教育王國

標題: 阿女學公文數學到喊, 係米要同佢轉學其他呀 [打印本頁]

作者: bobo620 時間: 11-7-9 14:55 標題: 阿女學公文數學到喊, 係米要同佢轉學其他呀

佢成日同我講佢唔識計, 一見到份功課就喊, 點算?

作者: Mighty 時間: 11-7-9 18:36

我個女都学緊公文数、我都覚得有個問題就係公文主要是不断地練習、但如果小朋友本身唔識計練習上的数、公文的導師又没有時間教得好、咁就会有問題。　　一係MUMMY花時間教下、小朋友明白後、譲他自己再做練習。　但問題如果是覚得公文的不断重複另小朋友覚得悶、可考慮数研、OR　ENOPI　ETC.　　不過無論那一様都不応該give up easily.

作者: coolkid 時間: 11-7-10 12:59

我個仔二月開始學公民, 因為佢本身鍾意數, 所以學得好開心, 我完全無理或無教佢....
其實學係咁, 一定要操, 唔同中英, 就算你轉其他; 如enopi, 珠心算等都一樣...
最重要係你ah 囡有無興趣? 如果無, 何必要啃錢參加呢?

原帖由 bobo620 於 11-7-9 14:55 發表
佢成日同我講佢唔識計, 一見到份功課就喊, 點算?

作者: raychok 時間: 11-7-10 16:48

我個大女都有學公文數, 但係成日都係重覆又重覆, 我覺得係迫小朋友死記咁

作者: mio8390 時間: 11-7-10 21:55

公文的學習方式是以大量密集和重複做練習的形式學習，我是不太同意，這樣有機會會嚇怕小朋友，令他們不想讀書。

作者: share123 時間: 11-7-11 09:51 標題: 回復 1# bobo620 的帖子

你小朋友幾大呀? 頭半年難捱d,後來就會好順利架喇,呢個階段最緊要幫多d

作者: topkidsmom 時間: 11-7-11 10:19 標題: 回復 6# bobo620 的帖子

亞囝以前都學過 KUMON, 但次次叫佢做都發晒脾氣, 但因為成績有進步, 所以拉鋸咗一段時間。最後佢喊晒話真係唔想再做, 終於幫佢轉咗 E.nopi, 想唔到佢學得咁開心, 尤其是 critical 果 part 仲自動自覺攞嚟做, 早知早 D 同佢轉啦!

作者: bb.chy 時間: 11-7-11 15:03

其實, 你要知道為何要返Kumon呢? 她計得慢, 唔識計, 唔理解, 你要找出原因, 才可對症下藥.

如果, 你一心想佢喜歡計數的話, 唔一定要返kumon. 你可以在假期時間同佢玩下趣味數學遊戲, 在愉快的空間下, 我相信你囡囡和你都會開心一點.

因為學kumon是一個不斷計的重覆動作, 比較機械式. 當然, 囡囡喜歡挑戰的話, 就會好有效.

記得囡囡小時候, 好多家長都幫小朋友報讀kumon, 想她/他們計數快, 成績好. 我都有左思右想, 好唔好幫囡囡報讀呢?! 因為囡囡數學好差, 好多時都唔合格. 最後, 我放棄唔諗kumon, 試下自己得閑同佢玩下數學遊戲. 直至今天我囡囡都沒有返過kumon, 現在還喜歡計數, 雖然唔係好快好快, 但她喜歡和明白數學, 不抗拒數學.

作者: share123 時間: 11-7-11 15:55

原帖由 bobo620 於 11-7-9 14:55 發表
佢成日同我講佢唔識計, 一見到份功課就喊, 點算?

其實,系forum度一般都看到好多對於kumon既批評,但的確仍然有好多人讀,做家長的應該自己衡量是否適合子女囉. 我阿女克服左頭半年之後,依家K3畢業,做到除數(連餘數)喇,計數仲快過我,舊年K3最厲害有人學到分數添呀

作者: spk 時間: 11-7-11 16:03

我個仔都讀公民式數及英文, 數科亦去到c教材, 但今個月我都決定取消不讀數料, 因為教材太悶, 每次叫仔做佢都十萬個不想, 亦不想因為要佢做功課是破壞親子關係.

本人覺得每天做而且重複又重複, 內容沒有新意, 亦不給小朋友思考時間, 簡直是培訓他們成為一個計算機器

但他已打好了加減數基礎, 所以我轉了去讀奧數. 奧數大家有何意見呢?

作者: mio8390 時間: 11-7-11 17:48

如果是三四年級或以上，讀奧數會好些，訓練靈活思考，但太細個就可能不太適合。

原帖由 spk 於 11-7-11 16:03 發表
我個仔都讀公民式數及英文, 數科亦去到c教材, 但今個月我都決定取消不讀數料, 因為教材太悶, 每次叫仔做佢都十萬個不想, 亦不想因為要佢做功課是破壞親子關係.

本人覺得每天做而且重複又重複, 內容沒有新意, 亦不給 ...

作者: 熙媽媽 時間: 11-7-11 19:46

同意。

原帖由 bb.chy 於 11-7-11 15:03 發表
其實, 你要知道為何要返Kumon呢? 她計得慢, 唔識計, 唔理解, 你要找出原因, 才可對症下藥.

