教育王國

標題: 人生交叉點,幫吓我禁點........... [打印本頁]

作者: venuslalajoe 時間: 11-7-17 04:02 標題: 人生交叉點,幫吓我禁點...........

人生交叉點........幫吓我而家點.........唉
話說小女今年入讀小一啦,咁我一心等大抽獎(我覺得會抽到頭志願@)
點知抽得好差,第15志願(本區得18間)

咁就開始問人邊間邊間好,開始通宵學整profile,一一去叩門啦!跟住續一去面試....
點知一間又一間收左小女,本來都好開心,7月2有3間要做決定....
⋯⋯我就不停打比d教育介的人問四選一,選邊間,全部都要搭校車,
係十五十六,有兩間分唔到高下,已經到期要揀,

咁就比左小女自己揀,

由6月4日到7月2日決定要去註冊,註完冊終於笑得出,可以鬆番一口氣..........
點知道! 上星期五屋企下面果間又打黎收左小女........................
天呀!我一早未搵出面d學校,你又唔收我,而家終於揀到啦,書又買晒,校服又買晒啦.....佢又收左我.........經過一鄰討論(有火藥味),我家老人家唔想個孫禁早起身出去搭兩輪車,最終揀左近屋企果間..........我真係好唔開心

禁難先入到的禁好既學校....
點知今朝,又收到一間打比我,收我女女.

係唔係個天比多一次機會我個女呀????
你地話我應該點好呀!
其實我可以為個女近些而搬屋嫁.

[ 本帖最後由 venuslalajoe 於 11-7-17 04:05 編輯 ]

作者: venuslalajoe 時間: 11-7-17 04:08

我睇左好耐,d中學派位,出面好似好好多

作者: cherry媽咪 時間: 11-7-17 04:32

個女係你嘅，何須由老人決定？他/她是教育界的嗎？

作者: talknwrite 時間: 11-7-17 07:31

孟母三遷, 如果搬家不是問題而又可以有選到間好的而又喜歡的, 你阿女往後要讀六年. 當然是搬啦.

作者: ha! 時間: 11-7-17 07:31

提示: 作者被禁止或刪除內容自動屏蔽

作者: 已刪除用戶 時間: 11-7-17 10:03

可以搬屋最好啦, 如果你真係去左遠果間, d老人家實係日噏夜噏... 話要搬佢地就無咁多聲氣, 因為唔想你地搬.. (sorry, 咁講唔係好尊重添... :p)
btw, 轉兩程車的確係辛苦, 有無D地方只係一程, 又近d老人家, 就免傷和氣啦.
又btw, 競爭咁大, 梗係要間好學校!

[ 本帖最後由 evacalbee 於 11-7-17 18:43 編輯 ]

作者: lojo11 時間: 11-7-17 10:11

睇下邊個小學升中好... 如果唔係太遠, 早D都OK啦... 我個小朋友叩左幾間, 幾間都收, 我明白當中要去選擇, 都真係幾煩... 祝你會有個最好的選擇...

作者: babybear 時間: 11-7-17 13:28

我會考慮既就係：
車程除非近到自行步行返學，否則同區上車時間未必一定晏跨區返學上車時間好多。
重有就係，邊間學校程度較好？
邊間學校校風較好？
邊間學校果區既中學較好？
邊間學校升中較有保障？
邊間學校樣樣都好但又較適合自已小朋友既氣質？

[ 本帖最後由 babybear 於 11-7-17 13:30 編輯 ]

作者: 2wsx 時間: 11-7-17 13:55

提示: 作者被禁止或刪除內容自動屏蔽

作者: 已刪除用戶 時間: 11-7-17 14:57

要講全方位, 我覺得學校教學質數, 同升中前景, 比近唔近屋企更緊要(當然太奔波小朋友都會辛苦)
我自己住12網(灣仔網, 人人都話very good), 偏偏心儀既係柴灣既一間學校(要搭車仲要交學費), 我自己覺得值就ok
想當初, 老人家都有意見, 覺得屋企附近咁多免費又好既學校唔揀, 揀間無咩人識既學校, 我老公都唔係100%支持我決定, 但我自問做過功課, 知道自己想要d咩, 我老公亦相信我唔會亂黎, 所以都俾我揀 (<-呢樣至係最緊要, 你知唔知自己想要咩?)

