教育王國
標題: 有無過度活躍/專注力不足既家長傾下計,我好唔開心>< [打印本頁]
作者: BABY@CHAN 時間: 11-7-12 18:54 標題: 有無過度活躍/專注力不足既家長傾下計,我好唔開心><
唉! 我真係好唔開心..
身邊朋友的小朋友個個都甘乖,又點會明白我心情?
我女女4歲,
其實由佢出世返左屋企,我地已經覺得佢既精力好充沛!
未夠一個月,一日都係訓6個鐘炸! 捱到我地死!
到2歲同健康院既姑娘講,話轉介去評估,又唔比,話我諗多左!
女女既情況:
1)訓6個鐘就得,夜晚佢最夜訓,但最早起身就係佢!
好似而家返學甘,8:00a.m到11:00p.m唔訓都得! 如果有訓晏覺,我地仲大獲,好似差完電甘..去到凌晨4/5點先訓!
2)唔專心,無時停..係應該話,要佢停都幾難! 一邊溫習,一邊周身郁~!唔係對眼唔知望左去邊~唔係成日問你呢樣個樣! 唔專心既時候,無論你教佢100次既野,佢都唔會識! 但佢專心既時候,教2/3次就攪店!
3)一定會同你作對的,你叫佢"東"佢一定要"西"..p.s 係每次=.="
4)專攪破壞,玩具/衫...咩都整爛
5)周圍爬...周圍巢野..上至高處,下至地下既櫃桶都湊暈曬
6)不停發脾氣
7)成日爭野
8)勁固執同主觀
好處:
1)比同齡早識任何事情
2)獨立
3)係學校老師話佢係好乖的
但老師有一次用唔同顏色貼紙,我女女個顏色係好強烈對比的(一邊用黑色/一邊用彩色),平時填色都經常用黑色的~!!
你地小朋友有這樣情況嗎??
最終3歲我再同健康院講多次,先可以去評估!
但講完好似無講過甘...=.="
佢既report係同我講既一樣!
我真係好辛苦,好勞氣... 無論軟功/硬功咩方法都用過曬,都係甘!!
我岩岩返到屋企成間房打完仗甘, d昌廉趺曬落黎,成床玩具..成地玩具同紙..成張台亂曬..成盒顏色筆..玩具掉左落街..部計數機爛左..成支眼線液玩殘曬...我就黎嘔血喇><><><><><"
我唔想再湊佢喇..真係頂唔順!
同朋友講又無用,佢地唔會明白我既心態,淨係識話我呢樣,個樣~!!
唔通我想既咩
[ 本帖最後由 BABY@CHAN 於 11-7-12 12:08 編輯 ]
作者: pollybell 時間: 11-7-12 21:31
佢響學校好乖,咁好可能同你既教導方法出左問題,或者你試下唔用罵同罰既形式,佢做錯既唔多提,輕輕帶過或忽略佢,當佢做得好就讚多些,之前我亞仔同你小朋友差不多,不過無你咁跨張,在學校就一時時,我重慘內外圍剿我,學校,興趣班導師.....真想死,健康院就算轉介去做評估,四歲唔會有確診,我仔都係4歲,咪話佢活躍好動,醫生話呢個年齡活躍好動,係正常,如果你試過轉變對待方式都無用,試下揾精神科醫生傾下,不過一般5-6歲比較容確診.我仔仔而家嚮屋企乖左好多,興趣班導師都話佢好乖好專注,學校暫時唔知因為放暑假.
作者: BABY@CHAN 時間: 11-7-12 22:25
原帖由 pollybell 於 11-7-12 13:31 發表 
佢響學校好乖,咁好可能同你既教導方法出左問題,或者你試下唔用罵同罰既形式,佢做錯既唔多提,輕輕帶過或忽略佢,當佢做得好就讚多些,之前我亞仔同你小朋友差不多,不過無你咁跨張,在學校就一時時,我重慘內外圍剿我,學校 ...
好多謝你既回覆呀^^
唔用罵同罰既形式>>>我都試過,而且佢見我唔惡就放肆左! 我都唔想勞氣,我好辛苦!喉嚨又痛,又成個癲婆甘..真係唔想比老公見到....
我成日讚佢架,因為我知佢好鐘意人讚^^
係呀,政府個到都話最小要6歲先可以確診,都有轉介我去醫院睇精神科!
但我真係再等唔到排期甘耐,同都怕政府麻麻地,所以而家搵緊醫生同d課程!
淨係佢唔訓覺,我地已經半死了~~哈哈!!
不過確實我既教導方法都要改善就真,因為對住佢,有時都好難控制自己!
你仔仔都好叻叻呀...^^
作者: 殷!! 時間: 11-7-12 23:48
可以考慮比佢學游水, 係泳池見一家長話他的HYPER兒子學了游水後, 情況大為改善!
作者: BABY@CHAN 時間: 11-7-13 00:01
原帖由 殷!! 於 11-7-12 15:48 發表
可以考慮比佢學游水, 係泳池見一家長話他的HYPER兒子學了游水後, 情況大為改善!
你講起,我之前真係有聽過!
但我個個係女仔,我唔想佢成日曬,比佢學跳舞都好噃!
唔該曬你^^
作者: 貓大姐 時間: 11-7-13 00:22
或者試下比佢學 彈網, 我個女學得好開心
作者: wan_sosin 時間: 11-7-13 00:45
我個仔同你個女的情形有7,8成似,不過我個仔只喺三歲多,所以未見過醫生check過,健康院一樣喺話要大些才可以check,而家等今年返學,再看看佢返學情形.
我會帶我個仔返我教會的PG,佢都會話唔聽四圍走,就算肯坐都會成日想落地.
我平時就會帶佢落公園勁比佢玩,一玩就玩兩三個鍾,等佢放足電,否則在家更辛苦!更唔聽話.
我一樣都覺得好辛苦,成日覺得比埋條命個仔都唔掂!
不過無法啦!如果我哋都唔接受佢,邊個接受佢呢!
你有沒有同D老師傾下,問下佢哋點樣教你個女?
作者: 殷!! 時間: 11-7-13 02:28
絕對明白你的心情， 但路上你不會孤單， 因有這裏的媽媽陪你一起行， 須知我們的特別孩子更須要特別的媽媽一起成長， 不要氣餒，給你一些心靈鷄湯.....努力呀！
http://www.swd.gov.hk/tc/index/site_pubsvc/page_cps/sub_946/
http://www.hkedcity.net/index_parent.php
http://happypama.mingpao.com/cfm/interactive8.cfm?File=20110705/expbc/mbc10.txt
作者: why-me 時間: 11-7-13 10:07
你個仔乖左咁多, 可否分享下你有什麼心得?
原帖由 pollybell 於 11-7-12 21:31 發表
佢響學校好乖,咁好可能同你既教導方法出左問題,或者你試下唔用罵同罰既形式,佢做錯既唔多提,輕輕帶過或忽略佢,當佢做得好就讚多些,之前我亞仔同你小朋友差不多,不過無你咁跨張,在學校就一時時,我重慘內外圍剿我,學校 ...
作者: pollybell 時間: 11-7-13 11:06
真係無心得,只係不停試方法,1,2,3,唔得,就4,5,6............我個仔好多花樣,玩到你殘為止,其實佢唔合作既時候,我唔理佢,好似佢搬晒些玩具出黎咁,成地都係,好似俾人入屋爆格咁,我由佢,但玩完要佢拾,以前發火先彩下我,而家同佢講收好佢,當然彩我都儍啦,我會隔一陣再同佢講,乜都唔好做坐住等佢,慢慢佢會叫我同佢一齊拾,而家唔需要.....之前同佢一齊拾雖然只係做好一半,但都不停狂讚佢,其實父母邊個一開始就鬧,但真係叫唔聽....所以問題係鬧可以收即時效果,但後患無窮,佢會心心不忿,玩返我轉頭....再加上佢知道唔合作,你更重視佢,更加強佢唔合作既記憶行為,而讚多無鬧亦可加强佢做合作既行為,可以得倒讚賞之外,還有其他例如,小食,ON LINE GAME之類既獎品.其實講好容易,但開頭真係要好忍得,因為要時間俾佢感受同識應,有時忍唔住就行開,因為一鬧一次就要從頭來過,所以都好慘,DADDY都要一齊做唔係無用.
作者: BABY@CHAN 時間: 11-7-13 12:34
原帖由 wan_sosin 於 11-7-12 16:45 發表
我個仔同你個女的情形有7,8成似,不過我個仔只喺三歲多,所以未見過醫生check過,健康院一樣喺話要大些才可以check,而家等今年返學,再看看佢返學情形.
我會帶我個仔返我教會的PG,佢都會話唔聽四圍走,就算肯坐都會成日想 ...
係未確診,但都可以作初步評估!
不過政府個d好廢!
我會再去私人!
我有同老師傾呀,佢話學校唔會甘架噃!
作者: why-me 時間: 11-7-13 16:21
過程雖然"痛苦"但最終有成績就值得啦! 難得你先生又同你同一陣線, 恭喜!