如果, 你一心想佢喜歡計數的話, 唔一定要返kumon. 你可以在假期時間同佢玩下趣味數學遊戲, 在愉快的空間下, 我相信你囡囡 ...

作者: 熙媽媽 時間: 11-7-11 19:58

認識唔同朋友，有朋友囡囡細細個已讀到除數，媽媽開心，小朋友有自信心，不錯，不錯。

有朋友囝囝小學數學差，無晒自信，佢媽媽比佢讀公文數，由於公文重重覆操練，小朋友慢慢計得快，信心都返埋嚟，不錯，不錯。(不過小朋友唔怕數之後朋友就無再要小朋友學啦)

我自己覺得公文重覆計算，比較機械化，唔係個個小朋友都啱。如果小朋友唔適合呢種方法，反而令佢唔怕左數學就得不償失。

其實數學除左計得快，用唔同方法計到一條數都幾重要，否則上到高班會「誤」以為自己計數好，個時先發現自己想得唔夠多就遲啦！

作者: share123 時間: 11-7-12 11:28

我都有打算下一步俾阿女學奧數呀,坊間d奧數班,1年級開始上. 其實,依家好多centre都開幼兒奧數架,真系唔明d小朋友點學到呢

作者: Radiomama 時間: 11-7-12 11:34

Agree!!!

數學可以好好玩! 家長切勿藥石亂投。

原帖由 bb.chy 於 11-7-11 15:03 發表
其實, 你要知道為何要返Kumon呢? 她計得慢, 唔識計, 唔理解, 你要找出原因, 才可對症下藥.

如果, 你一心想佢喜歡計數的話, 唔一定要返kumon. 你可以在假期時間同佢玩下趣味數學遊戲, 在愉快的空間下, 我相信你囡囡 ...

作者: bb.chy 時間: 11-7-12 11:51

其實, 計得慢都沒問題, 為何要好快呢? 計到超晒班, 就代表好勁咩!? 可能我不太應同, 我比較喜歡慢慢細心地去做好, 將來一定會有得著. 另外, 家長們可能會擔心要應付考試分秒必爭, 可以慢慢計咩? 其實, 可以在考試前2-3星期操練時, 留意時間的分配便可. 有時唔可以太心急, 要學習慢慢享受過程先至係人生. 太急太快是現代都市病態令到小朋友讓讓都做到似打風, 好嗎?

作者: Charlotte_mom 時間: 11-7-12 14:50

數學都有好多種, 有kumon, 學林, e nopi, 奧數, kiwi等, 每一種都有佢地既特色
如果小朋友上完課, 連作業都唔識做(唔係唔肯做係唔識做), 你唔覺得個課堂唔適合女女嗎? o係決定學邊種數之前, 應該先處理左究竟女女問題o係邊度先

作者: spk 時間: 11-7-12 15:38

本人亦非常不認同公民要求小朋友快, 一見題目就要知答案, 事實上亦無必要計得咁快. 明白, 懂得計算及運用已很足夠..

作者: ha! 時間: 11-8-13 01:54

提示: 作者被禁止或刪除內容自動屏蔽

作者: piggypigbaby 時間: 11-8-13 20:10

提示: 作者被禁止或刪除內容自動屏蔽

作者: vincher 時間: 11-8-14 15:40 標題: 阿女學公文數學到喊, 係米要同佢轉學其他呀

原帖由 bobo620 於 11-7-9 14:55 發表
佢成日同我講佢唔識計, 一見到份功課就喊, 點算?

別嚇怕她了！從生活應用入手，例：買東西時，叫她簡單運算……讚賞……建立信心後，才報其他數學課程(千萬別算公文，她已恐懼)
以前我為兒子選珠心算，覺得先掌握+ - & 乘除(因有實質數珠，容易些)，才學其他

作者: mickeycc 時間: 11-8-25 15:46

提示: 作者被禁止或刪除內容自動屏蔽

作者: Aurea 時間: 11-9-1 21:47

我囡個時都係咁, 頭兩個月返公文都無咩特別, 但漸漸就提唔起勁, 一見公文數就好抗拒, 每次叫佢做都好勞氣, 夾硬要佢做我又覺得無意思, 次次都喊晒, 最後我怕佢連做自己功課都抗拒, 所以好快cut 左 ; 之後d 數我同老公自己慢慢教佢, 佢而家都ok wor, 都識計出嚟 ; 講真, 我唔需要咩超越學年個d, 只求佢真係明白同識計, 仲要唔好抗拒學習就得喇

作者: poonbb 時間: 11-9-2 10:44

我囝都係6歲. 現在讀kumon (Level C),但現升小一, 數學用英文數, 唔知係唔係改讀 Enopi 適合D? 有讀過 Enopi 數的家長給點意見. Thanks.

作者: SAMMYHO42 時間: 11-9-2 17:02 標題: 回覆 22# mickeycc 的文章

提示: 作者被禁止或刪除內容自動屏蔽

作者: ahhlunnn 時間: 11-9-2 17:35

提示: 作者被禁止或刪除內容自動屏蔽

歡迎光臨教育王國 (/)