教育王國
標題: 真心求助:關於聖母小學.. [打印本頁]
作者: hahahaking 時間: 11-7-8 09:28 標題: 真心求助:關於聖母小學..
真心求助:關於聖母小學..
(1) 係咪傳統學校?
(2) d科讀高一級果隻?
(3) 家課量? 默書測驗考試量?
(4) 升中情況? 幾多%入讀聖母書院?
作者: AA 時間: 11-8-3 23:46
(1) 係傳統學校
(2) 數學
(3) 家課量? 都唔少, 但可以應付
默書測驗考試量? 默書:中英每星期各一次
測驗考試, 上下學期各3次
(4) 升中情況? 幾多%入讀聖母書院?未留意
我囡今年升小四, 佢讀得好開心, 老師及修女好有愛心.
作者: 方圓圓 時間: 11-9-23 10:10
我見到聖母小學外面新掛左一張橫額,話佢地係全港小學派位成績最好一間,排第一位.喺佢校網到話94%派到第一志願,99%派頭三志願.嘩!咁既成績真係令人好振奮,估唔到聖母可以靜靜雞叻過咁多名校.
佢地話聖母中學每年都會留番85%學位比小學.所以第日我幫個女擇學校都會進取些.
作者: k_lego 時間: 12-5-30 02:03 標題: 引用：我見到聖母小學外面新掛左一張橫額,話佢地
原帖由 方圓圓 於 11-09-23 發表
我見到聖母小學外面新掛左一張橫額,話佢地係全港小學派位成績最好一間,排第一位.喺佢校網到話94%派到第一志 ...
作者: w.ling 時間: 12-6-25 13:27
佢d校內考試測驗都幾深架, 試過全班最叻個個, 英文都係得7x分.
根本校內成績唔會好高分既情況下, 考外面既學校亦會難d.
變相有d會迫左家長揀原校升中.
功課量, 唔同班有唔同既功課量, 某d班可以手冊內, 一日寫滿哂, 仲要係唔夠位寫.
我唔知係咪級級都係啦, 我眼見認識既, 讀緊高年級既, 開學後差唔多成個月, 先返正常時間, 令到d書又教唔切, 之後就好趕.
有消息指, 我冇查證, 大家可以搵下....
有人話佢近呢幾年既中學部, 冇人入到大學喎...
其實我都想知係真係假!
另一方面, 以前中學不嬲都係搵返sister做校長, 但好似今年定最近, 居然出post請外人做校長... 其實有d奇怪... 我都好想八下, 唔知咩原因.
雖然呢d係中學部既事, 但揀得有中小學部既, 都係希望可以一條龍直上.
當年我同家姐都係讀聖母, 自己都好鍾意聖母, 我自己成績都唔係好, 但佢地真係好有愛心, 會諗辦法去幫我, 但家下已經唔同哂呢, 將來我個女揀幼稚園都唔會揀聖母讀, 詳情我唔想係到好似唱衰間學校咁, 總之佢地有d老師玩針對, 令我對佢地好好好失望!
作者: rainbowcov 時間: 12-7-5 10:01
w.ling 發表於 12-6-25 13:27 
佢d校內考試測驗都幾深架, 試過全班最叻個個, 英文都係得7x分.
根本校內成績唔會好高分既情況下, 考外面既 ...
當年我同家姐都係讀聖母, 自己都好鍾意聖母, 我自己成績都唔係好, 但佢地真係好有愛心, 會諗辦法去幫我, 但家下已經唔同哂呢, 將來我個女揀幼稚園都唔會揀聖母讀, 詳情我唔想係到好似唱衰間學校咁, 總之佢地有d老師玩針對, 令我對佢地好好好失望!
作者: w.ling 時間: 12-7-11 17:20
rainbowcov 發表於 12-7-5 10:01
你意思係針對 d差的學生?
係...
其實家下搞到個小朋友情緒都有問題.
我家下都有左bb, 都係囡黎, 佢直頭同我講, 叫我將來唔好俾佢讀聖母.