原帖由 pollybell 於 11-7-13 11:06 發表
真係無心得,只係不停試方法,1,2,3,唔得,就4,5,6............我個仔好多花樣,玩到你殘為止,其實佢唔合作既時候,我唔理佢,好似佢搬晒些玩具出黎咁,成地都係,好似俾人入屋爆格咁,我由佢,但玩完要佢拾,以前發火先彩下我, ...
作者: BABY@CHAN 時間: 11-7-13 17:36
原帖由 why-me 於 11-7-13 08:21 發表
過程雖然"痛苦"但最終有成績就值得啦! 難得你先生又同你同一陣線, 恭喜!
無錯,家人都好緊要,
以我為例,我同媽咪一齊住,呢位婆婆真係唔多唔小既因素攪到我個女甘....而家好急搵地方搬!
我為左佢地,想轉行做文職,人工
比以前小一大節,但好難搵..鬼叫細個唔讀書咩
...而家先學人進修緊,希望唔會遲啦><
返CLARK的話,我可以多好多時間同對仔女一齊..自己管教返!
講真,自己係呀媽都頂唔順,更何況D工人,真係放心唔落!
作者: pang111 時間: 11-7-13 23:57
9) 禁止誠替教學及以任何形式招客的宣傳帖子、範圍包括:教學、會計、報稅、運輸、維修、攝影、設計、裝修、電腦、個人護理 …….. 等。
[ 本帖最後由 貓大姐 於 11-7-14 23:23 編輯 ]
作者: wan_sosin 時間: 11-7-14 00:11
原帖由 BABY@CHAN 於 11-7-13 12:34 發表
係未確診,但都可以作初步評估!
不過政府個d好廢!
我會再去私人!
我有同老師傾呀,佢話學校唔會甘架噃!
不到兩個月,我個仔就入K1,我會等多少少時間,到時看老師有什麼意見沒有.如果你找到其他私家做評估,可否到時分享下情形.
作者: BigPig阿花 時間: 11-7-14 16:41
樓主
我個仔都係排緊正苦精神科, 又係adhd傾向, 十分唔專注
不過自幼我地都sharp比佢知邊d係唔做得, 咁佢雖然都係摟, 但摟完發洩完就收聲
而家我地比佢every week 係協康做ot training, 因為感統都有少少問題
我一直都比佢學游水, 跟住學打鼓
之前有學跆拳, 不過佢協調差, 我stop左佢了
我見個政府醫生好好, 比左好多意見, 所以我而家比佢學埋彈琴同畫畫, 依d對佢都有幫助, 明明唔去考直資/私小, 都好似要佢學好多野, 但我唔係要去谷佢, 只係做多d依d野希望幫到佢多d, 醫生都話讀書佢都未必會好叻, 發掘一樣佢叻的裁培佢, 等佢自信都好d
btw, 我仔bb時都瞓得好差, 但都比你好少少, 所以我都明白你的, 加油!
作者: BABY@CHAN 時間: 11-7-14 21:54
原帖由 wan_sosin 於 11-7-13 16:11 發表
不到兩個月,我個仔就入K1,我會等多少少時間,到時看老師有什麼意見沒有.如果你找到其他私家做評估,可否到時分享下情形.
等返學校先係好d架..因為就算評估,專家都要比d表攞返去比老師填的^^
絕對無問題呀...一定會分享!
我知道呢到有地方比我呻下,有大家係到..我會成日上黎喇~~哈哈哈~~
作者: BABY@CHAN 時間: 11-7-14 22:01
原帖由 BigPig阿花 於 11-7-14 08:41 發表
樓主
我個仔都係排緊正苦精神科, 又係adhd傾向, 十分唔專注
不過自幼我地都sharp比佢知邊d係唔做得, 咁佢雖然都係摟, 但摟完發洩完就收聲
而家我地比佢every week 係協康做ot training, 因為感統都有少少問題
我 ...
多謝你回覆...^^
睇到出你都好有心機呀! 至少改到仔仔樓完就算!
我用左1年多時間,先幫佢改好d..佢細個個時真係好恐怖! 我10個朋友,有9個係可以驚左佢,個個都話佢好驚! 以前係街連唔識個d人都打...唉!!!
我見女女鐘意跳舞,我會比佢學...
而彈琴我會考慮,但我自己更想學..wa ka ka~~!!
每個月淨係學費,再加埋學呢樣個樣,真係好多錢
我仲要2個..真係搵小個崩都唔得...
有時生完出黎,甘辛苦,真係有諗甘辛苦唔知做咩?
希望而家付出甘多,將來佢地開心..正常健康成長...
作者: 貓大姐 時間: 11-7-14 23:18
幼稚園 老師
比較難評定, 上到小學
就現型, 因為小學, 成日都要同學坐定定, 唔準出位, 唔準LEE樣唔準果樣....
原帖由 BABY@CHAN 於 11-7-13 12:34 PM 發表
係未確診,但都可以作初步評估!
不過政府個d好廢!
我會再去私人!
我有同老師傾呀,佢話學校唔會甘架噃!
作者: wan_sosin 時間: 11-7-15 01:14 標題: 回復 3# BABY@CHAN 的帖子
Thanks BABY@CHAN! 可以喺到同大家做朋友,都真喺會開心D!
有時同一般朋友講,只會叫你唔好想太多,話無問題嘅,大大下就會好!呢D安慰的說話,真喺幫唔到!
我個仔幾日前才把我老公剛買了幾個月的手機整爛.
佢剛剛一歲已經可以把3呎高的風扇整把拉下來整爛.
兩歲整爛抽濕機.
整爛普通玩具及東西不計其數....
佢兩歲時更把我撞傷至崩了幾隻牙齒.
我唔喺想主觀看我個仔,但發生這些事情,好難覺得我個仔喺無事無幹.
作者: wan_sosin 時間: 11-7-15 01:19
你說的對!所以我幫我個仔報了間嚴格的幼稚園,等佢快D現型,就可以快D去check.等政府需要時間.私家又太重負擔,我已經無做嘢無收入,因為唔放心交比工人湊我個仔.
作者: 衰豬仔 時間: 11-7-15 02:05
妳阿女返學起碼冇攪攪震, 冇影響同學, 已經係好好, 可能係家庭管教問題, 妳可以試下去健康院上3P課堂, 佢地會教妳地點管教小朋友, 例如 : 要有清晰指令, 隨機教導, 冷靜時段, 刻意忽視, 獎"佛"分明等等, 同埋可以比佢學多D野, 例如 : 游水, 蹅單車, 跳舞, 體操, RUBY, 用盡佢D精力.
阿仔2歲半返N1已經比校長懷疑係ADHD, 叫我地去評估, 健康院都係講話小朋友o甘細個, 確認唔到有冇, 起碼4-5歲先啦, 到升K1, 又係學校叫去做評估, 都等到K1尾差唔多4歲先可以評估, 報告只寫7個字 " 較活躍, 專注力弱", 同幫阿仔排I位.
阿仔而家5歲, 返學校同興趣班都成日比人投訴, 學校成日整親同學, 仲試過整親老師隻手, 攪到工傷TIM. 
仲有最近報社區中心既暑期游泳班, 唸住比佢學下游水, 個主任竟然叫我唔好報名, 話浪費金錢同佢學唔到野, 又話驚佢影響人地, 我覺得未開始已經叫我唔好報名, 好唔公平, 我照報名, 話如果到時真係有問題先退錢. 其實之前都試過報英文併音班, 仲係西人教, 返左幾堂最後都係叫我地退錢走. 
今年升K3, 因為唸住捱多一年, 就升小一, 正在努力唸阿仔讀邊間小學好, 有I位比阿仔, 原先冇唸住轉校o甘麻煩, 掙扎左好耐, 最後我地決定都係轉校, 希望呢一年可以幫到阿仔啦.
作者: BigPig阿花 時間: 11-7-15 13:56
加油呀......
真係要洗好多錢
其實我都有兩個呀^v^, 阿妹有時學埋阿哥d衰野, 又係要慢慢教, 有好多時, 外人真係唔明白我地架, 好似係"自由"果面, 尋日先有人問mud有情緒病的小朋友真係天生的, 佢意思係只覺得父母容縱小朋友先會咁, 然後我都有回佢講左d現實情況, 跟住又有人回左佢一句"估唔到唐x年不了解民間疾苦, 依到都有人不吃人間煙火" (之類的說話), 佢冇再回post, 不過我笑左
所以係依度大家互相支持下, 真係呻下都好, 因為有時都會有d氣妥架
原帖由 BABY@CHAN 於 11-7-14 22:01 發表
多謝你回覆...^^
睇到出你都好有心機呀! 至少改到仔仔樓完就算!
我用左1年多時間,先幫佢改好d..佢細個個時真係好恐怖! 我10個朋友,有9個係可以驚左佢,個個都話佢好驚! 以前係街連唔識個d人都打...唉!!!
我見女 ...
作者: BigPig阿花 時間: 11-7-15 14:07
衰豬仔
其實我都知我仔有時會影響到人, 但係, 阿仔又何嘗唔係比人影響緊呢? 係一個群體就係互相影響la, 唔通我地就要收埋佢咩?