原帖由 2wsx 於 11-7-17 01:55 PM 發表
我不敢教你如何去做，但希望以下的問題可幫到你

1) 破壞了的關系可以復維嗎？
2) 用交通時間換親子時間，會不會對孩子更好呢？
3) 6年後你所選的學校，必比你放棄的好嗎？

教導孩子，必須全方位，相信不善忘的你都會記得早前有一位 ...

作者: To_Ma 時間: 11-7-17 16:58 標題: 回復 1# Charlotte_mom 的帖子

問你自己的心，小朋友是你的，只有父母才可決定小朋友的學業前程。

作者: 888Henry 時間: 11-7-17 19:59 標題: 較科學化的自我評估

提示: 作者被禁止或刪除內容自動屏蔽

作者: 888Henry 時間: 11-7-17 20:44 標題: 一個重要的補充

提示: 作者被禁止或刪除內容自動屏蔽

作者: wtma 時間: 11-7-17 21:02

我的小孩也是今年上小一, 去年的這個時候也是我和先生對這問題爭執最多的時候! 最後的結果是:
選擇在家附近不太差的小學, 這樣可以讓小朋友有多些時間學習, 如果成績好的話, 待小三/四有機會插班好學校.

不知道結果會係點, 但父母和小朋友的關係會好D, 小朋友也有了目標!

多選擇係好, 但也令自己無故多了煩惱!

作者: MW9919 時間: 11-7-17 21:22

計我話出世紙為準，父母一欄邊個有名就邊個話事！亦都係不可推卸的責任。
所以樓主唔應該一五一十報告晒小一選校最新動向俾老人家知，人多口雜又有火藥味何苦呢，校服同書都攪惦，間學校又好。除非家人係退休教員或校長主任，意見就值得參考。

作者: chingchungdin 時間: 11-7-17 21:39 標題: 人生交叉點,幫吓我禁點...........

我都經歷了類似情況, 不過先收到同區的offer, 再收到跨區不同的offer. 但最後衡量完各校的時間表, 校車接送及時間, 課外活動的時間和選擇, 教學理念和中學網後, 發覺以下幾樣不能忽視部份..
1) 小學校車和幼稚園不同, 通常是大旅遊巴, 路經多個站才到目的地, 故要考慮清楚學童每日要承受的旅程
2) 小學課外活動和幼稚園不同, 小學讀六年, 如果地區太遠而又没有額外的校車安排, 學童會少了機會參加活動, 亦變相少了社交圈子和其他發展機會
3) 現時的選中...不一定只跟小學區網..還可申請以住址作選擇中學網...
4) 要考慮和清楚小朋友的想法, 現今六歲小童己不再是没有自己意願的, 尤其經過這場有份參與面試的競賽...要是她們對那間小學有期待有好感, 必須清楚明白, 如與父母期望不一, 父母需要體諒和解釋清楚, 否則...她們容易對升小一由期待變成恐懼.

如能將心比己的為小朋友幻想小學每日的生活和將會面對的新同學, 亦是一個比較容易作決定的方法.

其實每間學校都有佢好的地方, 要取捨是難, 但也要放得低, 與小孩一起向明天出發.

祝小朋友和一家人都能開心面對新的將來.

作者: Jasmine-4711 時間: 11-7-17 22:30

視乎升中派位及個人能力(有些孩子谷都冇用,我friend個仔入了英華都要退學),孟母可以三遷,你搬都值得.

歡迎光臨教育王國 (/)