教育王國

標題: 想問問有小朋友岩岩讀完K2 既KV家長.... [打印本頁]

作者: onelokgor 時間: 11-7-19 10:47 標題: 想問問有小朋友岩岩讀完K2 既KV家長....

呀女黎緊K2啦, K1既生涯都好易過, 但聽老師講, K2會辛苦好多, 日日中, 英, 數功課唔走得甩, 而且, 仲有DICTATION! 我想問問K2既程度係唔係真係辛苦好多呢? 因為呀女比麻麻湊,K2又要返PM , D休息時間已經唔同哂~ 我怕老人家未必HANDLE 到...THANKS!

作者: 靚媽唔易做 時間: 11-7-20 10:56

我女今年9月會升k3, 唔使擔心, k2確實係比k1多功課, 經常默書同要做評估. 基本上我都無同阿女温書的, 每日佢做完功課等我返去check, 基本上連邊日默書我都唔知. 主要我唔想比佢覺得有壓力, 只要佢上堂留心聽書考試默書就無問題的, so far佢派返d成績又唔錯的.

以前未讀kv前成日聽人講呢間學校無童真, 死谷爛谷自己都有d擔心, 但到目前為止我女日日都好like返學, 感覺佢同一般幼稚園既生活無乜分別, 成日都好好唱口......kv程度較深但小朋友又讀得開心, 我真係好佩服呢間學校既校長同老師. 大家唔好再比坊間既謠言嚇親.

作者: yiptszman10 時間: 11-7-22 23:27

我個仔今年9月會升k3,不用担心.
我個仔己習慣左自動自覺每天做三樣功課(中英數).

作者: onelokgor 時間: 11-7-26 10:04

多謝哂你地呀~ 見到你地既回應都安心D ~ 呀女SO FAR 返學返得好開心, 希望可以KEEP 住落去啦~

作者: cautionchan 時間: 11-8-5 18:41

想問K2 要帶D 乜, 筆袋, 筆, 毛巾, 同水樽??
KV 真係好得, 我小女都學得好好, 初時以為英文不及國際學校, 但原來並不是, 真係好好.
我小女升K2, 呢家都有同佢開始背下英文生字, 計下加減數, 俾佢熟悉下

作者: toto510 時間: 11-8-20 09:02

過左一年K1仔生涯, 我都覺得係超值既. 因為佢真係"教"學, 小朋友係學校真係學到野.我又好欣賞佢地既環保之旅project, 小朋友係生活中亦成日同我講環保,成日提醒我.連佢最鍾意既泡泡浴,都話唔好啦."用花曬啦,會浪費好多水,地球叔叔會唔開心."老師又佈置到成個課室好似遊戲房咁,用廢物做遊戲.我阿仔開心到不得了!
希望未來兩年都繼續係愉快學習.

歡迎光臨教育王國 (/)