我仔舊年係史x福到學游水, 成5-6人一班, 成日有時間比佢發夢, 過左個summer holiday, 我同兩個朋友一齊自組搵左個私人教練, 1對3比佢學, 都有發夢但明顯好左好多, 起碼我知佢有聽教練講
又好老實, 我地依d仔, 真係好似無間道咁, 明明見佢魂遊太空緊, 點知, 原來我地講咩佢都聽到, 有時都唔知好嬲定好笑
所以我依然會帶阿仔去同d同學仔同朋友仔玩, 因為佢一定要面對人
至於學野, 一定單對單or 少人一組佢地先可以專注d架la
我仔大小肌都弱, 所游水係keep住比佢有運動, 等d肌肉都supportive d, 如果唔係, 上到小學要成日做功課就慘la, 佢會好易攰
我地要向好的方面諗, 醫生都同我講, 我咁早都係, 好似我仔依d hidden case, 好多都成 小3ｏｒ４先發現， 到時就重幣了
原帖由 衰豬仔 於 11-7-15 02:05 發表
妳阿女返學起碼冇攪攪震, 冇影響同學, 已經係好好, 可能係家庭管教問題, 妳可以試下去健康院上3P課堂, 佢地會教妳地點管教小朋友, 例如 : 要有清晰指令, 隨機教導, 冷靜時段, 刻意忽視, 獎"佛"分明等等, 同埋可以比 ...
作者: BABY@CHAN 時間: 11-7-15 18:12
O...原來係甘~~都好有道理!!
作者: BABY@CHAN 時間: 11-7-15 18:16
原帖由 wan_sosin 於 11-7-14 17:14 發表
Thanks BABY@CHAN! 可以喺到同大家做朋友,都真喺會開心D!
有時同一般朋友講,只會叫你唔好想太多,話無問題嘅,大大下就會好!呢D安慰的說話,真喺幫唔到!
我個仔幾日前才把我老公剛買了幾個月的手機整爛.
佢剛剛一歲已經 ...
nice to meet u...^^
你d朋友會安慰下你都好,我個d直頭話我tim呀! 又話呢個係你個女黎,你要接受佢,呻下都唔應該! 又話佢見我個女根本都唔係甘..係我自己問題...總之呢樣個樣!
佢又唔係日湊夜湊,憑咩甘話我? 我只係呻下姐,使唔使甘? 講真,有邊個想甘話自己仔女?!
我地係一樣架...我個女破壞力強勁!! 嚇屎人..!!!
我唔喺想主觀看我個仔,但發生這些事情,好難覺得我個仔喺無事無幹<<<200% agree!!!
作者: BABY@CHAN 時間: 11-7-15 18:18
原帖由 wan_sosin 於 11-7-14 17:19 發表
你說的對!所以我幫我個仔報了間嚴格的幼稚園,等佢快D現型,就可以快D去check.等政府需要時間.私家又太重負擔,我已經無做嘢無收入,因為唔放心交比工人湊我個仔.
...
邊間學校呀..??
作者: BABY@CHAN 時間: 11-7-15 18:21
原帖由 衰豬仔 於 11-7-14 18:05 發表
妳阿女返學起碼冇攪攪震, 冇影響同學, 已經係好好, 可能係家庭管教問題, 妳可以試下去健康院上3P課堂, 佢地會教妳地點管教小朋友, 例如 : 要有清晰指令, 隨機教導, 冷靜時段, 刻意忽視, 獎"佛"分明等等, 同埋可以比 ...
我個女細個個時(1-2.5歲)成日比人投訴,學校都有=.=
" 較活躍, 專注力弱"<<我去政府評估都係甘囉=.=
我會明白你..想像到你好辛苦!! 加油呀^^
3p課程又係要排期好耐..我都好想上!
[ 本帖最後由 BABY@CHAN 於 11-7-15 10:30 編輯 ]
作者: BABY@CHAN 時間: 11-7-15 18:29
原帖由 BigPig阿花 於 11-7-15 05:56 發表
加油呀......
真係要洗好多錢
其實我都有兩個呀^v^, 阿妹有時學埋阿哥d衰野, 又係要慢慢教, 有好多時, 外人真係唔明白我地架, 好似係"自由"果面, 尋日先有人問mud有情緒病的小朋友真係天生的, 佢意思係只覺得父母 ...
係呀! 係呀! 我細仔好乖架..而家跟埋個大d衰野,仲要2個會打架..爭野玩..呷醋爭大人.激屎我><
我真係覺得情緒病係有先天的!
無論係唔係,個條粉皮都唔應該甘講野囉,點解d人甘鐘意甘講野..? 講都可以好聽d掛..?!! 硬係鐘意去傷害人!
當然係我自己方面,管教真係出現左問題,我會認! 因為我個女係婆婆湊...就變成甘
我後悔無抽多d時間陪佢..教佢...而家我會努力教好佢,同唔會再比婆婆湊了~!!
有時都會有d氣妥架<<係呀,仲會個人好易炆!
其實早前真係湊到我情緒都有問題,個人成日唔開心(但我本身個人成日都笑)..諗寺問題就好想喊!
呢幾個月自我調節左,叫做好返好多了!
我都驚自己應付唔到,我就決定比埋個細仔返n1..起碼淨係湊佢地半日,唔使日日甘激氣先!
皺紋都小幾條...哈哈哈~~
作者: BABY@CHAN 時間: 11-7-15 18:39
原帖由 BigPig阿花 於 11-7-15 06:07 發表
衰豬仔
其實我都知我仔有時會影響到人, 但係, 阿仔又何嘗唔係比人影響緊呢? 係一個群體就係互相影響la, 唔通我地就要收埋佢咩?
我仔舊年係史x福到學游水, 成5-6人一班, 成日有時間比佢發夢, 過左個summer holiday, ...
阿仔又何嘗唔係比人影響緊呢? 係一個群體就係互相影響la, <<<你講得好中肯呀!!
d人咩都賴曬我地既小朋友,唔通佢地小朋友就唔會有百厭既時間咩?!
但老實講,我發覺呢個年代既小朋友,連最基本既禮貌..都唔識,甘我覺得我個女好佢地好多!
我成日帶我對仔女落會所玩時,成班6-9歲..真係好百厭! 男男女女都係甘...
一定單對單or 少人一組佢地先可以專注d架la<<<無錯,所以我而家都諗住比我個女私人補習! 而且仲平d..好化算..he..he..he...
我地要向好的方面諗, 醫生都同我講, 我咁早都係, 好似我仔依d hidden case, 好多都成 小3ｏｒ４先發現， 到時就重幣了<<<係呀,總之一察覺到小朋友有咩,就要正面面對/接受,幫佢地去改善!
我朋友個friend都唔接受,但佢個仔係好明顯需要評估,因為佢成日狂叫,係甘打人..又係個個都驚左佢(勁過我個女),但我朋友講完,個位媽咪話:小朋友係甘架啦! 我唔覺得佢有咩問題!
所以家長都真係緊要架~!!
作者: wan_sosin 時間: 11-7-15 22:15
原帖由 BABY@CHAN 於 11-7-15 18:18 發表
邊間學校呀..??
保良局, 開了二十五年的傳統幼稚園
作者: wan_sosin 時間: 11-7-15 22:25 標題: 回覆 2# BABY@CHAN 的文章
咁啱嘅,我都識一個朋友好似你講咁,明明個仔有問題,都話無.我朋友個仔亂咁打人,推人,搶人嘢,發脾氣,我個仔同佢玩,連我個仔都不敵
但佢話佢個仔唔會喺過度活躍,最近仲話個仔喺資優,佢個仔只得三歲多D,同我個仔一樣,咁快就話判斷到?
本來話晒喺朋友,都想接受佢同佢個仔,但真喺有D講唔埋!
作者: pipi331 時間: 11-7-16 00:02
提示: 作者被禁止或刪除 內容自動屏蔽
作者: wan_sosin 時間: 11-7-16 10:20 標題: 回復 1# pipi331 的帖子
你講得無錯!就算個仔真喺資優,都唔代表佢嘅行為無問題,就算真喺唔喺過度活躍,都要教囉!我就喺唔覺得個媽咪認為好需要教個仔.
有一次佢個仔在滑梯上面把一個小朋友帶著的眼鏡一手從小朋友面上拉下了,即時掉在滑梯下面的地上(即是由上層掉落下層),佢個爸爸媽媽都無想過要話個仔,到我提個媽媽,個媽媽才如夢初醒叫返個仔來教.
連咁有問題的行為,也沒有反應,點教仔?
如果有教,個小朋友都喺咁樣,就無話可說!
始終小朋友佢喺一個個體,唔喺我哋一定可以控制到,但教唔到同唔教喺兩會事.
作者: pollybell 時間: 11-7-16 13:26 標題: 回覆 23# BigPig阿花 的文章
跟住又有人回左佢一句...............果個咪我囉.果邊多數媽咪都無呢方面既認識,如果我小朋友無咁多問題,我都唔會了解完來好多野諗都無諗過,或者咁講,所以去果邊發問無意思,佢地既角度只會覺得父母問題,除左智障,無野係天生......
作者: pipi331 時間: 11-7-16 14:32
提示: 作者被禁止或刪除 內容自動屏蔽
作者: BABY@CHAN 時間: 11-7-16 20:15
原帖由 wan_sosin 於 11-7-15 14:15 發表
保良局, 開了二十五年的傳統幼稚園
保良局都幾好呀!!
