教育王國

標題: 學什麼課外活動對升中有幫助呢 [打印本頁]

作者: minejoujou 時間: 11-7-16 13:18 標題: 學什麼課外活動對升中有幫助呢

女女有學ballet,一星期兩堂,我怕她會累,想唸住停下,想問下ballet對升中有沒有幫助呢?

作者: overview 時間: 11-7-16 13:22

當興趣都ok, 對升中就沒有幫助.

原帖由 minejoujou 於 11-7-16 13:18 發表
女女有學ballet,一星期兩堂,我怕她會累,想唸住停下,想問下ballet對升中有沒有幫助呢?

作者: talknwrite 時間: 11-7-16 13:34

辯論或演說

作者: kenfu 時間: 11-7-16 13:39

提示: 作者被禁止或刪除內容自動屏蔽

作者: minejoujou 時間: 11-7-16 16:23

我女今天才升小一,想轉其它活動比女女試試,有咩好提議呢,而樂器方便又有咩適合?

作者: enthalpy 時間: 11-7-16 19:37

游泳最有用.尤其名校,收下料邊d泳會同邊間中學有"聯絡".今年名英中學位咁緊,有個派唔到第一志願(名女校),搵泳會教練幾個鐘內搞掂,唔駛面試,直接去註冊.

作者: Carmen2004121 時間: 11-7-16 20:44 標題: 回復 1# enthalpy 的帖子

我對這點有保留 . 上年有個師姐 , 游泳好好 , 學界有獎 , 多個區賽有獎 , 泳會推薦入女名校 , 但要考筆試 , 結果成績未達標吾收 .

作者: minejoujou 時間: 11-7-17 00:03

原來游泳除了強身健體外，重有另外既好處，多謝你的意見，還有其它嗎？

作者: vincher 時間: 11-7-18 00:50 標題: 學什麼課外活動對升中有幫助呢

千萬別選鋼琴，朋友兒子8級+比賽冠軍，自行/扣門也不收，反而5級FLUTE(/小提琴/二胡)更吃香。個人認為：心儀中學精哪方面，你就學吧！當然也要考慮子女意願+興趣~~

作者: redkoni 時間: 11-7-18 01:44

原帖由 vincher 於 11-7-18 00:50 發表
當然也要考慮子女意願+興趣~~ ...

咪係, 話明是課外活動, 樓主千金才剛剛升小一咋, 咁快開宗明義變成六年"升中指定課外活動"! 我會存疑小朋友真係有幾多個靠課外活動升中囉? 2%?

子女參加自己喜歡的課外活動, 身心健康, 讀書都醒神啲, 咁先至係對升中的最大幫助嘛.

作者: Yanamami 時間: 11-7-18 07:29

FYI,

http://forum.edu-kingdom.com/viewthread.php?tid=2311827&extra=page%3D1

作者: minejoujou 時間: 11-7-18 09:16

所以咪唸繼唔繼續學囉,

因為再學多一,兩年先cut,不如依家cut,定係唸俾女女學d學術牲既班,eg.英文班,中文班,寫作班等.....

作者: redkoni 時間: 11-7-18 15:01

原帖由 minejoujou 於 11-7-18 09:16 發表
所以咪唸繼唔繼續學囉, 因為再學多一,兩年先cut,不如依家cut,定係唸俾女女學d學術牲既班,eg.英文班,中文班,寫作班等.....

如果囡囡願意和有興趣去學跳ballet, 我唔知點解你想cut, 一星期跳兩次怎會累, 定係如果ballet有乜grade, 升中自行收生會加分20%你即刻唔cut, 幾累都要學? 我不是精於計算之人, 我個女都有學跳ballet, 有學鋼琴, 佢喜歡但我好清楚佢不是好人才, 佢連考呈分試前夕都如常上堂練習, 也無阻佢升中; 課外活動沒有好戰績, 不是資優, 又從來無補習, 也無阻佢升上所謂Band1中學. 出去參加英文班, 中文班, 寫作班...小一課程巳足夠, 課外活動又變返附加課內活動, 又何必呢!

作者: Marie貓貓 時間: 11-7-18 15:15

乜課外活動唔係為孩子興趣 & 陶冶性情嗎，點解攪到好似投資咁。再說，現今社會那個學生不會有1、2 種本領傍身，若非有公開認定性的賽果也不會加分。

我家2 小姐習琴數年，還是今年才安排她年尾考琴，為的祇是讓她認定自己所學的目標。

作者: vincher 時間: 11-7-18 19:07 標題: 學什麼課外活動對升中有幫助呢

趁小孩年紀小，當然學甚麼也沒問題！始終意願+興趣為先。但題目是學甚麼對升中有幫助，我才有此建議。如果學了多年鋼琴，有能力+時間分配行，我也選擇繼續學。但如何孩子感吃力，就別加那麼多英語/寫作班，況且坊間/學校搞的多不行。

作者: yan98 時間: 11-7-18 19:16

最緊要係成續, 其次係口材, 因為自行, 會先收成續好及醒目既學生.

