教育王國

標題: 阿仔14歲面上好多青春豆點算好? [打印本頁]

作者: Sweetielo 時間: 11-7-27 00:07 標題: 阿仔14歲面上好多青春豆點算好?

阿仔14歲面上好多青春豆點算好? 有無媽咪知道解決方法可以分享吓. 謝謝!

作者: appletar 時間: 11-7-27 19:25

小兒有用body x 的 tree oil 產品洗面. 價錢唔貴好work

衰仔成日洗, 照鏡, 用mask 用控油日霜,依家幾靚仔, 可以試試.

我得閒煲羅漢果水清熱, 食綠豆沙,西瓜, 龜0高等等...不過你

要知佢受唔受得太涼, 上吓 body x網看看
.

作者: mio8390 時間: 11-7-27 19:32

我囝囝是飲羅漢果水；龜靈膏和清水洗臉，都OK。

作者: appletar 時間: 11-7-27 21:11

不過都要戒口, 唔好食M記, 家鄉記, 煎炸野, 勤洗面

如果通通唔work, 最好看皮膚專科呢d錢冇得慳

作者: Sweetielo 時間: 11-7-27 21:26

唔該晒兩位媽咪既寶貴資料, 我會叫阿仔試吓.

作者: appletar 時間: 11-7-27 21:57

sorry 唔記得話你聽食苦瓜或苦瓜汁 (加平果汁冇禁苦) 都好好

我仔呢幾年都冇食熱氣野, 好忍得口, 佢都好緊張塊面, 依家都冇爆粒粒

祝成功

作者: Sweetielo 時間: 11-7-27 22:43

Thank you so much for your sharing.

作者: Sweetielo 時間: 11-7-28 23:03

appletar, 今日去Body x 睇過茶樹系列有好多產品, 你仔仔用咗好work唔知係咩product 呢? 我諗住買佢既皇牌茶樹油. 洗唔洗買茶樹潔面啫喱 or 潔面泡沬?

作者: appletar 時間: 11-7-29 17:45

你好, 茶樹潔面啫喱 or 潔面泡沬功效一樣我覺得jelly($)抵用, 泡沫就涼d (塊面好清涼)

另外茶樹blackhead, 一星期用一兩次, 洗走鼻哥黑頭

衰仔得閒又用茶樹mask,

我最鍾意用 seaweed day cream (其他系列, body x 有買)
洗完面搽, 塊面好鬼滑好爽佢有控油作用塊面冇咁油

你可以叫 "sale士" 俾 sample你個仔手背試, 有冇敏感先好買
問下佢地意見

作者: appletar 時間: 11-7-29 17:51

sorry, 你都要用 facial wash skin clearing jelly or 泡沫

再用皇牌茶樹油去消炎

作者: Sweetielo 時間: 11-7-29 22:55

appletar, 多謝你既回覆

作者: opyan 時間: 11-7-31 19:52

提示: 作者被禁止或刪除內容自動屏蔽

作者: eviepa 時間: 11-8-1 19:31

十幾年前曾經和一個朋友閒聊，講到暗瘡的問題。他說年少時暗瘡初起，爸爸馬上帶他求醫，暗瘡就應聲而治。聽完我呻笨，年少時也是滿面暗瘡，但卻沒有一個這樣的爸爸，所以被暗瘡煩擾了很多年。到二十一歲，有資格投票還未拖過女仔手也可能與此有關。

女兒深得乃父真傳，去年這個時候，暗瘡也像我當年，越演越烈。我便帶她去看醫生。我問：「暗瘡可不可以在疹所治療？」醫生答：「暗瘡係病黎架，要醫架。」醫生看過情況，給她一支藥膏，搽了幾星期，暗瘡就基本上治癒了。所費只是百多元而矣。

作者: ZZdaphne 時間: 11-8-1 20:12

原帖由 eviepa 於 11-8-1 19:31 發表
十幾年前曾經和一個朋友閒聊，講到暗瘡的問題。他說年少時暗瘡初起，爸爸馬上帶他求醫，暗瘡就應聲而治。聽完我呻笨，年少時也是滿面暗瘡，但卻沒有一個這樣的爸爸，所以被暗瘡煩擾了很多年。到二十一歲，有資格投票還未拖過女仔手 ...

咁你女有無再出新的,
我買OXY畀我女用,好好多,
都會有爆1-2粒.

作者: eviepa 時間: 11-8-1 21:51

舊年就係雨後春筍，而家就間中爆一兩粒，差好遠。

作者: LittleKidult 時間: 11-8-2 00:22

我仔13~4歲開始爆到好誇張好多, 同電視果個廣告個人差唔多, 又大汗, 又多黑頭, 試過d o?y不過效果唔大, 後來買d洗面膏比佢洗面, 情況冇嚴重到, 一路洗, 呢一年(18歲)就轉左果隻苦瓜xxx洗, 情況大有改善, 回服正常人咁(唔知係咪大個左?????) .....