你住邊區..?? 我住將軍澳的..^^
作者: BABY@CHAN 時間: 11-7-16 20:19
原帖由 wan_sosin 於 11-7-16 02:20 發表
你講得無錯!就算個仔真喺資優,都唔代表佢嘅行為無問題,就算真喺唔喺過度活躍,都要教囉!我就喺唔覺得個媽咪認為好需要教個仔.
有一次佢個仔在滑梯上面把一個小朋友帶著的眼鏡一手從小朋友面上拉下了,即時掉在滑梯下面 ...
就算個仔真喺資優,都唔代表佢嘅行為無問題,
始終小朋友佢喺一個個體,唔喺我哋一定可以控制到,但教唔到同唔教喺兩會事.
<<200%同意!!
我覺得教小朋友,唔好諗佢究竟係咪資優定其他問題,而係教佢既本質..我只係覺得無論佢地有咩問題都會教到,只係時間比人長同大人會好勞氣!!
作者: BABY@CHAN 時間: 11-7-16 20:20
原帖由 pollybell 於 11-7-16 05:26 發表
跟住又有人回左佢一句...............果個咪我囉.果邊多數媽咪都無呢方面既認識,如果我小朋友無咁多問題,我都唔會了解完來好多野諗都無諗過,或者咁講,所以去果邊發問無意思,佢地既角度只會覺得父母問題,除左智障,無 ...
佢地既角度只會覺得父母問題,除左智障,無野係天生......<<<係呀,我所以朋友都係甘覺得我...唉!所以我個時都唔知同邊個呻! 淨係識話我,我呻下之麻...><"
作者: wan_sosin 時間: 11-7-16 23:34
我住青衣呀!
原帖由 BABY@CHAN 於 11-7-16 20:15 發表
保良局都幾好呀!!
你住邊區..?? 我住將軍澳的..^^
作者: wan_sosin 時間: 11-7-16 23:49 標題: 回復 5# pipi331 的帖子
我都見很多小朋友唔聽父母話,反而聽外人話.
但我個仔暫時最聽我話,可能因為我喺窮兇極惡的!
但當我個仔離開我視線,就變身暴龍,第日我唔可以跟佢返學架麻,都唔知點算,我幫佢報了游泳班,教練越叫佢越走.
真喺每個都有佢嘅煩惱!
我都明給別人誤會唔教仔有幾難受,我都試過比人當街話我!個仔細時,試過走失過架啦!我就唯有用走失帶,當然也給人指指點點啦!都無法,唔通由個仔走咗咩!
作者: shirleycnf 時間: 11-7-18 01:38
我仔仔也十分曳, 憑我看過相關的資料, 他應該是有adhd, 但我身邊的人總怪責是我管教有問題, 我覺得我係有問題但他真的也有問題, 我有時激氣得太緊要, 心裹面也覺得自己唔衰攞離衰, 仲害了他將來大個仔都不知點樣同人競爭, 好擔心他要做草根階層. 唉..., 好痛苦
作者: BigPig阿花 時間: 11-7-18 09:51
原帖由 pollybell 於 11-7-16 13:26 發表
跟住又有人回左佢一句...............果個咪我囉.果邊多數媽咪都無呢方面既認識,如果我小朋友無咁多問題,我都唔會了解完來好多野諗都無諗過,或者咁講,所以去果邊發問無意思,佢地既角度只會覺得父母問題,除左智障,無 ...
200% agree w/u
nice to ｍｅｅｔ ｕ！
作者: BigPig阿花 時間: 11-7-18 10:01
個仔女係自己的， 點都係想佢好架ｌａ， 只係有ｄ人好奇怪， 人地連呻下都冇資格？ 就係呻下先釋放晒ｄ負能量
有時ｄ人真係唔明， 呻下唔代表我唔想理ｄ仔女， 如果真係放棄， 直情唔提ｌａ， 何必再講
尋日舊同事聚會， 我仔ａｄｈｄ傾向， 阿ａ的係阿氏保加症， 阿ｂ的係嚴重自閉， 其實的冇大問題， 其實６－７個小朋友年紀相約， 係玩得埋的， 不過我地都事先講明小朋友有咩事， 費事人地誤會ｌａ， 我地都有同阿ｂ講， 多ｄ帶佢出黎玩， 玩多ｄ就肯玩， 希望佢地第時都可以同人相處愉快ｌａ
作者: BigPig阿花 時間: 11-7-18 10:04
原帖由 shirleycnf 於 11-7-18 01:38 發表
我仔仔也十分曳, 憑我看過相關的資料, 他應該是有adhd, 但我身邊的人總怪責是我管教有問題, 我覺得我係有問題但他真的也有問題, 我有時激氣得太緊要, 心裹面也覺得自己唔衰攞離衰, 仲害了他將來大個仔都不知點樣同人 ...
既然你都覺得有問題， 不如快ｄ去做次評估， 起碼你對佢未來的教育方法同埋揀學校都有明確方向， 而且依ｄ野越早ｔｒａｉｎ越好
作者: Charlotte_mom 時間: 11-7-18 13:30
hi
我仔都係adhd的
睇完你地d post, 真係會心微笑左(sorry), 我成日話, 我個仔係"有組織及嚴重性"咁去犯罪, 明知無好下場偏要去做, 細個有次佢搶我個相機跑去廁所, 我都知佢想點, 即刻o係後面追, 已經捉到佢, 佢個衰仔竟然夠膽拋物線咁企圖將個相機拋落廁所, 你話係咪要即打丫!
好彩我有好朋友係協康做, 俾左好多support我, 我自己都做左好多功課, 而家我仔都升小2了
分享少少心得:
呢d仔, 其實好聰明, 不過好多時做事衝動, 做完至唸後果, 所以想佢改善自理, 就要set programme, 例如執書包, 要用本簿記得1->2->3->4(可以用圖畫令佢地睇得明), 每次都係1,2,3,4, 唔好今次1,4,2,3下次又4,3,1,2, 要佢地唔駛慢慢思考(思思下就心散架喇), 望住個instruction就可以自己攪掂! 我仔而家可以自己manage到每一種課外活動/返學自己執齊野的, 最好日子有功最後自動波tim啦, 呢種方法, 亦可以用o係"搗蛋後收拾殘局"時用, 要佢地明白每件事都有後果
坊間有d課程, 都幾平靚正, 可以係自理, 可以係社交, 可以係eq, 都適合佢地上, 我就去小童群益會
http://hke.bgca.org.hk/0785/page.aspx?l=C&id=485
你亦可以買練習返屋企做:
http://parents.pixnet.net/blog/post/26751277
個系列有好多本, 你可以就住自己小朋友程度去買, 幾十蚊本, 你可以O係網上睇到SAMPLE PAGES, 都係D紙上遊戲, 每日花D時間陪下小朋友做, 可以親子亦可以培養專注力
另外, 仲可以玩捉棋, 唔駛好貴, 一副飛行棋波子棋已經係好好既材料, 陪佢玩, 培養專注力同耐心, 亦等佢學下"輸"
政府排期要繼續, 私家精神科費用好驚人的(驚人既程度係$800/30分鐘), 生金旦都攪唔掂, 當之後做完評估, 醫生建議需唔需要食藥, 再作決定吧
學校有人鐘意揀嚴, 我就揀活動, 我有問過幼稚園老師, 佢話我仔需要耐性, 事實上, 我亦同過佢1:1學普通話, 效果係超強, 老師話佢比同齡小朋友仲要快, 所以我好同意老師講, 佢唔係要"COOL", 佢要耐性同技巧, 佢有心機學, 可以爆炸力好強, 而且活動教學, 唔駛坐定定(佢肯坐定但根本個心唔O係度, 無意思), 寧願間中俾個BREAK佢, 小組活動OR討論, 等佢醒一醒, 我仔之前呢方面係好唔掂的, 讀完小一, 老師都讚佢進步多左, 認真討論同投入, 呢D發展對我黎講係另一樣得著
作者: wan_sosin 時間: 11-7-18 14:26
好多謝你詳盡的資料同分享!好有用!
選幼稚園方面,我是選嚴格的,因為我怕活動教學的學校,較能接受唔專心,坐唔定的學生,因而錯過了時機去發現個問題,因為健康院說要學校都對小朋友有意見才可以安排見醫生.
我唔想等到上小學才去排政府!
如果到個仔返學真的出現問題,我有準備會去轉學校.
不知這個想法好不好呢?身邊實在無人能給意見.
原帖由 Charlotte_mom 於 11-7-18 13:30 發表
hi
我仔都係adhd的
睇完你地d post, 真係會心微笑左(sorry), 我成日話, 我個仔係"有組織及嚴重性"咁去犯罪, 明知無好下場偏要去做, 細個有次佢搶我個相機跑去廁所, 我都知佢想點, 即刻o係後面追, 已經捉到佢, 佢個衰 ...