連小朋友既家庭醫生聽完都睇唔過眼, 仲想約見個老師, 仲話可以出信去政府排期睇心理醫生.
d老師唔識尊重小朋友及家長,
有錯係要鬧, 但唔代表不留自尊去鬧人,
少少事就去"till tick"個小朋友,
家長約見老師, 想分享返小朋友既家庭狀況, 此終小朋友既性格, 個個都唔同麻, 冇可能一條formula可以對哂每一位小朋友. 但老師根本唔聽家長既說話.
家庭一直唔complain到去教統局等等, 唔係因為怕事, 係因為小朋友六年班, 又怕影響佢升中,
作者: rainbowcov 時間: 12-7-12 10:28
w.ling 發表於 12-7-11 17:20
係...
其實家下搞到個小朋友情緒都有問題.
我家下都有左bb, 都係囡黎, 佢直頭同我講, 叫我將來唔好俾佢讀 ...
作者: 方圓圓 時間: 12-7-17 14:30
只係因為成績差就針對學生,咁年年班班都有成績差的學生喎,點針對得咁多呢?
作者: Amy2002 時間: 12-7-17 14:36
我就唔覺得老師針對成績差的學生,相反,我覺得老師特別照顧成績差的學生.
作者: k_lego 時間: 12-7-30 00:54 標題: 引用：Quote:rainbowcov+發表於+12-7-5+10:01+你
原帖由 w.ling 於 12-07-11 發表
係...
其實家下搞到個小朋友情緒都有問題.
我家下都有左bb, 都係囡黎, 佢直頭同我講, 叫我將來唔好俾佢讀 ...
作者: hellocatcat 時間: 12-9-14 21:49
Thanks for sharing~!
作者: w.ling 時間: 12-10-1 09:27 標題: 引用：Quote:原帖由+w.ling+於+12-07-11+發表係..
原帖由 k_lego 於 12-07-30 發表
你仲有同學校老師聯絡？點解佢會叫你不要選聖母？不過針對and唔尊重家長係堅既，小學訓導試過話我麻無禮貌 ...
作者: w.ling 時間: 12-10-1 09:29 標題: 引用：Quote:原帖由+w.ling+於+12-07-11+發表係..
原帖由 k_lego 於 12-07-30 發表
你仲有同學校老師聯絡？點解佢會叫你不要選聖母？不過針對and唔尊重家長係堅既，小學訓導試過話我麻無禮貌 ...
作者: w.ling 時間: 12-10-1 09:32 標題: 引用：我就唔覺得老師針對成績差的學生,相反,我覺
原帖由 Amy2002 於 12-07-17 發表
我就唔覺得老師針對成績差的學生,相反,我覺得老師特別照顧成績差的學生.
作者: k_lego 時間: 12-10-1 12:24
w.ling 發表於 12-10-1 09:27
小朋友係聖母讀得好唔開心，所以唔鍾意呢間學校，所以叫我將來囡囡唔好讀呢間囉。
...
作者: w.ling 時間: 12-10-1 22:48 標題: 引用：Quote:w.ling+發表於+12-10-1+09:27+小朋友
原帖由 k_lego 於 12-10-01 發表
我都係讀得唔開心,所以冇同個女簡番呢間!!
作者: Smallpigbb 時間: 12-10-7 22:09 標題: 回覆：真心求助:關於聖母小學..
但去講座時校长講到好有热成爱心辦學，而且又有家长分享得好好，其實如果话對成绩唔好o既学生差o甘同谷o既资助学校無分别，你俩位家长可以分享o下嘛?因爲真系唔想帮小朋友選错学校。
谢谢
作者: onepiece 時間: 12-10-8 01:07 標題: 回覆：真心求助:關於聖母小學..
