教育王國

標題: 哥哥報P1 + 妹妹報K1 + 搬屋? [打印本頁]

作者: Amumof2 時間: 11-7-22 18:58 標題: 哥哥報P1 + 妹妹報K1 + 搬屋?

當計劃哥哥報考直資/私立小學的同時(2012年入學), 又要忙妹妹的K1報名(同是2012年入學), 過程中有很多考慮因素, 相信有不少父母情況類似, 不知道大家可否給我一些意見? 萬分感激!

1. 當幫哥哥報小一時, 當然最想係一條龍, 更希望可以帶到妹妹入同一間學校, 但這意味著不會幫哥哥報男校?

2. 當幫哥哥報小一時, 不同的直資/私立小學地區也不同: 油尖旺的陳守仁, 將軍澳的播道, 到柴灣的HKUGAPS都喜歡, 家住馬鞍山, 但如果入了其中一間, 豈不是要搬屋?

3. 如果搬屋, 那妹妹唸的K1最理想也同區方便照顧, 豈不是妹妹報考K1時, 但凡哥哥報P1的區的幼稚園都要報, 因為不知道哪一間學校收哥哥??

哥哥大抽獎只得15分(妹妹更慘10分!), 為了安心一定幫他報考直資/私立小學, 但又要考慮相隔三年的妹妹, 真的很煩!

其實大抽獎制度下反而會幫到妹妹, 但只得15分又有誰會”博”?

作者: ChristieMing 時間: 11-7-22 21:13 標題: 回復 1# Amumof2 的帖子

我同你一樣, 家中大仔報考小學, 細仔報考幼稚園, 亦有搬屋的打算。

初初我也像你那樣, 各區都總有些喜歡的, 但基於自身條件所限制, 即使真的會搬, 也不會搬往香港島, 所以最終決定放棄報考港同。

而且, 我們若真的要搬, 已經target 了某地區(九龍), 所以, 以這個範圍來報考, 小學/幼稚園亦是。

大仔的性格與細仔的很不同, 適合大仔的未必適合細仔, 我已經有心理準備, 大細仔會返不同的小學, 再者, 很多直資/私小, 哥哥在校, 細的報考, 亦不會加很多分, 即代表細的未必可以入讀大的的學校, 這不同津校的。

作者: 小曳人 時間: 11-7-22 21:33

如果你本身對男女校或齋校無偏好嘅，咪樣樣報d囉！睇吓邊間學校同哥哥有緣！既然都打算同妹妹報直資私小，就唔好諗幾多分啦！其實大部份嘅直資私小都只係話有兄姐同校加少少分，嗰少少分未必帶到妹妹入同一間學校架！
其實最隱陣嘅，就係搬出九龍喇！

我大細仔都係爭3年，我就由馬鞍山搬出大圍，兩兄弟可以一齊出九龍塘返KG，我都鍾意HKUGA，不過太遠喇，唔報喇！

作者: chloecolin 時間: 11-7-22 21:55 標題: 回復 3# Amumof2 的帖子

我和你同一命運噢！我都係住ＭＯＳ。。。亞囡９月Ｐ１，亞囝９月Ｋ１，我們都是上年度考回家姐的幼稚園（ＫＯＷＬＯＯＮ　ＴＯＮＧ），家姐照樣大抽獎，結果差異

　於是圍繞住沙田及九龍區叩門，好彩地由沙田／九龍城／荔枝角都有學校取錄，最後意外地有九龍塘區學校取錄小囡，真是一天光晒

為了小朋友上學方便，再決定呢兩個月內搬往大圍！　
我希望你都可以和我一樣！船到橋頭自然直，

作者: 莎莎莉莉 時間: 11-7-22 22:26

我的情況一樣喎.
但係我無咁有野心.
target的學校, 盡量都係自己湊到佢返學的.
我住天水圍, 諗住報外家的深水埗網.
同時報埋天水圍同屯門的直資.
屋企附近間直資收, 就讀佢
細佬係番阿哥間幼稚園讀, 唔駛煩.
唔收, 出去大抽獎.
Target學校都係坐西鐵可以湊到佢,
到時預45分鐘返學.
細佬可以讀番原來間幼稚園.
又可帶埋細佬入讀小學.

有親戚問我要唔要佢個地址抽喇沙.
我就唔制了, 抽到, 點? 搬屋?
我一家四口加工人, 諗起都煩.
出番市區仲一定係生活環境質素大下降.
我覺得對小朋友來講, 一定要俾到個好的居住環境佢地. 等佢地身心都可以健康成長.
唔係一味睇學校.

作者: ah-ho 時間: 11-7-23 09:59

我都分享下我既經驗。
我大仔今年入小一，細女入K1。
住沙田區。

舊年報學校時，只鎖定九龍塘一帶既學校原因係我們覺得呢到就係我們能接受最遠既距離，太遠既話，小朋友及大人都會好辛苦。例如打風落雨、見家長、小朋友有突發事情.....。故此去年大仔細女都只會係呢區內選學校讀，希望就係就算要跨區，都跨到差唔多附近，唔好一個東一個西。

結果都算好彩，今年我大仔係區內抽到大獎，唔使出去九龍塘。細女則比St Cat紅磡新校收左，但都嫌太遠（又無校車），加上有哥哥學校墊底，所以放棄埋St Cat而只係區內讀。

作者: Amumof2 時間: 11-7-23 14:40

很感激大家的分享!

其實我們十分喜歡馬鞍山的環境, 小朋友的設施配套很好, 又近海又沙灘, 對的, 居住環境也是小朋友成長中的一環.

馬鞍山出九龍塘返學大概多少時間? 左停右停一小時也要吧? 不過, 考到再想吧!

多謝大家, 我想我會縮窄報考學校的範圍了.

作者: jonasmami 時間: 11-7-23 14:49

歡迎光臨教育王國 (/)