作者: Charlotte_mom 時間: 11-7-18 15:54 標題: 回復 47# wan_sosin 的帖子
我仔之前都係返活動既幼稚園, 我又唔會話傳統VS活動邊樣一定好D, 最最緊要一定係老師有無心機
你要明白, ADHD都會個個唔同CASE, 好似我上面話齋, 有D小朋友會坐定定, 但原來係遊緊雲, 所以老師細唔細心會好影響觀察結果
除左上課聽書之外, 小組討論, 自由活動等時間, 都可以睇到小朋友專注力, 例如我仔, 最"大鑊"係D唔駛坐定既堂, 例如PE堂輪候期間, 舞蹈堂要郁要合作, 果D時候, D曳曳野就出晒黎例如坐唔定, 攪隔離, 想食就食, 唔合作鬧情緒等
而醫生都有同我講, 由於缺乏專注力, 小朋友可能連社交都影響埋, 因為社交無得學, 係要靠自己累積經驗, 而專注力低會令小朋友玩既期間, 對周圍點同朋友玩, 點去睇人鐘唔鐘意, 都唔識留意, 所以長遠都會影響社交影響
總之, 同老師緊密聯繫啦, 老師好, 佢會欣賞到小朋友可愛之處, 亦識教你邊D方面要加強, 老師唔好, 大家都辛苦
作者: BigPig阿花 時間: 11-7-18 17:12
我仔黎緊升k3了
我有25分可以入到一間活動教學+小班+比較其他學校少d功課的學校, 我唔諗咁多了, 最緊佢可以讀到學到, 我仔唔可以只係嚴就得, 其實adhd好多仔都係唔可以只係嚴......., 我仔之前都試過1對2學普通話, 真係學到好多野
原帖由 Charlotte_mom 於 11-7-18 15:54 發表
我仔之前都係返活動既幼稚園, 我又唔會話傳統VS活動邊樣一定好D, 最最緊要一定係老師有無心機
你要明白, ADHD都會個個唔同CASE, 好似我上面話齋, 有D小朋友會坐定定, 但原來係遊緊雲, 所以老師細唔細心會好影響觀察 ...
作者: pocoyo123 時間: 11-7-19 00:00
唔知可唔可以講下/PM比我知係邊間小學呢, 因小兒也有專注力不足, & 活躍証, 也是明年上小一, 正在煩惱中, 萬分感激原帖由 BigPig阿花 於 11-7-18 17:12 發表
我仔黎緊升k3了
我有25分可以入到一間活動教學+小班+比較其他學校少d功課的學校, 我唔諗咁多了, 最緊佢可以讀到學到, 我仔唔可以只係嚴就得, 其實adhd好多仔都係唔可以只係嚴......., 我仔之前都試過1對2學普通話, ...
作者: 衰豬仔 時間: 11-7-19 15:08 標題: 回復 49# BigPig阿花 的帖子
我阿仔出年升小一, 有冇人知荃灣區 or 葵青邊間小學係小班同活動教學呢.
作者: wan_sosin 時間: 11-7-20 00:08 標題: 回覆 4# Charlotte_mom 的文章
多謝你的意見!!很有用!
希望佢未來學校的老師幫到佢!
我個仔都似坐喺到游魂個隻!唔多聽到人講嘢!
不過一搵到位就會勁曳.
還好佢同小朋友都相處得不錯,因為佢唔會主動攻擊人,也算是心地善良.只是佢玩嘅時候的能量,是一般小朋友的10倍.
作者: Charlotte_mom 時間: 11-7-20 10:06
所以我就話, 老師包唔包容, 對小朋友成個人既發展影響好大
我見過我仔因為上堂發夢無做堂課, 要LUNCH後去搵老師1:1補做, 呢D就係老師肯為小朋友付出既心機時間, 我咁岩去做LUNCH MOM所以"當場斷正", 果一刻真係對老師心懷感激
我仔本性都唔差, 不過又係衰衝動同發夢, 我仔好彩, 2個班主任都覺得佢"好可愛" (我仔唔做評估老師嚇佢無飯食, 佢夠膽問老師係咪想餓死佢, 而老師話佢"好可愛"WOR
), 老師仲笑住打開teacher's desk個櫃, 成櫃都係我仔d野(因為曳所以收佢既野), 真係都唔知好嬲定好笑...........我相信做阿媽, 點都希望個仔有人錫吧!
如果老師唔包容, 只睇到小朋友麻煩既一面, 成日都罰佢or ignore佢, 咁小朋友同家長既生活都一樣會好難過
原帖由 wan_sosin 於 11-7-20 12:08 AM 發表
多謝你的意見!!很有用!
希望佢未來學校的老師幫到佢!
我個仔都似坐喺到游魂個隻!唔多聽到人講嘢!
不過一搵到位就會勁曳.
還好佢同小朋友都相處得不錯,因為佢唔會主動攻擊人,也算是心地善良.只是佢玩嘅時候的能量,是 ...
作者: BigPig阿花 時間: 11-7-20 11:33
我其實想講, 基本上冇一間津小係對adhd仔有支援, 我地只可以揀d 包容大d 同o岩自己仔多d的學校
我仔又係成日發夢, 所以我揀小班, 比教小功課而已, 而我捺的亦係基督教學校, 就係希望包容大d
慢慢遂間睇係咪小班la, 我揀的係荃灣區
http://www.chsc.hk/primary/tc/home.asp
作者: BigPig阿花 時間: 11-7-20 11:34
原帖由 Charlotte_mom 於 11-7-20 10:06 發表
所以我就話, 老師包唔包容, 對小朋友成個人既發展影響好大
我見過我仔因為上堂發夢無做堂課, 要LUNCH後去搵老師1:1補做, 呢D就係老師肯為小朋友付出既心機時間, 我咁岩去做LUNCH MOM所以"當場斷正", 果一刻真係對老 ...
agree, 邊個唔想自已個小朋友多人鍚, 老師有愛心真係好重要
作者: wan_sosin 時間: 11-7-20 12:23 標題: 回復 3# Charlotte_mom 的帖子
雖然話有ADHD,但好似你個仔咁,聰明得意,相信父母同老師,可以在麻煩中找到樂趣,相信是辛苦教導的潤滑劑.
正如你說,好多呢D仔都聰明,我仔都幾醒架,不過就超麻煩.
不過看到你們的分享,我的信心也大D.
作者: Charlotte_mom 時間: 11-7-20 12:40
而家好似無左每班人數? 我唔知可以O係邊度睇.....
希望你唔係揀X聯, 我有同事個小朋友係資優, 有D情緒問題啦, 已經俾學校玩到逃亡左
原帖由 BigPig阿花 於 11-7-20 11:33 AM 發表
我其實想講, 基本上冇一間津小係對adhd仔有支援, 我地只可以揀d 包容大d 同o岩自己仔多d的學校
我仔又係成日發夢, 所以我揀小班, 比教小功課而已, 而我捺的亦係基督教學校, 就係希望包容大d
慢慢遂間睇係咪小班la, ...
作者: Charlotte_mom 時間: 11-7-20 12:44
頂得住咪辛苦教導的潤滑劑, 頂唔住就係為辛苦教導百上加斤LOR!
身邊仲有朋友為左學校而煩惱, 真係估唔到今時今日仲有咁食古不化既教育界人士
希望我地既小朋友都搵到最適合佢地既學校
原帖由 wan_sosin 於 11-7-20 12:23 PM 發表
雖然話有ADHD,但好似你個仔咁,聰明得意,相信父母同老師,可以在麻煩中找到樂趣,相信是辛苦教導的潤滑劑.
正如你說,好多呢D仔都聰明,我仔都幾醒架,不過就超麻煩.
不過看到你們的分享,我的信心也大D. ...
作者: BigPig阿花 時間: 11-7-20 14:14
原帖由 Charlotte_mom 於 11-7-20 12:40 發表
而家好似無左每班人數? 我唔知可以O係邊度睇.....
希望你唔係揀X聯, 我有同事個小朋友係資優, 有D情緒問題啦, 已經俾學校玩到逃亡左
我唔會la, 因為佢大班的, 而且我去左聽佢學校個talk, 佢地雖然係活動教學, 但好多project做架, 我地d仔點頂得住呀
我揀果間係老牌d的學校, 而且我自己係畢業生, 所以計分果輪應該入到了
係la, 我都發現冇左人數, 以前見過有, 有時都係靠朋友問下, 我想揀果間24-25人一班, 朋友個仔讀緊, 升小二了
[ 本帖最後由 BigPig阿花 於 11-7-20 14:17 編輯 ]
作者: BABY@CHAN 時間: 11-7-20 15:42
原帖由 Charlotte_mom 於 11-7-18 07:54 發表
我仔之前都係返活動既幼稚園, 我又唔會話傳統VS活動邊樣一定好D, 最最緊要一定係老師有無心機
你要明白, ADHD都會個個唔同CASE, 好似我上面話齋, 有D小朋友會坐定定, 但原來係遊緊雲, 所以老師細唔細心會好影響觀察 ...
十分同意,最最緊要一定係老師有無心機!!
真係咩學校都唔緊要,小朋友感覺最強,
好似私女女而家甘,個老師好鍚佢地,所以佢好鐘意返學!
正如我以前讀中學,老師唔好,所以我無再讀書,我深明老師真係好重要的!