我們其實無可能知道事情的全部，不過學校這麼多老師，再好的學校，我們也不能確保每個老師的行為都如我們所原。
不個我以前是慈幼會學校的學生，可以分享小小的個人體會。不知你有無留意，母幼會/慈幼會學校的修女/神父往往是住在學校內，學校其實就是他/她們的家，學生就如他/她們的家人，這種家的culture,從神父/修女感染到上上下下的師長和同工以及學生，令學校有種舒服和親切的感覺。
其實聖母我都只是去過兩次，第一次是交表的時候，從收表的職員和幾個學生的對答，覺得她們的關係很好,這種關係未必可從大多學校找到。第二次是面試那天，太太讚賞的其中一件事，就是廁所非常非常清潔，有人話，要知一間學校的好或壞，看看厠所已可略知一二（點解？想想吧。我到過一間千禧校舍，校舍新，但廁所嚇壞人了！）。
老師在家長面前，多數是很nice的,但實際是怎樣，我們往往不知道，不過從女兒in完GH後的對答卻使我有另一番體會。大家都知GH校舍超大超舒服，十個小孩十個都喜歡，當我們問到女兒的時候，她説：「喜歡（GH),不過喜歡聖母多D。」她這答案，令我們非常差異（後來她説了一些她看到的事，我們才知多一點，不過這只是小孩的看法，不在這裏詳説吧）。
我們無法知道學校的全部，也無法確保現或以後的老師全都非常關愛學生，唯有相信自己和女兒的感覺吧：）。
作者: Smallpigbb 時間: 12-10-8 07:28 標題: 回覆：真心求助:關於聖母小學..
其實我同老公都分别系慈幼會学校讀過書，所以聽完简介會有點亲切亦有觉得没大改变，校长很好说教不错，但主要系想知道老师是否没爱心，講真我经常跟女兒说小學老师同幼稚園老师很不同會嚴历些。
因爲之前上面有些家长這樣说想了解清楚，至于你说gh我亦有朋友在這里讀，觉得sister俾聖母严厉得多。
作者: 方圓圓 時間: 12-10-10 18:43
本帖最後由 方圓圓 於 12-10-10 18:48 編輯
onepiece 講得很好,很客觀.最好的學校都會有不好的老師,相反最差的學校往往有些有理想,有愛心的老師.我們無法可以肯定自己的女兒從一年級到六年級遇到所有老師都是好的.不過,我就覺得要看看那間學校的大方向,如果領導人是有愛心的,相信老師也不會太過份.
我仔仔讀的那間學校,老師就較冷漠,你最好不要煩他,課室每天好似墟咁,每日回家,仔仔就說老師又罵這個又罵那個,嘈到不得了.唉,我都不知仔仔怎樣上課.但女女回家就不同,她說修女常常送禮物給同學,又常常讚她們,對她們很好,
而老師就好主動聯絡我,記得女女讀小一時,班主任打電話給我,我心想:糟糕,不知女女做錯了甚麼,誰知老師是跟我說女女進步了,我聽了都好開心.女女每天都會講學校發生的事給我聽,又會畫畫或寫字條給老師,我發覺師生關係好close,雖然她都有個別不喜歡的老師,但都讀得很開心,我常常跟她說,沒有可能每位老師你都喜歡的,相比之下,我仔仔平時就沒有跟老師交流,他說他的老師不會跟他們閒談.
或者有得比較吧,所以我覺得聖母是不錯的學校,即使不是全部,但我相信大部分的老師都很有愛心,我沒有後悔給女兒選讀這間學校.
作者: sokmum 時間: 12-10-11 09:45
回復 方圓圓 的帖子
謝謝
分享
作者: Jasmine77 時間: 12-10-18 20:41
聖母D修女的確係仁慈D,一D都唔惡,我個女成日話小息時同修女聊天,又隨時同校長修女講野,一D都唔驚修女.囡囡仲成日話D修女好好人.
作者: stacylo 時間: 12-10-18 23:14
第三年入讀聖母小學
,小女亦培養了懂得感恩、性格樂觀、品格優良，心地善良的女孩, 亦深深感受到「愛的教育」修女和[url=http://adex.baby-kingdom.com/www/delivery/ck.php?bannerid=591]老師
[/url]都很關愛孩子!
| 歡迎光臨 教育王國 (/) |
Powered by Discuz! X1.5 |