地仲話叫我地10月一齊去澳門2日1夜團(當然係兒童玩樂團果隻)，我答應了，但都有d擔心，daddy又吾去。Big challenge for me....我要好好安排一下。

作者: apple~y 時間: 11-8-3 16:03

朋友gathering,生日會我都無去好耐
平時都係同daddy行0下街算啦
我之前都有諗做錯左d嘜野事,攪到個仔0甘
懷孕時唔煙,唔酒,無亂吃藥,海鮮,深海魚都無吃
產前檢查做足,點解會0甘??
我一直都有自責,人0地又點會明呢種痛有幾痛.......
呻0下總好過收埋收埋係心度
喊完一陣企番起身,再努力過....

作者: xixi1218 時間: 11-8-3 17:02

多謝各位的分享，我只會和一些同樣情況的人分享，而沒有和普通朋友說起自己孩子的情況或者和他們一起去玩，雖然有些孤獨，但是有時候這樣反而沒有更多的刺激，當然也難免遇到一些尷尬的情況，我有什麽辦法呢，只有自己忍。所以就比較辛苦。我都不知道爲什麽付出這麼多，收穫卻這麼少，希望，我再付出多一點，收穫能再多一點。雖說只求付出，不求回報，可是誰不想有回報呢？？？最近處於情緒低落期，希望快些振作起來。。。。。

作者: yookko 時間: 11-8-3 20:36

Hi xixi 1218,

我最初和你一樣,好介意,唔敢比人知,我個仔i位,S位,E位都讀過,你話佢幾"傑出"呢! 但我漸漸悉懷了,唔介意比別人知道呀仔的不足之處,亦因為咁,你先知道你勇於接受同面對,先發現原來有好多隠形同路人係身邊,大家仲會交換不同資訊,有個同事仲同我一齊選小一,因為大家可以互相支持,

你要完全接受小朋友的不足之處,先可以更全面幫到佢,仲記得在他2歲多,一出街見人就喊,唔肯入MTR,我每天放工就帶他去公園,解釋其實其他人都好友善,遇到一些不太友善的人,我更主動去請他們向我個仔笑,去公園大概2個月,他便不再怕人了,所以你不要封鎖自己,正面一點

作者: fatpam 時間: 11-8-3 21:13

Try to join 努力試課程 (絕對是新手必備) and talk with those special parents. You will learn a lot from them. Many of them are very very friendly, helpful and give you some useful advices and trainning information.

Go to church and pray when you feel really bad.

[ 本帖最後由 fatpam 於 11-8-3 21:14 編輯 ]

作者: JJran 時間: 11-8-4 08:24 標題: 回復 3# xixi1218 的帖子

我相信總有些可以明白你和接受你孩子的朋友~ 我們這些家長的情緒起伏就一定有, 有時小朋友小小問題或身邊小小事物都會影響到...
我囝囝讀緊私人S位, 有時會羨慕某小朋友的言語能力和超人的刻板式記憶能力, 某小朋友的聽指示能力, 又有家長話羨慕我個仔可以好乖坐定定同上課時情緒穩定肯等候 (最近在家及出街多左發脾氣同喊)...但囝囝的理解力較差, 又有固執行為同玩手, 做訓練時有時令我好激氣~
你會唔報努力試? 我報左啦~或者參加協康的同心家長會, 識多D同路人傾下~

大家互相支持啦~

作者: Capricorn2521 時間: 11-8-4 11:02 標題: 回復 5# apple~y 的帖子

我懷孕時同你一樣小心。

可以我有一個朋友懷孕時食煙，情緒波動，又話要跳樓，同老公成日罵戰，反而佢個女好成熟，好留意人地的一舉一動，眉頭眼額，歲半講句子及能表示去大小便，2歲前已自動戒片。

作者: xixi1218 時間: 11-8-4 11:39 標題: 回復 18# Capricorn2521 的帖子

所以。。。。真是避無可避。。。會不會我們都太小心了？？呵呵。
命也。

作者: apple~y 時間: 11-8-4 11:54 標題: 回復 1# Capricorn2521 的帖子

大家同路人,感受至深
注定係自己,點小心都無用
之前一家人去酒樓飲茶,個酒樓侍應仲讚我
好命水1仔1女(細女4個月大),好美滿
咪笑笑口回應"係呀,係呀"
真係有苦自己知
細女4個月大健康院做發展監察都pass
暫時都放心

之前番普通幼稚園,巳經覺得個仔好另類
所以學校活動,親子活動都無參加
日常生活中尷尬情況時時有
下星期s位開學,希望幫到個仔啦
我都等仔仔好似你個仔開始溝通,情況好些
再試0下去朋友gathering

[ 本帖最後由 apple~y 於 11-8-4 11:55 編輯 ]

作者: Capricorn2521 時間: 11-8-4 12:59 標題: 回復 2# xixi1218 的帖子

太小心...