作者: BABY@CHAN 時間: 11-7-20 15:43
原帖由 BigPig阿花 於 11-7-18 09:12 發表
我仔黎緊升k3了
我有25分可以入到一間活動教學+小班+比較其他學校少d功課的學校, 我唔諗咁多了, 最緊佢可以讀到學到, 我仔唔可以只係嚴就得, 其實adhd好多仔都係唔可以只係嚴......., 我仔之前都試過1對2學普通話, ...
我女女而家都係1:1補習
係貴左d,不過最緊要效果!
作者: BABY@CHAN 時間: 11-7-20 15:45
原帖由 wan_sosin 於 11-7-19 16:08 發表
多謝你的意見!!很有用!
希望佢未來學校的老師幫到佢!
我個仔都似坐喺到游魂個隻!唔多聽到人講嘢!
不過一搵到位就會勁曳.
還好佢同小朋友都相處得不錯,因為佢唔會主動攻擊人,也算是心地善良.只是佢玩嘅時候的能量,是 ...
只是佢玩嘅時候的能量,是一般小朋友的10倍.
me too...如果我地d小朋友一齊唔知會玩成點..可能到夜晚11點都可以仲繼續!
我個女由大約12-1:00起身,最勁去到凌晨3:00..仲要出動打,佢先肯訓!!
作者: BABY@CHAN 時間: 11-7-20 15:48
原帖由 Charlotte_mom 於 11-7-20 02:06 發表
所以我就話, 老師包唔包容, 對小朋友成個人既發展影響好大
我見過我仔因為上堂發夢無做堂課, 要LUNCH後去搵老師1:1補做, 呢D就係老師肯為小朋友付出既心機時間, 我咁岩去做LUNCH MOM所以"當場斷正", 果一刻真係對老 ...
好感動呀
如果老師唔包容, 只睇到小朋友麻煩既一面, 成日都罰佢or ignore佢, 咁小朋友同家長既生活都一樣會好難過<<<其實好多老師都係甘架,有d只係搵餐复食,而唔係用心去教小朋友!
你真係好幸運
作者: BABY@CHAN 時間: 11-7-20 15:49
原帖由 BigPig阿花 於 11-7-20 03:33 發表
我其實想講, 基本上冇一間津小係對adhd仔有支援, 我地只可以揀d 包容大d 同o岩自己仔多d的學校
我仔又係成日發夢, 所以我揀小班, 比教小功課而已, 而我捺的亦係基督教學校, 就係希望包容大d
慢慢遂間睇係咪小班la, ...
我有聽過d窕長話,佢地易心散,小功課做的話,會越黎越懶!
作者: BABY@CHAN 時間: 11-7-20 15:50
原帖由 wan_sosin 於 11-7-20 04:23 發表
雖然話有ADHD,但好似你個仔咁,聰明得意,相信父母同老師,可以在麻煩中找到樂趣,相信是辛苦教導的潤滑劑.
正如你說,好多呢D仔都聰明,我仔都幾醒架,不過就超麻煩.
不過看到你們的分享,我的信心也大D. ...
我都係甘話,寧願佢煩,好過佢蠢!!
作者: BABY@CHAN 時間: 11-7-20 15:51
原帖由 Charlotte_mom 於 11-7-20 04:40 發表
而家好似無左每班人數? 我唔知可以O係邊度睇.....
希望你唔係揀X聯, 我有同事個小朋友係資優, 有D情緒問題啦, 已經俾學校玩到逃亡左
我有同事個小朋友係資優, 有D情緒問題啦, 已經俾學校玩到逃亡左>>>呢間都唔會係好學校啦!! 早走早著!!
作者: BigPig阿花 時間: 11-7-20 16:22
原帖由 BABY@CHAN 於 11-7-20 15:49 發表
我有聽過d窕長話,佢地易心散,小功課做的話,會越黎越懶!
咁你就要睇下小功課的定義係咩
而家同我地以前都唔同晒, 我細個一日可能每日只有1-4樣功課不等, 有4樣果日都叫多架la; 而家傳統學校多功課的一日可以有7-10樣, 而我講比較少的都5-6樣, 但其實5-6樣一日叫唔叫少la wor
你都有講, 佢地心散, 如果日日都有咁多功課而佢地又心散, 日日做到叫救命果個可能係我地, 火滾果個又係我地, 到時可能我地同小朋友只會惡言相對, 到頭黎都係大家都受苦?
點解我地比佢地去學野都要小班? 就係個quality 的問題, 重質不重量ma, 既然知道我地d仔係讀書方便未必會好好, 不如都將多出黎的時間比佢學下野, 發掘下佢邊樣野叻d, 培育下佢長處可能重好
所以真係要好好考慮清楚, 自己最清楚自己個小朋友係咩料, 係咪?
作者: wan_sosin 時間: 11-7-21 01:12
你個女可以瞓到中午??
我個仔幾個月大已經試過點都唔瞓,最後無法底下,打佢PAT PAT,第佢喊下同無咁high,才可以去瞓.
而家我會想辦法用盡佢D精力,等佢夜晚容易D去瞓.
人地D呀媽會叫D細路唔好跑,我就會尤得個仔去跑.(咁當然喺安全的地方)
原帖由 BABY@CHAN 於 11-7-20 15:45 發表
只是佢玩嘅時候的能量,是一般小朋友的10倍.
me too...如果我地d小朋友一齊唔知會玩成點..可能到夜晚11點都可以仲繼續!
我個女由大約12-1:00起身,最勁去到凌晨3:00..仲要出動打,佢先肯訓!! ...
作者: Charlotte_mom 時間: 11-7-21 09:43
YES YES
我小朋友果間都係唔多功課既學校, 我同意, QUALITY比QUANTITY更緊要
間學校係活動教學, 功課設計都係重思考, 無錯, 當個仔唔肯用腦, 你重要佢思考, 家長會好辛苦一路PUSH佢上, 但你帶佢思考陪佢思考, 起碼都叫引領過佢令佢得著左, 點都好過打佢做練習迫佢操練吧! 功課多的話, 你一路迫佢(你都知呢D仔, 真係唔郁就唔郁架啦, 有時寫幾隻字, 明明5分鐘攪掂都"磨"2個鐘), 大家都辛苦
同意, 剩返既時間, 我寧願用黎做其他野, 捉下棋睇下課外書, 一樣係學習仲可以培養親子感情, 好過用D時間黎打仔
原帖由 BigPig阿花 於 11-7-20 04:22 PM 發表
咁你就要睇下小功課的定義係咩
而家同我地以前都唔同晒, 我細個一日可能每日只有1-4樣功課不等, 有4樣果日都叫多架la; 而家傳統學校多功課的一日可以有7-10樣, 而我講比較少的都5-6樣, 但其實5-6樣一日叫唔叫少la ...
作者: BigPig阿花 時間: 11-7-21 12:15
係架, 我識一些朋友講(有d教書, 有d係家長), 依d仔, 玩起性格上黎, 你迫佢, 佢真係可以成份卷唔做, 你耐佢咩何? 唉, 我真係唔想咁呀!
尋晚又一個激c la, 暑假開始, 心明如果阿仔日日玩, k2學左的字過完個暑假分分鐘唔記得左一半, 所以我每日要佢寫兩頁字, 一係 中/數, 英/中 咁la
尋日係, 要佢寫自己名, 明明之前已經識左架la, 但好似一片空白咁, 我覺得佢係到迴避緊......., 寫錯左, 擦了, 佢又寫返同一個錯位, 如是者來回成5,6次, 唉, 唔係一個字, 係不停都係咁, omg, 用晒我d eq
之後我又好內疚, 因為又鬧左佢了, 唉
原帖由 Charlotte_mom 於 11-7-21 09:43 發表
YES YES
我小朋友果間都係唔多功課既學校, 我同意, QUALITY比QUANTITY更緊要
間學校係活動教學, 功課設計都係重思考, 無錯, 當個仔唔肯用腦, 你重要佢思考, 家長會好辛苦一路PUSH佢上, 但你帶佢思考陪佢思考, 起碼都 ...
作者: BABY@CHAN 時間: 11-7-21 12:29
原帖由 BigPig阿花 於 11-7-20 08:22 發表
咁你就要睇下小功課的定義係咩
而家同我地以前都唔同晒, 我細個一日可能每日只有1-4樣功課不等, 有4樣果日都叫多架la; 而家傳統學校多功課的一日可以有7-10樣, 而我講比較少的都5-6樣, 但其實5-6樣一日叫唔叫少la ...
甘又係噃! 5-6樣叫適中!
我以前已經7-9樣功課了><
日日做到叫救命果個可能係我地<<係呀!!
你而家有無睇咩小學??
作者: BABY@CHAN 時間: 11-7-21 12:36
原帖由 wan_sosin 於 11-7-20 17:12 發表
你個女可以瞓到中午??
我個仔幾個月大已經試過點都唔瞓,最後無法底下,打佢PAT PAT,第佢喊下同無咁high,才可以去瞓.
而家我會想辦法用盡佢D精力,等佢夜晚容易D去瞓.
人地D呀媽會叫D細路唔好跑,我就會尤得個仔去跑.( ...
你睇到"中午"呢2個字,係咪好似好好呢!