作者: LittleKidult 時間: 11-7-19 00:02

義工, 服務......

作者: fallenleaf 時間: 11-7-19 00:14

原帖由 yan98 於 11-7-18 19:16 發表
最緊要係成續, 其次係口材, 因為自行, 會先收成續好及醒目既學生.

沒錯，成績足以決定面試的入場卷。我覺得面試時除了口才，面試的態度、禮貌、談吐、眼神、自信心都缺一不可。

作者: 五歲仔 時間: 11-7-19 10:22

原帖由 minejoujou 於 11-7-16 13:18 發表
女女有學ballet,一星期兩堂,我怕她會累,想唸住停下,想問下ballet對升中有沒有幫助呢?

我樓下有一個女仔, 跳ballet 應該幾叻, 佢普通津貼小學精英班, ballet已經over Grade 8, 入了BPS, 佢唔單止Ballet叻, 仲有學古箏 (都好叻的)

[ 本帖最後由五歲仔於 11-7-19 10:51 編輯 ]

作者: Yanamami 時間: 11-7-19 10:29

我相信呢個女仔成績一定好top先得. 所有學校都睇全港排名先.

原帖由 五歲仔 於 11-7-19 10:22 發表

我樓下有一個女仔, 跳ballet 應該幾叻, 佢普通津貼小學精英班, ballet已經over Grade 8, 入了BSP, 佢唔單止Ballet叻, 仲有學古箏 (都好叻的)

作者: 五歲仔 時間: 11-7-19 10:50

原帖由 Yanamami 於 11-7-19 10:29 發表
我相信呢個女仔成績一定好top先得. 所有學校都睇全港排名先.

我好佩服佢呀媽, 佢呀媽唔同d細路跟功課, 只係個女學甚麼便帶出帶入, 佢仲嫌個女學得多野添

[ 本帖最後由五歲仔於 11-7-19 12:42 編輯 ]

作者: minejoujou 時間: 11-7-19 12:39

多謝你們既意見，我唸應該繼續學吧，佢話唔怕累喎,我話累就cut啦！

作者: kk1186 時間: 11-7-19 20:15

我比我個女參加school 既 [紅十字少年團] !
對於升中應該有用!

作者: LittleKidult 時間: 11-7-19 23:41

原帖由 Marie貓貓 於 11-7-18 15:15 發表
乜課外活動唔係為孩子興趣 & 陶冶性情嗎，點解攪到好似投資咁。再說，現今社會那個學生不會有1、2 種本領傍身，若非有公開認定性的賽果也不會加分。

我家2 小姐習琴數年，還是今年才安排她年尾考琴，為的祇是讓她認定自己所學 ...

而家絕大部份家長唔係咁諗............
我d仔當年冇乜課外活動, 係得d結他/鋼琴, 畫漫畫, 魔術.....

作者: vincher 時間: 11-7-20 00:07 標題: 學什麼課外活動對升中有幫助呢

我會存疑小朋友真係有幾多個靠課外活動升中囉? 對於這個問題，我以前也以為成績佔分最重，但經過這次叩門，又有點質疑。兒子成績剛達要求，膽粗粗叩門一試……成功！我覺得是因為課外活動+服務+獎項(面試時，只問他2道問題，我覺得他答得並非很好) 反而有1個成績全是甲等不收(缺乏課外活動……)

作者: redkoni 時間: 11-7-20 00:30

原帖由 vincher 於 11-7-20 00:07 發表
兒子成績剛達要求，膽粗粗叩門一試……成功！我覺得是因為課外活動+服務+獎項(面試時，只問他2道問題，我覺得他答得並非很好) 反而有1個成績全是甲等不收(缺乏課外活動……)

你怎知那位成績全是甲等的同學的面試表現? 其操行又如何? 這些不也是收生的重要因素嗎!

作者: hinhin-mother 時間: 11-7-20 00:36

原帖由 vincher 於 11-7-20 00:07 發表
我會存疑小朋友真係有幾多個靠課外活動升中囉? 對於這個問題，我以前也以為成績佔分最重，但經過這次叩門，又有點質疑。兒子成績剛達要求，膽粗粗叩門一試……成功！我覺得是因為課外活動+服務+獎項(面試時，只問他2道問題，我覺得 ...

which school you son studying??

作者: vincher 時間: 11-7-20 00:52 標題: 學什麼課外活動對升中有幫助呢

天水圍李兆基書院

作者: vincher 時間: 11-7-20 01:04

redkoni：完全贊成你所說！除了成績，當然也要面試表現+操行(叩門時連評語也看得十分仔細)，這些絕對是收生的重要因素嗎!(另外再加家庭支援)可能：直資的band 1 、 2要求跟津中/官校band 1的要求有點不同

作者: talknwrite 時間: 11-7-20 08:15

直資一樣先看成績和操行.