作者: Capricorn2521 時間: 11-8-4 13:10 標題: 回復 2# apple~y 的帖子

之前番普通幼稚園,巳經覺得個仔好另類
所以學校活動,親子活動都無參加
日常生活中尷尬情況時時有
*******過來人，好明白*********

我都等仔仔好似你個仔開始溝通,情況好些
再試0下去朋友gathering
*******雖然我仔A情況改善，但我開始擔心佢ADHD (因佢表哥專注力弱，比佢文靜都確診了)*********

作者: shirleycnf 時間: 11-8-4 13:34

其實我都想過報努力試, 但是我要番工真的不能請那麼多日假. 我真的覺得其他不是同路人不會真的明白我們的困難. 一係就話'你個仔無野呀, 好正常wor, 你太緊張啦', 一係就話'你都唔識教仔, 教到佢禁...'. 我先幾個月帶我小朋友做小手術. 我幫佢登記時, 佢不斷問我幾時走得, 我答完佢又再答. 個姑娘又不斷問我他有無什麼疾病記錄. 後來姑娘問我第4次倒, 我覺得有d奇怪於是我細聲告訴他我小朋友有d自閉傾向, 佢立刻大大聲兼好寸禁講 '睇得出啦, 我頭先問你禁耐你又唔講...', 我沒有博她, 但心底很難過. 我又試過比我其中一個親人話 '你個仔handicap架....', 唉, 不要計平日d族視目光, 又即使我唔同其他人的仔女比較, 那些難聽的說話, 牢牢在我腦海裹, 怎叫我不擔心我仔仔的將來呀, 我死左佢真係唔知點算...

作者: checkylam 時間: 11-8-5 13:27

可能身同感受的關係, 眼淚鼻水都不奇然流下來, 我有時都會自責是否懷孕期心情不好, 導致佢咁樣, 又是否自己不懂得教導佢,所以佢會好易發脾氣, 大哭, 扯大人的頭髮, 抓大人的面, 掉大人的眼鏡落地, 去樓下公園, 永遠自己走咗去, 我不能控制到佢, 所以都小了落街了,
坐地鐵又大哭, 去人屋企, 仲麻煩, 一陣間就大哭, 哭到要嘔, 人哋唔知就話我縱佢, 我可以點, 唔通唔走, 留係人哋屋佢, 等佢哭到嘔, 哭到人哋心都煩咩,
我都想同佢去多啲街, 但我一個人看實佢, 對我來說好困難, 先生又冇耐性陪她, 她又唔跟先生, 我又要番工, 我都好想唔做份工, 但係唔知以
我都好怕話給人聽她有問題, 究竟講咗會否對她好的嗎? 我知道我要話給老爺聽, 但我只是說佢與其他小朋友不一樣, 你同佢講野, 佢不會望你的,我沒有告知老爺聽佢現在是什麼問題, 不想令他傷心, 但不告知他, 他可能以為用籐條打她, 就會教好佢,
究竟呢條路會否有光明的一天? 對住佢, 我可唔以忍到唔發脾氣? 不其然又歎氣了!

作者: xixi1218 時間: 11-8-5 17:56

原帖由 Capricorn2521 於 11-8-4 13:10 發表
*******雖然我仔A情況改善，但我開始擔心佢ADHD (因佢表哥專注力弱，比佢文靜都確診了)*********

唉，我也是擔心，我懷疑我小朋友不止是A，應該還有ADHD的情況。。。。我覺得有些A仔都好文靜，坐的定，但是我個小朋友就動來動去的，又容易分心。不知道這是屬於A的一種特徵還是ADHD的特徵。。。。

作者: lnsit 時間: 11-8-27 23:11 標題: 回覆 1# xixi1218 的文章

真的要身同感受才能明白當中苦況,$是一個問題,時間也是另一個問題,小朋友要花額外時間學習一些基本技能,大人也要花心思找合適的課程.我是一個要返工且工作時間較長的人,要兼顧工作,家庭,及一個需要額外照顧的小朋友,實在很大壓力,加上和先生關係不好,沒有人分擔,真的很吃力.

作者: LPYdad1 時間: 11-8-28 01:17 標題: 回覆 1# lnsit 的文章

Dear parents,

Your writing is so heartbreaking. I knew raising an autisitic kid is so stressful. I hope your upset feeling is soon overcome.

My boy is diagnosed pan-autism at 2. When I heard the opinion from doc, my first thought is that I have to protect and save him from such development disorder. I will be his angel and guard.