但事實上係................
由出世,未滿月,我個女一日只係訓6個鐘!
我同我媽咪輪流通宵湊佢!
當夜晚10點訓,凌晨5點起身;
訓完晏覺,一家到凌晨2-4點先可以訓,甘就到中午....
情況到而家都係!
永遠佢最遲訓,最早起身係佢....湊死我地!!!
作者: BABY@CHAN 時間: 11-7-21 12:40
原帖由 BigPig阿花 於 11-7-21 04:15 發表
係架, 我識一些朋友講(有d教書, 有d係家長), 依d仔, 玩起性格上黎, 你迫佢, 佢真係可以成份卷唔做, 你耐佢咩何? 唉, 我真係唔想咁呀!
尋晚又一個激c la, 暑假開始, 心明如果阿仔日日玩, k2學左的字過完個暑假分分鐘 ...
明明之前已經識左架la, 但好似一片空白咁, 我覺得佢係到迴避緊......., 寫錯左, 擦了, 佢又寫返同一個錯位, 如是者來回成5,6次, 唉, 唔係一個字, 係不停都係咁, omg, 用晒我d eq<<<同我而家情況一樣!!
其實如果佢地有心學,我覺得佢地係比一般人學得快!
作者: BigPig阿花 時間: 11-7-21 13:24
學電視廣告就最快la
我而家已經好少比佢睇tv, 佢一有得睇就好入腦, 下下講到似層層, 人地以為佢有睇電視劇tim呀
我已經揀好左架la, 就係5-6樣果間lor, 小班, 希望佢會讀得開心
原帖由 BABY@CHAN 於 11-7-21 12:40 發表
明明之前已經識左架la, 但好似一片空白咁, 我覺得佢係到迴避緊......., 寫錯左, 擦了, 佢又寫返同一個錯位, 如是者來回成5,6次, 唉, 唔係一個字, 係不停都係咁, omg, 用晒我d eq ...
作者: BigPig阿花 時間: 11-7-21 13:29
我仔的情況就係由bb開始冇一覺瞓得長, 人地d初生bb勁瞓, 但佢唔係嘅, 一晚醒幾次, 冇一覺係好長的
一晚醒幾次依個情況去到返左k1之後就好好多了, 可以有一覺8hrs, 中途唔再大喊大叫
果時晚晚都冇覺好瞓左幾年, 而家有時佢玩得太癲半夜都大叫
又係晏晝如果瞓得多大, 成11-12am 先再瞓得著, 我地而家唔理佢, 等佢自己係床玩飽佢, 不過依家好多時都想同我係大床一齊瞓, 多數都比佢瞓著左先的佢入自己房, 同我瞓就快少少瞓著lor, 因為我話再唔瞓著就自己去瞓
原帖由 BABY@CHAN 於 11-7-21 12:36 發表
你睇到"中午"呢2個字,係咪好似好好呢!
但事實上係................
由出世,未滿月,我個女一日只係訓6個鐘!
我同我媽咪輪流通宵湊佢!
當夜晚10點訓,凌晨5點起身;
訓完晏覺,一家到凌晨2-4點先可以訓,甘就到中午... ...
作者: BABY@CHAN 時間: 11-7-21 14:28
原帖由 BigPig阿花 於 11-7-21 05:24 發表
學電視廣告就最快la
我而家已經好少比佢睇tv, 佢一有得睇就好入腦, 下下講到似層層, 人地以為佢有睇電視劇tim呀
我已經揀好左架la, 就係5-6樣果間lor, 小班, 希望佢會讀得開心
...
加油呀^^
作者: BABY@CHAN 時間: 11-7-21 14:30
原帖由 BigPig阿花 於 11-7-21 05:29 發表
我仔的情況就係由bb開始冇一覺瞓得長, 人地d初生bb勁瞓, 但佢唔係嘅, 一晚醒幾次, 冇一覺係好長的
一晚醒幾次依個情況去到返左k1之後就好好多了, 可以有一覺8hrs, 中途唔再大喊大叫
果時晚晚都冇覺好瞓左幾年, 而 ...
雖然我個女未確診,但好明顯我地幾個一模一樣架...
我以前一d黑眼圈都無,而家黑眼圈都唔只,仲加埋眼袋...我地既母愛實在太偉大喇~~~~
作者: Charlotte_mom 時間: 11-7-21 16:59
我仔反而又無訓覺問題, BB已經係, 眼訓就發呆, 會呆好耐, 不過唔會發顛
反而我女細個, 會扭眼訓嚎哭, 好得人驚架!
我仔有樣好難得既"特異功能"就係鐘意睇書, 所以佢認字係超強! 不過寫字就慘, 係要續筆續筆抄, 我初初幾驚佢買一送一, 送埋學障俾我!
上左小學真係好左好多, 初時好似文盲一樣, 之後黎個"一個文字一個故事" (好彩佢認字強至可以用呢招), 就一路有進步, 可以睇睇我另一個分享:
http://forum.edu-kingdom.com/viewthread.php?tid=2295911&extra=page%3D3
原帖由 BABY@CHAN 於 11-7-21 02:30 PM 發表
雖然我個女未確診,但好明顯我地幾個一模一樣架...
我以前一d黑眼圈都無,而家黑眼圈都唔只,仲加埋眼袋...我地既母愛實在太偉大喇~~~~
作者: 依嵐媽媽 時間: 11-7-25 20:34
仔仔都係6歲確診為adhd, 今年升小二, 過去一年是我最傷心一年, 同學校角力令我筋疲力盡, 好開心有其他mami互相share, 我媽咪成日話阿仔唔係adhd, 話係我唔識教
阿仔成日試過被老師投訴佢整親人, 但佢係都話無, 當然對質後, 他承認了, 到返屋企我同C6問佢佢都係話無, 話老師反正都唔信佢, 答左有做就唔使再比老師罰小息
有無mami有經驗教我點做
作者: Charlotte_mom 時間: 11-7-26 10:07
咁你有無從不同方面了解過件事? 我個仔都係咁所以我都有D明, 佢地有時D行為, 自己覺得無問題(例如佢見同學排隊唔夠好會拉拉扯扯叫人排返好D), 雖然佢地出發點係好, 但有時衝突就係咁開始, 老師會話佢唔岩, 佢會覺得好委屈因為老師"屈"佢, 同學仔又可能會覺得佢曳, 咁小朋友會更唔開心
醫生有同我講過, 由於缺乏專注力, 小朋友O係社交INTERACTION之中, 無辦法識別咩係正確既社交行動, 咩叫人地唔鐘意 (NOT TO MENTION過動TIM啦), 而且衝動, 做左至去唸後果, 所以有時的確係要大人去引導佢, 佢至知道自己錯左D咩
如果老師唔係玩針對, 而係仲有計傾既, 試下同老師傾下點去幫佢?
仔仔有無食藥呀, 我仔食左藥之後, 情況好左好多
原帖由 依嵐媽媽 於 11-7-25 08:34 PM 發表
仔仔都係6歲確診為adhd, 今年升小二, 過去一年是我最傷心一年, 同學校角力令我筋疲力盡, 好開心有其他mami互相share, 我媽咪成日話阿仔唔係adhd, 話係我唔識教 阿仔成日試過被老師投訴佢整親人, 但佢係都 ...
作者: BigPig阿花 時間: 11-7-26 12:47
其實大家點睇食藥, 依個係一個好難過的關口
我好想個仔唔使食藥, 但係有時自己幾努力都好, 佢地的問題都依然存在, 阿仔依幾日情緒好高漲, 好難claim down
好似剪紙一樣咁少的事, 到而家都係唔會沿住黑邊外剪, 一剪就係剪黑邊裹面, 真係嘔左10噸血
叫極都唔聽真係好沮喪, 但佢又會做左d令人好出奇的事, 星期日, 我地去參加左個生日會, 佢又同人有推撞, 不過, 有個大個d, 大約8-9歲的哥哥幫手摟波tum小朋友開心, 個哥哥都好辛苦, 招呼咁多細路, 走的時候阿仔走去同個哥哥仔bye bye, 重同佢講, 哥哥辛苦晒你幫我地摟波, 我真係冇諗過佢會識咁講, 在場主角個姑姐聽到重讚阿仔好乖, 我都有讚賞佢, 因為佢真係好窩心
但係一返到屋企, 佢一control唔到自己時......我又沮喪again.........