作者: Baby媽媽 時間: 11-7-20 09:02

以學習能力來說，相比於一個要付出全副精神、時間才能取得優異成績的學生，另一個既能兼顧學業(成績不錯)，且能付出額外時間參與課外活動的學生，我認為後者更勝一籌。
*現今香港的小朋友個個都十八般武藝

，要在芸芸高手中脫穎而出並非我等凡人所能成事，千萬不要少看那些課外活動表現出色的學生呢！

因此，我認同發展全面的學生，是值得優先考慮的。

至於學什麼課外活動對升中有幫助呢？樓主，很抱歉，請恕我冒昧，我認為「學什麼課外活動對小朋友有幫助」更重要。如果小朋友對所謂「對升中有幫助」的活動沒有興趣的話，那就一定不能享受活動所帶來的樂趣了，好好的活動不就淪為一件苦差了嗎？有甚者，如果學生連課內的東西也感吃力，還要負擔課外的，豈不是本末倒置？可以肯定，是沒有好結果的。以我愚見，汝其免強為之，不如輕輕鬆鬆參加一些有益身心的活動，說不定會有意外收獲呢！

[ 本帖最後由 Baby媽媽於 11-7-20 09:49 編輯 ]

作者: kimberleych 時間: 11-8-4 19:13

同意#31

如果我係學校揀學生, 2個同樣成績/操行/表現學生擺在眼前, 我都會睇附加嘅課外活動(技能), 尤其係對佢學校有幫助嘅.

至於揀甚麼, 我覺得都係以小朋友意願做依歸, 比佢地試多幾樣, 喜歡嘅再繼續下苦功........

我女兒起初學小提琴都唔係太鐘意, 始終小朋友有惰性, 後來氹氹下, 考咗一次試之後, 老師話佢有天資 (佢比別人學時間短, 都pick up 得到), 而我觀察都係, 佢興趣一路路加強, 而家, 佢讀書讀得辛苦, 會攞個琴出嚟減壓架, 所以, 學課外活動, 一來可以加強自信, 二來都係一樣情操嚟架.

作者: cameo 時間: 11-8-5 00:51

原帖由 redkoni 於 11-7-20 00:30 發表

你怎知那位成績全是甲等的同學的面試表現? 其操行又如何? 這些不也是收生的重要因素嗎!

完完全全同意!!
我女女同另一同學仔平均分只相差零點幾分,,,大家都自行及叩門同一間學校,,,收佢,唔收我女女!
我女女係活躍,自主型,,,大家都相信以佢能力面試係可以好有自信地表現自己!
而同學仔係非常乖巧型,唔會諗計仔去突出自己!
而呢間中學主力收學生都係偏向聽教的乖乖女,所以我自己都好認同,去面試時,並非單單睇你當時的數十分鐘表現有幾突出(課外活動更甚,只係for relax吧),而係呢位學生性格係咪合乎學校想收o既模樣呢?????
所謂面試表現,都係學校想同小朋友可以有正面溝通,睇吓呢個小朋友係咪適合!!!
課外活動對升中最大的幫助就係搏命溫習時,都要適當地有個途徑放鬆! 我女都學左幾樣"人地所謂無用o既課外活動"...hahahaha

作者: Lovely媽咪 時間: 11-8-5 10:38

我記得之前去聽一間學校既講座,校長講收生既其中一個準則係如果學生係某方面有特別既才能,特別係學校注重既活動,例如跳舞/繪畫,係會加分的,所以活動唔一定要多,最緊要小朋友鐘意學,先會學得精.

作者: fallenleaf 時間: 11-8-6 00:40

自行收生報名表上都有列明收生準則，每一個項目幾多%。一般以成績佔比例多，其餘課外活動，操行，甚至獎項都有一定比例。最後面試一般所佔比例都係僅次於成績。
所以：
1. 成績一定係優先考慮，
2. 操行一般都有b+都可以，而且好多學校在6年級上學期的呈分試成績表都會手鬆少少，
3. 課外活動，有參與就得，一樣半樣都0k，
4. 相反獎項就緊要D(有些學校歸納埋落課外活動)，最低限度都有一兩樣，否則好吃虧。我自己覺得唔一定要運動，可朗誦，可樂器演奏。最好先了解心儀學校最渴求那一類人。
其實第4項又係幾緊要的一項，(其實在bk已有好多討論和其他家長的意見)在自行報名時就算名次排得較前仍不被邀面試的情況。相反有同學名次較後卻有面試機會，我唔去考究真實的原因，但原因不外乎操行或者課外活動獎項這些因素。況且能獲得獎項亦可反映出同學在參與時的投入程度和對自己的要求。

歡迎光臨教育王國 (/)