Suddenly, I woke up. Should it be the other way round???

Let me ask you and myself a question.
If your kid is not autisitic, you probably path him to a traditional famous school. Forced him to learn piano, Eng pretending some westerner accent, learn this & that until your ideal model comes out.
I am surely I will be.

I have spent my lifetime saving to do treatment/therapy/training to him. I bring him to playground nearly everynight. He plays happily with other kids, gain a bit social activity. I can't work properly since my mind is all driven to his development. I bring him to gathering and church but I keep myself silent, only told some close friends, not becoz I am embarrassed to say his situation, but becoz I want him to be rectified by other people with their view, not under autism. And perhaps one day, he himself should explain to others what he has been through. (To a certain extent, I am lucky since his situation is close to non-autisitic kid)

I sometimes (actually nearly everyday)
lost my temper and yelling at him for his faults. What he did is gently complained with me that yelling is not good. I apologize to him.

He is actually teaching me how a parent should be. My son should be my guard and angel.

Please remember love pays. Maybe it is not today, but it surely does.

作者: xixi1218 時間: 11-8-28 17:40

原帖由 LPYdad1 於 11-8-28 01:17 發表
Dear parents,

Your writing is so heartbreaking. I knew raising an autisitic kid is so stressful. I hope your upset feeling is soon overcome.

My boy is diagnosed pan-autism at 2. When I heard the op ...

很好的分享，多謝~！

作者: 小肥mama 時間: 11-8-29 00:14

報努力試啦,真係終身受用架,其實唔係d咩『一定得』課程,而係改變我地作為父母既諗法同教法,由最初唔能夠接受,到上完堂後可以完全接受晒佢好同壞,只係維持左半年,已經好好彩,我見有d家長幾年都接受唔到,一講就喊,幾年都情緒唔好,點頂呀?!唔好俾藉口自己話冇時間,個課程係幫家長多過幫小朋友,家長識調節自己,奇蹟至會出現!and我都試過怕帶個女出去見朋友,上完努力試就可以識番d過來人,個個都好樂觀,有好大既情緒支援；另外睇左日本漫畫『與光同行』亦好身同感受,有d情節eg.個奶奶認為個亞媽唔識教仔、遇到d好好同好差既老師等等,好中家長既感受,係a仔家長既心靈雞湯

作者: 小肥mama 時間: 11-8-29 00:37

sorry,我想補充『藉口』既意思係,我3月上個course係全部夜晚上堂,我要返shift,都請假去,仲要老公一齊請埋假(迫老公去,一定要!)；但原來今期全部日頭上堂!真係難請假左d,絕對無『暮犯』之意,大家都係過來人,只希望大家可以同我一家人一樣,盡快得救!你問下幾時再開夜晚丫,個講員一年最少返香港2次架

作者: fatpam 時間: 11-8-29 07:11

小肥mama,
Please check pm

[ 本帖最後由 fatpam 於 11-8-29 07:13 編輯 ]

作者: xixi1218 時間: 11-8-29 09:21

原帖由 小肥mama 於 11-8-29 00:37 發表
sorry,我想補充『藉口』既意思係,我3月上個course係全部夜晚上堂,我要返shift,都請假去,仲要老公一齊請埋假(迫老公去,一定要!)；但原來今期全部日頭上堂!真係難請假左d,絕對無『暮犯』之意,大家都係過來人,只希望大家 ...

何須道歉，我能感受你的真誠分享。多謝~！

作者: JJran 時間: 11-8-29 22:32

原帖由 xixi1218 於 11-8-29 09:21 發表

何須道歉，我能感受你的真誠分享。多謝~！

你快D報名讀啦, 我自己報左都邀請樂天D同學個嫲嫲讀,聽佢話佢個女依賴佢教個孫仔,佢好大壓力, 而又唔知點入手, 聽左禁多意見, 我相信我同個同學嫲嫲都會有好大幫助.

作者: apple~y 時間: 11-8-30 19:00

原帖由 JJran 於 11-8-29 22:32 發表

你快D報名讀啦, 我自己報左都邀請樂天D同學個嫲嫲讀,聽佢話佢個女依賴佢教個孫仔,佢好大壓力, 而又唔知點入手, 聽左禁多意見, 我相信我同個同學嫲嫲都會有好大幫助. ...

想問0下樂天有無加學費呀??係咪要交雜費呀??

作者: JJran 時間: 11-8-30 19:39

原帖由 apple~y 於 11-8-30 19:00 發表

想問0下樂天有無加學費呀??係咪要交雜費呀??

PM 左detail 俾你, 請check!

歡迎光臨教育王國 (/)