作者: Charlotte_mom 時間: 11-7-27 10:27
哈哈, 我地d仔都好似
想tum人時, 天上雀仔都可以tum到落黎, 但當佢衝動行事時, 你又好想打佢一身
俾唔俾個仔食藥, 我之前都參考左d意見, side effect最主要係(對某d人, 對我仔幾乎全無影響)食唔落, 訓唔好, 情緒波動大, 同埋之後會矮d(好似2cm, 我覺得唔係big issue喇), 咁衡量過, 我覺得值得食, 最緊要幫到佢, 我自己都觀察到, 佢食左藥, 會肯用腦d(試過無食藥去覆診, 醫生問佢好簡單問題例如你鐘意上咩堂, 我仔就扭扭寧寧話唔知呀, 醫生話, 好明顯無食藥, 都唔想用腦), 小動作少左(多手多腳周圍都想摸果d), 衝動行為都少左, 但又唔係呆, 我仔比較好彩, 第一次試ritalin半粒, 效果已經好理想, 我聽過有d要不停試不停轉, 食左仲衰過唔食, 都幾頭痛
作者: 依嵐媽媽 時間: 11-7-27 22:24 標題: 回復 3# Charlotte_mom 的帖子
爸爸覺得佢習慣否認, 我都不大清楚原因, we try to talk to him in a serious way, hope it can work
我當然希望每次有事老師不是投訴， 而是從中引導，或者是我妙想天開
作者: 依嵐媽媽 時間: 11-7-27 22:41 標題: 回復 3# BigPig阿花 的帖子
初時我同c6都唔想佢食藥, 仔仔之前都有做針灸, 有做Play Therapy, 有上一d EQ小組, 各方面都有進步, 佢食左藥之後, 又無太大影響, 但不過不失, 上興趣班能專注聽老師講, 但亦有d唔好行為出來, 我覺得係因為佢大個左, 要同佢鬥智, in my opinion, 食藥都要加用心管教
side effect方面, 佢未食藥已有睡不好, 食慾差之問題, 感覺沒有太大分別, 醫生話身形小的小朋友side effect特別大
作者: mamakitty 時間: 11-7-31 23:05 標題: 回復 11# BABY@CHAN 的帖子
any suggestion of private Dr, thx
作者: wan_sosin 時間: 11-8-3 00:21
我見過一些文章話ADHD的兒童有些會有咬指甲的行為,我想問下係唔係?
我個仔呢幾個月經常咬指甲,但係佢以前BB時係無呢個習慣,佢無食奶咀,一歲後已唔食手指,到接近三歲才有.
通常佢無事係手就會咬,尤其看電視,或者當我同佢認真講嘢嘅時候.
但我相信,更多時在我看不見他時,他才咬.但瞓覺時佢又唔會.
作者: Charlotte_mom 時間: 11-8-4 17:18
我個仔又無wor.....會唔會係無聊(睇電視時)或者壓力(當講正經野時)
呀, 我估架咋
原帖由 wan_sosin 於 11-8-3 12:21 AM 發表
我見過一些文章話ADHD的兒童有些會有咬指甲的行為,我想問下係唔係?
我個仔呢幾個月經常咬指甲,但係佢以前BB時係無呢個習慣,佢無食奶咀,一歲後已唔食手指,到接近三歲才有.
通常佢無事係手就會咬,尤其看電視,或者當我 ...
作者: wan_sosin 時間: 11-8-4 23:18
文章好似係話,因為呢D小朋友過動,無嘢係手就唔安樂,所以擰手來咬,我唔知係唔係,所以睇下有無其他小朋友係咁.下次呀仔看電視我要試下比D嘢佢擰住,睇下佢仲會唔會咬指甲.
原帖由 Charlotte_mom 於 11-8-4 17:18 發表
我個仔又無wor.....會唔會係無聊(睇電視時)或者壓力(當講正經野時)
呀, 我估架咋
作者: BigPig阿花 時間: 11-8-9 09:38
原帖由 wan_sosin 於 11-8-4 23:18 發表
文章好似係話,因為呢D小朋友過動,無嘢係手就唔安樂,所以擰手來咬,我唔知係唔係,所以睇下有無其他小朋友係咁.下次呀仔看電視我要試下比D嘢佢擰住,睇下佢仲會唔會咬指甲.
...
我個仔有時會無那那成隻手放入口, 同埋成日都周身郁, 我相信都係感覺問題
作者: wan_sosin 時間: 11-8-9 15:46
我個仔周身郁到坐係到連腳指都要郁埋!去游水班第二堂,個教練已經話佢係屋企應該很難湊!
原帖由 BigPig阿花 於 11-8-9 09:38 發表
我個仔有時會無那那成隻手放入口, 同埋成日都周身郁, 我相信都係感覺問題
作者: BigPig阿花 時間: 11-8-10 11:16
原帖由 wan_sosin 於 11-8-9 15:46 發表
我個仔周身郁到坐係到連腳指都要郁埋!去游水班第二堂,個教練已經話佢係屋企應該很難湊!
haha， 協康個姑娘, 阿仔學校老師, 總之接觸佢多的人都同我講, 你仔係屋企好難湊
唉, 成日好聲好氣叫佢停唔聽, 係要人地惡, 惡得多又唔好, 依d先煩, 都唔知點好......
作者: wan_sosin 時間: 11-8-10 14:14
原帖由 BigPig阿花 於 11-8-10 11:16 發表
haha， 協康個姑娘, 阿仔學校老師, 總之接觸佢多的人都同我講, 你仔係屋企好難湊
唉, 成日好聲好氣叫佢停唔聽, 係要人地惡, 惡得多又唔好, 依d先煩, 都唔知點好...... ...
HaHa...
我個仔一模一樣!!
作者: pipi331 時間: 11-8-24 00:16
提示: 作者被禁止或刪除 內容自動屏蔽
作者: BigPig阿花 時間: 11-8-24 13:46
原帖由 pipi331 於 11-8-24 00:16 發表
小朋友難湊, 都要有人湊KA.
返全日制學校人通常都人多, 加上小朋友本身游魂 => 學習進度慢…
小朋友有行為情緒問題, D表現唔討好, 老師未必真系可以由衷接受到呢D小朋友, 一對十幾亦未必兼顧到特殊需要 (普通位, ...
pipi
你冇事呀ma? take care
作者: pipi331 時間: 11-8-25 02:17
提示: 作者被禁止或刪除 內容自動屏蔽
作者: wan_sosin 時間: 11-9-1 23:50
HaHa...
我個仔K1今日第一日正式開學,接放學時,班主任話佢同人打架,已將佢調位!
不過我問返我個仔,話係個小朋友打佢先,而我同佢一齊上適應班時,都覺得個細路幾難攪!見佢多次打佢媽媽!
所以我都信我個仔講嘅嘢!調位都好,我都覺得坐在一起會有麻煩!
只是無想過一開波就發生咁嘅事!
作者: lokhimbb 時間: 11-9-2 10:32
我個囝4歲半確診係ADHD..上堂多言又坐唔定....幼稚園老師都算唔錯...都包容佢...當然都有俾老師罰...有時同同學仔"旭"手"旭"腳...問佢點解...每次都話係個同學打佢先...個囝受唔到一啲挑釁行為...冇忍耐力...經常玩玩吓發脾氣..現正式升小一...第一日老師已經對佢有印象...話佢難集中...多嘢講....其實咁樣真係好影響佢學習...噚日同佢去見何醫生...經問診及同我個囝傾咗一陣之後....結果醫生話佢係混合型...同埋佢出現咗少少對立行為症狀...需要食藥...開咗ritalin 20mg..一日半粒....有效8小時....副作用係...頭痛..腸胃痛..冇胃口..失眠等等...但每個人唔同...今日第一日食藥...8號覆診...其實行依一步..我同老公都討論咗好耐....之前老公十萬個唔願意個囝食藥...因發覺佢越嚟越明顯同好反抗...襯同個囝感情未出現問題前...搵適合嘅治療俾佢...醫生話早發現..早醫治...對雙方都好...到8-9歲先攪..好難攪...醫生話我個囝情況並唔差...噚日見完醫生到依家..我喊咗幾次...我其實真係唔想佢食藥...但行為治療幫唔到佢...唔係咁...我可以點...個囝開學後..我食唔落...瞓唔著...瘦咗幾磅....每日都擔心佢返學返成點...就算瞓到...都發夢同佢做功課...希望幫到個囝...希望佢大少少可以控制到就唔駛再食藥....
作者: ikebukuro 時間: 11-9-2 23:28
提示: 作者被禁止或刪除 內容自動屏蔽
作者: pipi331 時間: 11-9-3 01:30
提示: 作者被禁止或刪除 內容自動屏蔽
作者: Capricorn2521 時間: 11-9-3 10:50
聽完你講之後，都想發表一下。
我工人剛回鄉放假一個月，我就快完成全職媽媽的工作了。回顧這一個月，正值暑假，除2/4/6下午有暑假班外，時時刻刻都係要對住亞仔，我現在才感受到全職媽媽的辛苦，加上我平日不用做家務及煮飯，而現在一下子一起做，於是就開始大聲對待亞仔，初初佢都成日"留"計，我吾睬佢，由佢哭，仲會教訓佢，日覆日，我發覺亞仔好似聽話咗，情緒又好咗，我想佢知道我的堅持，"留"計係冇用，原來媽咪係咁惡，所以要聽話。我愈來愈feel到全職媽媽對孩子的重要性，好羨慕那些全職媽媽。
原帖由 pipi331 於 11-9-3 01:30 發表
我仔仲細, 暫時主要系專注力不足+輕度自傾, 希望佢遲D唔好出埋過動, 讀寫.....
私家幼兒導師建議我呢一/二年, 儘量找人(包括自己)夾實個仔的自理&學習, 找個儘量少干擾的環境, 一對一夾個仔坐定定做嘢; E.G. 食晚飯 ...
| 歡迎光臨 教育王國 (/) |
Powered by Discuz! X1.5 |