作者: homama 時間: 11-8-3 16:16

hi, eviepa,

Can you pm me the name and telephone no. of the doctor? My daughter has the same problem.

作者: eviepa 時間: 11-8-3 22:45

各位：

我無意為我的醫生賣廣告。從兩個朋友、一個女兒的個案中，我估計每個西醫都能治好暗瘡，並非我的醫生特別出色，犯不著山長水遠到我附近看醫生。找自己的家庭醫生吧。

不過，如果你們的醫生真的不能醫好孩子的暗瘡，請告訴我，讓我知道，原來我的醫生有獨到之處。我那時才向廣大BK國民推許他吧。

作者: eviepa 時間: 11-8-3 23:14

homama,

Check PM

作者: hhma 時間: 11-8-4 11:04

好多都係要食藥(唔知係咪類固純tim呀)
同埋支藥膏都唔平lor

原帖由 eviepa 於 11-8-3 22:45 發表
各位：

我無意為我的醫生賣廣告。從兩個朋友、一個女兒的個案中，我估計每個西醫都能治好暗瘡，並非我的醫生特別出色，犯不著山長水遠到我附近看醫生。找自己的家庭醫生吧。

不過，如果你們的醫生真的不能醫好孩子的暗瘡，請告 ...

作者: TUNGLOKMOM 時間: 11-8-4 12:09

請pm給我醫生資料, 謝謝!

作者: annie40 時間: 11-8-4 14:47 標題: 回復 21# Sweetielo 的帖子

Sweetielo,

以下是十分有效, 免费又健康的做法, 是一个生产化妆品的朋友提供的:

a) 早午晚各用清水+米醋 (约两茶匙)
米醋要用纯醋 (不含醋精的) 来洗脸.

b) 如青春豆严重, 可在患处直接用棉花掏上少许清水+米醋, 掏在发炎的部位上, 一至两天, 青春豆便会退却.

c) 早上起床, 先喝一杯鲜果汁 , (最好是苦瓜+萍果), 或是其他时令鲜果也可. 然后进食一点水果.  隔两小时才进食早点.

今天的护理品和药品含大量Chemical, 可免则免吧!

以上方法也十分合适皮肤护理, 妈妈爸爸可一起做, 效果显著.

annie

P.S.  健康是要earn 回来的, 检视生活习惯, 作点小改变, 对全家有益的多做点.  孩子都精灵国人.身心更健康.

作者: annie40 時間: 11-8-4 15:00 標題: 回復 1# annie40 的帖子

a) 早午晚各用清水+米醋 (约两茶匙)
米醋要用纯醋 (不含醋精的) 来洗脸.

讲得唔清楚:
清水一盆+米醋 (约两茶匙) ,
往脸上拨洗约半分种, 用毛巾擦乾后便可, (不要掏任何护理品).

Good Luck.

Annie

P.S. 试过有用, 可送个哈哈笑给我.

作者: Sweetielo 時間: 11-8-4 23:43

Hi annie40,
很多謝你提供方法, 剛剛買了茶樹產品給阿仔試, 不知可否同步用你的方法呢?

eviepa,
如果阿仔情況未有改善便要去求醫, 可否pm醫生資料給我, 謝謝.

作者: annie40 時間: 11-8-5 12:53

Sweetielo,
我提供的是天然方法, 如茶树产品也是天然物便无妨, . 如含化学等添加剂, 最好不要一起使用.
另饭后可吃一茶羹醋, (可加点水匀和) ,帮助消脂, 排便. 对身体大有益处. 听闻中央领导班子也常用这种简单的保健法.
去除暗獊之苦. 孩子的青春期会开心D.
annie

原帖由 Sweetielo 於 11-8-4 23:43 發表
Hi annie40,
很多謝你提供方法, 剛剛買了茶樹產品給阿仔試, 不知可否同步用你的方法呢?

eviepa,
如果阿仔情況未有改善便要去求醫, 可否pm醫生資料給我, 謝謝. ...

作者: yan98 時間: 11-8-5 21:24

睇中醫都得架, 可以慢慢調理.
小女前一年開始青春期, 額前長滿好多, 好大粒暗瘡, 經過三-四個月中醫調理, 好番好多... 到現在間唔到會有二, 三粒, 相比一年前好好多.

作者: Tommy 時間: 11-8-7 12:32

時下年青人喜歡前額留長髮，長到遮蓋整個額頭，這樣對皮膚無好處。如果佢留長髮，試下叫佢飛短d頭髮。

歡迎光臨教育王國 (/)